מתי 9:20

תנ ך עברי מודרני

והנה אשה זבת דם שתים עשרה שנה נגשה מאחריו ותגע בציצת בגדו׃

משאבים נוספים

פסוקים מקושרים

  • מתי 14:36 : 36 ויבקשו ממנו כי יגעו רק בציצת בגדו וכל הנגעים נושעו׃
  • מתי 23:5 : 5 ועשים את כל מעשיהם להראות בהם לבני אדם כי מרחיבים את תפליהם ומגדילים את ציציותיהם׃
  • מרק 5:25-43 : 25 ואשה היתה זבת דם שתים עשרה שנה׃ 26 והיא סבלה הרבה תחת ידי רפאים רבים והוציאה את כל אשר לה ולא להועיל ויהי חליה חזק מאד׃ 27 ויהי כשמעה את שמע ישוע ותבוא בהמון העם מאחריו ותגע בבגדו׃ 28 כי אמרה רק אם אגע בבגדיו אושע׃ 29 וייבש מקור דמיה פתאם ותבן בבשרה כי נרפא נגעה׃ 30 וברגע ידע ישוע בנפשו כי גבורה יצאה ממנו ויפן בתוך העם ויאמר מי נגע בבגדי׃ 31 ויאמר אליו תלמידיו אתה ראה את ההמון דוחק אתך ואמרת מי נגע בי׃ 32 ויבט סביב לראות את אשר עשתה זאת׃ 33 ותירא האשה ותחרד כי ידעה את אשר נעשה לה ותבא ותפל לפניו ותגד לו את האמת כלה׃ 34 ויאמר אליה בתי אמונתך הושיעה לך לכי לשלום וחיית מנגעך׃ 35 עודנו מדבר והנה באים מבית ראש הכנסת לאמר בתך מתה למה תטריח עוד את המורה׃ 36 וכשמע ישוע את הדבר אשר דברו ויאמר אל ראש הכנסת אל תירא רק האמינה׃ 37 ולא הניח לאיש ללכת אתו בלתי אם לפטרוס וליעקב וליוחנן אחי יעקב׃ 38 ויבא בית ראש הכנסת וירא המון הבכים והמיללים הרבה׃ 39 ובבאו אמר אליהם מה תהמו ותבכו הנערה לא מתה אך ישנה היא׃ 40 וישחקו לו והוא גרש את כלם ויקח את אבי הנערה ואת אמה ואת אשר אתו ויבא החדרה אשר שם שכבת הנערה׃ 41 ויאחז ביד הנערה ויאמר אליה טליתא קומי אשר פרושו הילדה אני אמר לך קומי נא׃ 42 ומיד קמה הילדה ותתהלך והיא בת שתים עשרה שנה וישמו שמה גדולה׃ 43 ויזהר אותם מאד שלא יודע הדבר לאיש ויאמר לתת לה לאכול׃
  • לוק 8:43-56 : 43 ואשה זבת דם שתים עשרה שנה אשר הוציאה כל קנינה לרפאים ואין איש יכל לרפאתה׃ 44 היא קרבה מאחריו ותגע בציצת בגדו וזוב דמה עמד פתאם׃ 45 ויאמר ישוע מי זה נגע בי וכלם כחשו ויאמר פטרוס והעמדים אצלו מורה המון העם דחקים ולחצים אתך ואתה תאמר מי נגע בי׃ 46 ויאמר ישוע נגע בי אדם כי ידעתי אשר יצאה ממני גבורה׃ 47 ותרא האשה כי לא נסתרה ממנו ותחרד לקראתו ותפל לפניו ותגד באזני כל העם על מה נגעה בו ואיך נרפאה פתאם׃ 48 ויאמר אליה חזקי בתי אמונתך הושיעה לך לכי לשלום׃ 49 עודנו מדבר ואיש בא מבית ראש הכנסת ויאמר מתה בתך אל תטריח את המורה׃ 50 וישמע ישוע ויען ויאמר לו אל תירא אך האמן והיא תושע׃ 51 ויבא הביתה ולא הניח לאיש לבוא אתו בלתי אם לפטרוס וליעקב וליוחנן ולאבי הילדה ולאמה׃ 52 וכלם בכים וספדים לה ויאמר אל תבכו כי לא מתה אך ישנה היא׃ 53 וישחקו עליו באשר ידעו כי מתה׃ 54 והוא אחז בידה ויקרא לאמר הילדה קומי׃ 55 ותשב רוחה ותקם פתאם ויצו לתת לה לאכול׃ 56 וישתוממו אביה ואמה והוא צוה אתם לבלתי הגיד לאיש את אשר נעשה׃
  • דב׳ 22:12 : 12 גדלים תעשה לך על ארבע כנפות כסותך אשר תכסה בה׃
  • מע״ש 19:12 : 12 עד כי גם הניחו סודרים וחגרת מעל עור בשרו על החולים ויסורו מהם תחלאיהם וגם הרוחות הרעות יצאו׃
  • במ׳ 15:38-39 : 38 דבר אל בני ישראל ואמרת אלהם ועשו להם ציצת על כנפי בגדיהם לדרתם ונתנו על ציצת הכנף פתיל תכלת׃ 39 והיה לכם לציצת וראיתם אתו וזכרתם את כל מצות יהוה ועשיתם אתם ולא תתרו אחרי לבבכם ואחרי עיניכם אשר אתם זנים אחריהם׃
  • מרק 6:56 : 56 ובכל מקום אשר יבא אל הכפרים או הערים ואל השדות שם שמו את החולים בחוצות ויתחננו לו כי יגעו רק בציצת בגדו והיה כל אשר נגעו ונושעו׃
  • מרק 8:22 : 22 ויבא אל בית צידה ויביאו אליו איש עור ויתחננו לו לגעת בו׃
  • ויק׳ 15:25-33 : 25 ואשה כי יזוב זוב דמה ימים רבים בלא עת נדתה או כי תזוב על נדתה כל ימי זוב טמאתה כימי נדתה תהיה טמאה הוא׃ 26 כל המשכב אשר תשכב עליו כל ימי זובה כמשכב נדתה יהיה לה וכל הכלי אשר תשב עליו טמא יהיה כטמאת נדתה׃ 27 וכל הנוגע בם יטמא וכבס בגדיו ורחץ במים וטמא עד הערב׃ 28 ואם טהרה מזובה וספרה לה שבעת ימים ואחר תטהר׃ 29 וביום השמיני תקח לה שתי תרים או שני בני יונה והביאה אותם אל הכהן אל פתח אהל מועד׃ 30 ועשה הכהן את האחד חטאת ואת האחד עלה וכפר עליה הכהן לפני יהוה מזוב טמאתה׃ 31 והזרתם את בני ישראל מטמאתם ולא ימתו בטמאתם בטמאם את משכני אשר בתוכם׃ 32 זאת תורת הזב ואשר תצא ממנו שכבת זרע לטמאה בה׃ 33 והדוה בנדתה והזב את זובו לזכר ולנקבה ולאיש אשר ישכב עם טמאה׃
  • מע״ש 5:15 : 15 עד כי נשאו את החולים אל הרחבות וישימום על מטות ומשכבות למען אשר ילך פטרוס ונפל אך צלו על אחד מהם׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • לוק 8:42-48
    7 פסוקים
    92%

    42כי בת יחידה כשתים עשרה שנה היתה לו והיא נוטה למות ויהי בלכתו שמה וידחקהו המון העם׃

    43ואשה זבת דם שתים עשרה שנה אשר הוציאה כל קנינה לרפאים ואין איש יכל לרפאתה׃

    44היא קרבה מאחריו ותגע בציצת בגדו וזוב דמה עמד פתאם׃

    45ויאמר ישוע מי זה נגע בי וכלם כחשו ויאמר פטרוס והעמדים אצלו מורה המון העם דחקים ולחצים אתך ואתה תאמר מי נגע בי׃

    46ויאמר ישוע נגע בי אדם כי ידעתי אשר יצאה ממני גבורה׃

    47ותרא האשה כי לא נסתרה ממנו ותחרד לקראתו ותפל לפניו ותגד באזני כל העם על מה נגעה בו ואיך נרפאה פתאם׃

    48ויאמר אליה חזקי בתי אמונתך הושיעה לך לכי לשלום׃

  • מתי 9:21-22
    2 פסוקים
    89%

    21כי אמרה בלבה אך אם אגע בבגדו אושע׃

    22ויפן ישוע וירא אותה ויאמר חזקי בתי אמונתך הושיעה לך ותושע האשה מן השעה ההיא׃

  • מרק 5:23-34
    12 פסוקים
    87%

    23ויתחנן אליו מאד לאמר בתי הקטנה חלתה עד למות אנא בוא נא ושים ידיך עליה למען תרפא ותחיה׃

    24וילך אתו וילכו אחריו המון רב וידחקהו׃

    25ואשה היתה זבת דם שתים עשרה שנה׃

    26והיא סבלה הרבה תחת ידי רפאים רבים והוציאה את כל אשר לה ולא להועיל ויהי חליה חזק מאד׃

    27ויהי כשמעה את שמע ישוע ותבוא בהמון העם מאחריו ותגע בבגדו׃

    28כי אמרה רק אם אגע בבגדיו אושע׃

    29וייבש מקור דמיה פתאם ותבן בבשרה כי נרפא נגעה׃

    30וברגע ידע ישוע בנפשו כי גבורה יצאה ממנו ויפן בתוך העם ויאמר מי נגע בבגדי׃

    31ויאמר אליו תלמידיו אתה ראה את ההמון דוחק אתך ואמרת מי נגע בי׃

    32ויבט סביב לראות את אשר עשתה זאת׃

    33ותירא האשה ותחרד כי ידעה את אשר נעשה לה ותבא ותפל לפניו ותגד לו את האמת כלה׃

    34ויאמר אליה בתי אמונתך הושיעה לך לכי לשלום וחיית מנגעך׃

  • מתי 14:36
    81%

    36ויבקשו ממנו כי יגעו רק בציצת בגדו וכל הנגעים נושעו׃

  • מתי 9:18-19
    2 פסוקים
    77%

    18ויהי הוא מדבר אליהם את אלה והנה אחד השרים בא וישתחו לו ויאמר עתה זה מתה בתי בא נא ושים את ידך עליה ותחיה׃

    19ויקם ישוע וילך אחריו הוא ותלמידיו׃

  • מרק 6:56
    75%

    56ובכל מקום אשר יבא אל הכפרים או הערים ואל השדות שם שמו את החולים בחוצות ויתחננו לו כי יגעו רק בציצת בגדו והיה כל אשר נגעו ונושעו׃

  • לוק 13:11-13
    3 פסוקים
    74%

    11והנה אשה טעונת רוח חלי כשמנה עשרה שנה ותהי כפופה ולא יכלה לקום קומה זקופה׃

    12ויהי בראות אתה ישוע ויקרא אליה ויאמר לה אשה החלצי מחליך׃

    13וישם את ידיו עליה וכרגע קמה ותתעודד ותשבח את האלהים׃

  • ויק׳ 15:19
    72%

    19ואשה כי תהיה זבה דם יהיה זבה בבשרה שבעת ימים תהיה בנדתה וכל הנגע בה יטמא עד הערב׃

  • מרק 3:10
    72%

    10כי רפא לרבים עד כי התנפלו עליו כל המנגעים לנגע בו׃

  • מתי 8:15
    72%

    15ויגע בידה ותרף ממנה הקדחת ותקם ותשרתם׃

  • לוק 6:19
    72%

    19וכל ההמון מבקשים לגעת בו כי גבורה יצאה מאתו ורפאה את כלם׃

  • מתי 9:25-26
    2 פסוקים
    71%

    25ויהי אחרי גרש העם ויבא הביתה ויאחז בידה ותקם הנערה׃

    26ותצא השמועה הזאת בכל הארץ ההיא׃

  • מתי 15:28
    70%

    28ויען ישוע ויאמר אליה אשה גדלה אמונתך יהי לך כרצונך ותרפא בתה מן השעה ההיא׃

  • מרק 7:25
    70%

    25כי אשה אשר רוח טמאה נכנסה בבתה הקטנה שמעה את שמעו ותבא ותפל לרגליו׃

  • מתי 19:2
    70%

    2וילכו אחריו המון עם רב וירפאם שם׃

  • מתי 15:22
    70%

    22והנה אשה כנענית יצאה מן הגבולות ההם ותצעק אליו לאמר חנני אדני בן דוד כי בתי מענה מאד על ידי שד׃

  • ויק׳ 15:25
    69%

    25ואשה כי יזוב זוב דמה ימים רבים בלא עת נדתה או כי תזוב על נדתה כל ימי זוב טמאתה כימי נדתה תהיה טמאה הוא׃

  • מרק 1:40-41
    2 פסוקים
    69%

    40ויבוא אליו איש מצרע ויתחנן אליו ויכרע על ברכיו ויאמר לו אם תרצה תוכל לטהרני׃

    41וירחם עליו וישלח את ידו ויגע בו ויאמר רצה אנכי טהר׃

  • מרק 10:50
    69%

    50וישלך את שמלתו מעליו ויקם ויבא אל ישוע׃

  • ויק׳ 15:7
    69%

    7והנגע בבשר הזב יכבס בגדיו ורחץ במים וטמא עד הערב׃

  • מרק 5:42
    69%

    42ומיד קמה הילדה ותתהלך והיא בת שתים עשרה שנה וישמו שמה גדולה׃

  • מרק 1:31
    68%

    31ויגש ויאחז בידה ויקימה ותרף ממנה הקדחת פתאם ותשרת אותם׃

  • מתי 8:2-3
    2 פסוקים
    68%

    2והנה איש מצרע בא וישתחו לו ויאמר אדני אם תרצה תוכל לטהרני׃

    3וישלח ישוע את ידו ויגע בו ויאמר חפץ אנכי טהר ומיד נרפאה צרעתו׃

  • לוק 5:13
    68%

    13וישלח את ידו ויגע בו ויאמר חפץ אנכי טהר ופתאם סרה ממנו הצרעת׃

  • לוק 8:50
    68%

    50וישמע ישוע ויען ויאמר לו אל תירא אך האמן והיא תושע׃

  • ויק׳ 15:11
    68%

    11וכל אשר יגע בו הזב וידיו לא שטף במים וכבס בגדיו ורחץ במים וטמא עד הערב׃