לוקס 24:35

תנ ך עברי מודרני

ויספרו גם הם את אשר נעשה להם בדרך ואיך הכירהו בבציעת הלחם׃

משאבים נוספים

פסוקים מקושרים

  • מרק 16:12-13 : 12 ואחרי כן נראה בדמות אחרת לשנים מהם בהיתם מתהלכים בצאתם השדה׃ 13 והם הלכו ויגידו לאחרים וגם להם לא האמינו׃
  • לוק 24:30-31 : 30 ויהי כאשר הסב עמהם ויקח את הלחם ויברך ויבצע ויתן להם׃ 31 ותפקחנה עיניהם ויכירהו והוא חמק עבר מעיניהם׃
  • מע״ש 2:42 : 42 ויהיו שקדים על תורת השליחים ועל ההתחברות ועל בציעת הלחם ועל התפלה׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • לוק 24:27-34
    8 פסוקים
    84%

    27ויחל ממשה ומכל הנביאים ויבאר להם את כל הכתובים הנאמרים עליו׃

    28ויקרבו אל הכפר אשר הם הלכים שמה וישם פניו כהלך לו לדרכו׃

    29ויפצרו בו לאמר שבה אתנו כי עת ערב הגיע ונטה היום ויבא הביתה לשבת אתם׃

    30ויהי כאשר הסב עמהם ויקח את הלחם ויברך ויבצע ויתן להם׃

    31ותפקחנה עיניהם ויכירהו והוא חמק עבר מעיניהם׃

    32ויאמרו איש אל רעהו הלא היה בער לבבנו בקרבנו בדברו אלינו בדרך ויפתח לנו את הכתובים׃

    33ויקומו בשעה ההיא וישובו ירושלים וימצאו את עשתי העשר ואת אשר אתם נקהלים יחד׃

    34האמרים אכן קם האדון מן המתים ונראה אל שמעון׃

  • לוק 24:13-19
    7 פסוקים
    81%

    13והנה שנים מהם היו הלכים בעצם היום הזה אל כפר הרחק מירושלים כששים ריס ושמו עמאוס׃

    14והם נדברו איש אל רעהו על כל הקרות האלה׃

    15ויהי בדברם ובהתוכחם יחד ויגש ישוע אף הוא וילך אתם׃

    16ועיניהם נאחזו ולא יכירהו׃

    17ויאמר אליהם מה המה הדברים האלה אשר אתם נשאים ונתנים בהם יחדו בדרך ופניכם זעפים׃

    18ויען האחד אשר שמו קליופס ויאמר אליו האתה לבדך גר בירושלים ואינך ידע את הקרת בה בימים האלה׃

    19ויאמר אליהם ומה המה ויגידו אליו מעשה ישוע הנצרי אשר היה איש נביא גבור בפעל ובאמר לפני האלהים ולפני כל העם׃

  • לוק 24:36-45
    10 פסוקים
    81%

    36עודם מדברים כדברים האלה והוא ישוע עמד בתוכם ויאמר אליהם שלום לכם׃

    37והמה חתו ונבעתו ויחשבו כי רוח ראו׃

    38ויאמר אליהם מה זה אתם נבהלים ועל מה זה מחשבות עלות בלבבכם׃

    39ראו את ידי ואת רגלי כי אנכי הוא משוני וראו כי רוח אין לו בשר ועצמות כאשר אתם ראים שיש לי׃

    40ואחרי אמרו את זאת הראה אתם את ידיו ואת רגליו׃

    41והם עוד לא האמינו משמחה ותמהו ויאמר אליהם היש לכם פה דבר אכל׃

    42ויתנו לפניו חלק דג צלוי ומעט צוף דבש׃

    43ויקח ויאכל לעיניהם׃

    44ויאמר אליהם אלה הם הדברים אשר דברתי אליכם בעוד היותי עמכם כי המלא ימלא כל הכתוב עלי בתורת משה ובנביאים ובתהלים׃

    45אז פתח את לבבם להבין את הכתובים׃

  • מרק 14:22
    76%

    22ויהי באכלם ויקח ישוע לחם ויברך ויבצע ויתן להם ויאמר קחו אכלו זה הוא גופי׃

  • לוק 24:8-9
    2 פסוקים
    75%

    8ותזכרנה את דבריו׃

    9ותשבנה מן הקבר ותגדנה את כל הדברים האלה לעשתי העשר ולכל האחרים׃

  • מרק 16:12
    75%

    12ואחרי כן נראה בדמות אחרת לשנים מהם בהיתם מתהלכים בצאתם השדה׃

  • מתי 26:26
    74%

    26ובאכלם ויקח ישוע את הלחם ויברך ויבצע ויתן לתלמידים ויאמר קחו ואכלו זה הוא גופי׃

  • יוח 21:12-13
    2 פסוקים
    73%

    12ויאמר אליהם ישוע באו ברו לחם ואין גם אחד בתלמידים אשר מלאו לבו לשאל אתו מי אתה כי ידעו אשר הוא האדון׃

    13ויבא ישוע ויקח את הלחם ויתן להם וגם את הדגים׃

  • לוק 24:23-25
    3 פסוקים
    73%

    23ולא מצאו את גויתו ותבאנה ותאמרנה כי ראו גם מראה מלאכים האמרים כי הוא חי׃

    24וילכו אנשים משלנו אל הקבר וימצאו כאשר אמרו הנשים ואותו לא ראו׃

    25ויאמר אליהם הוי חסרי דעת וכבדי לב מהאמין בכל אשר דברו הנביאים׃

  • מרק 16:14
    73%

    14ובאחרנה נראה לעשתי העשר בהיותם מסבים ויחרף חסרון אמונתם וקשי לבבם אשר לא האמינו לראים אתו נעור מן המתים׃

  • יוח 20:20
    73%

    20ובדברו זאת הראה אתם את ידיו ואת צדו וישמחו התלמידים בראותם את האדון׃

  • לוק 22:19
    72%

    19ויקח את הלחם ויברך ויבצע ויתן להם לאמר זה גופי הנתן בעדכם זאת עשו לזכרוני׃

  • מע״ש 20:11
    72%

    11ואחר עלה ויבצע הלחם ויטעם וירב לשיח אתם עד אור הבקר ויצא ללכת לדרכו׃

  • קור״א 11:24
    72%

    24ויברך ויבצע ויאמר קחו אכלו זה גופי הנבצע בעדכם עשו זאת לזכרוני׃

  • מע״ש 27:35
    72%

    35הוא דבר את הדברים האלה והוא לקח את הלחס ויודה לאלהים לפני כלם ויבצע ויחל לאכל׃

  • לוק 24:6
    72%

    6איננו פה כי קם זכרנה את אשר דבר אליכן בעוד היותו בגליל לאמר׃

  • לוק 24:50-52
    3 פסוקים
    72%

    50ויוליכם מחוץ לעיר עד בית היני וישא את ידיו ויברכם׃

    51ויהי בברכו אתם ויפרד מאתם וינשא השמימה׃

    52והם השתחוו לו וישובו לירושלים בשמחה גדולה׃

  • מע״ש 1:3
    72%

    3ואשר גם התיצב להם חי אחרי ענותו באתות רבות בהראותו אליהם ארבעים יום וידבר על מלכות האלהים׃

  • מתי 28:7
    71%

    7ומהרתן ללכת ואמרתן אל תלמידיו כי קם מן המתים והנה הוא הולך לפניכם הגלילה ושם תראהו הנה אמרתי לכן׃

  • לוק 24:4
    71%

    4ויהי הנה נבכות על הדבר הזה והנה שני אנשים עמדו עליהן ולבושיהם מזהירים׃

  • לוק 22:13
    71%

    13וילכו וימצאו כאשר דבר אליהם ויכינו את הפסח׃

  • מרק 14:16
    70%

    16ויצאו תלמידיו ויבאו העירה וימצאו כאשר דבר להם ויכינו את הפסח׃