קהלת 8:9

תנ ך עברי מודרני

את כל זה ראיתי ונתון את לבי לכל מעשה אשר נעשה תחת השמש עת אשר שלט האדם באדם לרע לו׃

משאבים נוספים

פסוקים מקושרים

  • קה׳ 5:8 : 8 אם עשק רש וגזל משפט וצדק תראה במדינה אל תתמה על החפץ כי גבה מעל גבה שמר וגבהים עליהם׃
  • קה׳ 5:13 : 13 יש רעה חולה ראיתי תחת השמש עשר שמור לבעליו לרעתו׃
  • שמ׳ 14:5-9 : 5 ויגד למלך מצרים כי ברח העם ויהפך לבב פרעה ועבדיו אל העם ויאמרו מה זאת עשינו כי שלחנו את ישראל מעבדנו׃ 6 ויאסר את רכבו ואת עמו לקח עמו׃ 7 ויקח שש מאות רכב בחור וכל רכב מצרים ושלשם על כלו׃ 8 ויחזק יהוה את לב פרעה מלך מצרים וירדף אחרי בני ישראל ובני ישראל יצאים ביד רמה׃ 9 וירדפו מצרים אחריהם וישיגו אותם חנים על הים כל סוס רכב פרעה ופרשיו וחילו על פי החירת לפני בעל צפן׃
  • שמ׳ 14:28 : 28 וישבו המים ויכסו את הרכב ואת הפרשים לכל חיל פרעה הבאים אחריהם בים לא נשאר בהם עד אחד׃
  • דב׳ 2:30 : 30 ולא אבה סיחן מלך חשבון העברנו בו כי הקשה יהוה אלהיך את רוחו ואמץ את לבבו למען תתו בידך כיום הזה׃
  • מל״ב 14:10-12 : 10 הכה הכית את אדום ונשאך לבך הכבד ושב בביתך ולמה תתגרה ברעה ונפלתה אתה ויהודה עמך׃ 11 ולא שמע אמציהו ויעל יהואש מלך ישראל ויתראו פנים הוא ואמציהו מלך יהודה בבית שמש אשר ליהודה׃ 12 וינגף יהודה לפני ישראל וינסו איש לאהלו׃
  • מל״ב 25:7 : 7 ואת בני צדקיהו שחטו לעיניו ואת עיני צדקיהו עור ויאסרהו בנחשתים ויבאהו בבל׃
  • קה׳ 1:14 : 14 ראיתי את כל המעשים שנעשו תחת השמש והנה הכל הבל ורעות רוח׃
  • קה׳ 3:10 : 10 ראיתי את הענין אשר נתן אלהים לבני האדם לענות בו׃
  • קה׳ 4:7-8 : 7 ושבתי אני ואראה הבל תחת השמש׃ 8 יש אחד ואין שני גם בן ואח אין לו ואין קץ לכל עמלו גם עיניו לא תשבע עשר ולמי אני עמל ומחסר את נפשי מטובה גם זה הבל וענין רע הוא׃
  • קה׳ 7:25 : 25 סבותי אני ולבי לדעת ולתור ובקש חכמה וחשבון ולדעת רשע כסל והסכלות הוללות׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • קה׳ 9:13
    79%

    13גם זה ראיתי חכמה תחת השמש וגדולה היא אלי׃

  • קה׳ 6:1
    79%

    1¶ יש רעה אשר ראיתי תחת השמש ורבה היא על האדם׃

  • קה׳ 1:13-14
    2 פסוקים
    79%

    13ונתתי את לבי לדרוש ולתור בחכמה על כל אשר נעשה תחת השמים הוא ענין רע נתן אלהים לבני האדם לענות בו׃

    14ראיתי את כל המעשים שנעשו תחת השמש והנה הכל הבל ורעות רוח׃

  • קה׳ 2:17-23
    7 פסוקים
    78%

    17ושנאתי את החיים כי רע עלי המעשה שנעשה תחת השמש כי הכל הבל ורעות רוח׃

    18ושנאתי אני את כל עמלי שאני עמל תחת השמש שאניחנו לאדם שיהיה אחרי׃

    19ומי יודע החכם יהיה או סכל וישלט בכל עמלי שעמלתי ושחכמתי תחת השמש גם זה הבל׃

    20וסבותי אני ליאש את לבי על כל העמל שעמלתי תחת השמש׃

    21כי יש אדם שעמלו בחכמה ובדעת ובכשרון ולאדם שלא עמל בו יתננו חלקו גם זה הבל ורעה רבה׃

    22כי מה הוה לאדם בכל עמלו וברעיון לבו שהוא עמל תחת השמש׃

    23כי כל ימיו מכאבים וכעס ענינו גם בלילה לא שכב לבו גם זה הבל הוא׃

  • קה׳ 8:5-6
    2 פסוקים
    78%

    5שומר מצוה לא ידע דבר רע ועת ומשפט ידע לב חכם׃

    6כי לכל חפץ יש עת ומשפט כי רעת האדם רבה עליו׃

  • קה׳ 9:1
    78%

    1¶ כי את כל זה נתתי אל לבי ולבור את כל זה אשר הצדיקים והחכמים ועבדיהם ביד האלהים גם אהבה גם שנאה אין יודע האדם הכל לפניהם׃

  • קה׳ 9:3
    78%

    3זה רע בכל אשר נעשה תחת השמש כי מקרה אחד לכל וגם לב בני האדם מלא רע והוללות בלבבם בחייהם ואחריו אל המתים׃

  • קה׳ 2:10-12
    3 פסוקים
    77%

    10וכל אשר שאלו עיני לא אצלתי מהם לא מנעתי את לבי מכל שמחה כי לבי שמח מכל עמלי וזה היה חלקי מכל עמלי׃

    11ופניתי אני בכל מעשי שעשו ידי ובעמל שעמלתי לעשות והנה הכל הבל ורעות רוח ואין יתרון תחת השמש׃

    12ופניתי אני לראות חכמה והוללות וסכלות כי מה האדם שיבוא אחרי המלך את אשר כבר עשוהו׃

  • קה׳ 3:9-12
    4 פסוקים
    77%

    9מה יתרון העושה באשר הוא עמל׃

    10ראיתי את הענין אשר נתן אלהים לבני האדם לענות בו׃

    11את הכל עשה יפה בעתו גם את העלם נתן בלבם מבלי אשר לא ימצא האדם את המעשה אשר עשה האלהים מראש ועד סוף׃

    12ידעתי כי אין טוב בם כי אם לשמוח ולעשות טוב בחייו׃

  • קה׳ 8:14
    77%

    14יש הבל אשר נעשה על הארץ אשר יש צדיקים אשר מגיע אלהם כמעשה הרשעים ויש רשעים שמגיע אלהם כמעשה הצדיקים אמרתי שגם זה הבל׃

  • קה׳ 8:10-11
    2 פסוקים
    77%

    10ובכן ראיתי רשעים קברים ובאו וממקום קדוש יהלכו וישתכחו בעיר אשר כן עשו גם זה הבל׃

    11אשר אין נעשה פתגם מעשה הרעה מהרה על כן מלא לב בני האדם בהם לעשות רע׃

  • קה׳ 4:1
    77%

    1¶ ושבתי אני ואראה את כל העשקים אשר נעשים תחת השמש והנה דמעת העשקים ואין להם מנחם ומיד עשקיהם כח ואין להם מנחם׃

  • קה׳ 10:5
    76%

    5יש רעה ראיתי תחת השמש כשגגה שיצא מלפני השליט׃

  • קה׳ 4:3-4
    2 פסוקים
    76%

    3וטוב משניהם את אשר עדן לא היה אשר לא ראה את המעשה הרע אשר נעשה תחת השמש׃

    4וראיתי אני את כל עמל ואת כל כשרון המעשה כי היא קנאת איש מרעהו גם זה הבל ורעות רוח׃

  • קה׳ 3:16-18
    3 פסוקים
    76%

    16ועוד ראיתי תחת השמש מקום המשפט שמה הרשע ומקום הצדק שמה הרשע׃

    17אמרתי אני בלבי את הצדיק ואת הרשע ישפט האלהים כי עת לכל חפץ ועל כל המעשה שם׃

    18אמרתי אני בלבי על דברת בני האדם לברם האלהים ולראות שהם בהמה המה להם׃

  • קה׳ 8:16-17
    2 פסוקים
    76%

    16כאשר נתתי את לבי לדעת חכמה ולראות את הענין אשר נעשה על הארץ כי גם ביום ובלילה שנה בעיניו איננו ראה׃

    17וראיתי את כל מעשה האלהים כי לא יוכל האדם למצוא את המעשה אשר נעשה תחת השמש בשל אשר יעמל האדם לבקש ולא ימצא וגם אם יאמר החכם לדעת לא יוכל למצא׃

  • קה׳ 9:10-11
    2 פסוקים
    75%

    10כל אשר תמצא ידך לעשות בכחך עשה כי אין מעשה וחשבון ודעת וחכמה בשאול אשר אתה הלך שמה׃

    11שבתי וראה תחת השמש כי לא לקלים המרוץ ולא לגבורים המלחמה וגם לא לחכמים לחם וגם לא לנבנים עשר וגם לא לידעים חן כי עת ופגע יקרה את כלם׃

  • קה׳ 3:22
    75%

    22וראיתי כי אין טוב מאשר ישמח האדם במעשיו כי הוא חלקו כי מי יביאנו לראות במה שיהיה אחריו׃

  • קה׳ 5:13
    75%

    13יש רעה חולה ראיתי תחת השמש עשר שמור לבעליו לרעתו׃

  • קה׳ 4:15
    75%

    15ראיתי את כל החיים המהלכים תחת השמש עם הילד השני אשר יעמד תחתיו׃

  • קה׳ 7:14-15
    2 פסוקים
    75%

    14ביום טובה היה בטוב וביום רעה ראה גם את זה לעמת זה עשה האלהים על דברת שלא ימצא האדם אחריו מאומה׃

    15את הכל ראיתי בימי הבלי יש צדיק אבד בצדקו ויש רשע מאריך ברעתו׃

  • קה׳ 3:1
    74%

    1¶ לכל זמן ועת לכל חפץ תחת השמים׃

  • קה׳ 4:7-8
    2 פסוקים
    74%

    7ושבתי אני ואראה הבל תחת השמש׃

    8יש אחד ואין שני גם בן ואח אין לו ואין קץ לכל עמלו גם עיניו לא תשבע עשר ולמי אני עמל ומחסר את נפשי מטובה גם זה הבל וענין רע הוא׃

  • קה׳ 1:3
    74%

    3מה יתרון לאדם בכל עמלו שיעמל תחת השמש׃

  • קה׳ 1:9
    74%

    9מה שהיה הוא שיהיה ומה שנעשה הוא שיעשה ואין כל חדש תחת השמש׃

  • קה׳ 2:15
    74%

    15ואמרתי אני בלבי כמקרה הכסיל גם אני יקרני ולמה חכמתי אני אז יותר ודברתי בלבי שגם זה הבל׃

  • קה׳ 1:17
    73%

    17ואתנה לבי לדעת חכמה ודעת הוללות ושכלות ידעתי שגם זה הוא רעיון רוח׃

  • קה׳ 8:8
    73%

    8אין אדם שליט ברוח לכלוא את הרוח ואין שלטון ביום המות ואין משלחת במלחמה ולא ימלט רשע את בעליו׃

  • קה׳ 6:12
    73%

    12כי מי יודע מה טוב לאדם בחיים מספר ימי חיי הבלו ויעשם כצל אשר מי יגיד לאדם מה יהיה אחריו תחת השמש׃