דברי הימים ב׳ 2:13

תנ ך עברי מודרני

ועתה שלחתי איש חכם יודע בינה לחורם אבי׃

משאבים נוספים

פסוקים מקושרים

  • דה״ב 4:16 : 16 ואת הסירות ואת היעים ואת המזלגות ואת כל כליהם עשה חורם אביו למלך שלמה לבית יהוה נחשת מרוק׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • דה״ב 2:14-16
    3 פסוקים
    85%

    14בן אשה מן בנות דן ואביו איש צרי יודע לעשות בזהב ובכסף בנחשת בברזל באבנים ובעצים בארגמן בתכלת ובבוץ ובכרמיל ולפתח כל פתוח ולחשב כל מחשבת אשר ינתן לו עם חכמיך וחכמי אדני דויד אביך׃

    15ועתה החטים והשערים השמן והיין אשר אמר אדני ישלח לעבדיו׃

    16ואנחנו נכרת עצים מן הלבנון ככל צרכך ונביאם לך רפסדות על ים יפו ואתה תעלה אתם ירושלם׃

  • דה״ב 2:7-12
    6 פסוקים
    84%

    7ועתה שלח לי איש חכם לעשות בזהב ובכסף ובנחשת ובברזל ובארגון וכרמיל ותכלת וידע לפתח פתוחים עם החכמים אשר עמי ביהודה ובירושלם אשר הכין דויד אבי׃

    8ושלח לי עצי ארזים ברושים ואלגומים מהלבנון כי אני ידעתי אשר עבדיך יודעים לכרות עצי לבנון והנה עבדי עם עבדיך׃

    9ולהכין לי עצים לרב כי הבית אשר אני בונה גדול והפלא׃

    10והנה לחטבים לכרתי העצים נתתי חטים מכות לעבדיך כרים עשרים אלף ושערים כרים עשרים אלף ויין בתים עשרים אלף ושמן בתים עשרים אלף׃

    11ויאמר חורם מלך צר בכתב וישלח אל שלמה באהבת יהוה את עמו נתנך עליהם מלך׃

    12ויאמר חורם ברוך יהוה אלהי ישראל אשר עשה את השמים ואת הארץ אשר נתן לדויד המלך בן חכם יודע שכל ובינה אשר יבנה בית ליהוה ובית למלכותו׃

  • דה״ב 2:3
    77%

    3וישלח שלמה אל חורם מלך צר לאמר כאשר עשית עם דויד אבי ותשלח לו ארזים לבנות לו בית לשבת בו׃

  • מל״א 5:1-2
    2 פסוקים
    76%

    1¶ וישלח חירם מלך צור את עבדיו אל שלמה כי שמע כי אתו משחו למלך תחת אביהו כי אהב היה חירם לדוד כל הימים׃

    2וישלח שלמה אל חירם לאמר׃

  • מל״א 7:13-14
    2 פסוקים
    76%

    13וישלח המלך שלמה ויקח את חירם מצר׃

    14בן אשה אלמנה הוא ממטה נפתלי ואביו איש צרי חרש נחשת וימלא את החכמה ואת התבונה ואת הדעת לעשות כל מלאכה בנחשת ויבוא אל המלך שלמה ויעש את כל מלאכתו׃

  • דה״א 14:1
    74%

    1¶ וישלח חירם מלך צר מלאכים אל דויד ועצי ארזים וחרשי קיר וחרשי עצים לבנות לו בית׃

  • מל״א 5:5-10
    6 פסוקים
    74%

    5והנני אמר לבנות בית לשם יהוה אלהי כאשר דבר יהוה אל דוד אבי לאמר בנך אשר אתן תחתיך על כסאך הוא יבנה הבית לשמי׃

    6ועתה צוה ויכרתו לי ארזים מן הלבנון ועבדי יהיו עם עבדיך ושכר עבדיך אתן לך ככל אשר תאמר כי אתה ידעת כי אין בנו איש ידע לכרת עצים כצדנים׃

    7ויהי כשמע חירם את דברי שלמה וישמח מאד ויאמר ברוך יהוה היום אשר נתן לדוד בן חכם על העם הרב הזה׃

    8וישלח חירם אל שלמה לאמר שמעתי את אשר שלחת אלי אני אעשה את כל חפצך בעצי ארזים ובעצי ברושים׃

    9עבדי ירדו מן הלבנון ימה ואני אשימם דברות בים עד המקום אשר תשלח אלי ונפצתים שם ואתה תשא ואתה תעשה את חפצי לתת לחם ביתי׃

    10ויהי חירום נתן לשלמה עצי ארזים ועצי ברושים כל חפצו׃

  • שמ׳ 31:2-6
    5 פסוקים
    73%

    2ראה קראתי בשם בצלאל בן אורי בן חור למטה יהודה׃

    3ואמלא אתו רוח אלהים בחכמה ובתבונה ובדעת ובכל מלאכה׃

    4לחשב מחשבת לעשות בזהב ובכסף ובנחשת׃

    5ובחרשת אבן למלאת ובחרשת עץ לעשות בכל מלאכה׃

    6ואני הנה נתתי אתו את אהליאב בן אחיסמך למטה דן ובלב כל חכם לב נתתי חכמה ועשו את כל אשר צויתך׃

  • שמ״ב 5:11
    73%

    11וישלח חירם מלך צר מלאכים אל דוד ועצי ארזים וחרשי עץ וחרשי אבן קיר ויבנו בית לדוד׃

  • דה״א 22:14-15
    2 פסוקים
    73%

    14והנה בעניי הכינותי לבית יהוה זהב ככרים מאה אלף וכסף אלף אלפים ככרים ולנחשת ולברזל אין משקל כי לרב היה ועצים ואבנים הכינותי ועליהם תוסיף׃

    15ועמך לרב עשי מלאכה חצבים וחרשי אבן ועץ וכל חכם בכל מלאכה׃

  • מל״א 9:27
    72%

    27וישלח חירם באני את עבדיו אנשי אניות ידעי הים עם עבדי שלמה׃

  • שמ׳ 35:31-35
    5 פסוקים
    71%

    31וימלא אתו רוח אלהים בחכמה בתבונה ובדעת ובכל מלאכה׃

    32ולחשב מחשבת לעשת בזהב ובכסף ובנחשת׃

    33ובחרשת אבן למלאת ובחרשת עץ לעשות בכל מלאכת מחשבת׃

    34ולהורת נתן בלבו הוא ואהליאב בן אחיסמך למטה דן׃

    35מלא אתם חכמת לב לעשות כל מלאכת חרש וחשב ורקם בתכלת ובארגמן בתולעת השני ובשש וארג עשי כל מלאכה וחשבי מחשבת׃

  • מל״א 9:14
    70%

    14וישלח חירם למלך מאה ועשרים ככר זהב׃

  • דה״ב 4:11
    69%

    11ויעש חורם את הסירות ואת היעים ואת המזרקות ויכל חירם לעשות את המלאכה אשר עשה למלך שלמה בבית האלהים׃

  • שמ׳ 36:1-2
    2 פסוקים
    69%

    1¶ ועשה בצלאל ואהליאב וכל איש חכם לב אשר נתן יהוה חכמה ותבונה בהמה לדעת לעשת את כל מלאכת עבדת הקדש לכל אשר צוה יהוה׃

    2ויקרא משה אל בצלאל ואל אהליאב ואל כל איש חכם לב אשר נתן יהוה חכמה בלבו כל אשר נשאו לבו לקרבה אל המלאכה לעשת אתה׃

  • דה״א 29:1-2
    2 פסוקים
    69%

    1¶ ויאמר דויד המלך לכל הקהל שלמה בני אחד בחר בו אלהים נער ורך והמלאכה גדולה כי לא לאדם הבירה כי ליהוה אלהים׃

    2וככל כחי הכינותי לבית אלהי הזהב לזהב והכסף לכסף והנחשת לנחשת הברזל לברזל והעצים לעצים אבני שהם ומלואים אבני פוך ורקמה וכל אבן יקרה ואבני שיש לרב׃

  • מל״א 5:18
    69%

    18ויפסלו בני שלמה ובני חירום והגבלים ויכינו העצים והאבנים לבנות הבית׃

  • דה״ב 8:18
    68%

    18וישלח לו חורם ביד עבדיו אוניות ועבדים יודעי ים ויבאו עם עבדי שלמה אופירה ויקחו משם ארבע מאות וחמשים ככר זהב ויביאו אל המלך שלמה׃

  • מל״א 3:12
    67%

    12הנה עשיתי כדבריך הנה נתתי לך לב חכם ונבון אשר כמוך לא היה לפניך ואחריך לא יקום כמוך׃

  • דה״ב 34:11
    67%

    11ויתנו לחרשים ולבנים לקנות אבני מחצב ועצים למחברות ולקרות את הבתים אשר השחיתו מלכי יהודה׃

  • דה״ב 8:2
    67%

    2והערים אשר נתן חורם לשלמה בנה שלמה אתם ויושב שם את בני ישראל׃

  • דה״א 22:2
    66%

    2ויאמר דויד לכנוס את הגרים אשר בארץ ישראל ויעמד חצבים לחצוב אבני גזית לבנות בית האלהים׃

  • דה״א 8:5
    66%

    5וגרא ושפופן וחורם׃

  • מל״א 9:11
    66%

    11חירם מלך צר נשא את שלמה בעצי ארזים ובעצי ברושים ובזהב לכל חפצו אז יתן המלך שלמה לחירם עשרים עיר בארץ הגליל׃

  • מל״ב 22:6
    66%

    6לחרשים ולבנים ולגדרים ולקנות עצים ואבני מחצב לחזק את הבית׃