דברי הימים א׳ 28:4

תנ ך עברי מודרני

ויבחר יהוה אלהי ישראל בי מכל בית אבי להיות למלך על ישראל לעולם כי ביהודה בחר לנגיד ובבית יהודה בית אבי ובבני אבי בי רצה להמליך על כל ישראל׃

משאבים נוספים

פסוקים מקושרים

  • דה״א 5:2 : 2 כי יהודה גבר באחיו ולנגיד ממנו והבכרה ליוסף׃
  • שמ״א 16:1 : 1 ¶ ויאמר יהוה אל שמואל עד מתי אתה מתאבל אל שאול ואני מאסתיו ממלך על ישראל מלא קרנך שמן ולך אשלחך אל ישי בית הלחמי כי ראיתי בבניו לי מלך׃
  • שמ״א 16:6-9 : 6 ויהי בבואם וירא את אליאב ויאמר אך נגד יהוה משיחו׃ 7 ויאמר יהוה אל שמואל אל תבט אל מראהו ואל גבה קומתו כי מאסתיהו כי לא אשר יראה האדם כי האדם יראה לעינים ויהוה יראה ללבב׃ 8 ויקרא ישי אל אבינדב ויעברהו לפני שמואל ויאמר גם בזה לא בחר יהוה׃ 9 ויעבר ישי שמה ויאמר גם בזה לא בחר יהוה׃ 10 ויעבר ישי שבעת בניו לפני שמואל ויאמר שמואל אל ישי לא בחר יהוה באלה׃ 11 ויאמר שמואל אל ישי התמו הנערים ויאמר עוד שאר הקטן והנה רעה בצאן ויאמר שמואל אל ישי שלחה וקחנו כי לא נסב עד באו פה׃ 12 וישלח ויביאהו והוא אדמוני עם יפה עינים וטוב ראי ויאמר יהוה קום משחהו כי זה הוא׃ 13 ויקח שמואל את קרן השמן וימשח אתו בקרב אחיו ותצלח רוח יהוה אל דוד מהיום ההוא ומעלה ויקם שמואל וילך הרמתה׃
  • בר׳ 49:8-9 : 8 יהודה אתה יודוך אחיך ידך בערף איביך ישתחוו לך בני אביך׃ 9 גור אריה יהודה מטרף בני עלית כרע רבץ כאריה וכלביא מי יקימנו׃ 10 לא יסור שבט מיהודה ומחקק מבין רגליו עד כי יבא שילה ולו יקהת עמים׃
  • דה״א 17:23 : 23 ועתה יהוה הדבר אשר דברת על עבדך ועל ביתו יאמן עד עולם ועשה כאשר דברת׃
  • דה״א 17:27 : 27 ועתה הואלת לברך את בית עבדך להיות לעולם לפניך כי אתה יהוה ברכת ומברך לעולם׃
  • תה׳ 18:19 : 19 ויוציאני למרחב יחלצני כי חפץ בי׃
  • תה׳ 60:7 : 7 לי גלעד ולי מנשה ואפרים מעוז ראשי יהודה מחקקי׃
  • תה׳ 78:68-72 : 68 ויבחר את שבט יהודה את הר ציון אשר אהב׃ 69 ויבן כמו רמים מקדשו כארץ יסדה לעולם׃ 70 ויבחר בדוד עבדו ויקחהו ממכלאת צאן׃ 71 מאחר עלות הביאו לרעות ביעקב עמו ובישראל נחלתו׃ 72 וירעם כתם לבבו ובתבונות כפיו ינחם׃
  • תה׳ 89:16-27 : 16 בשמך יגילון כל היום ובצדקתך ירומו׃ 17 כי תפארת עזמו אתה וברצנך תרים קרננו׃ 18 כי ליהוה מגננו ולקדוש ישראל מלכנו׃ 19 אז דברת בחזון לחסידיך ותאמר שויתי עזר על גבור הרימותי בחור מעם׃ 20 מצאתי דוד עבדי בשמן קדשי משחתיו׃ 21 אשר ידי תכון עמו אף זרועי תאמצנו׃ 22 לא ישא אויב בו ובן עולה לא יעננו׃ 23 וכתותי מפניו צריו ומשנאיו אגוף׃ 24 ואמונתי וחסדי עמו ובשמי תרום קרנו׃ 25 ושמתי בים ידו ובנהרות ימינו׃ 26 הוא יקראני אבי אתה אלי וצור ישועתי׃ 27 אף אני בכור אתנהו עליון למלכי ארץ׃
  • תה׳ 108:8 : 8 לי גלעד לי מנשה ואפרים מעוז ראשי יהודה מחקקי׃
  • תה׳ 147:10-11 : 10 לא בגבורת הסוס יחפץ לא בשוקי האיש ירצה׃ 11 רוצה יהוה את יראיו את המיחלים לחסדו׃
  • עבר 7:14 : 14 כי גלוי לכל אשר אדנינו זרח מיהודה מן השבט אשר משה לא דבר אליו דבר על הכהנה׃
  • שמ״א 26:1 : 1 ¶ ויבאו הזפים אל שאול הגבעתה לאמר הלוא דוד מסתתר בגבעת החכילה על פני הישימן׃
  • שמ״ב 7:8-9 : 8 ועתה כה תאמר לעבדי לדוד כה אמר יהוה צבאות אני לקחתיך מן הנוה מאחר הצאן להיות נגיד על עמי על ישראל׃ 9 ואהיה עמך בכל אשר הלכת ואכרתה את כל איביך מפניך ועשתי לך שם גדול כשם הגדלים אשר בארץ׃ 10 ושמתי מקום לעמי לישראל ונטעתיו ושכן תחתיו ולא ירגז עוד ולא יסיפו בני עולה לענותו כאשר בראשונה׃ 11 ולמן היום אשר צויתי שפטים על עמי ישראל והניחתי לך מכל איביך והגיד לך יהוה כי בית יעשה לך יהוה׃ 12 כי ימלאו ימיך ושכבת את אבתיך והקימתי את זרעך אחריך אשר יצא ממעיך והכינתי את ממלכתו׃ 13 הוא יבנה בית לשמי וכננתי את כסא ממלכתו עד עולם׃ 14 אני אהיה לו לאב והוא יהיה לי לבן אשר בהעותו והכחתיו בשבט אנשים ובנגעי בני אדם׃ 15 וחסדי לא יסור ממנו כאשר הסרתי מעם שאול אשר הסרתי מלפניך׃ 16 ונאמן ביתך וממלכתך עד עולם לפניך כסאך יהיה נכון עד עולם׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • דה״א 28:5-7
    3 פסוקים
    87%

    5ומכל בני כי רבים בנים נתן לי יהוה ויבחר בשלמה בני לשבת על כסא מלכות יהוה על ישראל׃

    6ויאמר לי שלמה בנך הוא יבנה ביתי וחצרותי כי בחרתי בו לי לבן ואני אהיה לו לאב׃

    7והכינותי את מלכותו עד לעולם אם יחזק לעשות מצותי ומשפטי כיום הזה׃

  • מל״א 8:15-17
    3 פסוקים
    82%

    15ויאמר ברוך יהוה אלהי ישראל אשר דבר בפיו את דוד אבי ובידו מלא לאמר׃

    16מן היום אשר הוצאתי את עמי את ישראל ממצרים לא בחרתי בעיר מכל שבטי ישראל לבנות בית להיות שמי שם ואבחר בדוד להיות על עמי ישראל׃

    17ויהי עם לבב דוד אבי לבנות בית לשם יהוה אלהי ישראל׃

  • דה״ב 6:4-8
    5 פסוקים
    80%

    4ויאמר ברוך יהוה אלהי ישראל אשר דבר בפיו את דויד אבי ובידיו מלא לאמר׃

    5מן היום אשר הוצאתי את עמי מארץ מצרים לא בחרתי בעיר מכל שבטי ישראל לבנות בית להיות שמי שם ולא בחרתי באיש להיות נגיד על עמי ישראל׃

    6ואבחר בירושלם להיות שמי שם ואבחר בדויד להיות על עמי ישראל׃

    7ויהי עם לבב דויד אבי לבנות בית לשם יהוה אלהי ישראל׃

    8ויאמר יהוה אל דויד אבי יען אשר היה עם לבבך לבנות בית לשמי הטיבות כי היה עם לבבך׃

  • מל״א 11:34
    78%

    34ולא אקח את כל הממלכה מידו כי נשיא אשתנו כל ימי חייו למען דוד עבדי אשר בחרתי אתו אשר שמר מצותי וחקתי׃

  • מל״א 11:36-38
    3 פסוקים
    77%

    36ולבנו אתן שבט אחד למען היות ניר לדויד עבדי כל הימים לפני בירושלם העיר אשר בחרתי לי לשום שמי שם׃

    37ואתך אקח ומלכת בכל אשר תאוה נפשך והיית מלך על ישראל׃

    38והיה אם תשמע את כל אשר אצוך והלכת בדרכי ועשית הישר בעיני לשמור חקותי ומצותי כאשר עשה דוד עבדי והייתי עמך ובניתי לך בית נאמן כאשר בניתי לדוד ונתתי לך את ישראל׃

  • מל״א 10:9
    77%

    9יהי יהוה אלהיך ברוך אשר חפץ בך לתתך על כסא ישראל באהבת יהוה את ישראל לעלם וישימך למלך לעשות משפט וצדקה׃

  • דה״א 17:7
    77%

    7ועתה כה תאמר לעבדי לדויד כה אמר יהוה צבאות אני לקחתיך מן הנוה מן אחרי הצאן להיות נגיד על עמי ישראל׃

  • דה״ב 9:8
    77%

    8יהי יהוה אלהיך ברוך אשר חפץ בך לתתך על כסאו למלך ליהוה אלהיך באהבת אלהיך את ישראל להעמידו לעולם ויתנך עליהם למלך לעשות משפט וצדקה׃

  • שמ״ב 7:8
    76%

    8ועתה כה תאמר לעבדי לדוד כה אמר יהוה צבאות אני לקחתיך מן הנוה מאחר הצאן להיות נגיד על עמי על ישראל׃

  • דה״א 29:1
    76%

    1¶ ויאמר דויד המלך לכל הקהל שלמה בני אחד בחר בו אלהים נער ורך והמלאכה גדולה כי לא לאדם הבירה כי ליהוה אלהים׃

  • מל״א 2:4
    76%

    4למען יקים יהוה את דברו אשר דבר עלי לאמר אם ישמרו בניך את דרכם ללכת לפני באמת בכל לבבם ובכל נפשם לאמר לא יכרת לך איש מעל כסא ישראל׃

  • מל״א 1:35
    75%

    35ועליתם אחריו ובא וישב על כסאי והוא ימלך תחתי ואתו צויתי להיות נגיד על ישראל ועל יהודה׃

  • מל״א 11:13
    75%

    13רק את כל הממלכה לא אקרע שבט אחד אתן לבנך למען דוד עבדי ולמען ירושלם אשר בחרתי׃

  • שמ״ב 6:21
    75%

    21ויאמר דוד אל מיכל לפני יהוה אשר בחר בי מאביך ומכל ביתו לצות אתי נגיד על עם יהוה על ישראל ושחקתי לפני יהוה׃

  • מל״א 11:32
    75%

    32והשבט האחד יהיה לו למען עבדי דוד ולמען ירושלם העיר אשר בחרתי בה מכל שבטי ישראל׃

  • דה״ב 1:8-9
    2 פסוקים
    74%

    8ויאמר שלמה לאלהים אתה עשית עם דויד אבי חסד גדול והמלכתני תחתיו׃

    9עתה יהוה אלהים יאמן דברך עם דויד אבי כי אתה המלכתני על עם רב כעפר הארץ׃

  • דה״א 14:2
    74%

    2וידע דויד כי הכינו יהוה למלך על ישראל כי נשאת למעלה מלכותו בעבור עמו ישראל׃

  • שמ״ב 5:12
    74%

    12וידע דוד כי הכינו יהוה למלך על ישראל וכי נשא ממלכתו בעבור עמו ישראל׃

  • תה׳ 78:68
    74%

    68ויבחר את שבט יהודה את הר ציון אשר אהב׃

  • דב׳ 18:5
    73%

    5כי בו בחר יהוה אלהיך מכל שבטיך לעמד לשרת בשם יהוה הוא ובניו כל הימים׃

  • תה׳ 135:4
    73%

    4כי יעקב בחר לו יה ישראל לסגלתו׃

  • תה׳ 78:70
    73%

    70ויבחר בדוד עבדו ויקחהו ממכלאת צאן׃

  • שמ״א 2:28
    73%

    28ובחר אתו מכל שבטי ישראל לי לכהן לעלות על מזבחי להקטיר קטרת לשאת אפוד לפני ואתנה לבית אביך את כל אשי בני ישראל׃

  • דה״א 17:10-11
    2 פסוקים
    73%

    10ולמימים אשר צויתי שפטים על עמי ישראל והכנעתי את כל אויביך ואגד לך ובית יבנה לך יהוה׃

    11והיה כי מלאו ימיך ללכת עם אבתיך והקימותי את זרעך אחריך אשר יהיה מבניך והכינותי את מלכותו׃

  • דה״ב 6:10
    73%

    10ויקם יהוה את דברו אשר דבר ואקום תחת דויד אבי ואשב על כסא ישראל כאשר דבר יהוה ואבנה הבית לשם יהוה אלהי ישראל׃

  • דה״א 22:10
    73%

    10הוא יבנה בית לשמי והוא יהיה לי לבן ואני לו לאב והכינותי כסא מלכותו על ישראל עד עולם׃

  • מל״א 8:20
    73%

    20ויקם יהוה את דברו אשר דבר ואקם תחת דוד אבי ואשב על כסא ישראל כאשר דבר יהוה ואבנה הבית לשם יהוה אלהי ישראל׃

  • דה״א 11:2
    73%

    2גם תמול גם שלשום גם בהיות שאול מלך אתה המוציא והמביא את ישראל ויאמר יהוה אלהיך לך אתה תרעה את עמי את ישראל ואתה תהיה נגיד על עמי ישראל׃

  • דב׳ 10:15
    73%

    15רק באבתיך חשק יהוה לאהבה אותם ויבחר בזרעם אחריהם בכם מכל העמים כיום הזה׃

  • מל״א 1:20
    73%

    20ואתה אדני המלך עיני כל ישראל עליך להגיד להם מי ישב על כסא אדני המלך אחריו׃

  • שמ״ב 7:11
    73%

    11ולמן היום אשר צויתי שפטים על עמי ישראל והניחתי לך מכל איביך והגיד לך יהוה כי בית יעשה לך יהוה׃

  • מל״א 9:5
    72%

    5והקמתי את כסא ממלכתך על ישראל לעלם כאשר דברתי על דוד אביך לאמר לא יכרת לך איש מעל כסא ישראל׃

  • דה״א 28:2
    72%

    2ויקם דויד המלך על רגליו ויאמר שמעוני אחי ועמי אני עם לבבי לבנות בית מנוחה לארון ברית יהוה ולהדם רגלי אלהינו והכינותי לבנות׃

  • שמ״ב 3:10
    72%

    10להעביר הממלכה מבית שאול ולהקים את כסא דוד על ישראל ועל יהודה מדן ועד באר שבע׃

  • מל״א 2:15
    72%

    15ויאמר את ידעת כי לי היתה המלוכה ועלי שמו כל ישראל פניהם למלך ותסב המלוכה ותהי לאחי כי מיהוה היתה לו׃

  • תה׳ 132:13
    72%

    13כי בחר יהוה בציון אוה למושב לו׃

  • מל״א 5:5
    72%

    5והנני אמר לבנות בית לשם יהוה אלהי כאשר דבר יהוה אל דוד אבי לאמר בנך אשר אתן תחתיך על כסאך הוא יבנה הבית לשמי׃

  • שמ״א 12:13
    72%

    13ועתה הנה המלך אשר בחרתם אשר שאלתם והנה נתן יהוה עליכם מלך׃