דברים 16:5

תנ ך עברי מודרני

לא תוכל לזבח את הפסח באחד שעריך אשר יהוה אלהיך נתן לך׃

משאבים נוספים

פסוקים מקושרים

  • דב׳ 12:5-6 : 5 כי אם אל המקום אשר יבחר יהוה אלהיכם מכל שבטיכם לשום את שמו שם לשכנו תדרשו ובאת שמה׃ 6 והבאתם שמה עלתיכם וזבחיכם ואת מעשרתיכם ואת תרומת ידכם ונדריכם ונדבתיכם ובכרת בקרכם וצאנכם׃
  • דב׳ 16:2 : 2 וזבחת פסח ליהוה אלהיך צאן ובקר במקום אשר יבחר יהוה לשכן שמו שם׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • דב׳ 16:6-8
    3 פסוקים
    84%

    6כי אם אל המקום אשר יבחר יהוה אלהיך לשכן שמו שם תזבח את הפסח בערב כבוא השמש מועד צאתך ממצרים׃

    7ובשלת ואכלת במקום אשר יבחר יהוה אלהיך בו ופנית בבקר והלכת לאהליך׃

    8ששת ימים תאכל מצות וביום השביעי עצרת ליהוה אלהיך לא תעשה מלאכה׃

  • דב׳ 16:1-4
    4 פסוקים
    83%

    1¶ שמור את חדש האביב ועשית פסח ליהוה אלהיך כי בחדש האביב הוציאך יהוה אלהיך ממצרים לילה׃

    2וזבחת פסח ליהוה אלהיך צאן ובקר במקום אשר יבחר יהוה לשכן שמו שם׃

    3לא תאכל עליו חמץ שבעת ימים תאכל עליו מצות לחם עני כי בחפזון יצאת מארץ מצרים למען תזכר את יום צאתך מארץ מצרים כל ימי חייך׃

    4ולא יראה לך שאר בכל גבלך שבעת ימים ולא ילין מן הבשר אשר תזבח בערב ביום הראשון לבקר׃

  • שמ׳ 34:25
    79%

    25לא תשחט על חמץ דם זבחי ולא ילין לבקר זבח חג הפסח׃

  • דב׳ 12:17-18
    2 פסוקים
    77%

    17לא תוכל לאכל בשעריך מעשר דגנך ותירשך ויצהרך ובכרת בקרך וצאנך וכל נדריך אשר תדר ונדבתיך ותרומת ידך׃

    18כי אם לפני יהוה אלהיך תאכלנו במקום אשר יבחר יהוה אלהיך בו אתה ובנך ובתך ועבדך ואמתך והלוי אשר בשעריך ושמחת לפני יהוה אלהיך בכל משלח ידך׃

  • ויק׳ 23:5-6
    2 פסוקים
    75%

    5בחדש הראשון בארבעה עשר לחדש בין הערבים פסח ליהוה׃

    6ובחמשה עשר יום לחדש הזה חג המצות ליהוה שבעת ימים מצות תאכלו׃

  • דב׳ 17:1
    75%

    1¶ לא תזבח ליהוה אלהיך שור ושה אשר יהיה בו מום כל דבר רע כי תועבת יהוה אלהיך הוא׃

  • דב׳ 15:20-21
    2 פסוקים
    75%

    20לפני יהוה אלהיך תאכלנו שנה בשנה במקום אשר יבחר יהוה אתה וביתך׃

    21וכי יהיה בו מום פסח או עור כל מום רע לא תזבחנו ליהוה אלהיך׃

  • במ׳ 28:16-17
    2 פסוקים
    74%

    16ובחדש הראשון בארבעה עשר יום לחדש פסח ליהוה׃

    17ובחמשה עשר יום לחדש הזה חג שבעת ימים מצות יאכל׃

  • דב׳ 12:13-15
    3 פסוקים
    73%

    13השמר לך פן תעלה עלתיך בכל מקום אשר תראה׃

    14כי אם במקום אשר יבחר יהוה באחד שבטיך שם תעלה עלתיך ושם תעשה כל אשר אנכי מצוך׃

    15רק בכל אות נפשך תזבח ואכלת בשר כברכת יהוה אלהיך אשר נתן לך בכל שעריך הטמא והטהור יאכלנו כצבי וכאיל׃

  • יח׳ 45:21
    73%

    21בראשון בארבעה עשר יום לחדש יהיה לכם הפסח חג שבעות ימים מצות יאכל׃

  • דב׳ 14:21
    73%

    21לא תאכלו כל נבלה לגר אשר בשעריך תתננה ואכלה או מכר לנכרי כי עם קדוש אתה ליהוה אלהיך לא תבשל גדי בחלב אמו׃

  • דב׳ 12:4
    73%

    4לא תעשון כן ליהוה אלהיכם׃

  • במ׳ 9:3-4
    2 פסוקים
    72%

    3בארבעה עשר יום בחדש הזה בין הערבים תעשו אתו במועדו ככל חקתיו וככל משפטיו תעשו אתו׃

    4וידבר משה אל בני ישראל לעשת הפסח׃

  • דב׳ 14:27
    72%

    27והלוי אשר בשעריך לא תעזבנו כי אין לו חלק ונחלה עמך׃

  • שמ׳ 12:43
    72%

    43ויאמר יהוה אל משה ואהרן זאת חקת הפסח כל בן נכר לא יאכל בו׃

  • שמ׳ 23:18
    72%

    18לא תזבח על חמץ דם זבחי ולא ילין חלב חגי עד בקר׃

  • שמ׳ 34:15
    72%

    15פן תכרת ברית ליושב הארץ וזנו אחרי אלהיהם וזבחו לאלהיהם וקרא לך ואכלת מזבחו׃

  • שמ׳ 12:10-11
    2 פסוקים
    72%

    10ולא תותירו ממנו עד בקר והנתר ממנו עד בקר באש תשרפו׃

    11וככה תאכלו אתו מתניכם חגרים נעליכם ברגליכם ומקלכם בידכם ואכלתם אתו בחפזון פסח הוא ליהוה׃

  • שמ׳ 13:5-6
    2 פסוקים
    71%

    5והיה כי יביאך יהוה אל ארץ הכנעני והחתי והאמרי והחוי והיבוסי אשר נשבע לאבתיך לתת לך ארץ זבת חלב ודבש ועבדת את העבדה הזאת בחדש הזה׃

    6שבעת ימים תאכל מצת וביום השביעי חג ליהוה׃

  • במ׳ 9:12-13
    2 פסוקים
    71%

    12לא ישאירו ממנו עד בקר ועצם לא ישברו בו ככל חקת הפסח יעשו אתו׃

    13והאיש אשר הוא טהור ובדרך לא היה וחדל לעשות הפסח ונכרתה הנפש ההוא מעמיה כי קרבן יהוה לא הקריב במעדו חטאו ישא האיש ההוא׃

  • שמ׳ 12:46
    71%

    46בבית אחד יאכל לא תוציא מן הבית מן הבשר חוצה ועצם לא תשברו בו׃

  • דב׳ 16:10-11
    2 פסוקים
    71%

    10ועשית חג שבעות ליהוה אלהיך מסת נדבת ידך אשר תתן כאשר יברכך יהוה אלהיך׃

    11ושמחת לפני יהוה אלהיך אתה ובנך ובתך ועבדך ואמתך והלוי אשר בשעריך והגר והיתום והאלמנה אשר בקרבך במקום אשר יבחר יהוה אלהיך לשכן שמו שם׃

  • דב׳ 23:16
    71%

    16עמך ישב בקרבך במקום אשר יבחר באחד שעריך בטוב לו לא תוננו׃

  • שמ׳ 12:20-21
    2 פסוקים
    71%

    20כל מחמצת לא תאכלו בכל מושבתיכם תאכלו מצות׃

    21ויקרא משה לכל זקני ישראל ויאמר אלהם משכו וקחו לכם צאן למשפחתיכם ושחטו הפסח׃

  • דה״ב 35:6
    71%

    6ושחטו הפסח והתקדשו והכינו לאחיכם לעשות כדבר יהוה ביד משה׃

  • דב׳ 12:21
    71%

    21כי ירחק ממך המקום אשר יבחר יהוה אלהיך לשום שמו שם וזבחת מבקרך ומצאנך אשר נתן יהוה לך כאשר צויתך ואכלת בשעריך בכל אות נפשך׃

  • שמ׳ 12:5-6
    2 פסוקים
    70%

    5שה תמים זכר בן שנה יהיה לכם מן הכבשים ומן העזים תקחו׃

    6והיה לכם למשמרת עד ארבעה עשר יום לחדש הזה ושחטו אתו כל קהל עדת ישראל בין הערבים׃

  • דב׳ 12:26
    70%

    26רק קדשיך אשר יהיו לך ונדריך תשא ובאת אל המקום אשר יבחר יהוה׃

  • ויק׳ 19:5
    70%

    5וכי תזבחו זבח שלמים ליהוה לרצנכם תזבחהו׃

  • שמ׳ 23:15
    70%

    15את חג המצות תשמר שבעת ימים תאכל מצות כאשר צויתך למועד חדש האביב כי בו יצאת ממצרים ולא יראו פני ריקם׃

  • דב׳ 16:15
    70%

    15שבעת ימים תחג ליהוה אלהיך במקום אשר יבחר יהוה כי יברכך יהוה אלהיך בכל תבואתך ובכל מעשה ידיך והיית אך שמח׃