יוחנן 15:17

תנ ך עברי מודרני

את אלה אני מצוה אתכם למען תאהבון איש את אחיו׃

משאבים נוספים

פסוקים מקושרים

  • יוח 15:12 : 12 הנה זאת מצותי כי תאהבון איש את אחיו כאשר אהבתיכם׃
  • יוח״א 3:14-17 : 14 אנחנו ידענו כי עברנו מן המות אל החיים על כי נאהב את אחינו איש אשר לא יאהב את אחיו ישאר במות׃ 15 כל השנא את אחיו רצח נפש הוא וידעתם כי כל רצח נפש לא יתקימו בו חיי עולמים׃ 16 בזאת הכרנו את האהבה כי הוא נתן את נפשו בעדנו גם אנחנו חיבים לתת את נפשתינו בעד אחינו׃ 17 ואיש אשר לו נכסי העולם והוא ראה את אחיו חסר לחם וקפץ את רחמיו ממנו איך תעמד בו אהבת אלהים׃
  • פט״א 2:17 : 17 נהגו כבוד בכל איש אהבו את האחים יראו את אלהים כבדו את המלך׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • יוח 15:7-16
    10 פסוקים
    90%

    7והיה אם תעמדו בי ודברי יהיו בכם ככל חפצכם תשאלו ויעשה לכם׃

    8בזאת נכבד אבי בעשותכם פרי לרב והייתם לי לתלמידים׃

    9כאשר אהבני אבי אהבתי אתכם גם אני ואתם עמדו באהבתי׃

    10אם תשמרו את מצותי תעמדו באהבתי כאשר שמרתי גם אני את מצות אבי ועמדתי באהבתו׃

    11את אלה דברתי אליכם בעבור תהיה שמחתי בכם ותמלא שמחתכם׃

    12הנה זאת מצותי כי תאהבון איש את אחיו כאשר אהבתיכם׃

    13אין לאיש אהבה יתרה מתתו את נפשו בעד ידידיו׃

    14ואתם ידידי אתם אם תעשו את אשר אני מצוה אתכם׃

    15לא אקרא לכם עוד עבדים כי העבד איננו ידע את אשר יעשה אדניו כי אם אמרתי ידידי אתם כי כל אשר שמעתי מאת אבי הודעתי אתכם׃

    16לא אתם בחרתם בי כי אם אנכי בחרתי בכם והפקדתי אתכם ללכת ולעשות פרי ופריכם יקום והיה כל אשר תשאלו מאבי בשמי יתן לכם׃

  • יוח 13:33-35
    3 פסוקים
    86%

    33בני עוד מעט מזער אהיה עמכם אתם תבקשוני וכאשר אמרתי אל היהודים כי אל אשר אני הולך לא תוכלו לבוא שמה כן אליכם אמר אני עתה׃

    34מצוה חדשה אני נתן לכם כי תאהבו איש את אחיו כאשר אהבתי אתכם כן גם אתם איש את אחיו תאהבון׃

    35בזאת ידעו כלם כי תלמידי אתם בהיות אהבה ביניכם׃

  • יוח 14:15
    81%

    15אם אהבתם אתי את מצותי תשמרו׃

  • יוח 15:18-20
    3 פסוקים
    78%

    18אם העולם שנא אתכם דעו כי אתי שנא ראשונה׃

    19אלו מן העולם הייתם כי אז אהב העולם את אשר לו ויען כי אינכם מן העולם כי אם בחרתי אתכם מתוך העולם לכן העולם ישנא אתכם׃

    20זכרו את דברי אשר דברתי אליכם העבד איננו גדול מאדניו אם רדפו אתי גם אתכם ירדפו אם שמרו את דברי גם את דברכם ישמרו׃

  • יוח 13:14-15
    2 פסוקים
    77%

    14לכן אם אני המורה והאדון רחצתי את רגליכם גם אתם חיבים לרחץ איש את רגלי אחיו׃

    15כי מופת נתתי לכם למען תעשו גם אתם כאשר עשיתי לכם׃

  • יוח״א 3:23
    76%

    23וזאת היא מצותו להאמין בשם בנו ישוע המשיח ולאהבה איש את רעהו כאשר צונו׃

  • יוח 17:21-24
    4 פסוקים
    76%

    21למען יהיו כלם אחד כאשר אתה אבי בי אתה ואני בך והיו גם המה בנו כאשר למען יאמין העולם כי אתה שלחתני׃

    22ואני נתתי להם את הכבוד אשר נתת לי למען יהיו אחד כאשר אנחנו אחד נחנו׃

    23אני בהם ואתה בי למען יהיו משלמים לאחד ולמען ידע העולם כי אתה שלחתני ואהבת אתם כאשר אהבתני׃

    24אבי חפצתי כי גם הם אשר נתתם לי יהיו עמי באשר אהיה אני למען יחזו את כבודי אשר נתת לי כי אהבתני לפני מוסדות עולם׃

  • יוח 15:4-5
    2 פסוקים
    75%

    4עמדו בי ואני בכם כאשר השריג בל יעשה פרי מאליו אם לא יעמד בגפן כן גם אתם אם לא תעמדו בי׃

    5אנכי הוא הגפן ואתם השריגים העמד בי ואני בו הוא יעשה פרי לרב כי בלעדי לא תוכלון עשות מאומה׃

  • יוח״ב 1:5-6
    2 פסוקים
    75%

    5ועתה מבקש אני ממך הגבירה ולא ככתב אליך מצוה חדשה כי אם את אשר היתה לנו מראש לאהבה איש את רעהו׃

    6וזאת היא האהבה אשר נתהלך במצותיו זאת היא המצוה אשר שמעתם מראש להתהלך בה׃

  • יוח 14:20-21
    2 פסוקים
    75%

    20והיה ביום ההוא ידוע תדעו כי אני באבי ואתם בי ואני בכם׃

    21מי אשר מצותי אתו וינצרן זה הוא אשר יאהבני ואהבי אהוב הוא לאבי ואני אהבהו ואליו אתודע׃

  • יוח״א 4:11
    75%

    11אהובי אם ככה אהב אתנו האלהים גם אנחנו חיבים לאהבה איש את רעהו׃

  • יוח״א 4:21
    75%

    21וזאת המצוה יש לנו מאתו כי האהב את האלהים יאהב גם את אחיו׃

  • יוח 14:31
    74%

    31אך למען ידע העולם כי את אבי אני אהב וכאשר צוני אבי כן אני עשה קומו ונלכה מזה׃

  • יוח 16:1
    74%

    1¶ את אלה דברתי אליכם למען לא תכשלו׃

  • יוח״א 3:11
    74%

    11כי זאת היא השמועה אשר שמעתם מראש לאהבה איש את רעהו׃

  • יוח 14:24-25
    2 פסוקים
    74%

    24ואשר לא יאהבני הוא לא ישמר את דברי והדבר אשר שמעתם לא שלי הוא כי אם של אבי אשר שלחני׃

    25את אלה דברתי אליכם בעוד היותי עמכם׃

  • יוח 16:27
    73%

    27כי אבי גם הוא אהב אתכם עקב אשר אהבתוני והאמנתם כי מאת אלהים יצאתי׃

  • יוח 17:13-14
    2 פסוקים
    73%

    13ועתה הנני בא אליך ואלה אני מדבר בעולם למען תמלא להם שמחתי בקרבם׃

    14אני נתתי להם את דברך והעולם שנא אתם יען כי לא מן העולם המה כאשר גם אנכי לא מן העולם אני׃

  • יוח 13:17
    73%

    17אם ידעתם זאת אשריכם אם כן תעשו׃

  • יוח״א 2:15
    72%

    15אל תאהבו את החלד ואת דברי החלד אם יאהב איש את החלד אין בו אהבת האב׃

  • לוק 6:27
    72%

    27אבל אליכם השמעים אני אמר אהבו את איביכם היטיבו לשנאיכם׃

  • מתי 5:43-44
    2 פסוקים
    72%

    43שמעתם כי נאמר ואהבת לרעך ושנאת את איבך׃

    44אבל אני אמר לכם אהבו את איביכם ברכו את מקקליכם היטיבו לשנאיכם והתפללו בעד מכאיביכם ורדפיכם׃

  • יוח 17:11
    72%

    11ואני אינני עוד בעולם והם בעולם המה ואני בא אליך אבי הקדוש נצר בשמך את אשר נתתם לי למען יהיו אחד כמנו׃

  • יוח 17:18
    72%

    18כאשר אתה שלחת אתי אל העולם כן גם אני שלחתי אתם אל העולם׃

  • יוח 13:1
    72%

    1¶ ולפני חג הפסח כשידע ישוע כי באה שעתו לעבר מן העולם הזה אל אביו כאשר אהב את בחיריו אשר בעולם כן אהבם עד הקץ׃

  • יוח 17:26
    71%

    26ואני הודעתים את שמך ואוסיף להודיעם למען תהיה בם האהבה אשר אהבתני ואני אהיה בהם׃

  • תס״א 4:9
    71%

    9ועל אהבת האחים אין צרך לכתב אליכם הלא אף אתם למודי יהוה לאהבה איש את רעהו׃