במדבר 19:6

תנ ך עברי מודרני

ולקח הכהן עץ ארז ואזוב ושני תולעת והשליך אל תוך שרפת הפרה׃

משאבים נוספים

פסוקים מקושרים

  • ויק׳ 14:4 : 4 וצוה הכהן ולקח למטהר שתי צפרים חיות טהרות ועץ ארז ושני תולעת ואזב׃
  • ויק׳ 14:6 : 6 את הצפר החיה יקח אתה ואת עץ הארז ואת שני התולעת ואת האזב וטבל אותם ואת הצפר החיה בדם הצפר השחטה על המים החיים׃
  • ויק׳ 14:49 : 49 ולקח לחטא את הבית שתי צפרים ועץ ארז ושני תולעת ואזב׃
  • תה׳ 51:7 : 7 תחטאני באזוב ואטהר תכבסני ומשלג אלבין׃
  • יש׳ 1:18 : 18 לכו נא ונוכחה יאמר יהוה אם יהיו חטאיכם כשנים כשלג ילבינו אם יאדימו כתולע כצמר יהיו׃
  • עבר 9:19-23 : 19 כי ככלות משה להגיד לכל העם את כל המצות כתורה לקח דם העגלים והשעירים עם מים ותולעת שני ואזוב ויזרק על הספר ועל כל העם׃ 20 ויאמר הנה דם הברית אשר צוה אלהים אליכם׃ 21 וכן הזה מן הדם על המשכן ועל כל כלי השרת׃ 22 וכמעט הכל יטהר בדם על פי התורה ואין כפרה בלי שפיכת דם׃ 23 לכן דמיוני הדברים שבשמים צריכים להטהר באלה והדברים שבשמים בעצמם צריכים להטהר בזבחים טובים מאלה׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • במ׳ 19:1-5
    5 פסוקים
    88%

    1¶ וידבר יהוה אל משה ואל אהרן לאמר׃

    2זאת חקת התורה אשר צוה יהוה לאמר דבר אל בני ישראל ויקחו אליך פרה אדמה תמימה אשר אין בה מום אשר לא עלה עליה על׃

    3ונתתם אתה אל אלעזר הכהן והוציא אתה אל מחוץ למחנה ושחט אתה לפניו׃

    4ולקח אלעזר הכהן מדמה באצבעו והזה אל נכח פני אהל מועד מדמה שבע פעמים׃

    5ושרף את הפרה לעיניו את ערה ואת בשרה ואת דמה על פרשה ישרף׃

  • במ׳ 19:17-19
    3 פסוקים
    82%

    17ולקחו לטמא מעפר שרפת החטאת ונתן עליו מים חיים אל כלי׃

    18ולקח אזוב וטבל במים איש טהור והזה על האהל ועל כל הכלים ועל הנפשות אשר היו שם ועל הנגע בעצם או בחלל או במת או בקבר׃

    19והזה הטהר על הטמא ביום השלישי וביום השביעי וחטאו ביום השביעי וכבס בגדיו ורחץ במים וטהר בערב׃

  • במ׳ 19:7-10
    4 פסוקים
    82%

    7וכבס בגדיו הכהן ורחץ בשרו במים ואחר יבוא אל המחנה וטמא הכהן עד הערב׃

    8והשרף אתה יכבס בגדיו במים ורחץ בשרו במים וטמא עד הערב׃

    9ואסף איש טהור את אפר הפרה והניח מחוץ למחנה במקום טהור והיתה לעדת בני ישראל למשמרת למי נדה חטאת הוא׃

    10וכבס האסף את אפר הפרה את בגדיו וטמא עד הערב והיתה לבני ישראל ולגר הגר בתוכם לחקת עולם׃

  • ויק׳ 14:4-6
    3 פסוקים
    80%

    4וצוה הכהן ולקח למטהר שתי צפרים חיות טהרות ועץ ארז ושני תולעת ואזב׃

    5וצוה הכהן ושחט את הצפור האחת אל כלי חרש על מים חיים׃

    6את הצפר החיה יקח אתה ואת עץ הארז ואת שני התולעת ואת האזב וטבל אותם ואת הצפר החיה בדם הצפר השחטה על המים החיים׃

  • ויק׳ 14:49-52
    4 פסוקים
    79%

    49ולקח לחטא את הבית שתי צפרים ועץ ארז ושני תולעת ואזב׃

    50ושחט את הצפר האחת אל כלי חרש על מים חיים׃

    51ולקח את עץ הארז ואת האזב ואת שני התולעת ואת הצפר החיה וטבל אתם בדם הצפר השחוטה ובמים החיים והזה אל הבית שבע פעמים׃

    52וחטא את הבית בדם הצפור ובמים החיים ובצפר החיה ובעץ הארז ובאזב ובשני התולעת׃

  • ויק׳ 4:11-12
    2 פסוקים
    77%

    11ואת עור הפר ואת כל בשרו על ראשו ועל כרעיו וקרבו ופרשו׃

    12והוציא את כל הפר אל מחוץ למחנה אל מקום טהור אל שפך הדשן ושרף אתו על עצים באש על שפך הדשן ישרף׃

  • עבר 9:19
    76%

    19כי ככלות משה להגיד לכל העם את כל המצות כתורה לקח דם העגלים והשעירים עם מים ותולעת שני ואזוב ויזרק על הספר ועל כל העם׃

  • ויק׳ 16:26-28
    3 פסוקים
    75%

    26והמשלח את השעיר לעזאזל יכבס בגדיו ורחץ את בשרו במים ואחרי כן יבוא אל המחנה׃

    27ואת פר החטאת ואת שעיר החטאת אשר הובא את דמם לכפר בקדש יוציא אל מחוץ למחנה ושרפו באש את ערתם ואת בשרם ואת פרשם׃

    28והשרף אתם יכבס בגדיו ורחץ את בשרו במים ואחרי כן יבוא אל המחנה׃

  • ויק׳ 6:10-11
    2 פסוקים
    74%

    10ולבש הכהן מדו בד ומכנסי בד ילבש על בשרו והרים את הדשן אשר תאכל האש את העלה על המזבח ושמו אצל המזבח׃

    11ופשט את בגדיו ולבש בגדים אחרים והוציא את הדשן אל מחוץ למחנה אל מקום טהור׃

  • ויק׳ 16:19
    74%

    19והזה עליו מן הדם באצבעו שבע פעמים וטהרו וקדשו מטמאת בני ישראל׃

  • ויק׳ 14:19-20
    2 פסוקים
    74%

    19ועשה הכהן את החטאת וכפר על המטהר מטמאתו ואחר ישחט את העלה׃

    20והעלה הכהן את העלה ואת המנחה המזבחה וכפר עליו הכהן וטהר׃

  • ויק׳ 4:5-7
    3 פסוקים
    74%

    5ולקח הכהן המשיח מדם הפר והביא אתו אל אהל מועד׃

    6וטבל הכהן את אצבעו בדם והזה מן הדם שבע פעמים לפני יהוה את פני פרכת הקדש׃

    7ונתן הכהן מן הדם על קרנות מזבח קטרת הסמים לפני יהוה אשר באהל מועד ואת כל דם הפר ישפך אל יסוד מזבח העלה אשר פתח אהל מועד׃

  • במ׳ 31:20
    74%

    20וכל בגד וכל כלי עור וכל מעשה עזים וכל כלי עץ תתחטאו׃

  • ויק׳ 1:9
    73%

    9וקרבו וכרעיו ירחץ במים והקטיר הכהן את הכל המזבחה עלה אשה ריח ניחוח ליהוה׃

  • ויק׳ 4:19
    73%

    19ואת כל חלבו ירים ממנו והקטיר המזבחה׃

  • עבר 9:13
    73%

    13כי אם דם הפרים והשעירים ואפר הפרה אשר יזה על הטמאים יקדשם לטהרת גופם׃

  • ויק׳ 4:17
    73%

    17וטבל הכהן אצבעו מן הדם והזה שבע פעמים לפני יהוה את פני הפרכת׃

  • שמ׳ 29:14
    73%

    14ואת בשר הפר ואת ערו ואת פרשו תשרף באש מחוץ למחנה חטאת הוא׃

  • ויק׳ 8:17
    72%

    17ואת הפר ואת ערו ואת בשרו ואת פרשו שרף באש מחוץ למחנה כאשר צוה יהוה את משה׃

  • ויק׳ 6:27
    72%

    27כל אשר יגע בבשרה יקדש ואשר יזה מדמה על הבגד אשר יזה עליה תכבס במקום קדש׃

  • ויק׳ 1:12-13
    2 פסוקים
    72%

    12ונתח אתו לנתחיו ואת ראשו ואת פדרו וערך הכהן אתם על העצים אשר על האש אשר על המזבח׃

    13והקרב והכרעים ירחץ במים והקריב הכהן את הכל והקטיר המזבחה עלה הוא אשה ריח ניחח ליהוה׃

  • ויק׳ 4:30
    72%

    30ולקח הכהן מדמה באצבעו ונתן על קרנת מזבח העלה ואת כל דמה ישפך אל יסוד המזבח׃

  • שמ׳ 35:6
    72%

    6ותכלת וארגמן ותולעת שני ושש ועזים׃

  • דב׳ 21:6
    72%

    6וכל זקני העיר ההוא הקרבים אל החלל ירחצו את ידיהם על העגלה הערופה בנחל׃

  • במ׳ 8:7
    71%

    7וכה תעשה להם לטהרם הזה עליהם מי חטאת והעבירו תער על כל בשרם וכבסו בגדיהם והטהרו׃

  • דב׳ 21:4
    71%

    4והורדו זקני העיר ההוא את העגלה אל נחל איתן אשר לא יעבד בו ולא יזרע וערפו שם את העגלה בנחל׃

  • ויק׳ 4:21
    71%

    21והוציא את הפר אל מחוץ למחנה ושרף אתו כאשר שרף את הפר הראשון חטאת הקהל הוא׃

  • במ׳ 5:17
    71%

    17ולקח הכהן מים קדשים בכלי חרש ומן העפר אשר יהיה בקרקע המשכן יקח הכהן ונתן אל המים׃