לוקס 19:17

תנ ך עברי מודרני

ויאמר אליו כן העבד הטוב תחת אשר היית נאמן במעט מזער היה שליט על עשר ערים׃

משאבים נוספים

פסוקים מקושרים

  • לוק 16:10 : 10 הנאמן במעט מזער נאמן גם בהרבה והמעול במעט מזער מעול גם בהרבה׃
  • מתי 25:21 : 21 ויאמר אליו אדניו כן העבד הטוב והנאמן כי במעט נאמן היית ועל הרבה אפקידך בוא אל שמחת אדניך׃
  • התגל׳ 2:26-29 : 26 והמנצח ושמר את מעשי עד עת קץ אתן לו שלטן על הגוים׃ 27 ורעם בשבט ברזל ככלי יוצר ינפצו כאשר קבלתי גם אנכי מאת אבי׃ 28 ונתתי לו כוכב השחר׃ 29 מי אשר אזן לו ישמע את אשר הרוח אמר לקהלות׃
  • קור״א 4:5 : 5 על כן אל תשפטו שפוט לפני העת עד כי יבוא האדון אשר גם יוציא לאור את תעלמות החשך ויגלה את עצת הלבבות ואז תהיה תהלה לכל איש מאת האלהים׃
  • טימ״ב 2:10 : 10 ועל כן אסבל את כל למען הבחירים למען ישיגו גם המה את התשועה במשיח ישוע עם כבוד עולמים׃
  • פט״א 1:7 : 7 למען תמצא אמונתכם המזקקה יקרה הרבה מן הזהב האבד הצרוף באש לתהלה ולכבוד ולתפארת בהתגלות ישוע המשיח׃
  • פט״א 5:4 : 4 והיה בהגלות שר הרעים תשאו עטרת הכבוד אשר לא תבל׃
  • לוק 22:30 : 30 למען תאכלו ותשתו על שלחני במלכותי וישבתם על כסאות לשפט את שנים עשר שבטי ישראל׃
  • רומ 2:29 : 29 כי אם אשר בפנים הוא יהודי ומילה היא אשר בלב כפי הרוח ולא כפי הכתב אשר לא מבני אדם תהלתו כי אם מאת האלהים׃
  • בר׳ 39:4 : 4 וימצא יוסף חן בעיניו וישרת אתו ויפקדהו על ביתו וכל יש לו נתן בידו׃
  • שמ״א 2:30 : 30 לכן נאם יהוה אלהי ישראל אמור אמרתי ביתך ובית אביך יתהלכו לפני עד עולם ועתה נאם יהוה חלילה לי כי מכבדי אכבד ובזי יקלו׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • לוק 19:18-26
    9 פסוקים
    86%

    18ויבא השני ויאמר אדני מנה שלך עשה חמשת מנים׃

    19ויאמר גם לזה אף אתה היה על חמש ערים׃

    20ויבא האחר ויאמר הא לך מנה שלך אשר היה אצלי צרור בסודר׃

    21מפני יראתי אתך כי אתה איש קשה לקח את אשר לא הנחת וקצר את אשר לא זרעת׃

    22ויאמר אליו מפיך אשפטך העבד הרע אתה ידעת כי אני איש קשה לקח את אשר לא הנחתי וקוצר את אשר לא זרעתי׃

    23ולמה לא נתת את כספי לשלחני ואני בבואי הייתי תובע אותו במרבית׃

    24ויאמר אל העמדים שם שאו ממנו את המנה ותנוהו אל אשר לו עשרת המנים׃

    25ויאמרו אליו אדנינו יש לו עשרת מנים׃

    26הן אני אמר לכם כי כל איש שיש לו ינתן לו ואשר אין לו יקח ממנו גם את אשר לו׃

  • מתי 25:14-30
    17 פסוקים
    84%

    14כי כמו איש נסע למרחוק אשר קרא אל עבדיו וימסר להם את רכושו׃

    15ויתן לזה חמש ככרים ולזה שתים ולזה אחת לכל איש ואיש כפי ערכו וימהר ויסע משם׃

    16וילך האיש הלקח חמש ככרים ויסחר בהן ויעש לו חמש ככרים אחרות׃

    17וכן הלקח שתים גם הוא הרויח שתים אחרות׃

    18אך לקח האחת הלך ויחפר באדמה ויטמן את כסף אדניו׃

    19ואחרי ימים רבים בא אדוני העבדים ההם ויעש חשבון עמהם׃

    20ויגש הלקח חמש הככרים ויבא חמש ככרים אחרות לאמר אדני חמש ככרים מסרת לי הנה חמש ככרים אחרות הרוחתי בהן׃

    21ויאמר אליו אדניו כן העבד הטוב והנאמן כי במעט נאמן היית ועל הרבה אפקידך בוא אל שמחת אדניך׃

    22ויגש גם לקח הככרים ויאמר אדני ככרים מסרת לי הנה ככרים הרוחתי בהן׃

    23ויאמר אליו אדניו היטבת העבד הטוב והנאמן במזער נאמן היית ועל הרבה אפקידך בוא אל שמחת אדניך׃

    24ויגש גם הלקח את הככר האחת ויאמר אדני ידעתיך כי איש קשה אתה קצר באשר לא זרעת וכנס מאשר לא פזרת׃

    25ואירא ואלך ואטמן את ככרך באדמה ועתה הא לך את אשר לך׃

    26ויען אדניו ויאמר אליו העבד הרע והעצל אתה ידעת כי קצר אנכי באשר לא זרעתי וכנס מאשר לא פזרתי׃

    27לכן היה עליך לתת את כספי לשלחנים ואני בבואי הייתי לקח את אשר לי בתרבית׃

    28על כן שאו ממנו את הככר ותנו אל האיש אשר לו עשר הככרים׃

    29כי כל איש אשר יש לו ינתן לו ויעדיף והאיש אשר אין לו גם את אשר לו יקח ממנו׃

    30ואת עבד הבליעל השליכו אל החשך החיצון שם תהיה היללה וחרק השנים׃

  • לוק 19:12-16
    5 פסוקים
    82%

    12על כן אמר איש אחד מן האדירים הלך אל ארץ רחוקה לקחת לו ממלכה ולשוב׃

    13ויקרא אל עשרה מעבדיו ויתן להם עשרה מנים ויאמר להם סחרו בהם עד באי׃

    14ובני עירו שנאים אותו וישלחו מלאכים אחריו לאמר לא נחפץ בזה כי ימלך עלינו׃

    15ויהי אחרי קחתו את הממלכה וישב ויאמר לקרא את העבדים ההם אשר נתן להם את הכסף למען ידע מה הרויח כל אחד במסחרו׃

    16ויבא הראשון ויאמר אדני מנה שלך הביא עשרת מנים׃

  • לוק 16:10-12
    3 פסוקים
    76%

    10הנאמן במעט מזער נאמן גם בהרבה והמעול במעט מזער מעול גם בהרבה׃

    11לכן אם בממון העולה לא הייתם נאמנים את האמתי מי יפקיד בידכם׃

    12ואם בדבר אשר לאחרים לא הייתם נאמנים את אשר לכם מי יתן לכם׃

  • מתי 24:45-47
    3 פסוקים
    75%

    45מי הוא אפוא העבד הנאמן והנבון אשר הפקידו אדניו על בני ביתו לתת להם את אכלם בעתו׃

    46אשרי העבד אשר אדניו בבואו ימצאהו עשה כן׃

    47אמן אמר אני לכם כי יפקידהו על כל אשר לו׃

  • לוק 12:42-44
    3 פסוקים
    75%

    42ויאמר האדון מי הוא אפוא הסכן הנאמן והנבון אשר יפקידהו האדון על עבדתו לתת את ארחתם בעתו׃

    43אשרי העבד ההוא אשר בבא אדניו ימצאהו עשה כן׃

    44אמת אמר אני לכם כי על כל אשר יש לו יפקידהו׃

  • לוק 16:2
    71%

    2ויקרא אתו ויאמר אליו מה זאת שמעתי עליך תן חשבון פקדתך כי לא תוכל להיות עוד פקיד׃

  • מתי 18:23-24
    2 פסוקים
    69%

    23על כן דומה מלכות השמים למלך בשר ודם אשר חפץ לעשות חשבון עם עבדיו׃

    24וכאשר החל לחשב הובא לפניו איש אשר חיב לו עשרת אלפים ככרי כסף׃

  • לוק 17:9-10
    2 פסוקים
    69%

    9הגם יתן תודה לעבד על עשתו את אשר צוהו אמרתי לא יתן׃

    10ככה גם אתם אחרי עשותכם את כל אשר צויתם אמרו עבדים אין מועיל בם אנחנו כי רק את המטל עלינו לעשות עשינו׃

  • לוק 17:7
    69%

    7מי הוא זה מכם ולו עבד חרש או רעה אשר בבאו מן השדה יאמר אליו מהר גשה הנה והסב׃

  • לוק 12:47-48
    2 פסוקים
    68%

    47]84-74[ והעבד ההוא אשר ידע את רצון אדניו ולא הכין ולא עשה כרצונו יכה מכות רבות, ואשר לא ידע ועשה דברים אשר עליהם בן הכות הוא לא יכה כי אם מעט כי כל איש אשר נתן לו הרבה דרוש ידרש ממנו הרבה ואשר הפקידו בידו הרבה ישאלו מאתו יותר׃

    48]84-74[׃

  • לוק 12:37
    68%

    37אשרי העבדים ההם אשר בבוא האדון ימצאם שקדים אמן אמר אני לכם כי יתאזר ויושיבם וילך לשרת אותם׃

  • מרק 4:25
    67%

    25כי מי שיש לו נתון ינתן לו ומי שאין לו גם את אשר יש לו יקח ממנו׃