בראשית 25:30

תנ ך עברי מודרני

ויאמר עשו אל יעקב הלעיטני נא מן האדם האדם הזה כי עיף אנכי על כן קרא שמו אדום׃

משאבים נוספים

פסוקים מקושרים

  • בר׳ 36:1 : 1 ¶ ואלה תלדות עשו הוא אדום׃
  • בר׳ 36:9 : 9 ואלה תלדות עשו אבי אדום בהר שעיר׃
  • בר׳ 36:43 : 43 אלוף מגדיאל אלוף עירם אלה אלופי אדום למשבתם בארץ אחזתם הוא עשו אבי אדום׃
  • שמ׳ 15:15 : 15 אז נבהלו אלופי אדום אילי מואב יאחזמו רעד נמגו כל ישבי כנען׃
  • במ׳ 20:14-21 : 14 וישלח משה מלאכים מקדש אל מלך אדום כה אמר אחיך ישראל אתה ידעת את כל התלאה אשר מצאתנו׃ 15 וירדו אבתינו מצרימה ונשב במצרים ימים רבים וירעו לנו מצרים ולאבתינו׃ 16 ונצעק אל יהוה וישמע קלנו וישלח מלאך ויצאנו ממצרים והנה אנחנו בקדש עיר קצה גבולך׃ 17 נעברה נא בארצך לא נעבר בשדה ובכרם ולא נשתה מי באר דרך המלך נלך לא נטה ימין ושמאול עד אשר נעבר גבולך׃ 18 ויאמר אליו אדום לא תעבר בי פן בחרב אצא לקראתך׃ 19 ויאמרו אליו בני ישראל במסלה נעלה ואם מימיך נשתה אני ומקני ונתתי מכרם רק אין דבר ברגלי אעברה׃ 20 ויאמר לא תעבר ויצא אדום לקראתו בעם כבד וביד חזקה׃ 21 וימאן אדום נתן את ישראל עבר בגבלו ויט ישראל מעליו׃
  • דב׳ 23:7 : 7 לא תתעב אדמי כי אחיך הוא לא תתעב מצרי כי גר היית בארצו׃
  • מל״ב 8:20 : 20 בימיו פשע אדום מתחת יד יהודה וימלכו עליהם מלך׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • בר׳ 25:25-29
    5 פסוקים
    90%

    25ויצא הראשון אדמוני כלו כאדרת שער ויקראו שמו עשו׃

    26ואחרי כן יצא אחיו וידו אחזת בעקב עשו ויקרא שמו יעקב ויצחק בן ששים שנה בלדת אתם׃

    27ויגדלו הנערים ויהי עשו איש ידע ציד איש שדה ויעקב איש תם ישב אהלים׃

    28ויאהב יצחק את עשו כי ציד בפיו ורבקה אהבת את יעקב׃

    29ויזד יעקב נזיד ויבא עשו מן השדה והוא עיף׃

  • בר׳ 25:31-34
    4 פסוקים
    83%

    31ויאמר יעקב מכרה כיום את בכרתך לי׃

    32ויאמר עשו הנה אנכי הולך למות ולמה זה לי בכרה׃

    33ויאמר יעקב השבעה לי כיום וישבע לו וימכר את בכרתו ליעקב׃

    34ויעקב נתן לעשו לחם ונזיד עדשים ויאכל וישת ויקם וילך ויבז עשו את הבכרה׃

  • בר׳ 27:19
    77%

    19ויאמר יעקב אל אביו אנכי עשו בכרך עשיתי כאשר דברת אלי קום נא שבה ואכלה מצידי בעבור תברכני נפשך׃

  • בר׳ 27:30-34
    5 פסוקים
    76%

    30ויהי כאשר כלה יצחק לברך את יעקב ויהי אך יצא יצא יעקב מאת פני יצחק אביו ועשו אחיו בא מצידו׃

    31ויעש גם הוא מטעמים ויבא לאביו ויאמר לאביו יקם אבי ויאכל מציד בנו בעבור תברכני נפשך׃

    32ויאמר לו יצחק אביו מי אתה ויאמר אני בנך בכרך עשו׃

    33ויחרד יצחק חרדה גדלה עד מאד ויאמר מי אפוא הוא הצד ציד ויבא לי ואכל מכל בטרם תבוא ואברכהו גם ברוך יהיה׃

    34כשמע עשו את דברי אביו ויצעק צעקה גדלה ומרה עד מאד ויאמר לאביו ברכני גם אני אבי׃

  • בר׳ 27:24-25
    2 פסוקים
    76%

    24ויאמר אתה זה בני עשו ויאמר אני׃

    25ויאמר הגשה לי ואכלה מציד בני למען תברכך נפשי ויגש לו ויאכל ויבא לו יין וישת׃

  • בר׳ 33:9
    75%

    9ויאמר עשו יש לי רב אחי יהי לך אשר לך׃

  • בר׳ 27:36-38
    3 פסוקים
    74%

    36ויאמר הכי קרא שמו יעקב ויעקבני זה פעמים את בכרתי לקח והנה עתה לקח ברכתי ויאמר הלא אצלת לי ברכה׃

    37ויען יצחק ויאמר לעשו הן גביר שמתיו לך ואת כל אחיו נתתי לו לעבדים ודגן ותירש סמכתיו ולכה אפוא מה אעשה בני׃

    38ויאמר עשו אל אביו הברכה אחת הוא לך אבי ברכני גם אני אבי וישא עשו קלו ויבך׃

  • בר׳ 27:41
    74%

    41וישטם עשו את יעקב על הברכה אשר ברכו אביו ויאמר עשו בלבו יקרבו ימי אבל אבי ואהרגה את יעקב אחי׃

  • בר׳ 33:15
    73%

    15ויאמר עשו אציגה נא עמך מן העם אשר אתי ויאמר למה זה אמצא חן בעיני אדני׃

  • בר׳ 33:11
    73%

    11קח נא את ברכתי אשר הבאת לך כי חנני אלהים וכי יש לי כל ויפצר בו ויקח׃

  • בר׳ 27:4-7
    4 פסוקים
    73%

    4ועשה לי מטעמים כאשר אהבתי והביאה לי ואכלה בעבור תברכך נפשי בטרם אמות׃

    5ורבקה שמעת בדבר יצחק אל עשו בנו וילך עשו השדה לצוד ציד להביא׃

    6ורבקה אמרה אל יעקב בנה לאמר הנה שמעתי את אביך מדבר אל עשו אחיך לאמר׃

    7הביאה לי ציד ועשה לי מטעמים ואכלה ואברככה לפני יהוה לפני מותי׃

  • בר׳ 36:8
    72%

    8וישב עשו בהר שעיר עשו הוא אדום׃

  • עבר 12:16
    72%

    16פן ימצא בכם זנה או חלל כעשו אשר בנזיד אחד מכר את בכורתו׃

  • בר׳ 36:1
    72%

    1¶ ואלה תלדות עשו הוא אדום׃

  • בר׳ 27:1
    71%

    1¶ ויהי כי זקן יצחק ותכהין עיניו מראת ויקרא את עשו בנו הגדל ויאמר אליו בני ויאמר אליו הנני׃