דברי הימים ב׳ 7:18

תנ ך עברי מודרני

והקימותי את כסא מלכותך כאשר כרתי לדויד אביך לאמר לא יכרת לך איש מושל בישראל׃

משאבים נוספים

פסוקים מקושרים

  • דה״ב 6:16 : 16 ועתה יהוה אלהי ישראל שמר לעבדך דויד אבי את אשר דברת לו לאמר לא יכרת לך איש מלפני יושב על כסא ישראל רק אם ישמרו בניך את דרכם ללכת בתורתי כאשר הלכת לפני׃
  • תה׳ 89:28-40 : 28 לעולם אשמור לו חסדי ובריתי נאמנת לו׃ 29 ושמתי לעד זרעו וכסאו כימי שמים׃ 30 אם יעזבו בניו תורתי ובמשפטי לא ילכון׃ 31 אם חקתי יחללו ומצותי לא ישמרו׃ 32 ופקדתי בשבט פשעם ובנגעים עונם׃ 33 וחסדי לא אפיר מעמו ולא אשקר באמונתי׃ 34 לא אחלל בריתי ומוצא שפתי לא אשנה׃ 35 אחת נשבעתי בקדשי אם לדוד אכזב׃ 36 זרעו לעולם יהיה וכסאו כשמש נגדי׃ 37 כירח יכון עולם ועד בשחק נאמן סלה׃ 38 ואתה זנחת ותמאס התעברת עם משיחך׃ 39 נארתה ברית עבדך חללת לארץ נזרו׃ 40 פרצת כל גדרתיו שמת מבצריו מחתה׃
  • תה׳ 132:11-12 : 11 נשבע יהוה לדוד אמת לא ישוב ממנה מפרי בטנך אשית לכסא לך׃ 12 אם ישמרו בניך בריתי ועדתי זו אלמדם גם בניהם עדי עד ישבו לכסא לך׃
  • יר׳ 33:20-21 : 20 כה אמר יהוה אם תפרו את בריתי היום ואת בריתי הלילה ולבלתי היות יומם ולילה בעתם׃ 21 גם בריתי תפר את דוד עבדי מהיות לו בן מלך על כסאו ואת הלוים הכהנים משרתי׃
  • יר׳ 33:25-26 : 25 כה אמר יהוה אם לא בריתי יומם ולילה חקות שמים וארץ לא שמתי׃ 26 גם זרע יעקוב ודוד עבדי אמאס מקחת מזרעו משלים אל זרע אברהם ישחק ויעקב כי אשוב את שבותם ורחמתים׃
  • שמ״ב 7:13-16 : 13 הוא יבנה בית לשמי וכננתי את כסא ממלכתו עד עולם׃ 14 אני אהיה לו לאב והוא יהיה לי לבן אשר בהעותו והכחתיו בשבט אנשים ובנגעי בני אדם׃ 15 וחסדי לא יסור ממנו כאשר הסרתי מעם שאול אשר הסרתי מלפניך׃ 16 ונאמן ביתך וממלכתך עד עולם לפניך כסאך יהיה נכון עד עולם׃
  • מל״א 9:5 : 5 והקמתי את כסא ממלכתך על ישראל לעלם כאשר דברתי על דוד אביך לאמר לא יכרת לך איש מעל כסא ישראל׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מל״א 9:4-5
    2 פסוקים
    93%

    4ואתה אם תלך לפני כאשר הלך דוד אביך בתם לבב ובישר לעשות ככל אשר צויתיך חקי ומשפטי תשמר׃

    5והקמתי את כסא ממלכתך על ישראל לעלם כאשר דברתי על דוד אביך לאמר לא יכרת לך איש מעל כסא ישראל׃

  • דה״ב 6:15-17
    3 פסוקים
    84%

    15אשר שמרת לעבדך דויד אבי את אשר דברת לו ותדבר בפיך ובידך מלאת כיום הזה׃

    16ועתה יהוה אלהי ישראל שמר לעבדך דויד אבי את אשר דברת לו לאמר לא יכרת לך איש מלפני יושב על כסא ישראל רק אם ישמרו בניך את דרכם ללכת בתורתי כאשר הלכת לפני׃

    17ועתה יהוה אלהי ישראל יאמן דברך אשר דברת לעבדך לדויד׃

  • מל״א 8:24-26
    3 פסוקים
    83%

    24אשר שמרת לעבדך דוד אבי את אשר דברת לו ותדבר בפיך ובידך מלאת כיום הזה׃

    25ועתה יהוה אלהי ישראל שמר לעבדך דוד אבי את אשר דברת לו לאמר לא יכרת לך איש מלפני ישב על כסא ישראל רק אם ישמרו בניך את דרכם ללכת לפני כאשר הלכת לפני׃

    26ועתה אלהי ישראל יאמן נא דבריך אשר דברת לעבדך דוד אבי׃

  • מל״א 2:4
    83%

    4למען יקים יהוה את דברו אשר דבר עלי לאמר אם ישמרו בניך את דרכם ללכת לפני באמת בכל לבבם ובכל נפשם לאמר לא יכרת לך איש מעל כסא ישראל׃

  • שמ״ב 7:10-16
    7 פסוקים
    82%

    10ושמתי מקום לעמי לישראל ונטעתיו ושכן תחתיו ולא ירגז עוד ולא יסיפו בני עולה לענותו כאשר בראשונה׃

    11ולמן היום אשר צויתי שפטים על עמי ישראל והניחתי לך מכל איביך והגיד לך יהוה כי בית יעשה לך יהוה׃

    12כי ימלאו ימיך ושכבת את אבתיך והקימתי את זרעך אחריך אשר יצא ממעיך והכינתי את ממלכתו׃

    13הוא יבנה בית לשמי וכננתי את כסא ממלכתו עד עולם׃

    14אני אהיה לו לאב והוא יהיה לי לבן אשר בהעותו והכחתיו בשבט אנשים ובנגעי בני אדם׃

    15וחסדי לא יסור ממנו כאשר הסרתי מעם שאול אשר הסרתי מלפניך׃

    16ונאמן ביתך וממלכתך עד עולם לפניך כסאך יהיה נכון עד עולם׃

  • יר׳ 33:17
    82%

    17כי כה אמר יהוה לא יכרת לדוד איש ישב על כסא בית ישראל׃

  • מל״א 11:36-39
    4 פסוקים
    81%

    36ולבנו אתן שבט אחד למען היות ניר לדויד עבדי כל הימים לפני בירושלם העיר אשר בחרתי לי לשום שמי שם׃

    37ואתך אקח ומלכת בכל אשר תאוה נפשך והיית מלך על ישראל׃

    38והיה אם תשמע את כל אשר אצוך והלכת בדרכי ועשית הישר בעיני לשמור חקותי ומצותי כאשר עשה דוד עבדי והייתי עמך ובניתי לך בית נאמן כאשר בניתי לדוד ונתתי לך את ישראל׃

    39ואענה את זרע דוד למען זאת אך לא כל הימים׃

  • דה״א 17:9-14
    6 פסוקים
    81%

    9ושמתי מקום לעמי ישראל ונטעתיהו ושכן תחתיו ולא ירגז עוד ולא יוסיפו בני עולה לבלתו כאשר בראשונה׃

    10ולמימים אשר צויתי שפטים על עמי ישראל והכנעתי את כל אויביך ואגד לך ובית יבנה לך יהוה׃

    11והיה כי מלאו ימיך ללכת עם אבתיך והקימותי את זרעך אחריך אשר יהיה מבניך והכינותי את מלכותו׃

    12הוא יבנה לי בית וכננתי את כסאו עד עולם׃

    13אני אהיה לו לאב והוא יהיה לי לבן וחסדי לא אסיר מעמו כאשר הסירותי מאשר היה לפניך׃

    14והעמדתיהו בביתי ובמלכותי עד העולם וכסאו יהיה נכון עד עולם׃

  • דה״א 28:7
    81%

    7והכינותי את מלכותו עד לעולם אם יחזק לעשות מצותי ומשפטי כיום הזה׃

  • דה״ב 7:17
    80%

    17ואתה אם תלך לפני כאשר הלך דויד אביך ולעשות ככל אשר צויתיך וחקי ומשפטי תשמור׃

  • תה׳ 132:11-12
    2 פסוקים
    80%

    11נשבע יהוה לדוד אמת לא ישוב ממנה מפרי בטנך אשית לכסא לך׃

    12אם ישמרו בניך בריתי ועדתי זו אלמדם גם בניהם עדי עד ישבו לכסא לך׃

  • דה״א 22:10
    78%

    10הוא יבנה בית לשמי והוא יהיה לי לבן ואני לו לאב והכינותי כסא מלכותו על ישראל עד עולם׃

  • דה״א 17:7
    78%

    7ועתה כה תאמר לעבדי לדויד כה אמר יהוה צבאות אני לקחתיך מן הנוה מן אחרי הצאן להיות נגיד על עמי ישראל׃

  • מל״א 11:34
    77%

    34ולא אקח את כל הממלכה מידו כי נשיא אשתנו כל ימי חייו למען דוד עבדי אשר בחרתי אתו אשר שמר מצותי וחקתי׃

  • שמ״ב 7:8
    76%

    8ועתה כה תאמר לעבדי לדוד כה אמר יהוה צבאות אני לקחתיך מן הנוה מאחר הצאן להיות נגיד על עמי על ישראל׃

  • מל״א 1:35
    76%

    35ועליתם אחריו ובא וישב על כסאי והוא ימלך תחתי ואתו צויתי להיות נגיד על ישראל ועל יהודה׃

  • מל״ב 21:8
    76%

    8ולא אסיף להניד רגל ישראל מן האדמה אשר נתתי לאבותם רק אם ישמרו לעשות ככל אשר צויתים ולכל התורה אשר צוה אתם עבדי משה׃

  • דה״ב 21:7
    76%

    7ולא אבה יהוה להשחית את בית דויד למען הברית אשר כרת לדויד וכאשר אמר לתת לו ניר ולבניו כל הימים׃

  • שמ״ב 7:25
    76%

    25ועתה יהוה אלהים הדבר אשר דברת על עבדך ועל ביתו הקם עד עולם ועשה כאשר דברת׃

  • דה״ב 33:8
    75%

    8ולא אוסיף להסיר את רגל ישראל מעל האדמה אשר העמדתי לאבתיכם רק אם ישמרו לעשות את כל אשר צויתים לכל התורה והחקים והמשפטים ביד משה׃

  • מל״א 11:12
    75%

    12אך בימיך לא אעשנה למען דוד אביך מיד בנך אקרענה׃

  • תה׳ 89:4
    75%

    4עד עולם אכין זרעך ובניתי לדר ודור כסאך סלה׃

  • מל״א 6:12
    75%

    12הבית הזה אשר אתה בנה אם תלך בחקתי ואת משפטי תעשה ושמרת את כל מצותי ללכת בהם והקמתי את דברי אתך אשר דברתי אל דוד אביך׃

  • יח׳ 37:24
    75%

    24ועבדי דוד מלך עליהם ורועה אחד יהיה לכלם ובמשפטי ילכו וחקתי ישמרו ועשו אותם׃

  • מל״א 1:30
    75%

    30כי כאשר נשבעתי לך ביהוה אלהי ישראל לאמר כי שלמה בנך ימלך אחרי והוא ישב על כסאי תחתי כי כן אעשה היום הזה׃

  • תה׳ 89:36
    75%

    36זרעו לעולם יהיה וכסאו כשמש נגדי׃

  • שמ״ב 3:10
    74%

    10להעביר הממלכה מבית שאול ולהקים את כסא דוד על ישראל ועל יהודה מדן ועד באר שבע׃

  • יר׳ 33:21
    74%

    21גם בריתי תפר את דוד עבדי מהיות לו בן מלך על כסאו ואת הלוים הכהנים משרתי׃

  • דה״ב 13:5
    74%

    5הלא לכם לדעת כי יהוה אלהי ישראל נתן ממלכה לדויד על ישראל לעולם לו ולבניו ברית מלח׃

  • יר׳ 22:30
    74%

    30כה אמר יהוה כתבו את האיש הזה ערירי גבר לא יצלח בימיו כי לא יצלח מזרעו איש ישב על כסא דוד ומשל עוד ביהודה׃