מעשי השליחים 10:16

תנ ך עברי מודרני

וכן היה שלש פעמים והכלי שב והעלה השמימה׃

משאבים נוספים

פסוקים מקושרים

  • בר׳ 41:32 : 32 ועל השנות החלום אל פרעה פעמים כי נכון הדבר מעם האלהים וממהר האלהים לעשתו׃
  • יוח 21:17 : 17 ויאמר אליו פעם שלישית שמעון בן יונה התאהב אתי ויתעצב פטרוס על כי אמר אליו בשלישית התאהב אתי ויאמר אליו אדני את כל אתה יודע וידעת כי אהבתיך ויאמר אליו ישוע רעה את צאני׃
  • קור״ב 13:1 : 1 ¶ זאת הפעם השלישית אשר אבוא אליכם על פי שנים עדים או שלשה עדים יקום כל דבר׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מע״ש 11:3-14
    12 פסוקים
    91%

    3אל אנשים אשר להם ערלה באת ותאכל אתם לחם׃

    4ויחל פטרוס ויספר להם את כל אשר קרהו לאמר׃

    5מתפלל הייתי בעיר יפו וארדם וארא מראה והנה כלי כדמות מטפחת בד גדולה יורד מן השמים ותורד בארבע כנפותיה ותבא עדי׃

    6והסתכלתי בה ואבין וארא את בהמת הארץ ואת החיה ורמש האדמה ועוף השמים׃

    7ואשמע גם קול האמר אלי קום פטרוס זבח ואכל׃

    8ואמר חלילה לי אדני כי כל פגול וטמא לא בא בפי מעולם׃

    9ויענני הקול שנית מן השמים ויאמר את אשר טהר האלהים אתה אל תטמאנו׃

    10וכן היה שלש פעמים והכל שב והעלה השמימה׃

    11והנה כרגע שלשה אנשים עמדים על פתח הבית אשר אנכי שם והמה שלוחים אלי מקסרין׃

    12ויאמר אלי הרוח ללכת אתם ולבלתי התמהמה וילכו אתי גם ששת האחים האלה ונבוא אל בית האיש׃

    13ויגד לנו את אשר ראה המלאך נצב בביתו ואמר אליו שלח אל יפו אנשים וקרא אליך את שמעון המכנה פטרוס׃

    14והוא ידבר אליך דברים אשר תושע בהם אתה וכל ביתך׃

  • מע״ש 10:3-15
    13 פסוקים
    84%

    3ומחזה נראה אליו כשעה התשיעית ליום וירא מלאך אלהים בא אליו פנימה ואמר קרניליוס׃

    4ויבט אליו ויירא ויאמר מה זה אדני ויאמר אליו תפלותיך וצדקותיך עלו לזכרון לפני האלהים׃

    5ועתה שלח לך אנשים אל יפו והבא אליך את שמעון המכנה פטרוס׃

    6הוא מתגורר עם בורסי אחד שמעון שמו אשר ביתו על יד הים הוא יאמר לך את אשר עליך לעשות׃

    7וילך לו המלאך הדבר אל קרניליוס ויקרא אל שנים מעבדי ביתו ואל איש מלחמה אחד ירא אלהים מן העמדים תמיד לפניו לשרתו׃

    8ויספר להם את כל הדברים וישלחם אל יפו׃

    9ויהי ממחרת והמה הלכים בדרך וקרבים לעיר ויעל פטרוס על הגג להתפלל כשעה הששית׃

    10והוא רעב ויתאו לטעם לחם ובהכינם לו נפלה תרדמה עליו׃

    11וירא את השמים נפתחים והנה כלי ירד אליו כדמות מטפחת בד גדולה ויורד בארבע כנפותיו על הארץ׃

    12ובתוכו מכל בהמת הארץ וחיה ורמש ועוף השמים׃

    13ויהי קול אליו לאמר קום פטרוס זבח ואכל׃

    14ויאמר פטרוס חלילה לי אדני כי מעולם לא אכלתי כל פגול וטמא׃

    15ויהי עוד קול אליו פעם שנית לאמר את אשר טהר האלהים אתה אל תטמאנו׃

  • מע״ש 10:17-32
    16 פסוקים
    79%

    17ויהי בהתפעם רוח פטרוס על המראה אשר ראה והנה האנשים השלוחים מאת קרניליוס שאלו לבית שמעון ויעמדו על הפתח׃

    18ויקראו וידרשו היש מתגורר שם שמעון המכנה פטרוס׃

    19ופטרוס עודנו חשב עם לבבו על המראה והרוח אמר אליו הנה שלשה אנשים מבקשים אותך׃

    20לכן קום רד ולכה נא אתם ואל תתמהמה כי אנכי שלחתים׃

    21וירד פטרוס אל האנשים הנשלחים אליו מאת קרניליוס ויאמר אנכי האיש אשר אתם מבקשים למה זה באתם הנה׃

    22ויאמרו קרניליוס שר מאה איש צדיק וירא אלהים ולו שם טוב בכל עם היהודים צוה על פי מלאך קדוש לקרא לך אל ביתו ולשמע דברים מפיך׃

    23ויקרא אתם אליו ויאספם הביתה ויהי ממחרת ויצא פטרוס אתם ומקצת האחים אשר ביפו הלכו עמו׃

    24ולמחרתו באו אל קסרין וקרניליוס מחכה להם ועמו בני משפחתו וקרוביו ומידעיו הנקהלים אליו׃

    25ויהי כבוא פטרוס ויצא קרניליוס לקראתו ויפל לרגליו וישתחו׃

    26ויקם אותו פטרוס ויאמר קום כי גם אני אנוש אנכי׃

    27וידבר אתו ויבא הביתה וימצא רבים נאספים שמה׃

    28ויאמר אליהם אתם ידעתם כי אסור הוא לאיש יהודי להלות ולקרב אל נכרי ואתי הורה אלהים לבלתי אמר חל או טמא על כל אדם׃

    29ובעבור זאת כאשר נקראתי לא נמנעתי מהלך ועתה אשאלכם מדוע קראתם לי׃

    30ויאמר קרניליוס זה ארבעה ימים הייתי צם עד השעה הזאת ובשעה התשיעית התפללתי בתוך ביתי והנה איש נצב לפני בלבוש זהר׃

    31ויאמר קרניליוס נשמעה תפלתך וצדקותיך היו לזכרון לפני האלהים׃

    32ועתה שלח אל יפו וקרא אליך את שמעון המכנה פטרוס מתגורר הוא בבית שמעון הבורסי על הים אשר בבואו ידבר לך׃

  • מע״ש 10:44-46
    3 פסוקים
    71%

    44עוד פטרוס מדבר הדברים האלה ורוח הקדש צלחה על כל השמעים את הדבר׃

    45והמאמינים בני המילה אשר באו את פטרוס השתוממו כי מתנת רוח הקדש נשפכה גם על הגוים׃

    46כי שמעו אתם ממללים בלשנות ומגדלים את האלהים׃

  • מע״ש 12:16
    70%

    16ופטרוס הרבה לדפק ויפתחו ויראהו וישתוממו׃

  • מע״ש 1:9-10
    2 פסוקים
    70%

    9ויהי כדברו זאת העלה והם ראים וישאהו ענן מנגד עיניהם׃

    10ויביטו אחריו השמימה בעברו והנה שני אנשים לבושי בדים נצבים עליהם׃

  • מע״ש 22:17
    70%

    17ויהי בשובי אל ירושלים ואתפלל במקדש ותהי עלי יד יהוה׃

  • מע״ש 2:14
    70%

    14אז יעמד פטרוס ועשתי העשר עמו וישא את קולו וידבר אליהם אנשי יהודה וישבי ירושלים כלכם זאת תודע לכם והאזינו אל דברי׃

  • מע״ש 12:10
    69%

    10ויעברו דרך המשמרת הראשונה והשניה ויבאו עד שער הברזל אשר יצאו בו העירה ויפתח השער לפניהם מאליו ויצאו החוצה וילכו מהלך רחוב אחד והמלאך סר מעליו פתאם׃