ישעיהו 27:9

תנ ך עברי מודרני

לכן בזאת יכפר עון יעקב וזה כל פרי הסר חטאתו בשומו כל אבני מזבח כאבני גר מנפצות לא יקמו אשרים וחמנים׃

משאבים נוספים

פסוקים מקושרים

  • יש׳ 17:8 : 8 ולא ישעה אל המזבחות מעשה ידיו ואשר עשו אצבעתיו לא יראה והאשרים והחמנים׃
  • יש׳ 48:10 : 10 הנה צרפתיך ולא בכסף בחרתיך בכור עני׃
  • דנ׳ 11:35 : 35 ומן המשכילים יכשלו לצרוף בהם ולברר וללבן עד עת קץ כי עוד למועד׃
  • רומ 11:27 : 27 ואני זאת בריתי אותם בהסירי חטאתם׃
  • קור״א 11:32 : 32 וכאשר נדון נוסר על יד האדון למען לא נחיב עם העולם׃
  • עבר 12:6 : 6 כי את אשר יאהב יהוה יוכיח יכאב את בן ירצה׃
  • עבר 12:9-9 : 9 ועוד אם אבות בשרנו היו מיסרים אתנו ונירא מהם אף כי נכנע לפני אבי הרוחות ונחיה׃ 10 כי המה יסרונו כטוב בעיניהם לימים מעטים אבל זה להועיל למען יהיה לנו חלק בקדשתו׃ 11 וכל מוסר בעת עברו עלינו איננו שמחה בעינינו כי אם יגון אולם באחריתו יתן פרי שלום לצדקה למלמדים בו׃
  • הוש׳ 14:8 : 8 אפרים מה לי עוד לעצבים אני עניתי ואשורנו אני כברוש רענן ממני פריך נמצא׃
  • מיכ׳ 5:13-14 : 13 והכרתי פסיליך ומצבותיך מקרבך ולא תשתחוה עוד למעשה ידיך׃ 14 ונתשתי אשיריך מקרבך והשמדתי עריך׃
  • זכ׳ 13:2 : 2 והיה ביום ההוא נאם יהוה צבאות אכרית את שמות העצבים מן הארץ ולא יזכרו עוד וגם את הנביאים ואת רוח הטמאה אעביר מן הארץ׃
  • מל׳ 3:2-3 : 2 ומי מכלכל את יום בואו ומי העמד בהראותו כי הוא כאש מצרף וכברית מכבסים׃ 3 וישב מצרף ומטהר כסף וטהר את בני לוי וזקק אתם כזהב וככסף והיו ליהוה מגישי מנחה בצדקה׃
  • יח׳ 11:18 : 18 ובאו שמה והסירו את כל שקוציה ואת כל תועבתיה ממנה׃
  • יח׳ 20:38 : 38 וברותי מכם המרדים והפושעים בי מארץ מגוריהם אוציא אותם ואל אדמת ישראל לא יבוא וידעתם כי אני יהוה׃
  • יח׳ 24:11-14 : 11 והעמידה על גחליה רקה למען תחם וחרה נחשתה ונתכה בתוכה טמאתה תתם חלאתה׃ 12 תאנים הלאת ולא תצא ממנה רבת חלאתה באש חלאתה׃ 13 בטמאתך זמה יען טהרתיך ולא טהרת מטמאתך לא תטהרי עוד עד הניחי את חמתי בך׃ 14 אני יהוה דברתי באה ועשיתי לא אפרע ולא אחוס ולא אנחם כדרכיך וכעלילותיך שפטוך נאם אדני יהוה׃
  • שמ׳ 34:13 : 13 כי את מזבחתם תתצון ואת מצבתם תשברון ואת אשריו תכרתון׃
  • מל״ב 25:9 : 9 וישרף את בית יהוה ואת בית המלך ואת כל בתי ירושלם ואת כל בית גדול שרף באש׃
  • מל״ב 25:13-17 : 13 ואת עמודי הנחשת אשר בית יהוה ואת המכנות ואת ים הנחשת אשר בבית יהוה שברו כשדים וישאו את נחשתם בבלה׃ 14 ואת הסירת ואת היעים ואת המזמרות ואת הכפות ואת כל כלי הנחשת אשר ישרתו בם לקחו׃ 15 ואת המחתות ואת המזרקות אשר זהב זהב ואשר כסף כסף לקח רב טבחים׃ 16 העמודים שנים הים האחד והמכנות אשר עשה שלמה לבית יהוה לא היה משקל לנחשת כל הכלים האלה׃ 17 שמנה עשרה אמה קומת העמוד האחד וכתרת עליו נחשת וקומת הכתרת שלש אמה ושבכה ורמנים על הכתרת סביב הכל נחשת וכאלה לעמוד השני על השבכה׃
  • דה״ב 14:5 : 5 ויסר מכל ערי יהודה את הבמות ואת החמנים ותשקט הממלכה לפניו׃
  • דה״ב 34:4 : 4 וינתצו לפניו את מזבחות הבעלים והחמנים אשר למעלה מעליהם גדע והאשרים והפסלים והמסכות שבר והדק ויזרק על פני הקברים הזבחים להם׃
  • דה״ב 36:19 : 19 וישרפו את בית האלהים וינתצו את חומת ירושלם וכל ארמנותיה שרפו באש וכל כלי מחמדיה להשחית׃
  • עז׳ 3:2-3 : 2 ויקם ישוע בן יוצדק ואחיו הכהנים וזרבבל בן שאלתיאל ואחיו ויבנו את מזבח אלהי ישראל להעלות עליו עלות ככתוב בתורת משה איש האלהים׃ 3 ויכינו המזבח על מכונתיו כי באימה עליהם מעמי הארצות ויעל עליו עלות ליהוה עלות לבקר ולערב׃
  • תה׳ 119:67 : 67 טרם אענה אני שגג ועתה אמרתך שמרתי׃
  • תה׳ 119:71 : 71 טוב לי כי עניתי למען אלמד חקיך׃
  • מש׳ 20:30 : 30 חברות פצע תמריק ברע ומכות חדרי בטן׃
  • יש׳ 1:24-25 : 24 לכן נאם האדון יהוה צבאות אביר ישראל הוי אנחם מצרי ואנקמה מאויבי׃ 25 ואשיבה ידי עליך ואצרף כבר סיגיך ואסירה כל בדיליך׃
  • יש׳ 1:29 : 29 כי יבשו מאילים אשר חמדתם ותחפרו מהגנות אשר בחרתם׃
  • יש׳ 2:12-21 : 12 כי יום ליהוה צבאות על כל גאה ורם ועל כל נשא ושפל׃ 13 ועל כל ארזי הלבנון הרמים והנשאים ועל כל אלוני הבשן׃ 14 ועל כל ההרים הרמים ועל כל הגבעות הנשאות׃ 15 ועל כל מגדל גבה ועל כל חומה בצורה׃ 16 ועל כל אניות תרשיש ועל כל שכיות החמדה׃ 17 ושח גבהות האדם ושפל רום אנשים ונשגב יהוה לבדו ביום ההוא׃ 18 והאלילים כליל יחלף׃ 19 ובאו במערות צרים ובמחלות עפר מפני פחד יהוה ומהדר גאונו בקומו לערץ הארץ׃ 20 ביום ההוא ישליך האדם את אלילי כספו ואת אלילי זהבו אשר עשו לו להשתחות לחפר פרות ולעטלפים׃ 21 לבוא בנקרות הצרים ובסעפי הסלעים מפני פחד יהוה ומהדר גאונו בקומו לערץ הארץ׃
  • יש׳ 4:4 : 4 אם רחץ אדני את צאת בנות ציון ואת דמי ירושלם ידיח מקרבה ברוח משפט וברוח בער׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מל״ב 23:14-15
    2 פסוקים
    77%

    14ושבר את המצבות ויכרת את האשרים וימלא את מקומם עצמות אדם׃

    15וגם את המזבח אשר בבית אל הבמה אשר עשה ירבעם בן נבט אשר החטיא את ישראל גם את המזבח ההוא ואת הבמה נתץ וישרף את הבמה הדק לעפר ושרף אשרה׃

  • דה״ב 31:1
    76%

    1¶ וככלות כל זאת יצאו כל ישראל הנמצאים לערי יהודה וישברו המצבות ויגדעו האשרים וינתצו את הבמות ואת המזבחת מכל יהודה ובנימן ובאפרים ומנשה עד לכלה וישובו כל בני ישראל איש לאחזתו לעריהם׃

  • יש׳ 17:8-9
    2 פסוקים
    75%

    8ולא ישעה אל המזבחות מעשה ידיו ואשר עשו אצבעתיו לא יראה והאשרים והחמנים׃

    9ביום ההוא יהיו ערי מעזו כעזובת החרש והאמיר אשר עזבו מפני בני ישראל והיתה שממה׃

  • מיכ׳ 1:5-7
    3 פסוקים
    75%

    5בפשע יעקב כל זאת ובחטאות בית ישראל מי פשע יעקב הלוא שמרון ומי במות יהודה הלוא ירושלם׃

    6ושמתי שמרון לעי השדה למטעי כרם והגרתי לגי אבניה ויסדיה אגלה׃

    7וכל פסיליה יכתו וכל אתנניה ישרפו באש וכל עצביה אשים שממה כי מאתנן זונה קבצה ועד אתנן זונה ישובו׃

  • יש׳ 27:10
    75%

    10כי עיר בצורה בדד נוה משלח ונעזב כמדבר שם ירעה עגל ושם ירבץ וכלה סעפיה׃

  • שמ׳ 34:13
    75%

    13כי את מזבחתם תתצון ואת מצבתם תשברון ואת אשריו תכרתון׃

  • עמ׳ 3:14
    75%

    14כי ביום פקדי פשעי ישראל עליו ופקדתי על מזבחות בית אל ונגדעו קרנות המזבח ונפלו לארץ׃

  • יר׳ 17:1-3
    3 פסוקים
    75%

    1¶ חטאת יהודה כתובה בעט ברזל בצפרן שמיר חרושה על לוח לבם ולקרנות מזבחותיכם׃

    2כזכר בניהם מזבחותם ואשריהם על עץ רענן על גבעות הגבהות׃

    3הררי בשדה חילך כל אוצרותיך לבז אתן במתיך בחטאת בכל גבוליך׃

  • הוש׳ 10:8
    74%

    8ונשמדו במות און חטאת ישראל קוץ ודרדר יעלה על מזבחותם ואמרו להרים כסונו ולגבעות נפלו עלינו׃

  • דב׳ 7:5
    74%

    5כי אם כה תעשו להם מזבחתיהם תתצו ומצבתם תשברו ואשירהם תגדעון ופסיליהם תשרפון באש׃

  • הוש׳ 8:11
    73%

    11כי הרבה אפרים מזבחת לחטא היו לו מזבחות לחטא׃

  • יח׳ 6:6
    73%

    6בכל מושבותיכם הערים תחרבנה והבמות תישמנה למען יחרבו ויאשמו מזבחותיכם ונשברו ונשבתו גלוליכם ונגדעו חמניכם ונמחו מעשיכם׃

  • דב׳ 12:3
    73%

    3ונתצתם את מזבחתם ושברתם את מצבתם ואשריהם תשרפון באש ופסילי אלהיהם תגדעון ואבדתם את שמם מן המקום ההוא׃

  • הוש׳ 10:1-2
    2 פסוקים
    73%

    1¶ גפן בוקק ישראל פרי ישוה לו כרב לפריו הרבה למזבחות כטוב לארצו היטיבו מצבות׃

    2חלק לבם עתה יאשמו הוא יערף מזבחותם ישדד מצבותם׃

  • דה״ב 34:7
    73%

    7וינתץ את המזבחות ואת האשרים והפסלים כתת להדק וכל החמנים גדע בכל ארץ ישראל וישב לירושלם׃

  • דה״ב 14:3
    73%

    3ויסר את מזבחות הנכר והבמות וישבר את המצבות ויגדע את האשרים׃

  • דה״ב 34:4-5
    2 פסוקים
    73%

    4וינתצו לפניו את מזבחות הבעלים והחמנים אשר למעלה מעליהם גדע והאשרים והפסלים והמסכות שבר והדק ויזרק על פני הקברים הזבחים להם׃

    5ועצמות כהנים שרף על מזבחותים ויטהר את יהודה ואת ירושלם׃

  • יש׳ 31:7
    73%

    7כי ביום ההוא ימאסון איש אלילי כספו ואלילי זהבו אשר עשו לכם ידיכם חטא׃

  • יש׳ 2:18
    73%

    18והאלילים כליל יחלף׃

  • מל״ב 23:6
    72%

    6ויצא את האשרה מבית יהוה מחוץ לירושלם אל נחל קדרון וישרף אתה בנחל קדרון וידק לעפר וישלך את עפרה על קבר בני העם׃

  • מיכ׳ 5:13-14
    2 פסוקים
    72%

    13והכרתי פסיליך ומצבותיך מקרבך ולא תשתחוה עוד למעשה ידיך׃

    14ונתשתי אשיריך מקרבך והשמדתי עריך׃

  • נח׳ 1:14-15
    2 פסוקים
    72%

    14וצוה עליך יהוה לא יזרע משמך עוד מבית אלהיך אכרית פסל ומסכה אשים קברך כי קלות׃

    15הנה על ההרים רגלי מבשר משמיע שלום חגי יהודה חגיך שלמי נדריך כי לא יוסיף עוד לעבור בך בליעל כלה נכרת׃

  • מיכ׳ 3:12
    72%

    12לכן בגללכם ציון שדה תחרש וירושלם עיין תהיה והר הבית לבמות יער׃

  • הוש׳ 12:11
    72%

    11אם גלעד און אך שוא היו בגלגל שורים זבחו גם מזבחותם כגלים על תלמי שדי׃

  • יח׳ 6:4
    72%

    4ונשמו מזבחותיכם ונשברו חמניכם והפלתי חלליכם לפני גלוליכם׃

  • יש׳ 30:22
    72%

    22וטמאתם את צפוי פסילי כספך ואת אפדת מסכת זהבך תזרם כמו דוה צא תאמר לו׃

  • ויק׳ 26:30
    71%

    30והשמדתי את במתיכם והכרתי את חמניכם ונתתי את פגריכם על פגרי גלוליכם וגעלה נפשי אתכם׃

  • יש׳ 57:5-6
    2 פסוקים
    71%

    5הנחמים באלים תחת כל עץ רענן שחטי הילדים בנחלים תחת סעפי הסלעים׃

    6בחלקי נחל חלקך הם הם גורלך גם להם שפכת נסך העלית מנחה העל אלה אנחם׃

  • איכה 2:6-7
    2 פסוקים
    71%

    6ויחמס כגן שכו שחת מועדו שכח יהוה בציון מועד ושבת וינאץ בזעם אפו מלך וכהן׃

    7זנח אדני מזבחו נאר מקדשו הסגיר ביד אויב חומת ארמנותיה קול נתנו בבית יהוה כיום מועד׃

  • דה״ב 30:14
    71%

    14ויקמו ויסירו את המזבחות אשר בירושלם ואת כל המקטרות הסירו וישליכו לנחל קדרון׃

  • מל״ב 17:10
    71%

    10ויצבו להם מצבות ואשרים על כל גבעה גבהה ותחת כל עץ רענן׃

  • יש׳ 27:8
    71%

    8בסאסאה בשלחה תריבנה הגה ברוחו הקשה ביום קדים׃

  • הוש׳ 13:2
    71%

    2ועתה יוספו לחטא ויעשו להם מסכה מכספם כתבונם עצבים מעשה חרשים כלה להם הם אמרים זבחי אדם עגלים ישקון׃

  • במ׳ 33:52
    71%

    52והורשתם את כל ישבי הארץ מפניכם ואבדתם את כל משכיתם ואת כל צלמי מסכתם תאבדו ואת כל במתם תשמידו׃

  • זכ׳ 3:9
    71%

    9כי הנה האבן אשר נתתי לפני יהושע על אבן אחת שבעה עינים הנני מפתח פתחה נאם יהוה צבאות ומשתי את עון הארץ ההיא ביום אחד׃

  • יש׳ 9:10
    71%

    10לבנים נפלו וגזית נבנה שקמים גדעו וארזים נחליף׃

  • יואל 1:7
    71%

    7שם גפני לשמה ותאנתי לקצפה חשף חשפה והשליך הלבינו שריגיה׃

  • יש׳ 1:28
    70%

    28ושבר פשעים וחטאים יחדו ועזבי יהוה יכלו׃