יחזקאל 34:8

תנ ך עברי מודרני

חי אני נאם אדני יהוה אם לא יען היות צאני לבז ותהיינה צאני לאכלה לכל חית השדה מאין רעה ולא דרשו רעי את צאני וירעו הרעים אותם ואת צאני לא רעו׃

משאבים נוספים

פסוקים מקושרים

  • יח׳ 34:2-3 : 2 בן אדם הנבא על רועי ישראל הנבא ואמרת אליהם לרעים כה אמר אדני יהוה הוי רעי ישראל אשר היו רעים אותם הלוא הצאן ירעו הרעים׃ 3 את החלב תאכלו ואת הצמר תלבשו הבריאה תזבחו הצאן לא תרעו׃
  • יח׳ 34:5-6 : 5 ותפוצינה מבלי רעה ותהיינה לאכלה לכל חית השדה ותפוצינה׃ 6 ישגו צאני בכל ההרים ועל כל גבעה רמה ועל כל פני הארץ נפצו צאני ואין דורש ואין מבקש׃
  • יח׳ 34:10 : 10 כה אמר אדני יהוה הנני אל הרעים ודרשתי את צאני מידם והשבתים מרעות צאן ולא ירעו עוד הרעים אותם והצלתי צאני מפיהם ולא תהיין להם לאכלה׃
  • יח׳ 34:18 : 18 המעט מכם המרעה הטוב תרעו ויתר מרעיכם תרמסו ברגליכם ומשקע מים תשתו ואת הנותרים ברגליכם תרפשון׃
  • יח׳ 34:31 : 31 ואתן צאני צאן מרעיתי אדם אתם אני אלהיכם נאם אדני יהוה׃
  • מע״ש 20:33 : 33 לא חמדתי כסף איש או זהבו או לבושו׃
  • קור״א 9:15 : 15 ואנכי לא השתמשתי באחת מאלה וגם לא כתבתי זאת למען יעשה לי כזאת כי טוב לי המות מאשר ישים איש את תהלתי לריק׃
  • פט״ב 2:13 : 13 אשר עדנת יומם לענג יחשבו מטנפים ומום בם המתפנקים במדוחי נפשם ואכלים ושתים עמכם׃
  • יהו׳ 1:12 : 12 הלא צורי מכשול המה בסעודתיכם של אהבה ובקלות ראש יאכלו וישתו עמכם ורעים את נפשם עננים הם בבלי מים הנדפים מפני רוח עצי חרף באין פרי אשר מתו פעמים ונעקרו׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • יח׳ 34:1-7
    7 פסוקים
    90%

    1¶ ויהי דבר יהוה אלי לאמר׃

    2בן אדם הנבא על רועי ישראל הנבא ואמרת אליהם לרעים כה אמר אדני יהוה הוי רעי ישראל אשר היו רעים אותם הלוא הצאן ירעו הרעים׃

    3את החלב תאכלו ואת הצמר תלבשו הבריאה תזבחו הצאן לא תרעו׃

    4את הנחלות לא חזקתם ואת החולה לא רפאתם ולנשברת לא חבשתם ואת הנדחת לא השבתם ואת האבדת לא בקשתם ובחזקה רדיתם אתם ובפרך׃

    5ותפוצינה מבלי רעה ותהיינה לאכלה לכל חית השדה ותפוצינה׃

    6ישגו צאני בכל ההרים ועל כל גבעה רמה ועל כל פני הארץ נפצו צאני ואין דורש ואין מבקש׃

    7לכן רעים שמעו את דבר יהוה׃

  • יח׳ 34:9-12
    4 פסוקים
    88%

    9לכן הרעים שמעו דבר יהוה׃

    10כה אמר אדני יהוה הנני אל הרעים ודרשתי את צאני מידם והשבתים מרעות צאן ולא ירעו עוד הרעים אותם והצלתי צאני מפיהם ולא תהיין להם לאכלה׃

    11כי כה אמר אדני יהוה הנני אני ודרשתי את צאני ובקרתים׃

    12כבקרת רעה עדרו ביום היותו בתוך צאנו נפרשות כן אבקר את צאני והצלתי אתהם מכל המקומת אשר נפצו שם ביום ענן וערפל׃

  • זכ׳ 11:15-17
    3 פסוקים
    83%

    15ויאמר יהוה אלי עוד קח לך כלי רעה אולי׃

    16כי הנה אנכי מקים רעה בארץ הנכחדות לא יפקד הנער לא יבקש והנשברת לא ירפא הנצבה לא יכלכל ובשר הבריאה יאכל ופרסיהן יפרק׃

    17הוי רעי האליל עזבי הצאן חרב על זרועו ועל עין ימינו זרעו יבוש תיבש ועין ימינו כהה תכהה׃

  • זכ׳ 11:4-5
    2 פסוקים
    82%

    4כה אמר יהוה אלהי רעה את צאן ההרגה׃

    5אשר קניהן יהרגן ולא יאשמו ומכריהן יאמר ברוך יהוה ואעשר ורעיהם לא יחמול עליהן׃

  • יח׳ 34:14-23
    10 פסוקים
    82%

    14במרעה טוב ארעה אתם ובהרי מרום ישראל יהיה נוהם שם תרבצנה בנוה טוב ומרעה שמן תרעינה אל הרי ישראל׃

    15אני ארעה צאני ואני ארביצם נאם אדני יהוה׃

    16את האבדת אבקש ואת הנדחת אשיב ולנשברת אחבש ואת החולה אחזק ואת השמנה ואת החזקה אשמיד ארענה במשפט׃

    17ואתנה צאני כה אמר אדני יהוה הנני שפט בין שה לשה לאילים ולעתודים׃

    18המעט מכם המרעה הטוב תרעו ויתר מרעיכם תרמסו ברגליכם ומשקע מים תשתו ואת הנותרים ברגליכם תרפשון׃

    19וצאני מרמס רגליכם תרעינה ומרפש רגליכם תשתינה׃

    20לכן כה אמר אדני יהוה אליהם הנני אני ושפטתי בין שה בריה ובין שה רזה׃

    21יען בצד ובכתף תהדפו ובקרניכם תנגחו כל הנחלות עד אשר הפיצותם אותנה אל החוצה׃

    22והושעתי לצאני ולא תהיינה עוד לבז ושפטתי בין שה לשה׃

    23והקמתי עליהם רעה אחד ורעה אתהן את עבדי דויד הוא ירעה אתם והוא יהיה להן לרעה׃

  • יר׳ 23:1-4
    4 פסוקים
    81%

    1¶ הוי רעים מאבדים ומפצים את צאן מרעיתי נאם יהוה׃

    2לכן כה אמר יהוה אלהי ישראל על הרעים הרעים את עמי אתם הפצתם את צאני ותדחום ולא פקדתם אתם הנני פקד עליכם את רע מעלליכם נאם יהוה׃

    3ואני אקבץ את שארית צאני מכל הארצות אשר הדחתי אתם שם והשבתי אתהן על נוהן ופרו ורבו׃

    4והקמתי עליהם רעים ורעום ולא ייראו עוד ולא יחתו ולא יפקדו נאם יהוה׃

  • יר׳ 25:34-36
    3 פסוקים
    80%

    34הילילו הרעים וזעקו והתפלשו אדירי הצאן כי מלאו ימיכם לטבוח ותפוצותיכם ונפלתם ככלי חמדה׃

    35ואבד מנוס מן הרעים ופליטה מאדירי הצאן׃

    36קול צעקת הרעים ויללת אדירי הצאן כי שדד יהוה את מרעיתם׃

  • יר׳ 10:21
    80%

    21כי נבערו הרעים ואת יהוה לא דרשו על כן לא השכילו וכל מרעיתם נפוצה׃

  • יח׳ 34:31
    79%

    31ואתן צאני צאן מרעיתי אדם אתם אני אלהיכם נאם אדני יהוה׃

  • זכ׳ 11:7-8
    2 פסוקים
    77%

    7וארעה את צאן ההרגה לכן עניי הצאן ואקח לי שני מקלות לאחד קראתי נעם ולאחד קראתי חבלים וארעה את הצאן׃

    8ואכחד את שלשת הרעים בירח אחד ותקצר נפשי בהם וגם נפשם בחלה בי׃

  • יר׳ 50:6
    77%

    6צאן אבדות היה עמי רעיהם התעום הרים שובבים מהר אל גבעה הלכו שכחו רבצם׃

  • זכ׳ 10:2-3
    2 פסוקים
    77%

    2כי התרפים דברו און והקוסמים חזו שקר וחלמות השוא ידברו הבל ינחמון על כן נסעו כמו צאן יענו כי אין רעה׃

    3על הרעים חרה אפי ועל העתודים אפקוד כי פקד יהוה צבאות את עדרו את בית יהודה ושם אותם כסוס הודו במלחמה׃

  • יוח 10:11-12
    2 פסוקים
    76%

    11אנכי הוא הרעה הטוב הרעה הטוב יתן את נפשו בעד צאנו׃

    12והשכיר אשר לא רעה הוא והצאן לא לו הנה בראותו כי בא הזאב יעזב את הצאן ונס והזאב יחטף ויפיץ את הצאן׃

  • יואל 1:18
    75%

    18מה נאנחה בהמה נבכו עדרי בקר כי אין מרעה להם גם עדרי הצאן נאשמו׃

  • זכ׳ 13:7
    74%

    7חרב עורי על רעי ועל גבר עמיתי נאם יהוה צבאות הך את הרעה ותפוצין הצאן והשבתי ידי על הצערים׃

  • מיכ׳ 7:14
    74%

    14רעה עמך בשבטך צאן נחלתך שכני לבדד יער בתוך כרמל ירעו בשן וגלעד כימי עולם׃

  • יר׳ 3:15
    74%

    15ונתתי לכם רעים כלבי ורעו אתכם דעה והשכיל׃

  • יר׳ 31:10
    73%

    10שמעו דבר יהוה גוים והגידו באיים ממרחק ואמרו מזרה ישראל יקבצנו ושמרו כרעה עדרו׃

  • דה״ב 18:16
    73%

    16ויאמר ראיתי את כל ישראל נפוצים על ההרים כצאן אשר אין להן רעה ויאמר יהוה לא אדנים לאלה ישובו איש לביתו בשלום׃

  • יר׳ 33:12
    73%

    12כה אמר יהוה צבאות עוד יהיה במקום הזה החרב מאין אדם ועד בהמה ובכל עריו נוה רעים מרבצים צאן׃

  • יח׳ 36:38
    73%

    38כצאן קדשים כצאן ירושלם במועדיה כן תהיינה הערים החרבות מלאות צאן אדם וידעו כי אני יהוה׃