ויקרא 8:19

תנ ך עברי מודרני

וישחט ויזרק משה את הדם על המזבח סביב׃

משאבים נוספים

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • ויק׳ 8:14-18
    5 פסוקים
    89%

    14ויגש את פר החטאת ויסמך אהרן ובניו את ידיהם על ראש פר החטאת׃

    15וישחט ויקח משה את הדם ויתן על קרנות המזבח סביב באצבעו ויחטא את המזבח ואת הדם יצק אל יסוד המזבח ויקדשהו לכפר עליו׃

    16ויקח את כל החלב אשר על הקרב ואת יתרת הכבד ואת שתי הכלית ואת חלבהן ויקטר משה המזבחה׃

    17ואת הפר ואת ערו ואת בשרו ואת פרשו שרף באש מחוץ למחנה כאשר צוה יהוה את משה׃

    18ויקרב את איל העלה ויסמכו אהרן ובניו את ידיהם על ראש האיל׃

  • ויק׳ 8:20-24
    5 פסוקים
    85%

    20ואת האיל נתח לנתחיו ויקטר משה את הראש ואת הנתחים ואת הפדר׃

    21ואת הקרב ואת הכרעים רחץ במים ויקטר משה את כל האיל המזבחה עלה הוא לריח ניחח אשה הוא ליהוה כאשר צוה יהוה את משה׃

    22ויקרב את האיל השני איל המלאים ויסמכו אהרן ובניו את ידיהם על ראש האיל׃

    23וישחט ויקח משה מדמו ויתן על תנוך אזן אהרן הימנית ועל בהן ידו הימנית ועל בהן רגלו הימנית׃

    24ויקרב את בני אהרן ויתן משה מן הדם על תנוך אזנם הימנית ועל בהן ידם הימנית ועל בהן רגלם הימנית ויזרק משה את הדם על המזבח סביב׃

  • ויק׳ 3:8
    85%

    8וסמך את ידו על ראש קרבנו ושחט אתו לפני אהל מועד וזרקו בני אהרן את דמו על המזבח סביב׃

  • ויק׳ 9:12-15
    4 פסוקים
    85%

    12וישחט את העלה וימצאו בני אהרן אליו את הדם ויזרקהו על המזבח סביב׃

    13ואת העלה המציאו אליו לנתחיה ואת הראש ויקטר על המזבח׃

    14וירחץ את הקרב ואת הכרעים ויקטר על העלה המזבחה׃

    15ויקרב את קרבן העם ויקח את שעיר החטאת אשר לעם וישחטהו ויחטאהו כראשון׃

  • ויק׳ 3:13
    84%

    13וסמך את ידו על ראשו ושחט אתו לפני אהל מועד וזרקו בני אהרן את דמו על המזבח סביב׃

  • שמ׳ 29:16-18
    3 פסוקים
    84%

    16ושחטת את האיל ולקחת את דמו וזרקת על המזבח סביב׃

    17ואת האיל תנתח לנתחיו ורחצת קרבו וכרעיו ונתת על נתחיו ועל ראשו׃

    18והקטרת את כל האיל המזבחה עלה הוא ליהוה ריח ניחוח אשה ליהוה הוא׃

  • ויק׳ 9:18
    84%

    18וישחט את השור ואת האיל זבח השלמים אשר לעם וימצאו בני אהרן את הדם אליו ויזרקהו על המזבח סביב׃

  • ויק׳ 1:11-12
    2 פסוקים
    83%

    11ושחט אתו על ירך המזבח צפנה לפני יהוה וזרקו בני אהרן הכהנים את דמו על המזבח סביב׃

    12ונתח אתו לנתחיו ואת ראשו ואת פדרו וערך הכהן אתם על העצים אשר על האש אשר על המזבח׃

  • ויק׳ 3:2
    83%

    2וסמך ידו על ראש קרבנו ושחטו פתח אהל מועד וזרקו בני אהרן הכהנים את הדם על המזבח סביב׃

  • ויק׳ 1:4-6
    3 פסוקים
    81%

    4וסמך ידו על ראש העלה ונרצה לו לכפר עליו׃

    5ושחט את בן הבקר לפני יהוה והקריבו בני אהרן הכהנים את הדם וזרקו את הדם על המזבח סביב אשר פתח אהל מועד׃

    6והפשיט את העלה ונתח אתה לנתחיה׃

  • שמ׳ 24:6
    80%

    6ויקח משה חצי הדם וישם באגנת וחצי הדם זרק על המזבח׃

  • ויק׳ 9:8-10
    3 פסוקים
    79%

    8ויקרב אהרן אל המזבח וישחט את עגל החטאת אשר לו׃

    9ויקרבו בני אהרן את הדם אליו ויטבל אצבעו בדם ויתן על קרנות המזבח ואת הדם יצק אל יסוד המזבח׃

    10ואת החלב ואת הכלית ואת היתרת מן הכבד מן החטאת הקטיר המזבחה כאשר צוה יהוה את משה׃

  • שמ׳ 29:20
    79%

    20ושחטת את האיל ולקחת מדמו ונתתה על תנוך אזן אהרן ועל תנוך אזן בניו הימנית ועל בהן ידם הימנית ועל בהן רגלם הימנית וזרקת את הדם על המזבח סביב׃

  • דה״ב 29:22
    79%

    22וישחטו הבקר ויקבלו הכהנים את הדם ויזרקו המזבחה וישחטו האלים ויזרקו הדם המזבחה וישחטו הכבשים ויזרקו הדם המזבחה׃

  • שמ׳ 24:8
    78%

    8ויקח משה את הדם ויזרק על העם ויאמר הנה דם הברית אשר כרת יהוה עמכם על כל הדברים האלה׃

  • ויק׳ 1:15
    78%

    15והקריבו הכהן אל המזבח ומלק את ראשו והקטיר המזבחה ונמצה דמו על קיר המזבח׃

  • ויק׳ 4:18-19
    2 פסוקים
    77%

    18ומן הדם יתן על קרנת המזבח אשר לפני יהוה אשר באהל מועד ואת כל הדם ישפך אל יסוד מזבח העלה אשר פתח אהל מועד׃

    19ואת כל חלבו ירים ממנו והקטיר המזבחה׃

  • ויק׳ 8:28-30
    3 פסוקים
    77%

    28ויקח משה אתם מעל כפיהם ויקטר המזבחה על העלה מלאים הם לריח ניחח אשה הוא ליהוה׃

    29ויקח משה את החזה ויניפהו תנופה לפני יהוה מאיל המלאים למשה היה למנה כאשר צוה יהוה את משה׃

    30ויקח משה משמן המשחה ומן הדם אשר על המזבח ויז על אהרן על בגדיו ועל בניו ועל בגדי בניו אתו ויקדש את אהרן את בגדיו ואת בניו ואת בגדי בניו אתו׃

  • שמ׳ 29:12
    76%

    12ולקחת מדם הפר ונתתה על קרנת המזבח באצבעך ואת כל הדם תשפך אל יסוד המזבח׃

  • עבר 9:19
    76%

    19כי ככלות משה להגיד לכל העם את כל המצות כתורה לקח דם העגלים והשעירים עם מים ותולעת שני ואזוב ויזרק על הספר ועל כל העם׃

  • ויק׳ 9:20
    76%

    20וישימו את החלבים על החזות ויקטר החלבים המזבחה׃

  • ויק׳ 16:18-19
    2 פסוקים
    76%

    18ויצא אל המזבח אשר לפני יהוה וכפר עליו ולקח מדם הפר ומדם השעיר ונתן על קרנות המזבח סביב׃

    19והזה עליו מן הדם באצבעו שבע פעמים וטהרו וקדשו מטמאת בני ישראל׃

  • ויק׳ 9:2
    76%

    2ויאמר אל אהרן קח לך עגל בן בקר לחטאת ואיל לעלה תמימם והקרב לפני יהוה׃

  • ויק׳ 4:30
    75%

    30ולקח הכהן מדמה באצבעו ונתן על קרנת מזבח העלה ואת כל דמה ישפך אל יסוד המזבח׃

  • ויק׳ 7:2
    75%

    2במקום אשר ישחטו את העלה ישחטו את האשם ואת דמו יזרק על המזבח סביב׃

  • ויק׳ 8:11
    75%

    11ויז ממנו על המזבח שבע פעמים וימשח את המזבח ואת כל כליו ואת הכיר ואת כנו לקדשם׃

  • ויק׳ 5:9
    75%

    9והזה מדם החטאת על קיר המזבח והנשאר בדם ימצה אל יסוד המזבח חטאת הוא׃

  • ויק׳ 1:9
    75%

    9וקרבו וכרעיו ירחץ במים והקטיר הכהן את הכל המזבחה עלה אשה ריח ניחוח ליהוה׃