מתי 14:11

תנ ך עברי מודרני

ויביאו את ראשו בקערה ויתנו לנערה ותביאהו אל אמה׃

משאבים נוספים

פסוקים מקושרים

  • בר׳ 49:7 : 7 ארור אפם כי עז ועברתם כי קשתה אחלקם ביעקב ואפיצם בישראל׃
  • מש׳ 27:4 : 4 אכזריות חמה ושטף אף ומי יעמד לפני קנאה׃
  • מש׳ 29:10 : 10 אנשי דמים ישנאו תם וישרים יבקשו נפשו׃
  • יר׳ 22:17 : 17 כי אין עיניך ולבך כי אם על בצעך ועל דם הנקי לשפוך ועל העשק ועל המרוצה לעשות׃
  • יח׳ 16:3-4 : 3 ואמרת כה אמר אדני יהוה לירושלם מכרתיך ומלדתיך מארץ הכנעני אביך האמרי ואמך חתית׃ 4 ומולדותיך ביום הולדת אתך לא כרת שרך ובמים לא רחצת למשעי והמלח לא המלחת והחתל לא חתלת׃
  • יח׳ 19:2-3 : 2 ואמרת מה אמך לביא בין אריות רבצה בתוך כפרים רבתה גוריה׃ 3 ותעל אחד מגריה כפיר היה וילמד לטרף טרף אדם אכל׃
  • יח׳ 35:6 : 6 לכן חי אני נאם אדני יהוה כי לדם אעשך ודם ירדפך אם לא דם שנאת ודם ירדפך׃
  • התגל׳ 16:6 : 6 כי דם קדשים ונביאים שפכו ודם השקיתם כי גמול ידם הוא׃
  • התגל׳ 17:6 : 6 וארא את האשה שכורה מדם הקדשים ומדם עדי ישוע ואשתומם על המראה שמה גדולה׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מרק 6:16-29
    14 פסוקים
    92%

    16וישמע הורדוס ויאמר יוחנן אשר אנכי נשאתי את ראשו מעליו הוא קם מן המתים׃

    17כי הוא הורודס שלח לתפש את יוחנן ויאסרהו בבית הסהר בגלל הורודיה אשת פילפוס אחיו כי אתה לקח לו לאשה׃

    18יען אשר אמר יוחנן אל הורדוס אשת אחיך איננה מתרת לך׃

    19ותשטם אותו הורודיה ותבקש המיתו ולא יכלה׃

    20כי הורדוס ירא את יוחנן בדעתו כי הוא איש צדיק וקדוש ויגן בעדו והרבה עשה בשמעו אליו ויאהב לשמע אתו׃

    21ויבא היום המכשר כי הורדוס ביום הלדת אתו עשה משתה לגדוליו ולשרי האלפים ולראשי הגליל׃

    22ותבא בת הורודיה ותרקד ותיטב בעיני הורדוס ובעיני המסבים עמו ויאמר המלך אל הנערה שאלי ממני את אשר תחפצי ואתן לך׃

    23וישבע לה לאמר כל אשר תשאלי ממני אתן לך עד חצי מלכותי׃

    24ותצא ותאמר לאמה מה אשאל ותאמר את ראש יוחנן המטביל׃

    25ותמהר מאד לבוא אל המלך ותשאל לאמר רצוני אשר תתן לי עתה בקערה את ראש יוחנן המטביל׃

    26ויתעצב המלך מאד אך בעבור השבועה והמסבים עמו לא רצה להשיב פניה׃

    27ומיד שלח המלך אחד הטבחים ויצוהו להביא את ראשו׃

    28וילך ויכרת את ראשו בבית הסהר ויביאהו בקערה ויתנהו לנערה והנערה נתנה אתו אל אמה׃

    29וישמעו תלמידיו ויבאו וישאו את גויתו וישימוה בקבר׃

  • מתי 14:1-10
    10 פסוקים
    87%

    1¶ בעת ההיא שמע הורדוס שר רבע המדינה את שמע ישוע׃

    2ויאמר אל נעריו זה הוא יוחנן המטביל והוא קם מן המתים על כן הגבורות פעלות בו׃

    3כי הורדוס תפש את יוחנן ויאסרהו וישימהו בבית הסהר בגלל הורודיה אשת פילפוס אחיו׃

    4כי יוחנן אמר אליו לא נכון היתה לך לאשה׃

    5ויבקש המיתו אך ירא את ההמון כי לנביא חשבו אתו׃

    6ויהי ביום הלדת הורדוס ותרקד בת הורודיה בתוכם ותיטב בעיני הורדוס׃

    7וישבע לה ויאמר מה תשאל נפשך ואתן לך׃

    8ואמה שמה את הדברים בפיה ותשאל לאמר תנה לי פה בקערה את ראש יוחנן המטביל׃

    9ויעצב המלך אך בעבור השבועה והמסבים עמו צוה לתת לה׃

    10וישלח וישא את ראש יוחנן מעליו בבית הסהר׃

  • מתי 14:12
    76%

    12ויגשו תלמידיו וישאו את גויתו ויקברוה וילכו ויגידו לישוע׃

  • לוק 9:9
    70%

    9ויאמר הורדוס הן אנכי נשאתי את ראש יוחנן מעליו ומי אפוא הוא אשר אני שמע עליו כזאת ויבקש לראותו׃

  • מל״ב 4:19
    69%

    19ויאמר אל אביו ראשי ראשי ויאמר אל הנער שאהו אל אמו׃

  • מתי 11:2-4
    3 פסוקים
    69%

    2ויוחנן שמע בבית הסהר את מעשי המשיח וישלח שנים מתלמידיו׃

    3ויאמר אליו האתה הוא הבא אם נחכה לאחר׃

    4ויען ישוע ויאמר להם לכו הגידו ליוחנן את אשר שמעתם וראיתם׃

  • מע״ש 12:2
    68%

    2וימת את יעקב אחי יוחנן בחרב׃

  • לוק 7:18
    67%

    18ותלמידי יוחנן הגידו לו את כל אלה׃

  • מתי 4:12
    67%

    12ויהי כשמעו כי הסגירו את יוחנן וילך לו ארץ הגליל׃

  • לוק 7:15
    67%

    15ויתעודד המת ויחל לדבר ויתנהו לאמו׃

  • מל״ב 9:34-35
    2 פסוקים
    66%

    34ויבא ויאכל וישת ויאמר פקדו נא את הארורה הזאת וקברוה כי בת מלך היא׃

    35וילכו לקברה ולא מצאו בה כי אם הגלגלת והרגלים וכפות הידים׃

  • מרק 6:14
    66%

    14וישמע עליו המלך הורדוס כי נודע שמו ויאמר יוחנן הטובל קם מן המתים ועל כן פעלות בו הגבורות׃

  • מתי 17:13
    66%

    13אז הבינו התלמידים כי על יוחנן המטביל דבר אליהם׃

  • לוק 3:19-20
    2 פסוקים
    66%

    19והורדוס שר רבע המדינה אשר הוכח על ידו על אדות הורודיה אשת אחיו פילפוס ועל אדות כל הרע אשר עשה הורדוס׃

    20הוסיף על כל אלה גם את זאת ויסגר את יוחנן במשמר׃

  • שמ״א 17:57
    66%

    57וכשוב דוד מהכות את הפלשתי ויקח אתו אבנר ויבאהו לפני שאול וראש הפלשתי בידו׃

  • מל״ב 11:16
    66%

    16וישמו לה ידים ותבוא דרך מבוא הסוסים בית המלך ותומת שם׃

  • לוק 9:7
    65%

    7וישמע הורדוס שר הרבע את כל אשר נעשה על ידו ותפעם רוחו כי יש אשר אמרו יוחנן קם מן המתים׃

  • דה״א 10:9
    65%

    9ויפשיטהו וישאו את ראשו ואת כליו וישלחו בארץ פלשתים סביב לבשר את עצביהם ואת העם׃

  • שמ״א 31:9
    64%

    9ויכרתו את ראשו ויפשיטו את כליו וישלחו בארץ פלשתים סביב לבשר בית עצביהם ואת העם׃

  • דה״ב 23:15
    64%

    15וישימו לה ידים ותבוא אל מבוא שער הסוסים בית המלך וימיתוה שם׃

  • מתי 2:20
    64%

    20ויאמר אליו קום קח את הילד ואת אמו ולך שוב אל ארץ ישראל כי מתו המבקשים את נפש הילד׃

  • יוח 19:27
    64%

    27ואחר אמר אל תלמידו הנה זאת אמך ומן השעה ההיא אסף אתה התלמיד אל ביתו׃

  • לוק 23:15
    64%

    15וגם הורדוס לא מצא כי שלחתי אתכם אליו והנה אין בו חטא משפט מות׃

  • מל״א 3:24
    64%

    24ויאמר המלך קחו לי חרב ויבאו החרב לפני המלך׃