בראשית 26:9

תנ ך עברי מודרני

ויקרא אבימלך ליצחק ויאמר אך הנה אשתך הוא ואיך אמרת אחתי הוא ויאמר אליו יצחק כי אמרתי פן אמות עליה׃

משאבים נוספים

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • בר׳ 26:10-11
    2 פסוקים
    85%

    10ויאמר אבימלך מה זאת עשית לנו כמעט שכב אחד העם את אשתך והבאת עלינו אשם׃

    11ויצו אבימלך את כל העם לאמר הנגע באיש הזה ובאשתו מות יומת׃

  • בר׳ 26:6-8
    3 פסוקים
    84%

    6וישב יצחק בגרר׃

    7וישאלו אנשי המקום לאשתו ויאמר אחתי הוא כי ירא לאמר אשתי פן יהרגני אנשי המקום על רבקה כי טובת מראה היא׃

    8ויהי כי ארכו לו שם הימים וישקף אבימלך מלך פלשתים בעד החלון וירא והנה יצחק מצחק את רבקה אשתו׃

  • בר׳ 20:2-13
    12 פסוקים
    79%

    2ויאמר אברהם אל שרה אשתו אחתי הוא וישלח אבימלך מלך גרר ויקח את שרה׃

    3ויבא אלהים אל אבימלך בחלום הלילה ויאמר לו הנך מת על האשה אשר לקחת והוא בעלת בעל׃

    4ואבימלך לא קרב אליה ויאמר אדני הגוי גם צדיק תהרג׃

    5הלא הוא אמר לי אחתי הוא והיא גם הוא אמרה אחי הוא בתם לבבי ובנקין כפי עשיתי זאת׃

    6ויאמר אליו האלהים בחלם גם אנכי ידעתי כי בתם לבבך עשית זאת ואחשך גם אנכי אותך מחטו לי על כן לא נתתיך לנגע אליה׃

    7ועתה השב אשת האיש כי נביא הוא ויתפלל בעדך וחיה ואם אינך משיב דע כי מות תמות אתה וכל אשר לך׃

    8וישכם אבימלך בבקר ויקרא לכל עבדיו וידבר את כל הדברים האלה באזניהם וייראו האנשים מאד׃

    9ויקרא אבימלך לאברהם ויאמר לו מה עשית לנו ומה חטאתי לך כי הבאת עלי ועל ממלכתי חטאה גדלה מעשים אשר לא יעשו עשית עמדי׃

    10ויאמר אבימלך אל אברהם מה ראית כי עשית את הדבר הזה׃

    11ויאמר אברהם כי אמרתי רק אין יראת אלהים במקום הזה והרגוני על דבר אשתי׃

    12וגם אמנה אחתי בת אבי הוא אך לא בת אמי ותהי לי לאשה׃

    13ויהי כאשר התעו אתי אלהים מבית אבי ואמר לה זה חסדך אשר תעשי עמדי אל כל המקום אשר נבוא שמה אמרי לי אחי הוא׃

  • בר׳ 12:18-19
    2 פסוקים
    78%

    18ויקרא פרעה לאברם ויאמר מה זאת עשית לי למה לא הגדת לי כי אשתך הוא׃

    19למה אמרת אחתי הוא ואקח אתה לי לאשה ועתה הנה אשתך קח ולך׃

  • בר׳ 12:12-13
    2 פסוקים
    77%

    12והיה כי יראו אתך המצרים ואמרו אשתו זאת והרגו אתי ואתך יחיו׃

    13אמרי נא אחתי את למען ייטב לי בעבורך וחיתה נפשי בגללך׃

  • בר׳ 26:16
    73%

    16ויאמר אבימלך אל יצחק לך מעמנו כי עצמת ממנו מאד׃

  • בר׳ 26:1
    73%

    1¶ ויהי רעב בארץ מלבד הרעב הראשון אשר היה בימי אברהם וילך יצחק אל אבימלך מלך פלשתים גררה׃

  • בר׳ 24:66
    72%

    66ויספר העבד ליצחק את כל הדברים אשר עשה׃

  • בר׳ 27:46
    71%

    46ותאמר רבקה אל יצחק קצתי בחיי מפני בנות חת אם לקח יעקב אשה מבנות חת כאלה מבנות הארץ למה לי חיים׃

  • בר׳ 21:26
    71%

    26ויאמר אבימלך לא ידעתי מי עשה את הדבר הזה וגם אתה לא הגדת לי וגם אנכי לא שמעתי בלתי היום׃

  • בר׳ 26:27
    71%

    27ויאמר אלהם יצחק מדוע באתם אלי ואתם שנאתם אתי ותשלחוני מאתכם׃

  • בר׳ 18:9
    71%

    9ויאמרו אליו איה שרה אשתך ויאמר הנה באהל׃