מלאכי 4:2

תנ ך עברי מודרני

וזרחה לכם יראי שמי שמש צדקה ומרפא בכנפיה ויצאתם ופשתם כעגלי מרבק׃

פסוקים מקושרים

• יש׳ 30:26 : 26 והיה אור הלבנה כאור החמה ואור החמה יהיה שבעתים כאור שבעת הימים ביום חבש יהוה את שבר עמו ומחץ מכתו ירפא׃
• לוק 1:78 : 78 ברחמי חסד אלהינו אשר בהם פקדנו הנגה ממרום׃
• יוח 8:12 : 12 ויסף ישוע וידבר אליהם לאמר אני אור העולם כל ההלך אחרי לא יתהלך בחשכה כי אור החיים יהיה לו׃
• יר׳ 33:6 : 6 הנני מעלה לה ארכה ומרפא ורפאתים וגליתי להם עתרת שלום ואמת׃
• תה׳ 84:11 : 11 כי שמש ומגן יהוה אלהים חן וכבוד יתן יהוה לא ימנע טוב להלכים בתמים׃
• שמ״ב 23:4 : 4 וכאור בקר יזרח שמש בקר לא עבות מנגה ממטר דשא מארץ׃
• יוח 1:4 : 4 בו היו חיים והחיים היו אור בני האדם׃
• יש׳ 53:5 : 5 והוא מחלל מפשענו מדכא מעונתינו מוסר שלומנו עליו ובחברתו נרפא לנו׃
• מל׳ 3:16 : 16 אז נדברו יראי יהוה איש את רעהו ויקשב יהוה וישמע ויכתב ספר זכרון לפניו ליראי יהוה ולחשבי שמו׃
• התגל׳ 22:2 : 2 ובתוך רחוב העיר ואל שפת הנחל מזה ומזה עץ חיים עשה פרי שנים עשר כי מדי חדש בחדשו יתן את פריו ועלה העץ לתרופת הגוים׃
• התגל׳ 22:16 : 16 אני ישוע שלחתי את מלאכי להעיד לכם את אלה בפני הקהלות אנכי שרש דוד ותולדתו כוכב נגה השחר׃
• פט״ב 3:18 : 18 ורבו בחסד ובדעת אדנינו ומושיענו ישוע המשיח אשר לו הכבוד גם היום וגם ליום העולם אמן׃
• התגל׳ 2:28 : 28 ונתתי לו כוכב השחר׃
• התגל׳ 11:18 : 18 והגוים קצפו ויבא קצפך ועת המתים להשפט ולתת שכר לעבדיך הנביאים ולקדשים וליראי שמך למקטנם ועד גדולם ולהשחית את משחיתי הארץ׃
• מע״ש 13:47 : 47 כי כן צוה עלינו האדון נתתיך לאור גוים להיות ישועתי עד קצה הארץ׃
• מע״ש 26:18 : 18 לפקח את עיניהם למען ישובו מחשך לאור ומיד השטן אל האלהים וימצאו באמונתם בי את סליחת החטאים ואת הנחלה בתוך המקדשים׃
• אפס 5:8-9 : 8 כי מלפנים הייתם חשך ועתה הנכם אור באדנינו התהלכו נא כבני אור׃ 9 כי פרי הרוח כל מעשי חסד וצדק ואמת׃ 10 ובחנו מה הוא רצוי בעיני אדנינו׃ 11 ואל תשתתפו עם מעשי החשך אשר לא יעשו פרי כי אם הוכח תוכיחו אותם׃ 12 כי מה שהם עשים בסתר חרפה היא אך לספר׃ 13 אבל כל זאת יגלה כשיוכח על ידי האור כי כל הנגלה אור הוא׃ 14 על כן הוא אומר עורה הישן וקומה מן המתים ויאר לך המשיח׃
• תס״ב 1:3 : 3 חיבים אנחנו להודות בכל עת לאלהים עליכם אחי כראוי כי אמונתכם גדלה מאד ורבה אהבת כלכם איש לרעהו׃
• פט״ב 1:19 : 19 ועתה דבר הנבואה יותר קים אתנו והטיבתם עשות אשר שתם לבכם אליו כמו אל נר מאיר במקום אפל עד כי יבקע אור היום וזרח כוכב הנגה בלבבכם׃
• יוח 1:8 : 8 הוא לא היה האור כי אם להעיד על האור׃
• יוח 1:14 : 14 והדבר נהיה בשר וישכן בתוכנו ונחזה תפארתו כתפארת בן יחיד לאביו רב חסד ואמת׃
• יוח 15:2-5 : 2 כל שריג בי אשר איננו עשה פרי יסירנו ואשר יעשה פרי יטהרנו להרבות את פריו׃ 3 אתם כעת מטהרים בעבור דברי אשר דברתי אליכם׃ 4 עמדו בי ואני בכם כאשר השריג בל יעשה פרי מאליו אם לא יעמד בגפן כן גם אתם אם לא תעמדו בי׃ 5 אנכי הוא הגפן ואתם השריגים העמד בי ואני בו הוא יעשה פרי לרב כי בלעדי לא תוכלון עשות מאומה׃
• מע״ש 13:26 : 26 אנשים אחים בני משפחת אברהם ויראי אלהים אשר בקרבכם לכם שלוח דבר הישועה הזאת׃
• יוח״א 2:8 : 8 ועוד מצוה חדשה אני כתב לכם אשר היא אמת גם בו גם בכם כי החשך עבר והאור האמתי כבר זורח׃
• רות 2:12 : 12 ישלם יהוה פעלך ותהי משכרתך שלמה מעם יהוה אלהי ישראל אשר באת לחסות תחת כנפיו׃
• מתי 4:15-16 : 15 ארצה זבלון וארצה נפתלי דרך הים עבר הירדן גליל הגוים׃ 16 העם ההלכים בחשך ראו אור גדול וישבי בארץ צלמות אור נגה עליהם׃
• מתי 11:5 : 5 עורים ראים ופסחים מתהלכים מצרעים מטהרים וחרשים שומעין ומתים קמים ועניים מתבשרי ישועה הם׃
• מתי 23:37 : 37 ירושלים ירושלים ההרגת את הנביאים והסקלת את השלוחים אליה כמה פעמים רציתי לקבץ את בניך כתרנגלת המקבצת את אפרחיה תחת כנפיה ולא אביתם׃
• לוק 1:50 : 50 וחסדו לדור דורים על יראיו׃
• יח׳ 47:12 : 12 ועל הנחל יעלה על שפתו מזה ומזה כל עץ מאכל לא יבול עלהו ולא יתם פריו לחדשיו יבכר כי מימיו מן המקדש המה יוצאים והיו פריו למאכל ועלהו לתרופה׃
• הוש׳ 6:1 : 1 ¶ לכו ונשובה אל יהוה כי הוא טרף וירפאנו יך ויחבשנו׃
• הוש׳ 6:3 : 3 ונדעה נרדפה לדעת את יהוה כשחר נכון מצאו ויבוא כגשם לנו כמלקוש יורה ארץ׃
• הוש׳ 14:4-7 : 4 ארפא משובתם אהבם נדבה כי שב אפי ממנו׃ 5 אהיה כטל לישראל יפרח כשושנה ויך שרשיו כלבנון׃ 6 ילכו ינקותיו ויהי כזית הודו וריח לו כלבנון׃ 7 ישבו ישבי בצלו יחיו דגן ויפרחו כגפן זכרו כיין לבנון׃
• יוח 9:4 : 4 עלי לעשות מעשי שלחי בעוד יום יבוא הלילה אשר בו לא יוכל איש לפעל׃
• יוח 12:35-36 : 35 ויאמר אליהם ישוע אך למצער יהיה האור עמכם התהלכו בעוד לכם האור פן ישופכם חשך וההלך בחשך לא ידע אנה הוא הלך׃ 36 בעוד לכם האור האמינו באור למען תהיו בני האור את הדברים האלה דבר ישוע וילך לו ויסתר מפניהם׃
• לוק 2:32 : 32 אור לגלות עיני הגוים ותפארת ישראל עמך׃
• יש׳ 66:1-2 : 1 ¶ כה אמר יהוה השמים כסאי והארץ הדם רגלי אי זה בית אשר תבנו לי ואי זה מקום מנוחתי׃ 2 ואת כל אלה ידי עשתה ויהיו כל אלה נאם יהוה ואל זה אביט אל עני ונכה רוח וחרד על דברי׃
• יר׳ 17:14 : 14 רפאני יהוה וארפא הושיעני ואושעה כי תהלתי אתה׃
• יר׳ 31:9-9 : 9 בבכי יבאו ובתחנונים אובילם אוליכם אל נחלי מים בדרך ישר לא יכשלו בה כי הייתי לישראל לאב ואפרים בכרי הוא׃ 10 שמעו דבר יהוה גוים והגידו באיים ממרחק ואמרו מזרה ישראל יקבצנו ושמרו כרעה עדרו׃ 11 כי פדה יהוה את יעקב וגאלו מיד חזק ממנו׃ 12 ובאו ורננו במרום ציון ונהרו אל טוב יהוה על דגן ועל תירש ועל יצהר ועל בני צאן ובקר והיתה נפשם כגן רוה ולא יוסיפו לדאבה עוד׃ 13 אז תשמח בתולה במחול ובחרים וזקנים יחדו והפכתי אבלם לששון ונחמתים ושמחתים מיגונם׃ 14 ורויתי נפש הכהנים דשן ועמי את טובי ישבעו נאם יהוה׃
• יש׳ 55:12-13 : 12 כי בשמחה תצאו ובשלום תובלון ההרים והגבעות יפצחו לפניכם רנה וכל עצי השדה ימחאו כף׃ 13 תחת הנעצוץ יעלה ברוש תחת הסרפד יעלה הדס והיה ליהוה לשם לאות עולם לא יכרת׃
• יש׳ 57:18-19 : 18 דרכיו ראיתי וארפאהו ואנחהו ואשלם נחמים לו ולאבליו׃ 19 בורא נוב שפתים שלום שלום לרחוק ולקרוב אמר יהוה ורפאתיו׃
• יש׳ 60:1-3 : 1 ¶ קומי אורי כי בא אורך וכבוד יהוה עליך זרח׃ 2 כי הנה החשך יכסה ארץ וערפל לאמים ועליך יזרח יהוה וכבודו עליך יראה׃ 3 והלכו גוים לאורך ומלכים לנגה זרחך׃
• יש׳ 35:6 : 6 אז ידלג כאיל פסח ותרן לשון אלם כי נבקעו במדבר מים ונחלים בערבה׃
• יש׳ 49:6 : 6 ויאמר נקל מהיותך לי עבד להקים את שבטי יעקב ונצירי ישראל להשיב ונתתיך לאור גוים להיות ישועתי עד קצה הארץ׃
• יש׳ 49:9-9 : 9 לאמר לאסורים צאו לאשר בחשך הגלו על דרכים ירעו ובכל שפיים מרעיתם׃ 10 לא ירעבו ולא יצמאו ולא יכם שרב ושמש כי מרחמם ינהגם ועל מבועי מים ינהלם׃
• יש׳ 50:10 : 10 מי בכם ירא יהוה שמע בקול עבדו אשר הלך חשכים ואין נגה לו יבטח בשם יהוה וישען באלהיו׃
• תה׳ 67:1 : 1 ¶ למנצח בנגינת מזמור שיר אלהים יחננו ויברכנו יאר פניו אתנו סלה׃
• תה׳ 147:3 : 3 הרפא לשבורי לב ומחבש לעצבותם׃
• מש׳ 4:18 : 18 וארח צדיקים כאור נגה הולך ואור עד נכון היום׃
• יש׳ 9:2 : 2 העם ההלכים בחשך ראו אור גדול ישבי בארץ צלמות אור נגה עליהם׃
• תה׳ 85:9 : 9 אך קרוב ליראיו ישעו לשכן כבוד בארצנו׃
• תה׳ 92:12-14 : 12 צדיק כתמר יפרח כארז בלבנון ישגה׃ 13 שתולים בבית יהוה בחצרות אלהינו יפריחו׃ 14 עוד ינובון בשיבה דשנים ורעננים יהיו׃
• תה׳ 103:3 : 3 הסלח לכל עונכי הרפא לכל תחלאיכי׃
• יש׳ 60:19-20 : 19 לא יהיה לך עוד השמש לאור יומם ולנגה הירח לא יאיר לך והיה לך יהוה לאור עולם ואלהיך לתפארתך׃ 20 לא יבוא עוד שמשך וירחך לא יאסף כי יהוה יהיה לך לאור עולם ושלמו ימי אבלך׃
• יוח 12:40 : 40 השע עיניהם והשמין לבבם פן יראו בעיניהם ולבבם יבין ושבו ורפאתי להם׃