יהושע 8:32

תנ ך עברי מודרני

ויכתב שם על האבנים את משנה תורת משה אשר כתב לפני בני ישראל׃

משאבים נוספים

פסוקים מקושרים

  • דב׳ 27:2-3 : 2 והיה ביום אשר תעברו את הירדן אל הארץ אשר יהוה אלהיך נתן לך והקמת לך אבנים גדלות ושדת אתם בשיד׃ 3 וכתבת עליהן את כל דברי התורה הזאת בעברך למען אשר תבא אל הארץ אשר יהוה אלהיך נתן לך ארץ זבת חלב ודבש כאשר דבר יהוה אלהי אבתיך לך׃
  • דב׳ 27:8 : 8 וכתבת על האבנים את כל דברי התורה הזאת באר היטב׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • דב׳ 27:8
    84%

    8וכתבת על האבנים את כל דברי התורה הזאת באר היטב׃

  • יהוש׳ 8:30-31
    2 פסוקים
    82%

    30אז יבנה יהושע מזבח ליהוה אלהי ישראל בהר עיבל׃

    31כאשר צוה משה עבד יהוה את בני ישראל ככתוב בספר תורת משה מזבח אבנים שלמות אשר לא הניף עליהן ברזל ויעלו עליו עלות ליהוה ויזבחו שלמים׃

  • יהוש׳ 8:33-35
    3 פסוקים
    78%

    33וכל ישראל וזקניו ושטרים ושפטיו עמדים מזה ומזה לארון נגד הכהנים הלוים נשאי ארון ברית יהוה כגר כאזרח חציו אל מול הר גרזים והחציו אל מול הר עיבל כאשר צוה משה עבד יהוה לברך את העם ישראל בראשנה׃

    34ואחרי כן קרא את כל דברי התורה הברכה והקללה ככל הכתוב בספר התורה׃

    35לא היה דבר מכל אשר צוה משה אשר לא קרא יהושע נגד כל קהל ישראל והנשים והטף והגר ההלך בקרבם׃

  • דב׳ 4:13
    77%

    13ויגד לכם את בריתו אשר צוה אתכם לעשות עשרת הדברים ויכתבם על שני לחות אבנים׃

  • שמ׳ 34:27
    77%

    27ויאמר יהוה אל משה כתב לך את הדברים האלה כי על פי הדברים האלה כרתי אתך ברית ואת ישראל׃

  • דב׳ 4:44
    77%

    44וזאת התורה אשר שם משה לפני בני ישראל׃

  • שמ׳ 24:4
    76%

    4ויכתב משה את כל דברי יהוה וישכם בבקר ויבן מזבח תחת ההר ושתים עשרה מצבה לשנים עשר שבטי ישראל׃

  • דב׳ 31:9
    76%

    9ויכתב משה את התורה הזאת ויתנה אל הכהנים בני לוי הנשאים את ארון ברית יהוה ואל כל זקני ישראל׃

  • יהוש׳ 24:26-27
    2 פסוקים
    76%

    26ויכתב יהושע את הדברים האלה בספר תורת אלהים ויקח אבן גדולה ויקימה שם תחת האלה אשר במקדש יהוה׃

    27ויאמר יהושע אל כל העם הנה האבן הזאת תהיה בנו לעדה כי היא שמעה את כל אמרי יהוה אשר דבר עמנו והיתה בכם לעדה פן תכחשון באלהיכם׃

  • דב׳ 10:4-5
    2 פסוקים
    75%

    4ויכתב על הלחת כמכתב הראשון את עשרת הדברים אשר דבר יהוה אליכם בהר מתוך האש ביום הקהל ויתנם יהוה אלי׃

    5ואפן וארד מן ההר ואשם את הלחת בארון אשר עשיתי ויהיו שם כאשר צוני יהוה׃

  • שמ׳ 32:15-16
    2 פסוקים
    75%

    15ויפן וירד משה מן ההר ושני לחת העדת בידו לחת כתבים משני עבריהם מזה ומזה הם כתבים׃

    16והלחת מעשה אלהים המה והמכתב מכתב אלהים הוא חרות על הלחת׃

  • דב׳ 31:22
    74%

    22ויכתב משה את השירה הזאת ביום ההוא וילמדה את בני ישראל׃

  • דב׳ 27:2-4
    3 פסוקים
    74%

    2והיה ביום אשר תעברו את הירדן אל הארץ אשר יהוה אלהיך נתן לך והקמת לך אבנים גדלות ושדת אתם בשיד׃

    3וכתבת עליהן את כל דברי התורה הזאת בעברך למען אשר תבא אל הארץ אשר יהוה אלהיך נתן לך ארץ זבת חלב ודבש כאשר דבר יהוה אלהי אבתיך לך׃

    4והיה בעברכם את הירדן תקימו את האבנים האלה אשר אנכי מצוה אתכם היום בהר עיבל ושדת אותם בשיד׃

  • דב׳ 31:24-26
    3 פסוקים
    74%

    24ויהי ככלות משה לכתב את דברי התורה הזאת על ספר עד תמם׃

    25ויצו משה את הלוים נשאי ארון ברית יהוה לאמר׃

    26לקח את ספר התורה הזה ושמתם אתו מצד ארון ברית יהוה אלהיכם והיה שם בך לעד׃

  • דב׳ 29:1
    73%

    1¶ אלה דברי הברית אשר צוה יהוה את משה לכרת את בני ישראל בארץ מואב מלבד הברית אשר כרת אתם בחרב׃

  • שמ׳ 24:12
    73%

    12ויאמר יהוה אל משה עלה אלי ההרה והיה שם ואתנה לך את לחת האבן והתורה והמצוה אשר כתבתי להורתם׃

  • שמ׳ 31:18
    73%

    18ויתן אל משה ככלתו לדבר אתו בהר סיני שני לחת העדת לחת אבן כתבים באצבע אלהים׃

  • דב׳ 9:10
    73%

    10ויתן יהוה אלי את שני לוחת האבנים כתבים באצבע אלהים ועליהם ככל הדברים אשר דבר יהוה עמכם בהר מתוך האש ביום הקהל׃

  • דב׳ 31:19
    73%

    19ועתה כתבו לכם את השירה הזאת ולמדה את בני ישראל שימה בפיהם למען תהיה לי השירה הזאת לעד בבני ישראל׃

  • יהוש׳ 4:8-9
    2 פסוקים
    72%

    8ויעשו כן בני ישראל כאשר צוה יהושע וישאו שתי עשרה אבנים מתוך הירדן כאשר דבר יהוה אל יהושע למספר שבטי בני ישראל ויעברום עמם אל המלון וינחום שם׃

    9ושתים עשרה אבנים הקים יהושע בתוך הירדן תחת מצב רגלי הכהנים נשאי ארון הברית ויהיו שם עד היום הזה׃

  • דב׳ 17:18
    72%

    18והיה כשבתו על כסא ממלכתו וכתב לו את משנה התורה הזאת על ספר מלפני הכהנים הלוים׃

  • דב׳ 10:2
    72%

    2ואכתב על הלחת את הדברים אשר היו על הלחת הראשנים אשר שברת ושמתם בארון׃

  • שמ׳ 39:7
    71%

    7וישם אתם על כתפת האפד אבני זכרון לבני ישראל כאשר צוה יהוה את משה׃

  • שמ׳ 34:4
    71%

    4ויפסל שני לחת אבנים כראשנים וישכם משה בבקר ויעל אל הר סיני כאשר צוה יהוה אתו ויקח בידו שני לחת אבנים׃

  • דב׳ 27:11
    71%

    11ויצו משה את העם ביום ההוא לאמר׃

  • דב׳ 1:5
    71%

    5בעבר הירדן בארץ מואב הואיל משה באר את התורה הזאת לאמר׃

  • במ׳ 36:13
    71%

    13אלה המצות והמשפטים אשר צוה יהוה ביד משה אל בני ישראל בערבת מואב על ירדן ירחו׃

  • דב׳ 5:22
    71%

    22את הדברים האלה דבר יהוה אל כל קהלכם בהר מתוך האש הענן והערפל קול גדול ולא יסף ויכתבם על שני לחת אבנים ויתנם אלי׃

  • שמ׳ 34:1
    71%

    1¶ ויאמר יהוה אל משה פסל לך שני לחת אבנים כראשנים וכתבתי על הלחת את הדברים אשר היו על הלחת הראשנים אשר שברת׃

  • שמ׳ 34:32
    71%

    32ואחרי כן נגשו כל בני ישראל ויצום את כל אשר דבר יהוה אתו בהר סיני׃

  • ויק׳ 27:34
    71%

    34אלה המצות אשר צוה יהוה את משה אל בני ישראל בהר סיני׃

  • ויק׳ 26:46
    71%

    46אלה החקים והמשפטים והתורת אשר נתן יהוה בינו ובין בני ישראל בהר סיני ביד משה׃

  • דב׳ 32:46
    70%

    46ויאמר אלהם שימו לבבכם לכל הדברים אשר אנכי מעיד בכם היום אשר תצום את בניכם לשמר לעשות את כל דברי התורה הזאת׃