מתי 2:8

תנ ך עברי מודרני

וישלחם בית לחם ויאמר לכו חקרו היטב על דבר הילד והיה כי תמצאון אתו והגדתם לי ואבאה להשתחות לו גם אני׃

משאבים נוספים

פסוקים מקושרים

  • שמ״א 23:22-23 : 22 לכו נא הכינו עוד ודעו וראו את מקומו אשר תהיה רגלו מי ראהו שם כי אמר אלי ערום יערם הוא׃ 23 וראו ודעו מכל המחבאים אשר יתחבא שם ושבתם אלי אל נכון והלכתי אתכם והיה אם ישנו בארץ וחפשתי אתו בכל אלפי יהודה׃
  • שמ״ב 15:7-9 : 7 ויהי מקץ ארבעים שנה ויאמר אבשלום אל המלך אלכה נא ואשלם את נדרי אשר נדרתי ליהוה בחברון׃ 8 כי נדר נדר עבדך בשבתי בגשור בארם לאמר אם ישיב ישיבני יהוה ירושלם ועבדתי את יהוה׃ 9 ויאמר לו המלך לך בשלום ויקם וילך חברונה׃ 10 וישלח אבשלום מרגלים בכל שבטי ישראל לאמר כשמעכם את קול השפר ואמרתם מלך אבשלום בחברון׃ 11 ואת אבשלום הלכו מאתים איש מירושלם קראים והלכים לתמם ולא ידעו כל דבר׃ 12 וישלח אבשלום את אחיתפל הגילני יועץ דוד מעירו מגלה בזבחו את הזבחים ויהי הקשר אמץ והעם הולך ורב את אבשלום׃
  • שמ״ב 17:14 : 14 ויאמר אבשלום וכל איש ישראל טובה עצת חושי הארכי מעצת אחיתפל ויהוה צוה להפר את עצת אחיתפל הטובה לבעבור הביא יהוה אל אבשלום את הרעה׃
  • מל״א 19:2 : 2 ותשלח איזבל מלאך אל אליהו לאמר כה יעשון אלהים וכה יוספון כי כעת מחר אשים את נפשך כנפש אחד מהם׃
  • מל״ב 10:18-19 : 18 ויקבץ יהוא את כל העם ויאמר אלהם אחאב עבד את הבעל מעט יהוא יעבדנו הרבה׃ 19 ועתה כל נביאי הבעל כל עבדיו וכל כהניו קראו אלי איש אל יפקד כי זבח גדול לי לבעל כל אשר יפקד לא יחיה ויהוא עשה בעקבה למען האביד את עבדי הבעל׃
  • עז׳ 4:1-2 : 1 ¶ וישמעו צרי יהודה ובנימן כי בני הגולה בונים היכל ליהוה אלהי ישראל׃ 2 ויגשו אל זרבבל ואל ראשי האבות ויאמרו להם נבנה עמכם כי ככם נדרוש לאלהיכם ולא אנחנו זבחים מימי אסר חדן מלך אשור המעלה אתנו פה׃
  • איוב 5:12-13 : 12 מפר מחשבות ערומים ולא תעשינה ידיהם תושיה׃ 13 לכד חכמים בערמם ועצת נפתלים נמהרה׃
  • תה׳ 12:2-3 : 2 שוא ידברו איש את רעהו שפת חלקות בלב ולב ידברו׃ 3 יכרת יהוה כל שפתי חלקות לשון מדברת גדלות׃
  • תה׳ 33:10-11 : 10 יהוה הפיר עצת גוים הניא מחשבות עמים׃ 11 עצת יהוה לעולם תעמד מחשבות לבו לדר ודר׃
  • תה׳ 55:11-15 : 11 הוות בקרבה ולא ימיש מרחבה תך ומרמה׃ 12 כי לא אויב יחרפני ואשא לא משנאי עלי הגדיל ואסתר ממנו׃ 13 ואתה אנוש כערכי אלופי ומידעי׃ 14 אשר יחדו נמתיק סוד בבית אלהים נהלך ברגש׃ 15 ישימות עלימו ירדו שאול חיים כי רעות במגורם בקרבם׃
  • מש׳ 21:30 : 30 אין חכמה ואין תבונה ואין עצה לנגד יהוה׃
  • מש׳ 26:24-25 : 24 בשפתו ינכר שונא ובקרבו ישית מרמה׃ 25 כי יחנן קולו אל תאמן בו כי שבע תועבות בלבו׃
  • יר׳ 41:5-7 : 5 ויבאו אנשים משכם משלו ומשמרון שמנים איש מגלחי זקן וקרעי בגדים ומתגדדים ומנחה ולבונה בידם להביא בית יהוה׃ 6 ויצא ישמעאל בן נתניה לקראתם מן המצפה הלך הלך ובכה ויהי כפגש אתם ויאמר אליהם באו אל גדליהו בן אחיקם׃ 7 ויהי כבואם אל תוך העיר וישחטם ישמעאל בן נתניה אל תוך הבור הוא והאנשים אשר אתו׃
  • איכה 3:37 : 37 מי זה אמר ותהי אדני לא צוה׃
  • מתי 26:48-49 : 48 והמסר אתו נתן להם אות לאמר האיש אשר אשקהו זה הוא תפשוהו׃ 49 ומיד נגש אל ישוע ויאמר שלום לך רבי וינשק לו׃
  • לוק 20:20-21 : 20 ויארבו לו וישלחו מארבים והם נדמו כצדיקים למען ילכדו אותו בדבר להסגירו אל השררה ואל יד ההגמון׃ 21 וישאלהו לאמר רבי ידענו כי נכונה תדבר ותלמד ולא תשא פנים כי באמת מורה אתה את דרך אלהים׃
  • קור״א 3:19-20 : 19 כי חכמת העולם הזה סכלות היא לפני האלהים ככתוב לכד חכמים בערמם׃ 20 ועוד כתוב יהוה ידע מחשבות חכמים כי המה הבל׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מתי 2:9-17
    9 פסוקים
    85%

    9ויהי כשמעם את דברי המלך וילכו והנה הכוכב אשר ראו במזרח דרך לפניהם עד באו אל מקום אשר שם הילד ויעמד ממעל לו׃

    10ויראו את הכוכב וישמחו שמחה גדולה עד מאד׃

    11ויבאו הביתה וימצאו את הילד עם מרים אמו ויפל על פניהם וישתחוו לו ויפתחו את אוצרותם ויקריבו לו מנחה זהב ולבונה ומר׃

    12ויצוו בחלום לבלתי שוב אל הורדוס וילכו בדרך אחר אל ארצם׃

    13הם הלכו משם והנה מלאך יהוה נראה אל יוסף בחלום לאמר קום קח את הילד ואת אמו וברח לך מצרימה והיה שם עד אשר אמר אליך כי הורדוס צדה את הילד לאבדו׃

    14ויקם ויקח את הילד ואת אמו בלילה ויברח מצרימה׃

    15ויהי שם עד מות הורדוס למלאת את אשר דבר יהוה ביד הנביא לאמר ממצרים קראתי לבני׃

    16וירא הורדוס כי התלו בו המגושים ויקצף מאד וישלח וימת את כל הילדים אשר בבית לחם ובכל גבוליה מבן שנתים ולמטה כפי העת אשר חקרה מפי המגושים׃

    17וימלא הדבר הנאמר בפי ירמיה הנביא לאמר׃

  • מתי 2:1-7
    7 פסוקים
    84%

    1¶ ויהי כאשר נולד ישוע בבית לחם יהודה בימי הורדוס המלך ויבאו מגושים מארץ מזרח ירושלימה לאמר׃

    2איה מלך היהודים הנולד כי ראינו את כוכבו במזרח ונבא להשתחות לו׃

    3ויהי כשמע הורדוס המלך את דבריהם ויבהל הוא וכל ירושלים עמו׃

    4ויקהל את כל ראשי הכהנים וסופרי העם וידרש מאתם לאמר איפה יולד המשיח׃

    5ויאמרו לו בבית לחם יהודה כי כן כתוב ביד הנביא׃

    6ואתה בית לחם ארץ יהודה אינך צעיר באלפי יהודה כי ממך יצא מושל אשר ירעה את עמי ישראל׃

    7אז קרא הורדוס למגושים בסתר ויחקר אתם לדעת עת הראות הכוכב׃

  • לוק 2:12-18
    7 פסוקים
    78%

    12וזה לכם האות תמצאון ילד מחתל ומנח באבוס׃

    13ויהי פתאם אצל המלאך המון צבא השמים והם משבחים את האלהים ואמרים׃

    14כבוד במרומים לאלהים ובארץ שלום בבני אדם רצונו׃

    15ויהי כאשר עלו מעליהם המלאכים השמימה ויאמרו הרעים איש אל רעהו נעברה נא עד בית לחם ונראה המעשה הזה אשר הודיענו יהוה׃

    16וימהרו לבוא וימצאו את מרים ואת יוסף ואת הילד שכב באבוס׃

    17ויראו וישמיעו את הדבר הנאמר אליהם על הגער הזה׃

    18וכל השמעים תמהו על הדברים אשר דברו אליהם הרעים׃

  • מתי 2:19-23
    5 פסוקים
    75%

    19ויהי אחרי מות הורדוס והנה מלאך יהוה נראה בחלום אל יוסף בארץ מצרים׃

    20ויאמר אליו קום קח את הילד ואת אמו ולך שוב אל ארץ ישראל כי מתו המבקשים את נפש הילד׃

    21ויקם ויקח את הילד ואת אמו ויבא ארצה ישראל׃

    22וכשמעו כי ארקלוס מלך ביהודה תחת הורדוס אביו ירא ללכת שמה ויצוה בחלום וילך לו אל ארצות הגליל׃

    23ויבא וישב בעיר אשר שמה נצרת למלאת הדבר הנאמר על פי הנביאים כי נצרי יקרא לו׃

  • לוק 2:20
    72%

    20וישובו הרעים מהללים ומשבחים את האלהים על כל אשר שמעו וראו כפי אשר נאמר אליהם׃

  • לוק 2:6-9
    4 פסוקים
    72%

    6ויהי בהיותם שם וימלאו ימיה ללדת׃

    7ותלד את בנה הבכור ותחתלהו ותשכיבהו באבוס כי לא היה להם מקום במלון׃

    8ורעים היו בארץ ההיא לנים בשדה ושמרים את משמרות הלילה בעדרם׃

    9והנה מלאך יהוה נצב עליהם וכבוד יהוה הופיע עליהם מסביב וייראו יראה גדולה׃

  • לוק 2:42-46
    5 פסוקים
    72%

    42ויהי בהיותו בן שתים עשרה שנה ויעלו ירושלים כמשפט החג׃

    43וימלאו את הימים וישובו ויותר ישוע הנער בירושלים ויוסף ואמו לא ידעו׃

    44ויחשבו כי עם חבל הארחים הוא וילכו כדרך יום ויבקשהו בין הקרובים והמידעים׃

    45ולא מצאהו וישבו ירושלים לבקשו׃

    46ויהי אחרי שלשת ימים וימצאהו במקדש ישב בתוך המורים שמע אליהם ושאל אתם׃

  • לוק 2:4
    70%

    4ויעל גם יוסף מן הגליל מעיר נצרת אל יהודה לעיר דוד הנקראה בית לחם כי היה מבית דוד וממשפחתו׃

  • לוק 2:27
    70%

    27ויבא ברוח אל המקדש ויהי כאשר הביאו הוריו את הנער ישוע לעשות עליו כמשפט התורה׃

  • לוק 2:39
    69%

    39ויכלו את הכל כפי תורת יהוה וישובו הגלילה אל נצרת עירם׃

  • לוק 23:7-8
    2 פסוקים
    69%

    7וכאשר ידע כי מממשלת הורדוס הוא שלחו אל הורדוס אשר היה גם הוא בירושלים בימים האלה׃

    8וישמח הורדוס עד מאד כראותו את ישוע כי מימים רבים אוה לראת אתו על כי שמע את שמעו ויקו לראת אות אשר יעשה׃

  • לוק 19:32
    69%

    32וילכו השלוחים וימצאו כאשר דבר אליהם׃

  • מיכ׳ 5:2
    68%

    2ואתה בית לחם אפרתה צעיר להיות באלפי יהודה ממך לי יצא להיות מושל בישראל ומוצאתיו מקדם מימי עולם׃

  • מתי 1:22
    68%

    22ותהי כל זאת למלאת את אשר דבר יהוה ביד הנביא לאמר׃

  • לוק 2:48-49
    2 פסוקים
    68%

    48ויהי כראותם אתו ויחרדו ותאמר אליו אמו בני מדוע ככה עשית לנו הנה אביך ואנכי בעצבת לב בקשנוך׃

    49ויאמר אליהם למה זה בקשתם אתי הלא ידעתם כי עלי להיות באשר לאבי׃

  • שופ׳ 19:18
    68%

    18ויאמר אליו עברים אנחנו מבית לחם יהודה עד ירכתי הר אפרים משם אנכי ואלך עד בית לחם יהודה ואת בית יהוה אני הלך ואין איש מאסף אותי הביתה׃

  • מע״ש 12:19
    67%

    19ויהי כאשר בקש אותו הורדוס ולא מצאו חקר את השמרים ויצו להוציאם למות וירד מיהודה אל קסרין וישב שם׃