מרקוס 3:24

תנ ך עברי מודרני

ואם נחלקה ממלכה על עצמה לא תוכל לעמד הממלכה ההיא׃

משאבים נוספים

פסוקים מקושרים

  • קור״א 1:10-13 : 10 והנני מזהיר אתכם אחי בשם אדנינו ישוע המשיח להיות כלכם פה אחד ולא תהיין מחלקות בקרבכם כי אם תכוננו יחד בלב אחד ובעצה אחת׃ 11 כי הגד לי עליכם ביד בני בית כלואה כי יש מריבות ביניכם׃ 12 וזאת אני אמר כי איש איש מכם זה אמר לפולוס וזה לאפולוס וזה לכיפא וזה למשיח הנני׃ 13 הכי חלק המשיח הכי פולוס נצלב בעדכם או לשם פולוס נטבלתם׃
  • אפס 4:3-6 : 3 ושקדו לשמר את אחדות הרוח באגדת השלום׃ 4 גוף אחד ורוח אחד כאשר גם נקראתם בתקות משמרתכם האחת׃ 5 אדון אחד אמונה אחת טבילה אחת׃ 6 אל ואב אחד לכל שהוא על כל ובכל ובתוך כלכם׃
  • שופ׳ 9:23-57 : 23 וישלח אלהים רוח רעה בין אבימלך ובין בעלי שכם ויבגדו בעלי שכם באבימלך׃ 24 לבוא חמס שבעים בני ירבעל ודמם לשום על אבימלך אחיהם אשר הרג אותם ועל בעלי שכם אשר חזקו את ידיו להרג את אחיו׃ 25 וישימו לו בעלי שכם מארבים על ראשי ההרים ויגזלו את כל אשר יעבר עליהם בדרך ויגד לאבימלך׃ 26 ויבא געל בן עבד ואחיו ויעברו בשכם ויבטחו בו בעלי שכם׃ 27 ויצאו השדה ויבצרו את כרמיהם וידרכו ויעשו הלולים ויבאו בית אלהיהם ויאכלו וישתו ויקללו את אבימלך׃ 28 ויאמר געל בן עבד מי אבימלך ומי שכם כי נעבדנו הלא בן ירבעל וזבל פקידו עבדו את אנשי חמור אבי שכם ומדוע נעבדנו אנחנו׃ 29 ומי יתן את העם הזה בידי ואסירה את אבימלך ויאמר לאבימלך רבה צבאך וצאה׃ 30 וישמע זבל שר העיר את דברי געל בן עבד ויחר אפו׃ 31 וישלח מלאכים אל אבימלך בתרמה לאמר הנה געל בן עבד ואחיו באים שכמה והנם צרים את העיר עליך׃ 32 ועתה קום לילה אתה והעם אשר אתך וארב בשדה׃ 33 והיה בבקר כזרח השמש תשכים ופשטת על העיר והנה הוא והעם אשר אתו יצאים אליך ועשית לו כאשר תמצא ידך׃ 34 ויקם אבימלך וכל העם אשר עמו לילה ויארבו על שכם ארבעה ראשים׃ 35 ויצא געל בן עבד ויעמד פתח שער העיר ויקם אבימלך והעם אשר אתו מן המארב׃ 36 וירא געל את העם ויאמר אל זבל הנה עם יורד מראשי ההרים ויאמר אליו זבל את צל ההרים אתה ראה כאנשים׃ 37 ויסף עוד געל לדבר ויאמר הנה עם יורדים מעם טבור הארץ וראש אחד בא מדרך אלון מעוננים׃ 38 ויאמר אליו זבל איה אפוא פיך אשר תאמר מי אבימלך כי נעבדנו הלא זה העם אשר מאסתה בו צא נא עתה והלחם בו׃ 39 ויצא געל לפני בעלי שכם וילחם באבימלך׃ 40 וירדפהו אבימלך וינס מפניו ויפלו חללים רבים עד פתח השער׃ 41 וישב אבימלך בארומה ויגרש זבל את געל ואת אחיו משבת בשכם׃ 42 ויהי ממחרת ויצא העם השדה ויגדו לאבימלך׃ 43 ויקח את העם ויחצם לשלשה ראשים ויארב בשדה וירא והנה העם יצא מן העיר ויקם עליהם ויכם׃ 44 ואבימלך והראשים אשר עמו פשטו ויעמדו פתח שער העיר ושני הראשים פשטו על כל אשר בשדה ויכום׃ 45 ואבימלך נלחם בעיר כל היום ההוא וילכד את העיר ואת העם אשר בה הרג ויתץ את העיר ויזרעה מלח׃ 46 וישמעו כל בעלי מגדל שכם ויבאו אל צריח בית אל ברית׃ 47 ויגד לאבימלך כי התקבצו כל בעלי מגדל שכם׃ 48 ויעל אבימלך הר צלמון הוא וכל העם אשר אתו ויקח אבימלך את הקרדמות בידו ויכרת שוכת עצים וישאה וישם על שכמו ויאמר אל העם אשר עמו מה ראיתם עשיתי מהרו עשו כמוני׃ 49 ויכרתו גם כל העם איש שוכה וילכו אחרי אבימלך וישימו על הצריח ויציתו עליהם את הצריח באש וימתו גם כל אנשי מגדל שכם כאלף איש ואשה׃ 50 וילך אבימלך אל תבץ ויחן בתבץ וילכדה׃ 51 ומגדל עז היה בתוך העיר וינסו שמה כל האנשים והנשים וכל בעלי העיר ויסגרו בעדם ויעלו על גג המגדל׃ 52 ויבא אבימלך עד המגדל וילחם בו ויגש עד פתח המגדל לשרפו באש׃ 53 ותשלך אשה אחת פלח רכב על ראש אבימלך ותרץ את גלגלתו׃ 54 ויקרא מהרה אל הנער נשא כליו ויאמר לו שלף חרבך ומותתני פן יאמרו לי אשה הרגתהו וידקרהו נערו וימת׃ 55 ויראו איש ישראל כי מת אבימלך וילכו איש למקמו׃ 56 וישב אלהים את רעת אבימלך אשר עשה לאביו להרג את שבעים אחיו׃ 57 ואת כל רעת אנשי שכם השיב אלהים בראשם ותבא אליהם קללת יותם בן ירבעל׃
  • שופ׳ 12:1-6 : 1 ¶ ויצעק איש אפרים ויעבר צפונה ויאמרו ליפתח מדוע עברת להלחם בבני עמון ולנו לא קראת ללכת עמך ביתך נשרף עליך באש׃ 2 ויאמר יפתח אליהם איש ריב הייתי אני ועמי ובני עמון מאד ואזעק אתכם ולא הושעתם אותי מידם׃ 3 ואראה כי אינך מושיע ואשימה נפשי בכפי ואעברה אל בני עמון ויתנם יהוה בידי ולמה עליתם אלי היום הזה להלחם בי׃ 4 ויקבץ יפתח את כל אנשי גלעד וילחם את אפרים ויכו אנשי גלעד את אפרים כי אמרו פליטי אפרים אתם גלעד בתוך אפרים בתוך מנשה׃ 5 וילכד גלעד את מעברות הירדן לאפרים והיה כי יאמרו פליטי אפרים אעברה ויאמרו לו אנשי גלעד האפרתי אתה ויאמר לא׃ 6 ויאמרו לו אמר נא שבלת ויאמר סבלת ולא יכין לדבר כן ויאחזו אותו וישחטוהו אל מעברות הירדן ויפל בעת ההיא מאפרים ארבעים ושנים אלף׃
  • שמ״ב 20:1 : 1 ¶ ושם נקרא איש בליעל ושמו שבע בן בכרי איש ימיני ויתקע בשפר ויאמר אין לנו חלק בדוד ולא נחלה לנו בבן ישי איש לאהליו ישראל׃
  • שמ״ב 20:6 : 6 ויאמר דוד אל אבישי עתה ירע לנו שבע בן בכרי מן אבשלום אתה קח את עבדי אדניך ורדף אחריו פן מצא לו ערים בצרות והציל עיננו׃
  • מל״א 12:16-20 : 16 וירא כל ישראל כי לא שמע המלך אליהם וישבו העם את המלך דבר לאמר מה לנו חלק בדוד ולא נחלה בבן ישי לאהליך ישראל עתה ראה ביתך דוד וילך ישראל לאהליו׃ 17 ובני ישראל הישבים בערי יהודה וימלך עליהם רחבעם׃ 18 וישלח המלך רחבעם את אדרם אשר על המס וירגמו כל ישראל בו אבן וימת והמלך רחבעם התאמץ לעלות במרכבה לנוס ירושלם׃ 19 ויפשעו ישראל בבית דוד עד היום הזה׃ 20 ויהי כשמע כל ישראל כי שב ירבעם וישלחו ויקראו אתו אל העדה וימליכו אתו על כל ישראל לא היה אחרי בית דוד זולתי שבט יהודה לבדו׃
  • יש׳ 9:20-21 : 20 ויגזר על ימין ורעב ויאכל על שמאול ולא שבעו איש בשר זרעו יאכלו׃ 21 מנשה את אפרים ואפרים את מנשה יחדו המה על יהודה בכל זאת לא שב אפו ועוד ידו נטויה׃
  • יש׳ 19:2-3 : 2 וסכסכתי מצרים במצרים ונלחמו איש באחיו ואיש ברעהו עיר בעיר ממלכה בממלכה׃ 3 ונבקה רוח מצרים בקרבו ועצתו אבלע ודרשו אל האלילים ואל האטים ואל האבות ואל הידענים׃
  • יח׳ 37:22 : 22 ועשיתי אתם לגוי אחד בארץ בהרי ישראל ומלך אחד יהיה לכלם למלך ולא יהיה עוד לשני גוים ולא יחצו עוד לשתי ממלכות עוד׃
  • זכ׳ 11:14 : 14 ואגדע את מקלי השני את החבלים להפר את האחוה בין יהודה ובין ישראל׃
  • יוח 17:21 : 21 למען יהיו כלם אחד כאשר אתה אבי בי אתה ואני בך והיו גם המה בנו כאשר למען יאמין העולם כי אתה שלחתני׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מרק 3:25-27
    3 פסוקים
    94%

    25ובית אם נחלק על עצמו לא יוכל לעמד הבית ההוא׃

    26ואם השטן יתקומם אל עצמו ונחלק לא יוכל לעמד כי בא קצו׃

    27אין איש אשר יכל לבוא לבית הגבור ולגזל את כליו אם לא יאסר בראשונה את הגבור ואחר ישסה את ביתו׃

  • מתי 12:24-30
    7 פסוקים
    86%

    24והפרושים כשמעם זאת אמרו זה איננו מגרש את השדים כי אם על ידי בעל זבוב שר השדים׃

    25וישוע ידע את מחשבותם ויאמר אליהם כל ממלכה הנחלקה על עצמה תחרב וכל עיר ובית הנחלקים על עצמם לא יכונו׃

    26והשטן אם יגרש את השטן נחלק על עצמו ואיככה תכון ממלכתו׃

    27ואם אני מגרש את השדים בבעל זבוב בניכם במי הם מגרשים אתם על כן המה יהיו שפטיכם׃

    28אך אם ברוח אלהים אני מגרש את השדים הנה הגיעה אליכם מלכות האלהים׃

    29או איך יוכל איש לבוא לבית הגבור ולגזל את כליו אם לא יאסר בראשונה את הגבור ואחר ישסה את ביתו׃

    30כל אשר איננו אתי הוא לנגדי ואשר איננו מכנס אתי הוא מפזר׃

  • לוק 11:17-24
    8 פסוקים
    84%

    17והוא ידע את מחשבותם ויאמר אליהם כל ממלכה הנחלקה על עצמה תחרב ובית יפל על בית׃

    18וגם השטן אם נחלק על עצמו איככה תכון ממלכתו כי אמרתם שבבעל זבוב מגרש אני את השדים׃

    19ואם אני מגרש את השדים בבעל זבוב בניכם במי הם מגרשים אתם על כן המה יהיו שפטיכם׃

    20ואם באצבע אלהים מגרש אני את השדים הנה הגיעה אליכם מלכות האלהים׃

    21בהיות הגבור שמר את חצרו והוא מזין והיה רכושו שלום׃

    22ואם יבוא עליו חזק ממנו ותקפו ישא ממנו את נשקו אשר בטח בו ואת מלקחו יחלק׃

    23כל אשר איננו אתי הוא לנגדי ואשר איננו מאסף אתי הוא מפזר׃

    24הרוח הטמאה אחרי צאתה מן האדם תשוטט במקמות ציה לבקש לה מנוחה ולא תמצא אז תאמר אשובה נא אל ביתי אשר יצאתי משם׃

  • מרק 3:22-23
    2 פסוקים
    80%

    22והסופרים אשר ירדו מירושלים אמרו כי בעל זבוב נכנס בו ועל ידי שר השדים הוא מגרש את השדים׃

    23ויקרא אותם אליו וידבר להם במשלים לאמר איך יוכל השטן לגרש השטן׃

  • לוק 21:10
    71%

    10ויסף דבר אליהם לאמר יקום גוי על גוי וממלכה על ממלכה׃

  • לוק 12:51-53
    3 פסוקים
    69%

    51החשבים אתם כי באתי לתת שלום בארץ אני אמר לכם לא כי אם מחלקת׃

    52כי מעתה חמשה בבית אחד יחלקו שלשה על שנים ושנים על שלשה׃

    53האב יחלק על הבן והבן על האב האם על הבת והבת על האם החמות על הכלה והכלה על החמות׃

  • לוק 16:12-13
    2 פסוקים
    69%

    12ואם בדבר אשר לאחרים לא הייתם נאמנים את אשר לכם מי יתן לכם׃

    13אין עבד אשר יוכל לעבד שני אדנים כי ישנא את האחד ויאהב את האחר או ידבק באחד ואת האחר יבזה לא תוכלו עבד את האלהים ואת הממון׃

  • מתי 6:23-24
    2 פסוקים
    69%

    23ואם עינך רעה כל גופך יחשך והנה אם יחשך האור אשר בקרבך מה רב החשך׃

    24לא יוכל איש לעבד שני אדנים כי אם ישנא את האחד ויאהב את האחר או ידבק באחד ויבזה את האחר לא תוכלו עבוד את האלהים ואת הממון׃

  • לוק 14:31
    68%

    31אז מי הוא המלך הקם להתגרות מלחמה במלך אחר ולא ישב בראשונה ויתיעץ אם יוכל בעשרת אלפים לערך לקראת הבא עליו בעשרים אלף׃

  • קה׳ 4:12
    67%

    12ואם יתקפו האחד השנים יעמדו נגדו והחוט המשלש לא במהרה ינתק׃

  • מתי 24:7
    67%

    7כי יקום גוי על גוי וממלכה על ממלכה והיה רעב ודבר ורעש הנה והנה׃

  • מתי 10:36
    67%

    36ואיבי איש אנשי ביתו׃

  • מתי 12:33
    66%

    33או עשו את העץ טוב ופריו טוב או עשו את העץ משחת ופריו משחת כי בפריו נכר העץ׃

  • מרק 9:40
    66%

    40כי כל אשר איננו נגדנו הוא בעדנו׃

  • יח׳ 17:14
    66%

    14להיות ממלכה שפלה לבלתי התנשא לשמר את בריתו לעמדה׃

  • יוח 18:36
    66%

    36ויען ישוע מלכותי איננה מן העולם הזה אם היתה מלכותי מן העולם הזה כי אז נלחמו לי משרתי לבלתי המסר ביד היהודים ועתה מלכותי איננה מפה׃

  • מרק 13:8
    65%

    8כי יקום גוי על גוי וממלכה על ממלכה והיה רעש כה וכה והיה רעב ומהומה׃

  • לוק 13:20
    65%

    20ויאמר עוד אל מה אדמה את מלכות האלהים׃

  • לוק 14:33
    65%

    33ככה כל איש מכם אשר לא נפטר מכל רכושו לא יוכל להיות תלמידי׃

  • דנ׳ 11:4
    65%

    4וכעמדו תשבר מלכותו ותחץ לארבע רוחות השמים ולא לאחריתו ולא כמשלו אשר משל כי תנתש מלכותו ולאחרים מלבד אלה׃

  • מתי 13:24
    65%

    24וישם לפניהם משל אחר לאמר מלכות השמים דומה לאיש אשר זרע זרע טוב בשדהו׃

  • לוק 17:21
    65%

    21ולא יאמרו הנה פה או הנה שם כי מלכות האלהים הנה בקרבכם היא׃

  • תה׳ 11:3
    65%

    3כי השתות יהרסון צדיק מה פעל׃

  • מתי 7:18
    65%

    18עץ טוב לא יוכל עשות פרי רע ועץ משחת לא יעשה פרי טוב׃

  • שמ״א 12:25
    65%

    25ואם הרע תרעו גם אתם גם מלככם תספו׃

  • לוק 10:6
    64%

    6והיה כי יהיה שם בן שלום ונח עליו שלומכם ואם לא אליכם ישוב׃

  • לוק 14:26
    64%

    26איש כי יבוא אלי ולא ישנא את אביו ואת אמו ואת אשתו ואת בניו ואת אחיו ואת אחיתיו ואף גם את נפשו לא יוכל להיות תלמידי׃

  • מתי 24:23
    64%

    23וכי יאמר אליכם איש בעת ההיא הנה פה המשיח או הנו שם אל תאמינו׃

  • מע״ש 5:39
    64%

    39ואם מאת האלהים היא לא תוכלו להפר אתה פן תמצאו נלחמים את האלהים׃

  • מתי 7:25
    64%

    25וירד הגשם וישטפו הנהרות וישבו הרוחות ויגעו בבית ההוא ולא נפל כי יסד על הסלע׃