בראשית 41:3

תנ ך עברי מודרני

והנה שבע פרות אחרות עלות אחריהן מן היאר רעות מראה ודקות בשר ותעמדנה אצל הפרות על שפת היאר׃

משאבים נוספים

פסוקים מקושרים

  • בר׳ 41:4 : 4 ותאכלנה הפרות רעות המראה ודקת הבשר את שבע הפרות יפת המראה והבריאת וייקץ פרעה׃
  • בר׳ 41:20-21 : 20 ותאכלנה הפרות הרקות והרעות את שבע הפרות הראשנות הבריאת׃ 21 ותבאנה אל קרבנה ולא נודע כי באו אל קרבנה ומראיהן רע כאשר בתחלה ואיקץ׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • בר׳ 41:17-31
    15 פסוקים
    93%

    17וידבר פרעה אל יוסף בחלמי הנני עמד על שפת היאר׃

    18והנה מן היאר עלת שבע פרות בריאות בשר ויפת תאר ותרעינה באחו׃

    19והנה שבע פרות אחרות עלות אחריהן דלות ורעות תאר מאד ורקות בשר לא ראיתי כהנה בכל ארץ מצרים לרע׃

    20ותאכלנה הפרות הרקות והרעות את שבע הפרות הראשנות הבריאת׃

    21ותבאנה אל קרבנה ולא נודע כי באו אל קרבנה ומראיהן רע כאשר בתחלה ואיקץ׃

    22וארא בחלמי והנה שבע שבלים עלת בקנה אחד מלאת וטבות׃

    23והנה שבע שבלים צנמות דקות שדפות קדים צמחות אחריהם׃

    24ותבלען השבלים הדקת את שבע השבלים הטבות ואמר אל החרטמים ואין מגיד לי׃

    25ויאמר יוסף אל פרעה חלום פרעה אחד הוא את אשר האלהים עשה הגיד לפרעה׃

    26שבע פרת הטבת שבע שנים הנה ושבע השבלים הטבת שבע שנים הנה חלום אחד הוא׃

    27ושבע הפרות הרקות והרעת העלת אחריהן שבע שנים הנה ושבע השבלים הרקות שדפות הקדים יהיו שבע שני רעב׃

    28הוא הדבר אשר דברתי אל פרעה אשר האלהים עשה הראה את פרעה׃

    29הנה שבע שנים באות שבע גדול בכל ארץ מצרים׃

    30וקמו שבע שני רעב אחריהן ונשכח כל השבע בארץ מצרים וכלה הרעב את הארץ׃

    31ולא יודע השבע בארץ מפני הרעב ההוא אחרי כן כי כבד הוא מאד׃

  • בר׳ 41:1-2
    2 פסוקים
    93%

    1¶ ויהי מקץ שנתים ימים ופרעה חלם והנה עמד על היאר׃

    2והנה מן היאר עלת שבע פרות יפות מראה ובריאת בשר ותרעינה באחו׃

  • בר׳ 41:4-8
    5 פסוקים
    91%

    4ותאכלנה הפרות רעות המראה ודקת הבשר את שבע הפרות יפת המראה והבריאת וייקץ פרעה׃

    5ויישן ויחלם שנית והנה שבע שבלים עלות בקנה אחד בריאות וטבות׃

    6והנה שבע שבלים דקות ושדופת קדים צמחות אחריהן׃

    7ותבלענה השבלים הדקות את שבע השבלים הבריאות והמלאות וייקץ פרעה והנה חלום׃

    8ויהי בבקר ותפעם רוחו וישלח ויקרא את כל חרטמי מצרים ואת כל חכמיה ויספר פרעה להם את חלמו ואין פותר אותם לפרעה׃

  • בר׳ 41:36-37
    2 פסוקים
    70%

    36והיה האכל לפקדון לארץ לשבע שני הרעב אשר תהיין בארץ מצרים ולא תכרת הארץ ברעב׃

    37וייטב הדבר בעיני פרעה ובעיני כל עבדיו׃

  • שמ׳ 7:21
    69%

    21והדגה אשר ביאר מתה ויבאש היאר ולא יכלו מצרים לשתות מים מן היאר ויהי הדם בכל ארץ מצרים׃

  • בר׳ 31:10
    69%

    10ויהי בעת יחם הצאן ואשא עיני וארא בחלום והנה העתדים העלים על הצאן עקדים נקדים וברדים׃

  • בר׳ 37:6
    68%

    6ויאמר אליהם שמעו נא החלום הזה אשר חלמתי׃

  • מע״ש 7:11
    68%

    11ויהי רעב על כל ארץ מצרים וכנען וצרה גדולה ואבותינו לא מצאו אכל׃

  • שמ׳ 7:18
    68%

    18והדגה אשר ביאר תמות ובאש היאר ונלאו מצרים לשתות מים מן היאר׃

  • דנ׳ 7:5
    68%

    5וארו חיוה אחרי תנינה דמיה לדב ולשטר חד הקמת ותלת עלעין בפמה בין שניה וכן אמרין לה קומי אכלי בשר שגיא׃

  • בר׳ 41:54
    68%

    54ותחלינה שבע שני הרעב לבוא כאשר אמר יוסף ויהי רעב בכל הארצות ובכל ארץ מצרים היה לחם׃

  • בר׳ 45:17
    68%

    17ויאמר פרעה אל יוסף אמר אל אחיך זאת עשו טענו את בעירכם ולכו באו ארצה כנען׃

  • בר׳ 41:15
    68%

    15ויאמר פרעה אל יוסף חלום חלמתי ופתר אין אתו ואני שמעתי עליך לאמר תשמע חלום לפתר אתו׃

  • בר׳ 30:41
    68%

    41והיה בכל יחם הצאן המקשרות ושם יעקב את המקלות לעיני הצאן ברהטים ליחמנה במקלות׃

  • שמ׳ 9:3
    68%

    3הנה יד יהוה הויה במקנך אשר בשדה בסוסים בחמרים בגמלים בבקר ובצאן דבר כבד מאד׃

  • דנ׳ 7:7
    68%

    7באתר דנה חזה הוית בחזוי ליליא וארו חיוה רביעיה דחילה ואימתני ותקיפא יתירא ושנין די פרזל לה רברבן אכלה ומדקה ושארא ברגליה רפסה והיא משניה מן כל חיותא די קדמיה וקרנין עשר לה׃

  • בר׳ 37:19
    68%

    19ויאמרו איש אל אחיו הנה בעל החלמות הלזה בא׃

  • מע״ש 7:18
    67%

    18עד כי קם מלך אחר אשר לא ידע את יוסף׃

  • שמ׳ 7:25
    67%

    25וימלא שבעת ימים אחרי הכות יהוה את היאר׃

  • בר׳ 41:33
    67%

    33ועתה ירא פרעה איש נבון וחכם וישיתהו על ארץ מצרים׃

  • דנ׳ 7:3
    67%

    3וארבע חיון רברבן סלקן מן ימא שנין דא מן דא׃