מעשי השליחים 13:25

תנ ך עברי מודרני

ויהי ככלות יוחנן את מרוצתו ויאמר למי תחשבוני לא אני הוא כי הנה הוא בא אחרי ואני נקלתי מהתיר את נעלי רגליו׃

משאבים נוספים

פסוקים מקושרים

  • מתי 3:11 : 11 הן אנכי טובל אתכם במים לתשובה והבא אחרי חזק הוא ממני אשר אינני כדי לשאת נעליו והוא יטבל אתכם ברוח הקדש ובאש׃
  • מרק 1:7 : 7 ויקרא לאמר בוא יבא אחרי החזק ממני אשר אינני כדי לכרע ולהתיר את שרוך נעליו׃
  • מע״ש 20:24 : 24 אבל לא אחוש לאחת מהנה וגם נפשי לא יקרה בעיני למען אשלים בשמחה את מרוצתי ואת השרות אשר קבלתי מאת האדון ישוע להעיד על בשורת חסד אליהם׃
  • קור״ב 4:5 : 5 כי לא אתנו מכריזים אנחנו כי אם את המשיח ישוע לאמר הוא האדון ואנחנו עבדיכם למען ישוע׃
  • טימ״ב 4:7 : 7 המלחמה הטובה נלחמתי את המרוצה השלמתי את האמונה שמרתי׃
  • התגל׳ 11:7 : 7 ואחרי השלימם עדותם החיה העלה מן התהום תעשה עמהם מלחמה ותוכל להם והרגתם׃
  • מרק 6:16-28 : 16 וישמע הורדוס ויאמר יוחנן אשר אנכי נשאתי את ראשו מעליו הוא קם מן המתים׃ 17 כי הוא הורודס שלח לתפש את יוחנן ויאסרהו בבית הסהר בגלל הורודיה אשת פילפוס אחיו כי אתה לקח לו לאשה׃ 18 יען אשר אמר יוחנן אל הורדוס אשת אחיך איננה מתרת לך׃ 19 ותשטם אותו הורודיה ותבקש המיתו ולא יכלה׃ 20 כי הורדוס ירא את יוחנן בדעתו כי הוא איש צדיק וקדוש ויגן בעדו והרבה עשה בשמעו אליו ויאהב לשמע אתו׃ 21 ויבא היום המכשר כי הורדוס ביום הלדת אתו עשה משתה לגדוליו ולשרי האלפים ולראשי הגליל׃ 22 ותבא בת הורודיה ותרקד ותיטב בעיני הורדוס ובעיני המסבים עמו ויאמר המלך אל הנערה שאלי ממני את אשר תחפצי ואתן לך׃ 23 וישבע לה לאמר כל אשר תשאלי ממני אתן לך עד חצי מלכותי׃ 24 ותצא ותאמר לאמה מה אשאל ותאמר את ראש יוחנן המטביל׃ 25 ותמהר מאד לבוא אל המלך ותשאל לאמר רצוני אשר תתן לי עתה בקערה את ראש יוחנן המטביל׃ 26 ויתעצב המלך מאד אך בעבור השבועה והמסבים עמו לא רצה להשיב פניה׃ 27 ומיד שלח המלך אחד הטבחים ויצוהו להביא את ראשו׃ 28 וילך ויכרת את ראשו בבית הסהר ויביאהו בקערה ויתנהו לנערה והנערה נתנה אתו אל אמה׃
  • לוק 3:15-16 : 15 ויהי כאשר חכה העם וכלם חשבים בלבם לאמר אולי יוחנן הוא המשיח׃ 16 ויען יוחנן ויאמר לכלם הן אני טובל אתכם במים אבל בוא יבוא החזק ממני אשר אינני כדי להתיר את שרוך נעליו הוא יטבל אתכם ברוח הקדש ובאש׃
  • יוח 1:20-23 : 20 ויודה ולא כחש ויודה לאמר אני אינני המשיח׃ 21 וישאלו אתו מי אפוא אתה האתה אליהו ויאמר אינני האתה הנביא ויען לא׃ 22 ויאמרו אליו מי זה אתה למען נשיב לשלחינו דבר מה תאמר עליך׃ 23 ויאמר אני קול קורא במדבר פנו דרך יהוה כאשר דבר ישעיהו הנביא׃
  • יוח 1:26-27 : 26 ויען אתם יוחנן ויאמר אנכי מטביל במים ובתוככם עומד אשר לא ידעתם אתו׃ 27 הוא הבא אחרי אשר היה לפני ואני נקלתי מהתיר שרוך נעליו׃
  • יוח 1:29 : 29 ויהי ממחרת וירא יוחנן את ישוע בא אליו ויאמר הנה שה האלהים הנשא חטאת העולם׃
  • יוח 1:34 : 34 ואני ראיתי ואעידה כי זה הוא בן האלהים׃
  • יוח 1:36 : 36 ויבט אל ישוע והוא מתהלך ויאמר הנה שה האלהים׃
  • יוח 3:27-29 : 27 ויען יוחנן לא יוכל איש לקחת דבר בלתי אם נתן לו מן השמים׃ 28 ואתם עדי כי אמרתי אנכי אינני המשיח רק שלוח אני לפניו׃ 29 אשר לו הכלה הוא החתן ורע החתן העמד ושמע אתו שמוח ישמח לקול החתן הנה שמחתי זאת עתה שלמה׃
  • יוח 4:34 : 34 ויאמר אליהם ישוע מאכלי הוא לעשות רצון שלחי ולהשלים מעשהו׃
  • יוח 7:18 : 18 המדבר מנפשי כבוד עצמו יבקש אבל המבקש כבוד שלחו נאמן הוא ואין עולתה בו׃
  • יוח 19:28-30 : 28 ויהי מאחרי כן כאשר ידע ישוע כי עתה זה כלה הכל למען ימלא הכתוב כלו אמר צמאתי׃ 29 ושם כלי מלא חמץ ויטבלו ספוג בחמץ וישימהו על אזוב ויקריבהו אל פיו׃ 30 ויקח ישוע את החמץ ויאמר כלה ויט את ראשו ויפקד את רוחו׃
  • מע״ש 13:36 : 36 כי דוד גוע אחרי שרתו בדורו לעצת האלהים ויאסף אל אבותיו וירא את השחת׃
  • מע״ש 19:4 : 4 ויאמר פולוס יוחנן הטביל בטבילת התשובה ואמר אל העם כי האמן יאמינו באשר יבוא אחריו והוא המשיח ישוע׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • יוח 1:25-28
    4 פסוקים
    85%

    25וישאלהו ויאמרו אליו מדוע אפוא מטביל אתה אם אינך המשיח או אליה או הנביא׃

    26ויען אתם יוחנן ויאמר אנכי מטביל במים ובתוככם עומד אשר לא ידעתם אתו׃

    27הוא הבא אחרי אשר היה לפני ואני נקלתי מהתיר שרוך נעליו׃

    28זאת היתה בבית עברה מעבר לירדן מקום אשר יוחנן מטביל שם׃

  • מרק 1:6-8
    3 פסוקים
    85%

    6ויוחנן לבוש שער גמלים ואזור עור במתניו ואכל חגבים ודבש היער׃

    7ויקרא לאמר בוא יבא אחרי החזק ממני אשר אינני כדי לכרע ולהתיר את שרוך נעליו׃

    8אנכי טבלתי אתכם במים והוא יטבל אתכם ברוח הקדש׃

  • מע״ש 13:24
    77%

    24אשר לפני בואו קדם יוחנן לקרא את טבילת התשובה אל כל עם ישראל׃

  • לוק 3:15-16
    2 פסוקים
    76%

    15ויהי כאשר חכה העם וכלם חשבים בלבם לאמר אולי יוחנן הוא המשיח׃

    16ויען יוחנן ויאמר לכלם הן אני טובל אתכם במים אבל בוא יבוא החזק ממני אשר אינני כדי להתיר את שרוך נעליו הוא יטבל אתכם ברוח הקדש ובאש׃

  • יוח 1:30-31
    2 פסוקים
    75%

    30זה הוא אשר אמרתי עליו אחרי יבא איש אשר היה לפני כי קדם לי היה׃

    31ואני לא ידעתיו כי אם בעבור יגלה בישראל באתי אני לטבל במים׃

  • יוח 3:28-30
    3 פסוקים
    75%

    28ואתם עדי כי אמרתי אנכי אינני המשיח רק שלוח אני לפניו׃

    29אשר לו הכלה הוא החתן ורע החתן העמד ושמע אתו שמוח ישמח לקול החתן הנה שמחתי זאת עתה שלמה׃

    30הוא יגדל הלוך וגדל ואני אחסר הלוך וחסור׃

  • מתי 3:11
    73%

    11הן אנכי טובל אתכם במים לתשובה והבא אחרי חזק הוא ממני אשר אינני כדי לשאת נעליו והוא יטבל אתכם ברוח הקדש ובאש׃

  • יוח 1:15
    73%

    15ויוחנן מעיד עליו ויקרא לאמר הנה זה הוא אשר אמרתי עליו הבא אחרי היה לפני כי קדם לי היה׃

  • יוח 1:19-23
    5 פסוקים
    73%

    19וזאת היא עדות יוחנן בשלח היהודים מירושלים כהנים ולוים לשאל אתו מי אתה׃

    20ויודה ולא כחש ויודה לאמר אני אינני המשיח׃

    21וישאלו אתו מי אפוא אתה האתה אליהו ויאמר אינני האתה הנביא ויען לא׃

    22ויאמרו אליו מי זה אתה למען נשיב לשלחינו דבר מה תאמר עליך׃

    23ויאמר אני קול קורא במדבר פנו דרך יהוה כאשר דבר ישעיהו הנביא׃

  • לוק 7:27-28
    2 פסוקים
    72%

    27זה הוא אשר כתוב עליו הנני שלח מלאכי לפניך ופנה דרכך לפניך׃

    28כי אמר אני לכם אין איש בילודי אשה גדול מיוחנן המטביל אך הקטן במלכות האלהים גדול הוא ממנו׃

  • מתי 11:10-11
    2 פסוקים
    72%

    10כי זה הוא אשר כתוב עליו הנני שלח מלאכי לפניך ופנה רדכך לפניך׃

    11אמן אמר אני לכם לא קם בילודי אשה איש גדול מיוחנן המטביל אך הקטן במלכות השמים גדול הוא ממנו׃

  • יוח 1:33-35
    3 פסוקים
    72%

    33ואני לא ידעתיו אולם השלח אתי לטבל במים הוא אמר אלי את אשר תראה הרוח ירדת ונחה עליו הנה זה הוא אשר יטבל ברוח הקדש׃

    34ואני ראיתי ואעידה כי זה הוא בן האלהים׃

    35ויהי ממחרת ויסף יוחנן ויעמד ושנים מתלמידיו עמו׃

  • מתי 11:2-3
    2 פסוקים
    71%

    2ויוחנן שמע בבית הסהר את מעשי המשיח וישלח שנים מתלמידיו׃

    3ויאמר אליו האתה הוא הבא אם נחכה לאחר׃

  • מתי 3:3
    71%

    3הלא זה הוא אשר נבא עליו ישעיהו הנביא לאמר קול קורא במדבר פנו דרך יהוה ישרו מסלותיו׃

  • יוח 3:26
    70%

    26ויבאו אל יוחנן ויאמרו אליו רבי האיש אשר היה עמך בעבר הירדן ואשר העידת לו הנו טבל וכלם באים אליו׃

  • לוק 7:18-20
    3 פסוקים
    69%

    18ותלמידי יוחנן הגידו לו את כל אלה׃

    19ויקרא אליו יוחנן שנים מתלמידיו וישלחם אל ישוע לאמר לו האתה הוא הבא אם נחכה לאחר׃

    20ויבאו אליו האנשים ויאמרו יוחנן המטביל שלחנו אליך לאמר האתה הוא הבא אם נחכה לאחר׃

  • מרק 1:2-3
    2 פסוקים
    69%

    2ככתוב בנביאים הנני שלח מלאכי לפניך ופנה דרכך לפניך׃

    3קול קורא במדבר פנו דרך יהוה ישרו מסלותיו׃

  • מע״ש 13:26
    69%

    26אנשים אחים בני משפחת אברהם ויראי אלהים אשר בקרבכם לכם שלוח דבר הישועה הזאת׃

  • לוק 12:50
    68%

    50ועלי טבילה להטבל ומה יצר לי עד כי תשלם׃

  • יוח 13:19
    68%

    19מעתה אני אמר לכם בטרם היותה למען בבואה תאמינו כי אני הוא׃

  • יוח 13:5
    68%

    5ואחר יצק מים בכיור ויחל לרחץ את רגלי תלמידיו ולנגב במטפחת אשר הוא חגור בה׃

  • מתי 3:13-14
    2 פסוקים
    68%

    13ויבא ישוע מן הגליל הירדנה אל יוחנן להטבל על ידו׃

    14ויוחנן חשך אותו לאמר אני צריך להטבל על ידך ואתה בא אלי׃

  • לוק 7:24
    67%

    24ויהי כאשר הלכו להם שלוחי יוחנן ויחל לדבר אל המון העם על אדות יוחנן ויאמר מה זה יצאתם המדברה לראות הקנה אשר ינוע ברוח׃

  • לוק 3:4
    67%

    4ככתוב בספר דברי ישעיהו הנביא קול קורא במדבר פנו דרך יהוה ישרו מסלותיו׃

  • יוח 1:6
    67%

    6ויהי איש שלוח מאת האלהים ושמו יוחנן׃

  • מע״ש 19:4
    67%

    4ויאמר פולוס יוחנן הטביל בטבילת התשובה ואמר אל העם כי האמן יאמינו באשר יבוא אחריו והוא המשיח ישוע׃

  • מתי 17:13
    67%

    13אז הבינו התלמידים כי על יוחנן המטביל דבר אליהם׃

  • יוח 1:8
    67%

    8הוא לא היה האור כי אם להעיד על האור׃