עזרא 3:4

תנ ך עברי מודרני

ויעשו את חג הסכות ככתוב ועלת יום ביום במספר כמשפט דבר יום ביומו׃

משאבים נוספים

פסוקים מקושרים

  • שמ׳ 23:16 : 16 וחג הקציר בכורי מעשיך אשר תזרע בשדה וחג האסף בצאת השנה באספך את מעשיך מן השדה׃
  • במ׳ 29:12-38 : 12 ובחמשה עשר יום לחדש השביעי מקרא קדש יהיה לכם כל מלאכת עבדה לא תעשו וחגתם חג ליהוה שבעת ימים׃ 13 והקרבתם עלה אשה ריח ניחח ליהוה פרים בני בקר שלשה עשר אילם שנים כבשים בני שנה ארבעה עשר תמימם יהיו׃ 14 ומנחתם סלת בלולה בשמן שלשה עשרנים לפר האחד לשלשה עשר פרים שני עשרנים לאיל האחד לשני האילם׃ 15 ועשרון עשרון לכבש האחד לארבעה עשר כבשים׃ 16 ושעיר עזים אחד חטאת מלבד עלת התמיד מנחתה ונסכה׃ 17 וביום השני פרים בני בקר שנים עשר אילם שנים כבשים בני שנה ארבעה עשר תמימם׃ 18 ומנחתם ונסכיהם לפרים לאילם ולכבשים במספרם כמשפט׃ 19 ושעיר עזים אחד חטאת מלבד עלת התמיד ומנחתה ונסכיהם׃ 20 וביום השלישי פרים עשתי עשר אילם שנים כבשים בני שנה ארבעה עשר תמימם׃ 21 ומנחתם ונסכיהם לפרים לאילם ולכבשים במספרם כמשפט׃ 22 ושעיר חטאת אחד מלבד עלת התמיד ומנחתה ונסכה׃ 23 וביום הרביעי פרים עשרה אילם שנים כבשים בני שנה ארבעה עשר תמימם׃ 24 מנחתם ונסכיהם לפרים לאילם ולכבשים במספרם כמשפט׃ 25 ושעיר עזים אחד חטאת מלבד עלת התמיד מנחתה ונסכה׃ 26 וביום החמישי פרים תשעה אילם שנים כבשים בני שנה ארבעה עשר תמימם׃ 27 ומנחתם ונסכיהם לפרים לאילם ולכבשים במספרם כמשפט׃ 28 ושעיר חטאת אחד מלבד עלת התמיד ומנחתה ונסכה׃ 29 וביום הששי פרים שמנה אילם שנים כבשים בני שנה ארבעה עשר תמימם׃ 30 ומנחתם ונסכיהם לפרים לאילם ולכבשים במספרם כמשפט׃ 31 ושעיר חטאת אחד מלבד עלת התמיד מנחתה ונסכיה׃ 32 וביום השביעי פרים שבעה אילם שנים כבשים בני שנה ארבעה עשר תמימם׃ 33 ומנחתם ונסכהם לפרים לאילם ולכבשים במספרם כמשפטם׃ 34 ושעיר חטאת אחד מלבד עלת התמיד מנחתה ונסכה׃ 35 ביום השמיני עצרת תהיה לכם כל מלאכת עבדה לא תעשו׃ 36 והקרבתם עלה אשה ריח ניחח ליהוה פר אחד איל אחד כבשים בני שנה שבעה תמימם׃ 37 מנחתם ונסכיהם לפר לאיל ולכבשים במספרם כמשפט׃ 38 ושעיר חטאת אחד מלבד עלת התמיד ומנחתה ונסכה׃
  • נח׳ 8:14-17 : 14 וימצאו כתוב בתורה אשר צוה יהוה ביד משה אשר ישבו בני ישראל בסכות בחג בחדש השביעי׃ 15 ואשר ישמיעו ויעבירו קול בכל עריהם ובירושלם לאמר צאו ההר והביאו עלי זית ועלי עץ שמן ועלי הדס ועלי תמרים ועלי עץ עבת לעשת סכת ככתוב׃ 16 ויצאו העם ויביאו ויעשו להם סכות איש על גגו ובחצרתיהם ובחצרות בית האלהים וברחוב שער המים וברחוב שער אפרים׃ 17 ויעשו כל הקהל השבים מן השבי סכות וישבו בסכות כי לא עשו מימי ישוע בן נון כן בני ישראל עד היום ההוא ותהי שמחה גדולה מאד׃
  • זכ׳ 14:16-19 : 16 והיה כל הנותר מכל הגוים הבאים על ירושלם ועלו מדי שנה בשנה להשתחות למלך יהוה צבאות ולחג את חג הסכות׃ 17 והיה אשר לא יעלה מאת משפחות הארץ אל ירושלם להשתחות למלך יהוה צבאות ולא עליהם יהיה הגשם׃ 18 ואם משפחת מצרים לא תעלה ולא באה ולא עליהם תהיה המגפה אשר יגף יהוה את הגוים אשר לא יעלו לחג את חג הסכות׃ 19 זאת תהיה חטאת מצרים וחטאת כל הגוים אשר לא יעלו לחג את חג הסכות׃
  • יוח 7:2 : 2 ויקרב חג היהודים הוא חג הסכות׃
  • יוח 7:37 : 37 ויהי ביום החג האחרון הגדול עמד ישוע ויקרא לאמר איש כי יצמא יבא נא אלי וישתה׃
  • שמ׳ 5:13 : 13 והנגשים אצים לאמר כלו מעשיכם דבר יום ביומו כאשר בהיות התבן׃
  • יר׳ 52:34 : 34 וארחתו ארחת תמיד נתנה לו מאת מלך בבל דבר יום ביומו עד יום מותו כל ימי חייו׃
  • שמ׳ 29:38 : 38 וזה אשר תעשה על המזבח כבשים בני שנה שנים ליום תמיד׃
  • ויק׳ 23:34-36 : 34 דבר אל בני ישראל לאמר בחמשה עשר יום לחדש השביעי הזה חג הסכות שבעת ימים ליהוה׃ 35 ביום הראשון מקרא קדש כל מלאכת עבדה לא תעשו׃ 36 שבעת ימים תקריבו אשה ליהוה ביום השמיני מקרא קדש יהיה לכם והקרבתם אשה ליהוה עצרת הוא כל מלאכת עבדה לא תעשו׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • עז׳ 3:5-6
    2 פסוקים
    83%

    5ואחריכן עלת תמיד ולחדשים ולכל מועדי יהוה המקדשים ולכל מתנדב נדבה ליהוה׃

    6מיום אחד לחדש השביעי החלו להעלות עלות ליהוה והיכל יהוה לא יסד׃

  • דה״ב 8:13
    80%

    13ובדבר יום ביום להעלות כמצות משה לשבתות ולחדשים ולמועדות שלוש פעמים בשנה בחג המצות ובחג השבעות ובחג הסכות׃

  • דה״א 23:30-31
    2 פסוקים
    80%

    30ולעמד בבקר בבקר להדות ולהלל ליהוה וכן לערב׃

    31ולכל העלות עלות ליהוה לשבתות לחדשים ולמעדים במספר כמשפט עליהם תמיד לפני יהוה׃

  • עז׳ 3:2-3
    2 פסוקים
    78%

    2ויקם ישוע בן יוצדק ואחיו הכהנים וזרבבל בן שאלתיאל ואחיו ויבנו את מזבח אלהי ישראל להעלות עליו עלות ככתוב בתורת משה איש האלהים׃

    3ויכינו המזבח על מכונתיו כי באימה עליהם מעמי הארצות ויעל עליו עלות ליהוה עלות לבקר ולערב׃

  • דה״א 16:40
    76%

    40להעלות עלות ליהוה על מזבח העלה תמיד לבקר ולערב ולכל הכתוב בתורת יהוה אשר צוה על ישראל׃

  • דה״ב 31:3
    75%

    3ומנת המלך מן רכושו לעלות לעלות הבקר והערב והעלות לשבתות ולחדשים ולמעדים ככתוב בתורת יהוה׃

  • במ׳ 29:6
    75%

    6מלבד עלת החדש ומנחתה ועלת התמיד ומנחתה ונסכיהם כמשפטם לריח ניחח אשה ליהוה׃

  • במ׳ 28:23-24
    2 פסוקים
    74%

    23מלבד עלת הבקר אשר לעלת התמיד תעשו את אלה׃

    24כאלה תעשו ליום שבעת ימים לחם אשה ריח ניחח ליהוה על עולת התמיד יעשה ונסכו׃

  • עז׳ 6:9
    74%

    9ומה חשחן ובני תורין ודכרין ואמרין לעלון לאלה שמיא חנטין מלח חמר ומשח כמאמר כהניא די בירושלם להוא מתיהב להם יום ביום די לא שלו׃

  • דה״ב 13:11
    74%

    11ומקטרים ליהוה עלות בבקר בבקר ובערב בערב וקטרת סמים ומערכת לחם על השלחן הטהור ומנורת הזהב ונרתיה לבער בערב בערב כי שמרים אנחנו את משמרת יהוה אלהינו ואתם עזבתם אתו׃

  • ויק׳ 23:37
    74%

    37אלה מועדי יהוה אשר תקראו אתם מקראי קדש להקריב אשה ליהוה עלה ומנחה זבח ונסכים דבר יום ביומו׃

  • נח׳ 8:18
    73%

    18ויקרא בספר תורת האלהים יום ביום מן היום הראשון עד היום האחרון ויעשו חג שבעת ימים וביום השמיני עצרת כמשפט׃

  • במ׳ 29:17-18
    2 פסוקים
    73%

    17וביום השני פרים בני בקר שנים עשר אילם שנים כבשים בני שנה ארבעה עשר תמימם׃

    18ומנחתם ונסכיהם לפרים לאילם ולכבשים במספרם כמשפט׃

  • במ׳ 29:30
    73%

    30ומנחתם ונסכיהם לפרים לאילם ולכבשים במספרם כמשפט׃

  • במ׳ 29:27
    73%

    27ומנחתם ונסכיהם לפרים לאילם ולכבשים במספרם כמשפט׃

  • במ׳ 29:33
    73%

    33ומנחתם ונסכהם לפרים לאילם ולכבשים במספרם כמשפטם׃

  • במ׳ 29:24
    73%

    24מנחתם ונסכיהם לפרים לאילם ולכבשים במספרם כמשפט׃

  • במ׳ 29:21
    72%

    21ומנחתם ונסכיהם לפרים לאילם ולכבשים במספרם כמשפט׃

  • נח׳ 10:32-34
    3 פסוקים
    72%

    32והעמדנו עלינו מצות לתת עלינו שלשית השקל בשנה לעבדת בית אלהינו׃

    33ללחם המערכת ומנחת התמיד ולעולת התמיד השבתות החדשים למועדים ולקדשים ולחטאות לכפר על ישראל וכל מלאכת בית אלהינו׃

    34והגורלות הפלנו על קרבן העצים הכהנים הלוים והעם להביא לבית אלהינו לבית אבתינו לעתים מזמנים שנה בשנה לבער על מזבח יהוה אלהינו ככתוב בתורה׃

  • במ׳ 29:37
    72%

    37מנחתם ונסכיהם לפר לאיל ולכבשים במספרם כמשפט׃

  • דה״ב 35:12
    72%

    12ויסירו העלה לתתם למפלגות לבית אבות לבני העם להקריב ליהוה ככתוב בספר משה וכן לבקר׃

  • ויק׳ 9:16
    72%

    16ויקרב את העלה ויעשה כמשפט׃

  • במ׳ 28:10
    71%

    10עלת שבת בשבתו על עלת התמיד ונסכה׃

  • דה״ב 29:35
    71%

    35וגם עלה לרב בחלבי השלמים ובנסכים לעלה ותכון עבודת בית יהוה׃

  • דה״ב 7:9
    71%

    9ויעשו ביום השמיני עצרת כי חנכת המזבח עשו שבעת ימים והחג שבעת ימים׃

  • במ׳ 29:39
    71%

    39אלה תעשו ליהוה במועדיכם לבד מנדריכם ונדבתיכם לעלתיכם ולמנחתיכם ולנסכיכם ולשלמיכם׃

  • יח׳ 45:23
    71%

    23ושבעת ימי החג יעשה עולה ליהוה שבעת פרים ושבעת אילים תמימם ליום שבעת הימים וחטאת שעיר עזים ליום׃

  • במ׳ 15:3
    70%

    3ועשיתם אשה ליהוה עלה או זבח לפלא נדר או בנדבה או במעדיכם לעשות ריח ניחח ליהוה מן הבקר או מן הצאן׃

  • עז׳ 6:18
    70%

    18והקימו כהניא בפלגתהון ולויא במחלקתהון על עבידת אלהא די בירושלם ככתב ספר משה׃

  • במ׳ 28:3
    70%

    3ואמרת להם זה האשה אשר תקריבו ליהוה כבשים בני שנה תמימם שנים ליום עלה תמיד׃

  • יח׳ 46:15
    70%

    15ועשו את הכבש ואת המנחה ואת השמן בבקר בבקר עולת תמיד׃

  • נח׳ 9:3
    69%

    3ויקומו על עמדם ויקראו בספר תורת יהוה אלהיהם רבעית היום ורבעית מתודים ומשתחוים ליהוה אלהיהם׃

  • דה״ב 35:16
    69%

    16ותכון כל עבודת יהוה ביום ההוא לעשות הפסח והעלות עלות על מזבח יהוה כמצות המלך יאשיהו׃

  • נח׳ 13:5
    69%

    5ויעש לו לשכה גדולה ושם היו לפנים נתנים את המנחה הלבונה והכלים ומעשר הדגן התירוש והיצהר מצות הלוים והמשררים והשערים ותרומת הכהנים׃

  • שמ׳ 36:3
    69%

    3ויקחו מלפני משה את כל התרומה אשר הביאו בני ישראל למלאכת עבדת הקדש לעשת אתה והם הביאו אליו עוד נדבה בבקר בבקר׃

  • דה״א 29:21
    69%

    21ויזבחו ליהוה זבחים ויעלו עלות ליהוה למחרת היום ההוא פרים אלף אילים אלף כבשים אלף ונסכיהם וזבחים לרב לכל ישראל׃

  • דה״ב 35:14
    69%

    14ואחר הכינו להם ולכהנים כי הכהנים בני אהרן בהעלות העולה והחלבים עד לילה והלוים הכינו להם ולכהנים בני אהרן׃

  • שמ׳ 29:38
    69%

    38וזה אשר תעשה על המזבח כבשים בני שנה שנים ליום תמיד׃

  • במ׳ 29:13
    69%

    13והקרבתם עלה אשה ריח ניחח ליהוה פרים בני בקר שלשה עשר אילם שנים כבשים בני שנה ארבעה עשר תמימם יהיו׃

  • דה״ב 30:15
    69%

    15וישחטו הפסח בארבעה עשר לחדש השני והכהנים והלוים נכלמו ויתקדשו ויביאו עלות בית יהוה׃

  • במ׳ 28:31
    69%

    31מלבד עלת התמיד ומנחתו תעשו תמימם יהיו לכם ונסכיהם׃

  • יח׳ 43:25
    69%

    25שבעת ימים תעשה שעיר חטאת ליום ופר בן בקר ואיל מן הצאן תמימים יעשו׃