פטרוס א׳ 3:15

תנ ך עברי מודרני

את יהוה אלהים אתו תקדישו בלבבכם והיו נכנים תמיד להשיב דבר בענוה וביראה לכל שאל אתכם חשבון התוחלת אשר בקרבכם׃

משאבים נוספים

פסוקים מקושרים

  • קול 4:6 : 6 דבריכם יהיו נעימים בכל עת וממלחים במלח למען תדעו להשיב דבר לכל אדם׃
  • טימ״ב 2:25-26 : 25 ומיסר בנמיכות רוח את המתנגדים אולי יתן האלהים בלבבם לשוב להכרת האמת׃ 26 ויעירו ממוקשי השטן אשר צדם בהם לרצונו׃
  • לוק 21:14-15 : 14 על כן שיתו לבבכם לבלתי דאג במה תצטדקו׃ 15 כי אנכי נתן לכם פה וחכמה אשר לא יוכלו לעמד לפניה ולדבר נגדה כל מתקוממיכם׃
  • עבר 6:1 : 1 ¶ על כן בעזב כעת ראשית דבר המשיח נעבר אל השלמות ולא נשוב לשית יסודי התשובה ממעשי מות והאמונה באלהים׃
  • פט״א 3:2 : 2 בראותם כי תצנענה לכת ביראה׃
  • עבר 6:18-19 : 18 למען על פי שני דברים בלתי משתנים אשר חלילה לאלהים לשקר בם יהיה לנו אשר נסנו עליו זרוז גדול לאחז בתקוה הנתונה לפנינו׃ 19 אשר היא לנפשנו לעוגין נכון וחזק ומגיע אל מבית לפרכת׃
  • מע״ש 4:8-9 : 8 וימלא פטרוס רוח הקדש ויאמר אליהם אתם ראשי העם וזקני ישראל׃ 9 אם אנחנו נחקרים היום על הטובה אשר עשינו לאיש חולה ושאלתם במה זה נושע׃ 10 יודע לכלכם ולכל עם ישראל כי בשם ישוע המשיח הנצרי אשר צלבתם אותו ואשר האלהים הקימו מן המתים כי בשמו עמד זה לפניכם בריא׃ 11 והוא האבן אשר מאסתם אתם הבונים ותהי לראש פנה׃ 12 ואין הישועה באחר ואין תחת השמים שם אחר הנתן לבני אדם אשר בו נושע׃
  • פט״א 1:17 : 17 ואם אב תקראו לאלהים השפט בבלי משא פנים כפי מעללי איש ואיש התהלכו נא ביראה בימי מגוריכם׃
  • מע״ש 5:29-31 : 29 ויען פטרוס והשליחים ויאמרו הלא עלינו להקשיב בקול אלהים מהקשיב בקול בני אדם׃ 30 אלהי אבותינו הקים את ישוע אשר שלחתם ידכם בו ותתלו אותו על העץ׃ 31 את זה נשא האלהים בימינו לשר ולמושיע לתת תשובה לישראל וסליחת החטאים׃
  • מע״ש 21:39-22:5 : 39 ויאמר פולוס איש יהודי אנכי מטרסוס בן עיר קיליקיא אשר איננה בלי שם ועתה אשאלה מאתך הניחה לי לדבר אל העם׃ 40 וינח לו ויעמד פולוס על המעלות הניף ידו אל העם ותהי דממה רבה וידבר בלשון עברית ויאמר׃ 1 ¶ אנשים אחים ואבות שמעו נא את דברי התנצלותי אליכם׃ 2 ויהי כשמעם כי הוא מדבר אליהם בלשון עברית ויחשו עוד יותר׃ 3 ויאמר איש יהודי אנכי נולד בטרסוס אשר בקיליקיא ומגדל בעיר הזאת לרגלי גמליאל ומלמד לפי דקדוקי תורת אבותינו ואהי מקנא לאלהים כמוכם כלכם היום׃ 4 וארדף את הדרך הזאת עד מות ואהי אסר ומסגיר לכלא אנשים ונשים׃ 5 כאשר גם יעיד עלי הכהן הגדול וכל בית הזקנים אשר מהם לקחתי מכתבים ואלך אל האחים לדמשק לאסר אף את הנמצאים שמה להביאם ירושלים למען יוסרו׃
  • קול 1:5 : 5 בעבור התקוה הצפונה לכם בשמים ונודעתם לכם מקדם בדבר אמת הבשורה׃
  • קול 1:23 : 23 אם תעמדו מיסדים ונכונים באמונה ולא תזועו מתוחלת הבשורה אשר שמעתם ואשר נשמעה לכל הנברא תחת השמים ואני פולוס הייתי לה למשרת׃
  • קול 1:27 : 27 אשר רצה האלהים להודיעם אי זה הוא עשר כבוד הסוד ההוא בגוים והוא המשיח אשר בכם אשר הוא תקות הכבוד׃
  • במ׳ 20:12 : 12 ויאמר יהוה אל משה ואל אהרן יען לא האמנתם בי להקדישני לעיני בני ישראל לכן לא תביאו את הקהל הזה אל הארץ אשר נתתי להם׃
  • שמ״א 12:7 : 7 ועתה התיצבו ואשפטה אתכם לפני יהוה את כל צדקות יהוה אשר עשה אתכם ואת אבותיכם׃
  • תה׳ 119:46 : 46 ואדברה בעדתיך נגד מלכים ולא אבוש׃
  • יש׳ 29:23 : 23 כי בראתו ילדיו מעשה ידי בקרבו יקדישו שמי והקדישו את קדוש יעקב ואת אלהי ישראל יעריצו׃
  • יר׳ 26:12-16 : 12 ויאמר ירמיהו אל כל השרים ואל כל העם לאמר יהוה שלחני להנבא אל הבית הזה ואל העיר הזאת את כל הדברים אשר שמעתם׃ 13 ועתה היטיבו דרכיכם ומעלליכם ושמעו בקול יהוה אלהיכם וינחם יהוה אל הרעה אשר דבר עליכם׃ 14 ואני הנני בידכם עשו לי כטוב וכישר בעיניכם׃ 15 אך ידע תדעו כי אם ממתים אתם אתי כי דם נקי אתם נתנים עליכם ואל העיר הזאת ואל ישביה כי באמת שלחני יהוה עליכם לדבר באזניכם את כל הדברים האלה׃ 16 ויאמרו השרים וכל העם אל הכהנים ואל הנביאים אין לאיש הזה משפט מות כי בשם יהוה אלהינו דבר אלינו׃
  • עמ׳ 7:14-17 : 14 ויען עמוס ויאמר אל אמציה לא נביא אנכי ולא בן נביא אנכי כי בוקר אנכי ובולס שקמים׃ 15 ויקחני יהוה מאחרי הצאן ויאמר אלי יהוה לך הנבא אל עמי ישראל׃ 16 ועתה שמע דבר יהוה אתה אמר לא תנבא על ישראל ולא תטיף על בית ישחק׃ 17 לכן כה אמר יהוה אשתך בעיר תזנה ובניך ובנתיך בחרב יפלו ואדמתך בחבל תחלק ואתה על אדמה טמאה תמות וישראל גלה יגלה מעל אדמתו׃
  • מתי 10:18-20 : 18 ולפני משלים ומלכים תובאו למעני לעדות להם ולגוים׃ 19 וכי ימסרו אתכם אל תדאגו איך ומה תדברו כי ינתן לכם בשעה ההיא את אשר תדברו׃ 20 כי לא אתם הם המדברים כי רוח אביכם הוא המדבר בפיכם׃
  • פט״א 1:3-4 : 3 ברוך האלהים אבי אדנינו ישוע המשיח אשר כרב רחמיו שב והוליד אתנו לתקוה חיה בהקמת ישוע המשיח מעם המתים׃ 4 לנחלה אשר לא תשחת ולא תגאל ולא תבל הצפונה בשמים לכם׃
  • פט״א 3:4 : 4 כי אם האדם הצפון פנימה ברוח ענוה והשקט אשר לא יכלה ויקר הוא בעיני אלהים׃
  • טיט 1:2 : 2 עלי תקות חיי העולם אשר הבטיח לפני ימות עולם האל אשר לא ישקר׃
  • עבר 3:6 : 6 אבל המשיח הוא הבן על ביתו ואנחנו ביתו אם נחזיק בבטחון ובתהלת התקוה ולא נרפנה עד הקץ׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • פט״א 3:16-17
    2 פסוקים
    80%

    16רוח שלמה תהי לכם למען יבשו המנאצים דרככם הטובה במשיח בהלשינם אתכם כפעלי און׃

    17כי טוב לכם אם חפץ אלהים הוא אשר תענו בעשותכם הטוב משתענו בעשותכם רע׃

  • פט״א 3:14
    77%

    14אבל אשריכם גם אם תענו למען הצדקה אך מוראם לא תיראו ולא תעריצו׃

  • פט״א 3:2-5
    4 פסוקים
    76%

    2בראותם כי תצנענה לכת ביראה׃

    3ופארכן אל יהי מבחוץ במחלפות שער ועדי זהב ולבישת מחלצים׃

    4כי אם האדם הצפון פנימה ברוח ענוה והשקט אשר לא יכלה ויקר הוא בעיני אלהים׃

    5כי כן התקשטו לפנים גם הנשים הקדשות המיחלות לאלהים בהכנען לפני בעליהן׃

  • פט״א 1:13-17
    5 פסוקים
    75%

    13לכן חגרו מתני שכלכם התעוררו וקוו קוה לחסד אשר יבואכם בהתגלות ישוע המשיח׃

    14כבני משמעת אל תתנהגו בתאות אשר התאויתם בעוד היותכם בבלי דעת׃

    15כי אם היו קדשים בכל דרכיכם כאשר קדוש הוא אשר קרא אתכם׃

    16כי על כן כתוב והייתם קדשים כי קדוש אני׃

    17ואם אב תקראו לאלהים השפט בבלי משא פנים כפי מעללי איש ואיש התהלכו נא ביראה בימי מגוריכם׃

  • קול 4:6
    74%

    6דבריכם יהיו נעימים בכל עת וממלחים במלח למען תדעו להשיב דבר לכל אדם׃

  • פט״א 2:12-13
    2 פסוקים
    74%

    12והיטיבו דרככם בגוים למען יביטו אל מעשיכם הטובים והיה תחת אשר חרפו אתכם כפעלי און יכבדו את האלהים ביום הפקדה׃

    13והכנעו לכל פקדת אדם בגלל האדון אם למלך כראוי לראש׃

  • לוק 21:14
    73%

    14על כן שיתו לבבכם לבלתי דאג במה תצטדקו׃

  • תס״א 3:13
    72%

    13ויכונן את לבבכם להיות תמים בקדשה לפני אלהינו אבינו בבוא ישוע המשיח אדנינו עם כל קדשיו׃

  • טיט 2:7-8
    2 פסוקים
    72%

    7ובכל דבר היה אתה למופת במעשים טובים בהוראה צרופה ונהדרה׃

    8ובדבר בריא ומום אין בו למען יבוש המתקומם ולא ימצא לדבר עליכם רע׃

  • פט״א 2:15
    72%

    15כי כן הוא חפץ אלהים אשר בעשותכם הטוב תסכרו את פי אולת האנשים אשר אין בם דעת׃

  • פט״א 3:8-9
    2 פסוקים
    72%

    8וסוף דבר היו כלכם לב אחד בעלי חמלה אהבי האחים רחמנים ומתקבלים על הבריות׃

    9אל תשלמו רעה תחת רעה או חרפה תחת חרפה כי אם תברכו מדעתכם כי לזאת נקראתם למען תירשו את הברכה׃

  • פט״ב 3:14
    72%

    14על כן אהובים אשר לאלה חכיתם שקדו להמצא לפניו בשלום נקים וזכים מפשע׃

  • טיט 3:1-2
    2 פסוקים
    71%

    1¶ הזכר אתם להכנע ולשמע לשרים ולשלטונים ולהיות נכונים לכל מעשה טוב׃

    2ולבלתי גדף אדם ולחדל מריב ולהכריע לכף זכות ולהתנהג בכל ענוה לפני כל אדם׃

  • תס״ב 1:5
    71%

    5לאות צדקת משפט אלהים למען תמצאו ראוים למלכות האלהים אשר בעבורה גם תענו׃

  • פט״א 1:21-22
    2 פסוקים
    71%

    21המאמינים על פיו באלהים אשר הקים אתו מעם המתים ויתן לו כבוד למען היות אמונתכם גם תקוה לאלהים׃

    22זכו את נפשתיכם על ידי הרוח בשמעכם בקול האמת לאהבת אחים בלא חנפה ואהבתם איש את רעהו אהבה חזקה בלב טהור׃

  • פט״ב 3:11
    70%

    11ועתה אם כל אלה ימוגו מה מאד חיבים אתם להתהלך בקדשה ובחסידות׃

  • פט״א 4:16
    70%

    16ואם יענה כאחד המשיחיים אל יבוש כי אם יודה לאלהים על הדבר הזה׃

  • פיל 2:15
    70%

    15למען תהיו נקיים וטהורים בני אלהים לא מום בם בתוך דור עקש ופתלתל אשר תאירו ביניהם כמאורת בעולם׃

  • פיל 1:27-28
    2 פסוקים
    70%

    27רק חתנהגו כראוי לבשורת המשיח למען אשמע עליכם אם בבואי לראותכם אם בהיותי רחוק כי קימים אתם ברוח אחת ועזרים אתי בנפש אחת להלחם בעד אמונת הבשורה׃

    28ואינכם חרדים מאומה מפני המתקוממים אשר זאת להם אות לאבדם ולכם לישועתכם ומאת האלהים היא׃

  • פיל 4:5
    70%

    5ענות רוחכם תודע לכל איש קרב הוא האדון׃

  • פט״א 1:6
    70%

    6אשר בה תגילו אתם המתעצבים עתה מעט לפי הצרך במסת שנות׃

  • פט״א 4:13
    70%

    13כי אם שמחו על אשר חלק לכם בענויי המשיח למען גם תשמחו ותעלצו בהגלות כבודו׃

  • פט״א 5:9
    70%

    9ועמדתם נגדו חזקים באמונה ודעו כי ענוים כאלה באו גם על אחיכם אשר בעולם׃

  • פט״א 2:17
    70%

    17נהגו כבוד בכל איש אהבו את האחים יראו את אלהים כבדו את המלך׃

  • קור״ב 6:3
    70%

    3ואין אנחנו נתנים מכשול במאומה פן יהיה שרותנו לנאצה׃

  • תס״א 5:23
    70%

    23והוא אלהי השלום יקדש אתכם קדשה שלמה וכל רוחכם ונפשכם וגופכם ישמר תמים בבוא אדנינו ישוע המשיח׃

  • יוח״א 3:3
    69%

    3וכל אשר לו תקוה כזאת יטהר את עצמו כאשר טהור גם הוא׃

  • יעק׳ 3:13
    69%

    13מי בכם חכם ונבון יראה בדרכו הטובה את מעשיו בענות החכמה׃

  • רומ 15:13
    69%

    13ואלהי התקוה הוא ימלא אתכם כל שמחה ושלום באמונה למען תעדף תקותכם בגבורת רוח הקדש׃

  • מע״ש 24:16
    69%

    16ובזאת גם עמלתי להיות תמים לב לאלהים ולאדם תמיד׃

  • טימ״א 4:12
    69%

    12אל יבוז איש את בחורותיך אך היה מופת למאמינים בדבור במעשה באהבה ברוח באמונה ובטהרה׃

  • אפס 6:5
    69%

    5שמעו עבדים אל אדניכם לפי הבשר ביראה ורתת ובתם לבבכם כמו למשיח׃

  • קור״א 9:3
    69%

    3וזאת התנצלותי כנגד הדנים אותי׃

  • קול 3:22
    69%

    22העבדים שמעו בכל דבר אל אדניכם לפי הבשר לא בעבודה למראה העין כמבקשי חן בני אדם כי אם בתם לבב כיראי האלהים׃

  • קור״א 16:13
    69%

    13שקדו ועמדו באמונה התאששו והתחזקו׃

  • תס״ב 3:5
    69%

    5והאדון הוא יישר את לבבכם לאהבת האלהים ולסבלנות המשיח׃