מעשי השליחים 27:31

תנ ך עברי מודרני

ויאמר פולוס אל שר המאה ואל אנשי הצבא לאמר אם אלה לא ישבו אתנו באניה לא תוכלו אתם להושע׃

משאבים נוספים

פסוקים מקושרים

  • מע״ש 27:21-24 : 21 ופולוס עמד בתוכם אחרי האריכם בצום ויאמר אנשים לו שמעתם אלי ולא יצאתם מקריטי כי אז לא קרנו הנזק הזה במריכם׃ 22 ועתה אני אמר אליכם חזקו ואמצו כי לא תאבד נפש מכם בלתי הספינה לבדה׃ 23 כי בלילה הזה נצב עלי מלאך האלהים אשר לו אנכי ואשר אני עבד אתו׃ 24 ויאמר אל תירא פולוס עליך עוד לעמד לפני הקיסר ועתה הנה נתן לך האלהים את כל ההלכים אתך באניה׃
  • תס״ב 2:13-14 : 13 אבל אנחנו חיבים להודות לאלהים בכל עת בעבורכם אחי חביבי האדון אשר האלהים בחר בכם מראשית לישועה בקדוש הרוח ובאמונת האמת׃ 14 לזאת קרא אתכם בבשורתנו לנחלת כבוד אדנינו ישוע המשיח׃
  • מע״ש 27:42-43 : 42 ותהי עצת אנשי הצבא להמית את האסירים פן ישחה איש מהם וימלט׃ 43 ושר המאה חפץ להציל את פולוס וינא את עצתם ויאמר מי ידע לשחות ירד ויעבר ליבשה בראשנה והנשארים אלה על קרשים ואלה על שברי האניה׃
  • תה׳ 91:11-12 : 11 כי מלאכיו יצוה לך לשמרך בכל דרכיך׃ 12 על כפים ישאונך פן תגף באבן רגלך׃
  • יר׳ 29:11-13 : 11 כי אנכי ידעתי את המחשבת אשר אנכי חשב עליכם נאם יהוה מחשבות שלום ולא לרעה לתת לכם אחרית ותקוה׃ 12 וקראתם אתי והלכתם והתפללתם אלי ושמעתי אליכם׃ 13 ובקשתם אתי ומצאתם כי תדרשני בכל לבבכם׃
  • יח׳ 36:36-37 : 36 וידעו הגוים אשר ישארו סביבותיכם כי אני יהוה בניתי הנהרסות נטעתי הנשמה אני יהוה דברתי ועשיתי׃ 37 כה אמר אדני יהוה עוד זאת אדרש לבית ישראל לעשות להם ארבה אתם כצאן אדם׃
  • לוק 1:34-35 : 34 ותאמר מרים אל המלאך איך תהיה זאת ואני אינני ידעת איש׃ 35 ויען המלאך ויאמר אליה רוח הקדש תבוא עליך וגבורת עליון תצל עליך על כן גם לקדוש הילוד יקרא בן אלהים׃
  • לוק 4:9-9 : 9 ויביאהו ירושלים ויעמידהו על פנת בית המקדש ויאמר אליו אם בן האלהים אתה התנפל מזה מטה׃ 10 כי כתוב כי מלאכיו יצוה לך לשמרך׃ 11 וכי על כפים ישאונך פן תגף באבן רגלך׃ 12 ויען ישוע ויאמר אליו נאמר לא תנסה את יהוה אלהיך׃
  • יוח 6:37 : 37 כל אשר יתננו לי אבי יבוא אלי והבא אלי לא אהדפנו החוצה׃
  • מע״ש 27:11 : 11 ושר המאה לא שמע אל דברי פולוס כי אם אל רב החבל ואל בעל האניה׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מע״ש 27:37-44
    8 פסוקים
    82%

    37ואנחנו כל נפש אשר באניה מאתים ושבעים ושש׃

    38ויאכלו לשבעה ויקלו מעל האניה ויטילו את הצדה אל הים׃

    39הבקר אור ולא הכירו את הארץ אבל ראו כמפרץ וחוף לו ויועצו לנהג אליו את האניה אם יוכלו׃

    40ויגדעו את העוגינים ויעזבום לים ויתירו גם את מיתרי המנהיג ויפרשו מפרש התרן אל פני הרוח ויבקשו לבא אל החוף׃

    41ויפגעו במקום אשר הים משני עבריו ותדבק בו האניה ותעמד ראשה לא ינוע ואחוריה נשברו משאון הגלים׃

    42ותהי עצת אנשי הצבא להמית את האסירים פן ישחה איש מהם וימלט׃

    43ושר המאה חפץ להציל את פולוס וינא את עצתם ויאמר מי ידע לשחות ירד ויעבר ליבשה בראשנה והנשארים אלה על קרשים ואלה על שברי האניה׃

    44ויהי כן וימלטו כלם אל היבשה׃

  • מע״ש 27:29-30
    2 פסוקים
    80%

    29וייראו פן יפגעו בשני הסלעים וישליכו מעל אחורי האניה ארבעה עוגינים אל הים ויכספו לאור היום׃

    30והמלחים בקשו לברח מן האניה ויורידו את העברה אל הים באמרם כי יש את נפשם לשלח עוגינים גם מראש האניה׃

  • מע״ש 27:32
    79%

    32ויקצצו אנשי הצבא את חבלי העברה ויתנוה לנפול׃

  • מע״ש 27:6-27
    22 פסוקים
    78%

    6וימצא שם שר המאה אניה אלכסנדרית באה לאיטליא ויעבירנו לתוכה׃

    7והאניה הלכה בכבדות ימים רבים ואחרי אשר יגענו ובאנו אל מול קנידוס לא הניחנו הרוח לחתר אל היבשה ונעבר מצד לקריטי על פני הר סלמוני׃

    8ואחרי אשר עברנו בתלאות באנו למקום אחד נקרא קלילמני אשר קרובה לו עיר ושמה לסיא׃

    9ויהי מקץ ימים רבים כאשר באה עת הסכנה לירדי הים כי גם הצום כבר עבר ויזהר אתם פולוס׃

    10ויאמר אליהם אנשים ראה אני כי הליכתנו תהיה אך מרי ונזק גדול לא לבד למעמסה ולאניה כי אם גם לנפשותינו׃

    11ושר המאה לא שמע אל דברי פולוס כי אם אל רב החבל ואל בעל האניה׃

    12ובאשר החוף איננו טוב לעמד בו בימי הסתיו יעצו הרבים לעבר משם לאמר אולי נוכל הגיע לפיניכס וישבנו שם בימי הסתו והוא חוף בקריטי פונה דרך הדרום מערבה ודרך הצפון מערבה׃

    13ורוח נשבת לאט מדרום ויחשבו כי תצלח עצתם בידם ויעלו העוגין ויעברו לעמת שפת קריטי׃

    14ויהי כמעט אחרי כן ותפגע בה רוח נחשל הנקראה אוריקלידון׃

    15ותטרף האניה ולא יכלה לעמד נגד הרוח ונרף ידינו ממנה וננדף׃

    16ותרץ האניה אל עבר אי קטן הנקרא קלודה וכמעט לא יכלנו לאחז העברה׃

    17ואחרי משכם אותה אליהם ויקחו לעזר את כל אשר השיגה ידם ויחשבו את דפני האניה ומיראתם פן יפלו אל בין רכסי החול הורידו את כלי המפרש וכה נדפו׃

    18ויהי הסער הולך וסער עלינו וממחרת הטילו את המעמסה אל הים׃

    19וביום השלישי הטלנו בידינו את כלי האניה אל הים׃

    20ויהי ימים רבים גם השמש גם הכוכבים לא נראו והסערה חזקה עלינו עד מאד ותכרת ממנו כל תקות ישועה׃

    21ופולוס עמד בתוכם אחרי האריכם בצום ויאמר אנשים לו שמעתם אלי ולא יצאתם מקריטי כי אז לא קרנו הנזק הזה במריכם׃

    22ועתה אני אמר אליכם חזקו ואמצו כי לא תאבד נפש מכם בלתי הספינה לבדה׃

    23כי בלילה הזה נצב עלי מלאך האלהים אשר לו אנכי ואשר אני עבד אתו׃

    24ויאמר אל תירא פולוס עליך עוד לעמד לפני הקיסר ועתה הנה נתן לך האלהים את כל ההלכים אתך באניה׃

    25על כן אנשים חזקו ואמצו כי מאמין אני לאלהים כי כן יהיה כאשר נאמר אלי׃

    26אך השלך נשלך אל אחד האיים׃

    27ויהי כבוא ליל ארבעה עשר לטלטולנו בים אדריה כחצות הלילה ויחשבו המלחים כי קרבה להם יבשת׃

  • יונה 1:11-13
    3 פסוקים
    72%

    11ויאמרו אליו מה נעשה לך וישתק הים מעלינו כי הים הולך וסער׃

    12ויאמר אליהם שאוני והטילני אל הים וישתק הים מעליכם כי יודע אני כי בשלי הסער הגדול הזה עליכם׃

    13ויחתרו האנשים להשיב אל היבשה ולא יכלו כי הים הולך וסער עליהם׃

  • מע״ש 27:1
    72%

    1¶ וכאשר נגמר הדין כי נעבר באניה אל איטליא מסרו את פולוס ומקצת אסירים אחרים אל שר המאה לגדוד אגוסטוס ושמו יוליוס׃

  • מע״ש 28:16
    70%

    16ואחר באנו אל רומי העביר שר המאה את האסירים אל שר הצבא ולפולוס הניחו לשבת לבדו עם איש הצבא השמר אותו׃

  • מע״ש 16:30-31
    2 פסוקים
    70%

    30ויוציאם החוצה ויאמר אדני מה עלי לעשות למען אושע׃

    31ויאמרו האמן באדון ישוע המשיח ותושע אתה וביתך׃

  • מע״ש 16:28
    70%

    28ויקרא פולוס בקול גדול לאמר אל תעש לך מאומה רע כי פה אנחנו כלנו׃

  • מע״ש 23:10-11
    2 פסוקים
    69%

    10והריב הולך וחזק ושר האלף דאג פן ישסעו את פולוס ויצו את אנשי הצבא לרדת ולחטף אתו מתוכם ולהכיאו אל המצד׃

    11ובלילה ההוא נצב עליו האדון ויאמר חזק פולוס כי כאשר העידות לי בירושלים כן העד תעיד ברומי׃

  • מתי 8:24-25
    2 פסוקים
    69%

    24והנה סער גדול היה בים ותכסה האניה בגלים והוא ישן׃

    25ויגשו אליו תלמידיו ויעירו אותו לאמר הושיענו אדנינו אבדנו׃

  • מע״ש 15:11
    69%

    11אבל בחסד ישוע המשיח אדנינו נאמין להושע כמוהם כמונו׃

  • מרק 4:37-38
    2 פסוקים
    68%

    37ותקם רוח סערה גדולה וישטפו הגלים אל תוך האניה עד אשר כמעט נמלאה׃

    38והוא ישן על הכסת באחרי האניה ויעירו אותו ויאמרו אליו רבי האינך דאג לנו כי נאבד׃

  • מע״ש 11:14
    68%

    14והוא ידבר אליך דברים אשר תושע בהם אתה וכל ביתך׃

  • לוק 8:23
    68%

    23ויהי בלכתם באניה וישכב ויישן ורוח סערה ירדה על הים וישטפו עליהם המים ויהיו בסכנה׃