בראשית 33:1

תנ ך עברי מודרני

¶ וישא יעקב עיניו וירא והנה עשו בא ועמו ארבע מאות איש ויחץ את הילדים על לאה ועל רחל ועל שתי השפחות׃

משאבים נוספים

פסוקים מקושרים

  • בר׳ 32:6-7 : 6 וישבו המלאכים אל יעקב לאמר באנו אל אחיך אל עשו וגם הלך לקראתך וארבע מאות איש עמו׃ 7 ויירא יעקב מאד ויצר לו ויחץ את העם אשר אתו ואת הצאן ואת הבקר והגמלים לשני מחנות׃
  • בר׳ 32:16 : 16 ויתן ביד עבדיו עדר עדר לבדו ויאמר אל עבדיו עברו לפני ורוח תשימו בין עדר ובין עדר׃
  • בר׳ 27:41-42 : 41 וישטם עשו את יעקב על הברכה אשר ברכו אביו ויאמר עשו בלבו יקרבו ימי אבל אבי ואהרגה את יעקב אחי׃ 42 ויגד לרבקה את דברי עשו בנה הגדל ותשלח ותקרא ליעקב בנה הקטן ותאמר אליו הנה עשו אחיך מתנחם לך להרגך׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • בר׳ 32:6-8
    3 פסוקים
    82%

    6וישבו המלאכים אל יעקב לאמר באנו אל אחיך אל עשו וגם הלך לקראתך וארבע מאות איש עמו׃

    7ויירא יעקב מאד ויצר לו ויחץ את העם אשר אתו ואת הצאן ואת הבקר והגמלים לשני מחנות׃

    8ויאמר אם יבוא עשו אל המחנה האחת והכהו והיה המחנה הנשאר לפליטה׃

  • בר׳ 33:2-8
    7 פסוקים
    81%

    2וישם את השפחות ואת ילדיהן ראשנה ואת לאה וילדיה אחרנים ואת רחל ואת יוסף אחרנים׃

    3והוא עבר לפניהם וישתחו ארצה שבע פעמים עד גשתו עד אחיו׃

    4וירץ עשו לקראתו ויחבקהו ויפל על צוארו וישקהו ויבכו׃

    5וישא את עיניו וירא את הנשים ואת הילדים ויאמר מי אלה לך ויאמר הילדים אשר חנן אלהים את עבדך׃

    6ותגשן השפחות הנה וילדיהן ותשתחוין׃

    7ותגש גם לאה וילדיה וישתחוו ואחר נגש יוסף ורחל וישתחוו׃

    8ויאמר מי לך כל המחנה הזה אשר פגשתי ויאמר למצא חן בעיני אדני׃

  • בר׳ 31:4-5
    2 פסוקים
    77%

    4וישלח יעקב ויקרא לרחל וללאה השדה אל צאנו׃

    5ויאמר להן ראה אנכי את פני אביכן כי איננו אלי כתמל שלשם ואלהי אבי היה עמדי׃

  • בר׳ 32:3-4
    2 פסוקים
    74%

    3וישלח יעקב מלאכים לפניו אל עשו אחיו ארצה שעיר שדה אדום׃

    4ויצו אתם לאמר כה תאמרון לאדני לעשו כה אמר עבדך יעקב עם לבן גרתי ואחר עד עתה׃

  • בר׳ 36:6
    74%

    6ויקח עשו את נשיו ואת בניו ואת בנתיו ואת כל נפשות ביתו ואת מקנהו ואת כל בהמתו ואת כל קנינו אשר רכש בארץ כנען וילך אל ארץ מפני יעקב אחיו׃

  • בר׳ 32:19-20
    2 פסוקים
    74%

    19ויצו גם את השני גם את השלישי גם את כל ההלכים אחרי העדרים לאמר כדבר הזה תדברון אל עשו במצאכם אתו׃

    20ואמרתם גם הנה עבדך יעקב אחרינו כי אמר אכפרה פניו במנחה ההלכת לפני ואחרי כן אראה פניו אולי ישא פני׃

  • בר׳ 31:33
    73%

    33ויבא לבן באהל יעקב ובאהל לאה ובאהל שתי האמהת ולא מצא ויצא מאהל לאה ויבא באהל רחל׃

  • בר׳ 29:6
    73%

    6ויאמר להם השלום לו ויאמרו שלום והנה רחל בתו באה עם הצאן׃

  • בר׳ 32:17
    73%

    17ויצו את הראשון לאמר כי יפגשך עשו אחי ושאלך לאמר למי אתה ואנה תלך ולמי אלה לפניך׃

  • בר׳ 33:15
    72%

    15ויאמר עשו אציגה נא עמך מן העם אשר אתי ויאמר למה זה אמצא חן בעיני אדני׃