יוחנן 21:8

תנ ך עברי מודרני

והתלמידים הנשארים באו בספינה כי לא הרחיקו מן היבשה כי אם כמאתים אמה וימשכו את המכמרת עם הדגים׃

משאבים נוספים

פסוקים מקושרים

  • דב׳ 3:11 : 11 כי רק עוג מלך הבשן נשאר מיתר הרפאים הנה ערשו ערש ברזל הלה הוא ברבת בני עמון תשע אמות ארכה וארבע אמות רחבה באמת איש׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • יוח 21:9-13
    5 פסוקים
    84%

    9ויהי כצאתם אל היבשה ויראו שם גחלי אש ערוכים ודגים עליהם ולחם לאכל׃

    10ויאמר אליהם ישוע הביאו הלם מן הדגים אשר אחזתם עתה׃

    11ויעל שמעון פטרוס וימשך את המכמרת אל היבשה והיא מלאה דגים גדולים מאה וחמשים ושלשה ולא נקרעה המכמרת אף כי רבים היו׃

    12ויאמר אליהם ישוע באו ברו לחם ואין גם אחד בתלמידים אשר מלאו לבו לשאל אתו מי אתה כי ידעו אשר הוא האדון׃

    13ויבא ישוע ויקח את הלחם ויתן להם וגם את הדגים׃

  • יוח 21:1-7
    7 פסוקים
    84%

    1¶ ויהי אחרי כן ויסף ישוע הגלות אל תלמידיו על ים טיבריה וכה נגלה אליהם׃

    2שמעון פטרוס ותומא הנקרא דידומוס ונתנאל מקנה אשר בארץ הגליל ובני זבדי ועוד שנים אחרים מתלמידיו ישבו יחדו׃

    3ויאמר אליהם שמעון פטרוס הנני הלך לדיג ויאמרו אליו גם אנחנו נלך עמך ויצאו וימהרו לרדת אל האניה ובלילה ההוא לא אחזו מאומה׃

    4הבקר אור וישוע עמד על שפת הים ולא ידעו התלמידים כי ישוע הוא׃

    5ויאמר אליהם ישוע בני היש לכם אכל מאומה ויענו אתו אין׃

    6ויאמר להם השליכו המכמרת מימין לאניה ותמצאו וישליכו ולא יכלו עוד למשך אתה מרב הדגים׃

    7ויאמר התלמיד ההוא אשר ישוע אהבו אל פטרוס זה הוא האדון ויהי כשמע שמעון פטרוס כי הוא האדון ויחגר את מעילו כי עירום היה ויתנפל אל הים׃

  • לוק 5:2-7
    6 פסוקים
    80%

    2וירא שתי אניות עמדות על יד הים והדיגים יצאו מהן וידיחו את המכמרות׃

    3וירד אל אחת מן האניות אשר היא לשמעון ויבקש ממנו להוליכו מעט מן היבשה אל הים וישב וילמד את העם מתוך האניה׃

    4ויכל לדבר ויאמר אל שמעון הוליכה אל עמק הים והורידו את מכמרותיכם לצוד׃

    5ויען שמעון ויאמר אליו מורה כל הלילה יגענו ולא לכדנו מאומה אך על פי דברך אוריד את המכמרת׃

    6ויעשו כן וילכדו דגים הרבה מאד ותקרע מכמרתם׃

    7ויניפו יד אל חבריהם אשר באמיה השנית לבוא אליהם ולעזרם ויבאו וימלאו את שתי האניות עד כי שקעו׃

  • יוח 6:21-24
    4 פסוקים
    77%

    21ויואילו לקחת אתו אל האניה ורגע הגיעה האניה לארץ אשר הם הלכים שמה׃

    22ויהי ממחרת וירא המון העם העמד מעבר לים כי לא היתה אניה בזה בלתי אחת אשר ירדו בה תלמידיו וכי ישוע לא בא עם תלמידיו אל האניה אך תלמידיו לבדם נסעו מזה׃

    23ואניות אחרות באו מטיברים קרוב למקום אשר אכלו שם את הלחם בברכת האדון׃

    24ויהי כראות המון העם כי ישוע איננו שם אף לא תלמידיו וירדו גם הם באניות ויבאו אל כפר נחום לבקש את ישוע׃

  • לוק 5:9
    76%

    9כי שמה החזיקה אותו ואת כל אשר אתו על ציד הדגים אשר צדו׃

  • מתי 4:18
    76%

    18ויהי בהתהלכו על יד ים הגליל וירא שני אנשים אחים את שמעון הנקרא פטרוס ואת אנדרי אחיו והמה משליכים מצודה בים כי דיגים היו׃

  • מרק 1:16-19
    4 פסוקים
    76%

    16ויהי בהתהלכו על יד ים הגליל וירא את שמעון ואת אנדרי אחי שמעון פרשים מצודה בים כי דיגים היו׃

    17ויאמר אליהם ישוע לכו אחרי ואשימכם לדיגי אנשים׃

    18ויעזבו מהר את מכמרתיהם וילכו אחריו׃

    19ויהי כעברו מעט משם וירא את יעקב בן זבדי ואת יוחנן אחיו וגם המה באניה מתקנים את המכמרות׃

  • יוח 6:19
    76%

    19והם חתרו במשוטיהם כדרך עשרים וחמש או שלשים ריס ויראו את ישוע מתהלך על הים הלוך וקרב אל האניה וייראו׃

  • יוח 6:16-17
    2 פסוקים
    74%

    16ויהי בערב וירדו תלמידיו אל הים ויבאו באניה ויעברו אל עבר הים אל כפר נחום׃

    17ויכס אתם החשך וישוע לא בא אליהם׃

  • מתי 4:20-21
    2 פסוקים
    74%

    20ויעזבו מהרה את המכמרות וילכו אחריו׃

    21ויהי כעברו משם וירא שני אנשים אחים אחרים את יעקב בן זבדי ואת יוחנן אחיו באניה עם זבדי אביהם מתקנים את מכמרותם ויקרא אליהם׃

  • לוק 8:22
    74%

    22ויהי היום וירד אל אניה הוא ותלמידיו ויאמר אליהם נעברה אל עבר הים וישוטו הימה׃

  • מרק 4:36
    73%

    36ויעזבו את המון העם ויקחו אתו כאשר הוא באניה וגם אניות אחרות הלכו עמו׃

  • מרק 6:53-54
    2 פסוקים
    73%

    53ויעברו את הים ויבאו ארצה גניסר ויקרבו אל היבשה׃

    54ויהי כצאתם מן האניה אז הכירהו׃

  • מתי 8:23
    73%

    23וירד אל האניה וירדו אתו תלמידיו׃

  • מרק 6:43
    72%

    43וישאו מן הפתותים מלוא סלים שנים עשר וגם מן הדגים׃

  • מרק 6:48
    72%

    48וירא אותם מתעמלים בשוטם כי הרוח לנגדם ויהי כעת האשמרת הרביעית ויבא אליהם מתהלך על פני הים ויואל לעבור לפניהם׃

  • לוק 5:11
    72%

    11ויוליכו את האניות אל היבשה ויעזבו את הכל וילכו אחריו׃

  • מרק 8:7
    72%

    7ויהי להם מעט דגים קטנים ויברך ויאמר לשום לפניהם גם את אלה׃

  • מתי 13:48
    72%

    48וכאשר נמלאה העלו אתה אל שפת הים וישבו וילקטו את המינים הטובים לתוך הכלים ואת המשחתים השליכו חוצה׃

  • מתי 17:27
    71%

    27אך למען לא נהיה להם למכשול לך אל הים והשלכת אל תוכו חכה ואת הדג הראשון אשר יעלה שאהו וכאשר תפתח את פיו תמצא בו אסתירא אותו קח לך ונתת להם בעדי ובעדך׃

  • מתי 14:22
    71%

    22ויאץ ישוע בתלמידיו לרדת באניה לעבר לפניה אל עבר הים עד אשר ישלח את העם׃

  • מרק 8:10
    71%

    10אז ירד באניה עם תלמידיו ויבא אל גלילות דלמונתא׃

  • מרק 3:9
    71%

    9ויאמר אל תלמידיו כי יכינו לו אניה קטנה מפני העם למען לא ילחצוהו׃

  • מרק 8:14
    70%

    14וישכחו לקחת אתם לחם ולא היה להם באניה בלתי אם ככר לחם אחת׃

  • מע״ש 27:39
    70%

    39הבקר אור ולא הכירו את הארץ אבל ראו כמפרץ וחוף לו ויועצו לנהג אליו את האניה אם יוכלו׃

  • מתי 14:34
    70%

    34ויעברו את הים ויבאו ארצה גניסר׃