דברי הימים ב׳ 29:27

תנ ך עברי מודרני

ויאמר חזקיהו להעלות העלה להמזבח ובעת החל העולה החל שיר יהוה והחצצרות ועל ידי כלי דויד מלך ישראל׃

משאבים נוספים

פסוקים מקושרים

  • דה״ב 23:18 : 18 וישם יהוידע פקדת בית יהוה ביד הכהנים הלוים אשר חלק דויד על בית יהוה להעלות עלות יהוה ככתוב בתורת משה בשמחה ובשיר על ידי דויד׃
  • תה׳ 136:1 : 1 ¶ הודו ליהוה כי טוב כי לעולם חסדו׃
  • תה׳ 137:3-4 : 3 כי שם שאלונו שובינו דברי שיר ותוללינו שמחה שירו לנו משיר ציון׃ 4 איך נשיר את שיר יהוה על אדמת נכר׃
  • דה״ב 7:3 : 3 וכל בני ישראל ראים ברדת האש וכבוד יהוה על הבית ויכרעו אפים ארצה על הרצפה וישתחוו והודות ליהוה כי טוב כי לעולם חסדו׃
  • דה״ב 20:21 : 21 ויועץ אל העם ויעמד משררים ליהוה ומהללים להדרת קדש בצאת לפני החלוץ ואמרים הודו ליהוה כי לעולם חסדו׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • דה״ב 29:28-32
    5 פסוקים
    84%

    28וכל הקהל משתחוים והשיר משורר והחצצרות מחצצרים הכל עד לכלות העלה׃

    29וככלות להעלות כרעו המלך וכל הנמצאים אתו וישתחוו׃

    30ויאמר יחזקיהו המלך והשרים ללוים להלל ליהוה בדברי דויד ואסף החזה ויהללו עד לשמחה ויקדו וישתחוו׃

    31ויען יחזקיהו ויאמר עתה מלאתם ידכם ליהוה גשו והביאו זבחים ותודות לבית יהוה ויביאו הקהל זבחים ותודות וכל נדיב לב עלות׃

    32ויהי מספר העלה אשר הביאו הקהל בקר שבעים אילים מאה כבשים מאתים לעלה ליהוה כל אלה׃

  • דה״ב 29:25-26
    2 פסוקים
    84%

    25ויעמד את הלוים בית יהוה במצלתים בנבלים ובכנרות במצות דויד וגד חזה המלך ונתן הנביא כי ביד יהוה המצוה ביד נביאיו׃

    26ויעמדו הלוים בכלי דויד והכהנים בחצצרות׃

  • דה״ב 31:2-3
    2 פסוקים
    77%

    2ויעמד יחזקיהו את מחלקות הכהנים והלוים על מחלקותם איש כפי עבדתו לכהנים וללוים לעלה ולשלמים לשרת ולהדות ולהלל בשערי מחנות יהוה׃

    3ומנת המלך מן רכושו לעלות לעלות הבקר והערב והעלות לשבתות ולחדשים ולמעדים ככתוב בתורת יהוה׃

  • דה״ב 7:6-7
    2 פסוקים
    76%

    6והכהנים על משמרותם עמדים והלוים בכלי שיר יהוה אשר עשה דויד המלך להדות ליהוה כי לעולם חסדו בהלל דויד בידם והכהנים מחצצרים נגדם וכל ישראל עמדים׃

    7ויקדש שלמה את תוך החצר אשר לפני בית יהוה כי עשה שם העלות ואת חלבי השלמים כי מזבח הנחשת אשר עשה שלמה לא יכול להכיל את העלה ואת המנחה ואת החלבים׃

  • דה״ב 29:35-36
    2 פסוקים
    75%

    35וגם עלה לרב בחלבי השלמים ובנסכים לעלה ותכון עבודת בית יהוה׃

    36וישמח יחזקיהו וכל העם על ההכין האלהים לעם כי בפתאם היה הדבר׃

  • דה״א 13:8
    75%

    8ודויד וכל ישראל משחקים לפני האלהים בכל עז ובשירים ובכנרות ובנבלים ובתפים ובמצלתים ובחצצרות׃

  • דה״א 15:28
    74%

    28וכל ישראל מעלים את ארון ברית יהוה בתרועה ובקול שופר ובחצצרות ובמצלתים משמעים בנבלים וכנרות׃

  • עז׳ 3:10
    74%

    10ויסדו הבנים את היכל יהוה ויעמידו הכהנים מלבשים בחצצרות והלוים בני אסף במצלתים להלל את יהוה על ידי דויד מלך ישראל׃

  • דה״ב 29:20-21
    2 פסוקים
    73%

    20וישכם יחזקיהו המלך ויאסף את שרי העיר ויעל בית יהוה׃

    21ויביאו פרים שבעה ואילים שבעה וכבשים שבעה וצפירי עזים שבעה לחטאת על הממלכה ועל המקדש ועל יהודה ויאמר לבני אהרן הכהנים להעלות על מזבח יהוה׃

  • דה״א 15:16
    73%

    16ויאמר דויד לשרי הלוים להעמיד את אחיהם המשררים בכלי שיר נבלים וכנרות ומצלתים משמיעים להרים בקול לשמחה׃

  • דה״ב 30:21
    73%

    21ויעשו בני ישראל הנמצאים בירושלם את חג המצות שבעת ימים בשמחה גדולה ומהללים ליהוה יום ביום הלוים והכהנים בכלי עז ליהוה׃

  • דה״ב 23:18
    73%

    18וישם יהוידע פקדת בית יהוה ביד הכהנים הלוים אשר חלק דויד על בית יהוה להעלות עלות יהוה ככתוב בתורת משה בשמחה ובשיר על ידי דויד׃

  • דה״ב 5:12-13
    2 פסוקים
    73%

    12והלוים המשררים לכלם לאסף להימן לידתון ולבניהם ולאחיהם מלבשים בוץ במצלתים ובנבלים וכנרות עמדים מזרח למזבח ועמהם כהנים למאה ועשרים מחצררים בחצצרות׃

    13ויהי כאחד למחצצרים ולמשררים להשמיע קול אחד להלל ולהדות ליהוה וכהרים קול בחצצרות ובמצלתים ובכלי השיר ובהלל ליהוה כי טוב כי לעולם חסדו והבית מלא ענן בית יהוה׃

  • דה״ב 20:28
    72%

    28ויבאו ירושלם בנבלים ובכנרות ובחצצרות אל בית יהוה׃

  • דה״ב 32:12
    72%

    12הלא הוא יחזקיהו הסיר את במתיו ואת מזבחתיו ויאמר ליהודה ולירושלם לאמר לפני מזבח אחד תשתחוו ועליו תקטירו׃

  • דה״ב 33:16
    72%

    16ויכן את מזבח יהוה ויזבח עליו זבחי שלמים ותודה ויאמר ליהודה לעבוד את יהוה אלהי ישראל׃

  • מל״ב 16:12-13
    2 פסוקים
    72%

    12ויבא המלך מדמשק וירא המלך את המזבח ויקרב המלך על המזבח ויעל עליו׃

    13ויקטר את עלתו ואת מנחתו ויסך את נסכו ויזרק את דם השלמים אשר לו על המזבח׃

  • דה״א 21:26
    72%

    26ויבן שם דויד מזבח ליהוה ויעל עלות ושלמים ויקרא אל יהוה ויענהו באש מן השמים על מזבח העלה׃

  • שמ״ב 6:5
    71%

    5ודוד וכל בית ישראל משחקים לפני יהוה בכל עצי ברושים ובכנרות ובנבלים ובתפים ובמנענעים ובצלצלים׃

  • דה״א 16:40
    71%

    40להעלות עלות ליהוה על מזבח העלה תמיד לבקר ולערב ולכל הכתוב בתורת יהוה אשר צוה על ישראל׃

  • מל״ב 16:15
    71%

    15ויצוהו המלך אחז את אוריה הכהן לאמר על המזבח הגדול הקטר את עלת הבקר ואת מנחת הערב ואת עלת המלך ואת מנחתו ואת עלת כל עם הארץ ומנחתם ונסכיהם וכל דם עלה וכל דם זבח עליו תזרק ומזבח הנחשת יהיה לי לבקר׃

  • מל״א 8:62
    71%

    62והמלך וכל ישראל עמו זבחים זבח לפני יהוה׃

  • תה׳ 150:3
    70%

    3הללוהו בתקע שופר הללוהו בנבל וכנור׃

  • שמ׳ 40:27
    70%

    27ויקטר עליו קטרת סמים כאשר צוה יהוה את משה׃

  • תה׳ 51:19
    70%

    19אז תחפץ זבחי צדק עולה וכליל אז יעלו על מזבחך פרים׃

  • דה״א 16:4
    70%

    4ויתן לפני ארון יהוה מן הלוים משרתים ולהזכיר ולהודות ולהלל ליהוה אלהי ישראל׃

  • דה״א 22:1
    70%

    1¶ ויאמר דויד זה הוא בית יהוה האלהים וזה מזבח לעלה לישראל׃

  • ויק׳ 9:16
    70%

    16ויקרב את העלה ויעשה כמשפט׃

  • דה״ב 7:4
    70%

    4והמלך וכל העם זבחים זבח לפני יהוה׃

  • נח׳ 12:27
    70%

    27ובחנכת חומת ירושלם בקשו את הלוים מכל מקומתם להביאם לירושלם לעשת חנכה ושמחה ובתודות ובשיר מצלתים נבלים ובכנרות׃

  • שמ״ב 6:15
    70%

    15ודוד וכל בית ישראל מעלים את ארון יהוה בתרועה ובקול שופר׃

  • דה״ב 31:11
    70%

    11ויאמר יחזקיהו להכין לשכות בבית יהוה ויכינו׃

  • דנ׳ 3:5
    70%

    5בעדנא די תשמעון קל קרנא משרוקיתא קיתרס סבכא פסנתרין סומפניה וכל זני זמרא תפלון ותסגדון לצלם דהבא די הקים נבוכדנצר מלכא׃

  • תה׳ 98:6
    70%

    6בחצצרות וקול שופר הריעו לפני המלך יהוה׃

  • ויק׳ 9:13
    70%

    13ואת העלה המציאו אליו לנתחיה ואת הראש ויקטר על המזבח׃

  • דה״ב 29:18
    70%

    18ויבואו פנימה אל חזקיהו המלך ויאמרו טהרנו את כל בית יהוה את מזבח העולה ואת כל כליו ואת שלחן המערכת ואת כל כליו׃

  • דה״א 29:9
    70%

    9וישמחו העם על התנדבם כי בלב שלם התנדבו ליהוה וגם דויד המלך שמח שמחה גדולה׃

  • עז׳ 3:5
    70%

    5ואחריכן עלת תמיד ולחדשים ולכל מועדי יהוה המקדשים ולכל מתנדב נדבה ליהוה׃

  • יש׳ 37:15
    70%

    15ויתפלל חזקיהו אל יהוה לאמר׃