מתי 14:30

תנ ך עברי מודרני

ויהי כראתו את הרוח כי חזקה היא ויירא ויחל לטבע ויצעק לאמר אדני הושיעני׃

משאבים נוספים

פסוקים מקושרים

  • טימ״ב 4:16-17 : 16 בהתנצלותי הראשונה לא היה איש לעזרני כי כלם עזבוני אל יחשב להם עון׃ 17 אבל האדון הוא עזרני וחזקני למען תשלם על ידי הבשורה וישמעוה כל הגוים ואנצל מפי אריה׃
  • לוק 22:54-61 : 54 ויתפשו אותו ויוליכהו ויביאהו בית הכהן הגדול ופטרוס הלך אחריו מרחוק׃ 55 ויהי כי בערו אש בתוך החצר וישבו יחדו וישב גם פטרוס בתוכם׃ 56 ותראהו השפחה יושב נגד האור ותבט בו ותאמר גם זה היה עמו׃ 57 ויכחש בו ויאמר אשה לא ידעתיו׃ 58 ואחרי מעט ראהו אדם אחר ויאמר גם אתה מהם ויאמר פטרוס לא אדם כי אינני׃ 59 ואחרי עבר כשעה אחת קים איש אחר לאמר אמנם גם זה היה עמו כי אף הוא גלילי׃ 60 ויאמר פטרוס בן אדם לא ידעתי מה אתה אמר והוא עודנו מדבר והתרנגול קרא׃ 61 ויפן האדון ויבט אל פטרוס ויזכר פטרוס את דבר האדון אשר דבר אליו כי בטרם יקרא התרנגל תכחש בי שלש פעמים׃
  • יוח 18:25-27 : 25 ושמעון פטרוס עמד ומתחמם ויאמרו אליו הלא גם אתה מתלמידיו ויכחש ויאמר אינני׃ 26 ויאמר איש מעבדי הכהן הגדול והוא מודע לאשר קצץ פטרוס את אזנו הלא ראיתיך עמו בתוך הגן׃ 27 ויסף פטרוס לכחש ופתאם קרא התרנגול׃
  • תה׳ 116:3-4 : 3 אפפוני חבלי מות ומצרי שאול מצאוני צרה ויגון אמצא׃ 4 ובשם יהוה אקרא אנה יהוה מלטה נפשי׃
  • איכה 3:54-57 : 54 צפו מים על ראשי אמרתי נגזרתי׃ 55 קראתי שמך יהוה מבור תחתיות׃ 56 קולי שמעת אל תעלם אזנך לרוחתי לשועתי׃ 57 קרבת ביום אקראך אמרת אל תירא׃
  • יונה 2:2-7 : 2 ויאמר קראתי מצרה לי אל יהוה ויענני מבטן שאול שועתי שמעת קולי׃ 3 ותשליכני מצולה בלבב ימים ונהר יסבבני כל משבריך וגליך עלי עברו׃ 4 ואני אמרתי נגרשתי מנגד עיניך אך אוסיף להביט אל היכל קדשך׃ 5 אפפוני מים עד נפש תהום יסבבני סוף חבוש לראשי׃ 6 לקצבי הרים ירדתי הארץ ברחיה בעדי לעולם ותעל משחת חיי יהוה אלהי׃ 7 בהתעטף עלי נפשי את יהוה זכרתי ותבוא אליך תפלתי אל היכל קדשך׃
  • מתי 8:24-25 : 24 והנה סער גדול היה בים ותכסה האניה בגלים והוא ישן׃ 25 ויגשו אליו תלמידיו ויעירו אותו לאמר הושיענו אדנינו אבדנו׃
  • מתי 26:69-75 : 69 ופטרוס ישב מחוץ לבית בחצר ותגש אליו שפחה לאמר גם אתה היית עם ישוע הגלילי׃ 70 ויכחש בפני כלם לאמר לא ידעתי מה את אמרת׃ 71 ויצא אל פתח השער ותרא אותו אחרת ותאמר לאנשים אשר שם גם זה היה עם ישוע הנצרי׃ 72 ויוסף לכחש וישבע לאמר לא ידעתי את האיש׃ 73 וכמעט אחרי כן ויגשו העמדים שם ויאמרו אל פטרוס אמת כי גם אתה מהם כי גם לשונך מגלה אותך׃ 74 ויחל להחרים את נפשו ולהשבע לאמר לא ידעתי את האיש ומיד קרא התרנגול׃ 75 ויזכר פטרוס את דבר ישוע אשר אמר אליו לאמר בטרם יקרא התרנגול תכחש בי שלש פעמים ויצא החוצה וימרר בבכי׃
  • מרק 14:38 : 38 שקדו והתפללו פן תבאו לידי נסיון הן הרוח היא חפצה והבשר רפה׃
  • מרק 14:66-72 : 66 ויהי בהיות פטרוס בתחתית החצר ותבא אחת משפחות הכהן הגדול׃ 67 ותרא את פטרוס כי מתחמם הוא ותבט בו ותאמר גם אתה היית עם הנצרי ישוע׃ 68 ויכחש לאמר לא אדע ולא אבין מה את אמרת ויצא החוצה אל האולם והתרנגל קרא׃ 69 ותראהו השפחה ותוסף ותאמר אל העמדים שם כי זה הוא אחד מהם ויכחש פעם שנית׃ 70 וכמעט אחרי כן גם העמדים שם אמרו אל פטרוס אמנם אתה אחד מהם כי אף גלילי אתה ולשונך כלשונם׃ 71 ויחל להחרים את נפשו ולהשבע לאמר לא יעדתי את האיש הזה אשר אמרתם׃ 72 והתרנגל קרא פעם שנית ויזכר פטרוס את הדבר אשר אמר לו ישוע בטרם יקרא התרנגל פעמים תכחש בי שלש פעמים וישם אל לבו ויבך׃
  • מל״ב 6:15 : 15 וישכם משרת איש האלהים לקום ויצא והנה חיל סובב את העיר וסוס ורכב ויאמר נערו אליו אהה אדני איכה נעשה׃
  • תה׳ 3:7 : 7 קומה יהוה הושיעני אלהי כי הכית את כל איבי לחי שני רשעים שברת׃
  • תה׳ 69:1-2 : 1 ¶ למנצח על שושנים לדוד הושיעני אלהים כי באו מים עד נפש׃ 2 טבעתי ביון מצולה ואין מעמד באתי במעמקי מים ושבלת שטפתני׃
  • תה׳ 107:27-30 : 27 יחוגו וינועו כשכור וכל חכמתם תתבלע׃ 28 ויצעקו אל יהוה בצר להם וממצוקתיהם יוציאם׃ 29 יקם סערה לדממה ויחשו גליהם׃ 30 וישמחו כי ישתקו וינחם אל מחוז חפצם׃
  • קור״ב 12:7-9 : 7 ולמען אשר לא אתרומם ברב גדל החזינות נתן לי סלון בבשרי מלאך השטן להכתני באגרוף למען לא אתרומם׃ 8 על זאת התחננתי שלש פעמים אל האדון להסירו ממני׃ 9 ויאמר אלי די לך חסדי כי בחלשה תשלם גבורתי על כן שמח לבי להתהלל בחלשותי למען תשרה עלי גבורת המשיח׃ 10 לכן רצתה נפשי בחלשות ובחרפות ובצרות וברדיפות ובמצוקות בעד המשיח כי כאשר חלשתי אז גבור אני׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מתי 14:31-33
    3 פסוקים
    86%

    31וימהר ישוע לשלח את ידו ויחזק בו ויאמר אליו קטן האמונה למה לחק לבך׃

    32הם עלו אל האניה והרוח שככה׃

    33ואנשי האניה נגשו וישתחוו לו לאמר באמת בן אלהים אתה׃

  • מתי 14:24-29
    6 פסוקים
    85%

    24והאניה הלכה בתוך הים ותטרף מן הגלים כי הרוח לנגדה׃

    25ויהי באשמרת הרביעית ויבא אליהם ישוע מתהלך על פני הים׃

    26והתלמידים בראתם אותו מתהלך על פני הים נבהלו לאמר מראה רוח הוא ויצעקו מפחד׃

    27וידבר ישוע פתאם אליהם חזקו כי אני הוא אל תיראו׃

    28ויען פטרוס ויאמר אליו אם אתה הוא אדני צוה נא כי אבא אליך על המים׃

    29ויאמר בוא וירד פטרוס מן האניה ויתהלך על המים לבוא אל ישוע׃

  • מתי 8:23-27
    5 פסוקים
    81%

    23וירד אל האניה וירדו אתו תלמידיו׃

    24והנה סער גדול היה בים ותכסה האניה בגלים והוא ישן׃

    25ויגשו אליו תלמידיו ויעירו אותו לאמר הושיענו אדנינו אבדנו׃

    26ויאמר אליהם קטני האמונה למה זה יראתם ויקם ויגער ברוחות ובים ותהי דממה גדולה׃

    27ויתמהו האנשים ויאמרו מי אפוא הוא אמר גם הרוחות והים לו ישמעון׃

  • מרק 6:47-51
    5 פסוקים
    79%

    47ויהי ערב והאניה באה בתוך הים והוא לבדו ביבשה׃

    48וירא אותם מתעמלים בשוטם כי הרוח לנגדם ויהי כעת האשמרת הרביעית ויבא אליהם מתהלך על פני הים ויואל לעבור לפניהם׃

    49והם בראתם אתו מתהלך על פני הים חשבו כי מראה רוח הוא ויצעקו׃

    50כי כלם ראוהו ויבהלו אז דבר אתם ויאמר אליהם חזקו כי אני הוא אל תיראו׃

    51וירד אליהם אל האניה והרוח שככה וישתוממו עוד יותר בלבבם ויתמהו׃

  • לוק 8:22-25
    4 פסוקים
    78%

    22ויהי היום וירד אל אניה הוא ותלמידיו ויאמר אליהם נעברה אל עבר הים וישוטו הימה׃

    23ויהי בלכתם באניה וישכב ויישן ורוח סערה ירדה על הים וישטפו עליהם המים ויהיו בסכנה׃

    24ויגשו ויעירו אותו לאמר מורה מורה אבדנו ויעור ויגער ברוח ובמשברי ים וישתקו ותהי דממה׃

    25ויאמר אליהם איה אמונתכם וייראו ויתמהו ויאמרו איש אל רעהו מי אפוא הוא המצוה גם את הרוחות ואת המים וישמעו לו׃

  • מרק 4:35-41
    7 פסוקים
    78%

    35ויאמר אליהם ביום ההוא לפנות ערב נעברה העבר׃

    36ויעזבו את המון העם ויקחו אתו כאשר הוא באניה וגם אניות אחרות הלכו עמו׃

    37ותקם רוח סערה גדולה וישטפו הגלים אל תוך האניה עד אשר כמעט נמלאה׃

    38והוא ישן על הכסת באחרי האניה ויעירו אותו ויאמרו אליו רבי האינך דאג לנו כי נאבד׃

    39ויעור ויגער ברוח ויאמר אל הים הס ודם ותשך הרוח ותהי דממה גדולה׃

    40ויאמר אליהם למה ככה אתם חרדים איך אין לכם אמונה׃

    41וייראו יראה גדולה ויאמרו איש אל רעהו מי אפוא הוא אשר גם הרוח והים שמעים לו׃

  • יוח 6:16-21
    6 פסוקים
    78%

    16ויהי בערב וירדו תלמידיו אל הים ויבאו באניה ויעברו אל עבר הים אל כפר נחום׃

    17ויכס אתם החשך וישוע לא בא אליהם׃

    18ויסער הים כי רוח גדולה נושבת׃

    19והם חתרו במשוטיהם כדרך עשרים וחמש או שלשים ריס ויראו את ישוע מתהלך על הים הלוך וקרב אל האניה וייראו׃

    20ויאמר אליהם אני הוא אל תיראו׃

    21ויואילו לקחת אתו אל האניה ורגע הגיעה האניה לארץ אשר הם הלכים שמה׃

  • יונה 1:11-13
    3 פסוקים
    77%

    11ויאמרו אליו מה נעשה לך וישתק הים מעלינו כי הים הולך וסער׃

    12ויאמר אליהם שאוני והטילני אל הים וישתק הים מעליכם כי יודע אני כי בשלי הסער הגדול הזה עליכם׃

    13ויחתרו האנשים להשיב אל היבשה ולא יכלו כי הים הולך וסער עליהם׃

  • לוק 5:3-9
    7 פסוקים
    75%

    3וירד אל אחת מן האניות אשר היא לשמעון ויבקש ממנו להוליכו מעט מן היבשה אל הים וישב וילמד את העם מתוך האניה׃

    4ויכל לדבר ויאמר אל שמעון הוליכה אל עמק הים והורידו את מכמרותיכם לצוד׃

    5ויען שמעון ויאמר אליו מורה כל הלילה יגענו ולא לכדנו מאומה אך על פי דברך אוריד את המכמרת׃

    6ויעשו כן וילכדו דגים הרבה מאד ותקרע מכמרתם׃

    7ויניפו יד אל חבריהם אשר באמיה השנית לבוא אליהם ולעזרם ויבאו וימלאו את שתי האניות עד כי שקעו׃

    8ויהי כראות שמעון פטרוס את זאת ויפל לברכי ישוע ויאמר אדני צא נא מעמי כי איש חוטא אנכי׃

    9כי שמה החזיקה אותו ואת כל אשר אתו על ציד הדגים אשר צדו׃

  • יוח 21:6-7
    2 פסוקים
    72%

    6ויאמר להם השליכו המכמרת מימין לאניה ותמצאו וישליכו ולא יכלו עוד למשך אתה מרב הדגים׃

    7ויאמר התלמיד ההוא אשר ישוע אהבו אל פטרוס זה הוא האדון ויהי כשמע שמעון פטרוס כי הוא האדון ויחגר את מעילו כי עירום היה ויתנפל אל הים׃

  • מרק 9:6
    71%

    6כי לא ידע מה ידבר כי היו נבהלים׃

  • מתי 17:7
    70%

    7ויגש ישוע ויגע בם ויאמר קומו ואל תיראו׃