דניאל 1:16

תנ ך עברי מודרני

ויהי המלצר נשא את פתבגם ויין משתיהם ונתן להם זרענים׃

משאבים נוספים

פסוקים מקושרים

  • דנ׳ 1:12 : 12 נס נא את עבדיך ימים עשרה ויתנו לנו מן הזרעים ונאכלה ומים ונשתה׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • דנ׳ 1:2-15
    14 פסוקים
    85%

    2ויתן אדני בידו את יהויקים מלך יהודה ומקצת כלי בית האלהים ויביאם ארץ שנער בית אלהיו ואת הכלים הביא בית אוצר אלהיו׃

    3ויאמר המלך לאשפנז רב סריסיו להביא מבני ישראל ומזרע המלוכה ומן הפרתמים׃

    4ילדים אשר אין בהם כל מאום וטובי מראה ומשכילים בכל חכמה וידעי דעת ומביני מדע ואשר כח בהם לעמד בהיכל המלך וללמדם ספר ולשון כשדים׃

    5וימן להם המלך דבר יום ביומו מפת בג המלך ומיין משתיו ולגדלם שנים שלוש ומקצתם יעמדו לפני המלך׃

    6ויהי בהם מבני יהודה דניאל חנניה מישאל ועזריה׃

    7וישם להם שר הסריסים שמות וישם לדניאל בלטשאצר ולחנניה שדרך ולמישאל מישך ולעזריה עבד נגו׃

    8וישם דניאל על לבו אשר לא יתגאל בפתבג המלך וביין משתיו ויבקש משר הסריסים אשר לא יתגאל׃

    9ויתן האלהים את דניאל לחסד ולרחמים לפני שר הסריסים׃

    10ויאמר שר הסריסים לדניאל ירא אני את אדני המלך אשר מנה את מאכלכם ואת משתיכם אשר למה יראה את פניכם זעפים מן הילדים אשר כגילכם וחיבתם את ראשי למלך׃

    11ויאמר דניאל אל המלצר אשר מנה שר הסריסים על דניאל חנניה מישאל ועזריה׃

    12נס נא את עבדיך ימים עשרה ויתנו לנו מן הזרעים ונאכלה ומים ונשתה׃

    13ויראו לפניך מראינו ומראה הילדים האכלים את פתבג המלך וכאשר תראה עשה עם עבדיך׃

    14וישמע להם לדבר הזה וינסם ימים עשרה׃

    15ומקצת ימים עשרה נראה מראיהם טוב ובריאי בשר מן כל הילדים האכלים את פתבג המלך׃

  • דנ׳ 1:17-20
    4 פסוקים
    75%

    17והילדים האלה ארבעתם נתן להם האלהים מדע והשכל בכל ספר וחכמה ודניאל הבין בכל חזון וחלמות׃

    18ולמקצת הימים אשר אמר המלך להביאם ויביאם שר הסריסים לפני נבכדנצר׃

    19וידבר אתם המלך ולא נמצא מכלם כדניאל חנניה מישאל ועזריה ויעמדו לפני המלך׃

    20וכל דבר חכמת בינה אשר בקש מהם המלך וימצאם עשר ידות על כל החרטמים האשפים אשר בכל מלכותו׃

  • יר׳ 52:33-34
    2 פסוקים
    70%

    33ושנה את בגדי כלאו ואכל לחם לפניו תמיד כל ימי חיו׃

    34וארחתו ארחת תמיד נתנה לו מאת מלך בבל דבר יום ביומו עד יום מותו כל ימי חייו׃

  • אס׳ 1:7
    70%

    7והשקות בכלי זהב וכלים מכלים שונים ויין מלכות רב כיד המלך׃

  • יח׳ 4:9-11
    3 פסוקים
    69%

    9ואתה קח לך חטין ושערים ופול ועדשים ודחן וכסמים ונתתה אותם בכלי אחד ועשית אותם לך ללחם מספר הימים אשר אתה שוכב על צדך שלש מאות ותשעים יום תאכלנו׃

    10ומאכלך אשר תאכלנו במשקול עשרים שקל ליום מעת עד עת תאכלנו׃

    11ומים במשורה תשתה ששית ההין מעת עד עת תשתה׃

  • נח׳ 5:18
    69%

    18ואשר היה נעשה ליום אחד שור אחד צאן שש בררות וצפרים נעשו לי ובין עשרת ימים בכל יין להרבה ועם זה לחם הפחה לא בקשתי כי כבדה העבדה על העם הזה׃

  • דנ׳ 10:2-3
    2 פסוקים
    68%

    2בימים ההם אני דניאל הייתי מתאבל שלשה שבעים ימים׃

    3לחם חמדות לא אכלתי ובשר ויין לא בא אל פי וסוך לא סכתי עד מלאת שלשת שבעים ימים׃

  • עז׳ 6:9
    67%

    9ומה חשחן ובני תורין ודכרין ואמרין לעלון לאלה שמיא חנטין מלח חמר ומשח כמאמר כהניא די בירושלם להוא מתיהב להם יום ביום די לא שלו׃

  • דנ׳ 5:1-2
    2 פסוקים
    66%

    1¶ בלשאצר מלכא עבד לחם רב לרברבנוהי אלף ולקבל אלפא חמרא שתה׃

    2בלשאצר אמר בטעם חמרא להיתיה למאני דהבא וכספא די הנפק נבוכדנצר אבוהי מן היכלא די בירושלם וישתון בהון מלכא ורברבנוהי שגלתה ולחנתה׃

  • בר׳ 41:21
    66%

    21ותבאנה אל קרבנה ולא נודע כי באו אל קרבנה ומראיהן רע כאשר בתחלה ואיקץ׃

  • נח׳ 5:14
    66%

    14גם מיום אשר צוה אתי להיות פחם בארץ יהודה משנת עשרים ועד שנת שלשים ושתים לארתחשסתא המלך שנים שתים עשרה אני ואחי לחם הפחה לא אכלתי׃

  • דנ׳ 2:16
    65%

    16ודניאל על ובעה מן מלכא די זמן ינתן לה ופשרא להחויה למלכא׃

  • דנ׳ 2:18
    65%

    18ורחמין למבעא מן קדם אלה שמיא על רזה דנה די לא יהבדון דניאל וחברוהי עם שאר חכימי בבל׃

  • מל״ב 25:29-30
    2 פסוקים
    65%

    29ושנא את בגדי כלאו ואכל לחם תמיד לפניו כל ימי חייו׃

    30וארחתו ארחת תמיד נתנה לו מאת המלך דבר יום ביומו כל ימי חיו׃

  • דנ׳ 6:1-2
    2 פסוקים
    65%

    1¶ שפר קדם דריוש והקים על מלכותא לאחשדרפניא מאה ועשרין די להון בכל מלכותא׃

    2ועלא מנהון סרכין תלתא די דניאל חד מנהון די להון אחשדרפניא אלין יהבין להון טעמא ומלכא לא להוא נזק׃

  • אס׳ 1:4-5
    2 פסוקים
    65%

    4בהראתו את עשר כבוד מלכותו ואת יקר תפארת גדולתו ימים רבים שמונים ומאת יום׃

    5ובמלואת הימים האלה עשה המלך לכל העם הנמצאים בשושן הבירה למגדול ועד קטן משתה שבעת ימים בחצר גנת ביתן המלך׃

  • במ׳ 29:18
    65%

    18ומנחתם ונסכיהם לפרים לאילם ולכבשים במספרם כמשפט׃

  • במ׳ 29:21
    65%

    21ומנחתם ונסכיהם לפרים לאילם ולכבשים במספרם כמשפט׃

  • דב׳ 32:14
    65%

    14חמאת בקר וחלב צאן עם חלב כרים ואילים בני בשן ועתודים עם חלב כליות חטה ודם ענב תשתה חמר׃

  • דנ׳ 5:24
    65%

    24באדין מן קדמוהי שליח פסא די ידא וכתבא דנה רשים׃

  • דנ׳ 5:4
    65%

    4אשתיו חמרא ושבחו לאלהי דהבא וכספא נחשא פרזלא אעא ואבנא׃

  • במ׳ 29:24
    65%

    24מנחתם ונסכיהם לפרים לאילם ולכבשים במספרם כמשפט׃

  • במ׳ 29:27
    65%

    27ומנחתם ונסכיהם לפרים לאילם ולכבשים במספרם כמשפט׃

  • שמ״ב 17:28
    64%

    28משכב וספות וכלי יוצר וחטים ושערים וקמח וקלי ופול ועדשים וקלי׃

  • במ׳ 29:30
    64%

    30ומנחתם ונסכיהם לפרים לאילם ולכבשים במספרם כמשפט׃

  • דנ׳ 5:13
    64%

    13באדין דניאל העל קדם מלכא ענה מלכא ואמר לדניאל אנתה הוא דניאל די מן בני גלותא די יהוד די היתי מלכא אבי מן יהוד׃