מתי 10:5

תנ ך עברי מודרני

את שנים העשר האלה שלח ישוע ויצו אתם לאמר אל דרך הגוים אל תלכו ואל עיר השמרונים אל תבאו׃

משאבים נוספים

פסוקים מקושרים

  • יוח 4:9 : 9 ותאמר אליו האשה השמרונית הן יהודי אתה ואיככה תשאל ממני לשתות ואנכי אשה שמרונית כי לא יתערבו היהודים עם השמרונים׃
  • לוק 9:2 : 2 וישלחם לקרא את מלכות האלהים ולרפא את החלים׃
  • מל״ב 17:24-41 : 24 ויבא מלך אשור מבבל ומכותה ומעוא ומחמת וספרוים וישב בערי שמרון תחת בני ישראל וירשו את שמרון וישבו בעריה׃ 25 ויהי בתחלת שבתם שם לא יראו את יהוה וישלח יהוה בהם את האריות ויהיו הרגים בהם׃ 26 ויאמרו למלך אשור לאמר הגוים אשר הגלית ותושב בערי שמרון לא ידעו את משפט אלהי הארץ וישלח בם את האריות והנם ממיתים אותם כאשר אינם ידעים את משפט אלהי הארץ׃ 27 ויצו מלך אשור לאמר הליכו שמה אחד מהכהנים אשר הגליתם משם וילכו וישבו שם וירם את משפט אלהי הארץ׃ 28 ויבא אחד מהכהנים אשר הגלו משמרון וישב בבית אל ויהי מורה אתם איך ייראו את יהוה׃ 29 ויהיו עשים גוי גוי אלהיו ויניחו בבית הבמות אשר עשו השמרנים גוי גוי בעריהם אשר הם ישבים שם׃ 30 ואנשי בבל עשו את סכות בנות ואנשי כות עשו את נרגל ואנשי חמת עשו את אשימא׃ 31 והעוים עשו נבחז ואת תרתק והספרוים שרפים את בניהם באש לאדרמלך וענמלך אלה ספרים׃ 32 ויהיו יראים את יהוה ויעשו להם מקצותם כהני במות ויהיו עשים להם בבית הבמות׃ 33 את יהוה היו יראים ואת אלהיהם היו עבדים כמשפט הגוים אשר הגלו אתם משם׃ 34 עד היום הזה הם עשים כמשפטים הראשנים אינם יראים את יהוה ואינם עשים כחקתם וכמשפטם וכתורה וכמצוה אשר צוה יהוה את בני יעקב אשר שם שמו ישראל׃ 35 ויכרת יהוה אתם ברית ויצום לאמר לא תיראו אלהים אחרים ולא תשתחוו להם ולא תעבדום ולא תזבחו להם׃ 36 כי אם את יהוה אשר העלה אתכם מארץ מצרים בכח גדול ובזרוע נטויה אתו תיראו ולו תשתחוו ולו תזבחו׃ 37 ואת החקים ואת המשפטים והתורה והמצוה אשר כתב לכם תשמרון לעשות כל הימים ולא תיראו אלהים אחרים׃ 38 והברית אשר כרתי אתכם לא תשכחו ולא תיראו אלהים אחרים׃ 39 כי אם את יהוה אלהיכם תיראו והוא יציל אתכם מיד כל איביכם׃ 40 ולא שמעו כי אם כמשפטם הראשון הם עשים׃ 41 ויהיו הגוים האלה יראים את יהוה ואת פסיליהם היו עבדים גם בניהם ובני בניהם כאשר עשו אבתם הם עשים עד היום הזה׃
  • יוח 4:22-24 : 22 אתם משתחוים אל אשר לא ידעתם ואנחנו משתחוים אל אשר ידענו כי הישועה מן היהודים היא׃ 23 אולם תבוא שעה ועתה היא אשר עבדי אל האמתים ישתחוו לאב ברוח ובאמת כי במשתחוים כאלה חפץ האב׃ 24 האלהים רוח הוא והמשתחוים לו צריכים להשתחות ברוח ובאמת׃
  • יוח 20:21 : 21 ויסף ישוע לדבר אליהם שלום לכם כאשר שלח אתי האב כן אנכי שלח אתכם׃
  • מע״ש 1:8 : 8 אבל תקבלו גבורה בבוא עליכם רוח הקדש והייתם עדי בירושלים ובכל יהודה ובשמרון ועד קצה הארץ׃
  • מע״ש 8:1 : 1 ¶ ושאול גם הוא היה רצה בהרגתו ותהי ביום ההוא רדיפה גדולה על הקהלה אשר בירושלים ויפצו כלם בערי יהודה ושמרון לבד מן השליחים׃
  • מע״ש 10:45-11:18 : 45 והמאמינים בני המילה אשר באו את פטרוס השתוממו כי מתנת רוח הקדש נשפכה גם על הגוים׃ 46 כי שמעו אתם ממללים בלשנות ומגדלים את האלהים׃ 47 ויען פטרוס ויאמר היוכל איש למנע את המים מטבל את אלה אשר קבלו את רוח הקדש גם הם כמנו׃ 48 ויצו לטבל אתם בשם האדון ויבקשו ממנו לשבת אתם ימים אחדים׃ 1 ¶ וישמעו השליחים והאחים אשר ביהודה כי קבלו גם הגוים את דבר האלהים׃ 2 ויהי כאשר עלה פטרוס ירושלים ויריבו עמו בני המילה לאמר׃ 3 אל אנשים אשר להם ערלה באת ותאכל אתם לחם׃ 4 ויחל פטרוס ויספר להם את כל אשר קרהו לאמר׃ 5 מתפלל הייתי בעיר יפו וארדם וארא מראה והנה כלי כדמות מטפחת בד גדולה יורד מן השמים ותורד בארבע כנפותיה ותבא עדי׃ 6 והסתכלתי בה ואבין וארא את בהמת הארץ ואת החיה ורמש האדמה ועוף השמים׃ 7 ואשמע גם קול האמר אלי קום פטרוס זבח ואכל׃ 8 ואמר חלילה לי אדני כי כל פגול וטמא לא בא בפי מעולם׃ 9 ויענני הקול שנית מן השמים ויאמר את אשר טהר האלהים אתה אל תטמאנו׃ 10 וכן היה שלש פעמים והכל שב והעלה השמימה׃ 11 והנה כרגע שלשה אנשים עמדים על פתח הבית אשר אנכי שם והמה שלוחים אלי מקסרין׃ 12 ויאמר אלי הרוח ללכת אתם ולבלתי התמהמה וילכו אתי גם ששת האחים האלה ונבוא אל בית האיש׃ 13 ויגד לנו את אשר ראה המלאך נצב בביתו ואמר אליו שלח אל יפו אנשים וקרא אליך את שמעון המכנה פטרוס׃ 14 והוא ידבר אליך דברים אשר תושע בהם אתה וכל ביתך׃ 15 וכאשר החלותי לדבר צלחה עליהם רוח הקדש כאשר צלחה עלינו בתחלה׃ 16 ואזכר את דבר האדון אשר אמר יוחנן הטביל במים ואתם תטבלו ברוח הקדש׃ 17 ועתה אם מתנה אחת נתן האלהים להם ולנו המאמינים באדון ישוע המשיח מי אנכי כי אעצר לאלהים׃ 18 ויהי כשמעם זאת ויחרישו ויהללו את האלהים ויאמרו אכן גם לגוים נתן האלהים התשובה לחיים׃
  • מע״ש 22:21-23 : 21 ויאמר אלי לך כי אני אל הגיום עד למרחוק אשלחך׃ 22 וישמעו אליו עד הדבר הזה וישאו את קולם ויאמרו הסירו איש כזה מעל האדמה כי איננו ראוי כי יחיה׃ 23 ויהי בהיותם צעקים ומשליכים את בגדיהם מעליהם וזרקים עפר השמימה׃
  • יוח 4:5 : 5 ויבא לעיר מערי שמרון ושמה סוכר היא ממול חלקת השדה אשר נתנה יעקב לבנו ליוסף׃
  • רומ 15:8-9 : 8 ואני אמר כי ישוע המשיח היה למשרת בני המילה למען אמת האלהים לקים את ההבטחות אשר לאבות׃ 9 והגוים המה יכבדו את האלהים למען רחמיו ככתוב על כן אודך בגוים ולשמך אזמרה׃
  • תס״א 2:16 : 16 המנעים אתנו מדבר אל הגוים כי יושעו למען אשר ימלאו את חטאתיהם בכל עת וישיגם החרון עד לכלה׃
  • יוח 4:39-40 : 39 ויאמינו בו שמרנים רבים מן העיר ההיא על דבר האשה אשר העידה לאמר הוא הגיד לי את כל אשר עשיתי׃ 40 ויהי כאשר באו אליו השמרנים וישאלו ממנו לשבת אתם וישב שם יומים׃
  • יוח 7:35 : 35 ויאמרו היהודים איש רעהו אנה ילך זה ואנחנו לא נמצאהו הכי ילך אל הנפוצים בין היונים וילמד אנשי יון׃
  • יוח 8:48 : 48 אז יענו היהודים ויאמרו אליו הלא הטבנו אשר דברנו כי שמרוני אתה ושד בך׃
  • מתי 4:15 : 15 ארצה זבלון וארצה נפתלי דרך הים עבר הירדן גליל הגוים׃
  • מתי 22:3 : 3 וישלח את עבדיו לקרא הקרואים אל החתנה ולא אבו לבוא׃
  • יוח 4:20 : 20 אבותינו השתחוו בהר הזה ואתם אמרים כי ירושלים היא המקום הנבחר להשתחות שמה׃
  • לוק 9:52-54 : 52 וישלח מלאכים לפניו וילכו ויבאו אל אחד מכפרי השמרונים להכין לו׃ 53 ולא קבלהו על אשר היו פניו הלכים ירושלים׃ 54 ויאמרו יעקב ויוחנן תלמידיו כראותם זאת לאמר אדנינו התרצה ונאמר כי תרד אש מן השמים ותאכלם כאשר עשה גם אליהו׃
  • לוק 10:1 : 1 ¶ ואחרי כן הבדיל האדון עוד שבעים אחרים וישלחם לפניו שנים שנים אל כל עיר ומקום אשר בקש לבוא שמה׃
  • לוק 10:33 : 33 ואיש שמרוני הלך בדרך ויבא עליו וירא אתו ויהמו רחמיו׃
  • לוק 17:16 : 16 ויפל על פניו לרגליו ויודה לו והוא היה שמרוני׃
  • מע״ש 8:5-9 : 5 ופילפוס ירד אל עיר שמרון ויכרז להם את המשיח׃ 6 ויקשב המון העם בלב אחד אל אמרי פילפוס בשמעם ובראותם את האתות אשר עשה׃ 7 כי רבים היו אחוזי רוחות הטמאה והרוחות יצאו מהם צעקות בקול גדול ורבים נכי אברים ופסחים וירפאו׃ 8 ותהי שמחה גדולה בעיר ההיא׃ 9 ואיש אחד ושמו שמעון היה מלפנים בעיר מכשף ומשמים את עם שמרון באמרו על נפשו כי גדול הוא׃ 10 ויקשיבו אליו מקטנם ועד גדולם לאמר זה הוא גבורת האלהים הגדולה׃ 11 ויקשיבו אליו על היותו משמים אותם בכשפיו ימים רבים׃ 12 ויהי כאשר האמינו לפילפוס בבשרו את מלכות האלהים ואת שם ישוע המשיח ויטבלו אנשים ונשים׃ 13 ויאמן שמעון גם הוא ויטבל וידבק בפילפוס וירא את האתות והמפתים הגדלים אשר נעשו וישתומם׃ 14 וישמעו השליחים אשר בירושלים כי קבלה שמרון את דבר האלהים וישלחו אליהם את פטרוס ואת יוחנן׃ 15 וירדו שמה ויתפללו בעדם אשר יקבלו את רוח הקדש׃ 16 כי הרוח לא צלחה עד עתה על אחד מהם והם רק נטבלים בשם האדון ישוע׃ 17 ויסמכו את ידיהם עליהם ויקבלו את רוח הקדש׃ 18 ויהי בראות שמעון כי בסמיכות ידי השליחים נתן רוח הקדש ויבא לפניהם כסף׃ 19 ויאמר תנו נא גם לי את היכלת הזאת אשר יקבל את רוח הקדש כל אשר אשים עליו את ידי׃ 20 ויאמר אליו פטרוס כספך יהי אתך לאבדון יען חשבת לקנות במחיר את מתת האלהים׃ 21 אין לך חלק וגורל בדבר הזה כי לבבך איננו ישר לפני האלהים׃ 22 ועתה שוב מרעתך זאת והתחנן אל האלהים אולי תסלח לך מזמת לבבך׃ 23 כי ראה אנכי כי באת לידי מרורת רוש וחרצבות רשע׃ 24 ויען שמעון ויאמר העתירו אתם בעדי אל יהוה לבלתי בוא עלי דבר מכל אשר אמריתם׃ 25 והמה אחרי אשר העידה ודברו את דבר יהוה שבו ירושלים ויבשרו את הבשורה בכפרים רבים אשר לשמרונים׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מתי 10:6-7
    2 פסוקים
    85%

    6כי אם לכו אל הצאן האבדות לבית ישראל׃

    7ובלכתכם קראו לאמר למכות השמים קרבה לבוא׃

  • לוק 9:52-53
    2 פסוקים
    75%

    52וישלח מלאכים לפניו וילכו ויבאו אל אחד מכפרי השמרונים להכין לו׃

    53ולא קבלהו על אשר היו פניו הלכים ירושלים׃

  • לוק 10:8-10
    3 פסוקים
    75%

    8וכל עיר אשר תבאו בה וקבלו אתכם אכלו שם את אשר ישימו לפניכם׃

    9ורפאו את החולים אשר בקרבה ואמרו להם קרבה אליכם מלכות האלהים׃

    10וכל עיר אשר תבאו בה ולא יקבלו אתכם צאו לכם אל רחובותיה ואמרו׃

  • מתי 15:24
    74%

    24ויען ויאמר לא שלחתי כי אם אל הצאן האבדות לבית ישראל׃

  • מרק 8:26
    73%

    26וישלחהו אל ביתו לאמר אל תבא בתוך הכפר ואל תדבר לאיש בכפר׃

  • לוק 9:2-6
    5 פסוקים
    72%

    2וישלחם לקרא את מלכות האלהים ולרפא את החלים׃

    3ויאמר להם אל תקחו מאומה לדרך לא מטות ולא תרמיל ולא לחם ולא כסף ואל יהיה לאיש מכם שתי כתנות׃

    4והבית אשר תבאו בו שם שבו לכם ומשם צאו׃

    5וכל אשר לא יקבלו אתכם צאו מן העיר ההיא ונערו את העפר מעל רגליכם לעדות בהם׃

    6ויצאו ויעברו בכפרים מבשרים את הבשורה ומרפאים בכל מקום׃

  • לוק 17:11-12
    2 פסוקים
    72%

    11ויהי בנסעו ירושלים והוא עבר בתוך שמרון והגליל׃

    12ויבא אל כפר אחד ויפגעהו עשרה אנשים מצרעים והם עמדים מרחוק׃

  • לוק 10:3-4
    2 פסוקים
    71%

    3לכו נא הנני שלח אתכם ככבשים בין הזאבים׃

    4אל תשאו כיס ולא תרמיל ולא נעלים ואל תשאלו לשלום איש בדרך׃

  • מע״ש 8:25
    71%

    25והמה אחרי אשר העידה ודברו את דבר יהוה שבו ירושלים ויבשרו את הבשורה בכפרים רבים אשר לשמרונים׃

  • מרק 6:10-12
    3 פסוקים
    71%

    10ויאמר אליהם במקום אשר תבאו בית איש שבו בו עד כי תצאו משם׃

    11וכל אשר לא יקבלו אתכם ולא ישמעו אליכם צאו משם ונערו את עפר כפות רגליכם לעדות להם אמן אני אמר לכם לסדם ולעמרה יקל ביום הדין מן העיר ההיא׃

    12ויצאו ויקראו לשוב בתשובה׃

  • מתי 10:4
    71%

    4שמעון הקני ויהודה איש קריות אשר גם מסר אתו׃

  • מרק 5:37
    70%

    37ולא הניח לאיש ללכת אתו בלתי אם לפטרוס וליעקב וליוחנן אחי יעקב׃

  • מתי 10:11
    70%

    11וכל עיר וכפר אשר תבאו שמה דרשו מי הוא הראוי לזה בתוכה ושם שבו עד כי תצאו׃

  • מרק 6:7-8
    2 פסוקים
    69%

    7ויקרא אל שנים העשר ויחל לשלח אותם שנים שנים ויתן להם שלטן על רוחות הטמאה׃

    8ויצו אותם אשר לא ישאו מאומה לדרך זולתי מקל לבדו לא תרמיל ולא לחם ולא נחשת בחגורה׃

  • מתי 11:1
    69%

    1¶ ויהי ככלות ישוע לצות את שנים עשר תלמידיו וילך משם ללמד ולקרא בעריהם׃

  • מרק 1:38
    69%

    38ויאמר אליהם נעברה מזה אל ערי הפרזות הקרבות ואקרא גם שם כי בעבור זאת יצאתי׃

  • מתי 20:17
    69%

    17ויהי כעלות ישוע ירושלים ויקח אליו את שנים העשר לבדם ויאמר להם בדרך׃

  • מתי 12:16
    69%

    16ויצו אתם בגערה שלא יגלהו׃

  • לוק 8:1
    69%

    1¶ ויהי אחרי כן ויעבר מעיר אל עיר ומכפר אל כפר קורא ומבשר את מלכות האלהים ושנים העשר אתו׃

  • מתי 10:14
    69%

    14וכל אשר לא יקבל אתכם ולא ישמע לדבריכם צאו לכם מן הבית ההוא ומן העיר ההיא ונערו את עפר רגליכם׃

  • לוק 4:43
    69%

    43ויאמר להם הן עלי לבשר גם לערים האחרות את בשורת מלכות האלהים כי לזאת שלחתי׃

  • מרק 5:19
    69%

    19ולא הניח לו כי אם אמר אליו שוב לביתך אל בני משפחתך והגד להם את הגדלות אשר עשה לך יהוה ויחנך׃

  • מתי 7:6
    68%

    6אל תתנו את הקדש לכלבים ואל תשליכו פניניכם לפני החזירים פן ירמסום ברגליהם ופנו וטרפו אתכם׃

  • מרק 16:15
    68%

    15ויאמר אליהם לכו אל כל העולם וקראו את הבשורה לכל הבריאה׃

  • יוח״ג 1:7
    68%

    7כי בעבור שמו יצאו ולא לקחו מאומה מן הגוים׃

  • לוק 9:56
    68%

    56כי בן האדם לא בא לאבד נפשות אדם כי אם להושיעם וילכו להם אל כפר אחר׃

  • מרק 3:14
    68%

    14וישם שנים עשר איש למען יהיו אתו ולמען ישלחם לקרא׃

  • יוח 4:3-4
    2 פסוקים
    68%

    3ויעזב את ארץ יהודה וילך שנית הגלילה׃

    4ויהי לו לעבר בארץ שמרון׃

  • מתי 10:23
    68%

    23ואם ירדפו אתכם בעיר אחת נוסו לעיר אחרת כי אמן אמר אני לכם לא תכלו לעבר ערי ישראל עד כי יבוא בן האדם׃

  • מתי 10:16
    67%

    16הנני שלח אתכם ככבשים בין הזאבים לכן היו ערומים כנחשים ותמימים כיונים׃

  • מרק 13:10
    67%

    10והבשורה צריכה להקרא בראשנה לכל הגוים׃

  • לוק 4:30
    67%

    30אך הוא עבר בתוכם וילך לדרכו׃

  • מע״ש 11:19
    67%

    19והנפוצים מפני הצרה אשר היתה על אודת אסטפנוס הלכו ובאו עד פינוקיא וקפרוס ואנטיוכיא ולא דברו את הדבר כי אם אל היהודים לבדם׃

  • מתי 28:16
    67%

    16ועשתי עשר התלמידים הלכו הגלילה אל ההר אשר צום ישוע׃

  • מתי 8:34
    67%

    34והנה כל העיר יצאה לקראת ישוע וכראותם אתו ויבקשו ממנו לעבר מגבולם׃

  • לוק 7:6
    67%

    6וילך אתם ישוע ויהי כאשר קרב אל הבית וישלח אליו שר המאה על ידי רעיו לאמר לו בי אדני אל נא תטריח את עצמך כי אינני כדי שתבוא בצל קורתי׃