תהילים 136:17

תנ ך עברי מודרני

למכה מלכים גדלים כי לעולם חסדו׃

משאבים נוספים

פסוקים מקושרים

  • תה׳ 135:10-12 : 10 שהכה גוים רבים והרג מלכים עצומים׃ 11 לסיחון מלך האמרי ולעוג מלך הבשן ולכל ממלכות כנען׃ 12 ונתן ארצם נחלה נחלה לישראל עמו׃
  • יהוש׳ 12:1-9 : 1 ¶ ואלה מלכי הארץ אשר הכו בני ישראל וירשו את ארצם בעבר הירדן מזרחה השמש מנחל ארנון עד הר חרמון וכל הערבה מזרחה׃ 2 סיחון מלך האמרי היושב בחשבון משל מערוער אשר על שפת נחל ארנון ותוך הנחל וחצי הגלעד ועד יבק הנחל גבול בני עמון׃ 3 והערבה עד ים כנרות מזרחה ועד ים הערבה ים המלח מזרחה דרך בית הישמות ומתימן תחת אשדות הפסגה׃ 4 וגבול עוג מלך הבשן מיתר הרפאים היושב בעשתרות ובאדרעי׃ 5 ומשל בהר חרמון ובסלכה ובכל הבשן עד גבול הגשורי והמעכתי וחצי הגלעד גבול סיחון מלך חשבון׃ 6 משה עבד יהוה ובני ישראל הכום ויתנה משה עבד יהוה ירשה לראובני ולגדי ולחצי שבט המנשה׃ 7 ואלה מלכי הארץ אשר הכה יהושע ובני ישראל בעבר הירדן ימה מבעל גד בבקעת הלבנון ועד ההר החלק העלה שעירה ויתנה יהושע לשבטי ישראל ירשה כמחלקתם׃ 8 בהר ובשפלה ובערבה ובאשדות ובמדבר ובנגב החתי האמרי והכנעני הפרזי החוי והיבוסי׃ 9 מלך יריחו אחד מלך העי אשר מצד בית אל אחד׃ 10 מלך ירושלם אחד מלך חברון אחד׃ 11 מלך ירמות אחד מלך לכיש אחד׃ 12 מלך עגלון אחד מלך גזר אחד׃ 13 מלך דבר אחד מלך גדר אחד׃ 14 מלך חרמה אחד מלך ערד אחד׃ 15 מלך לבנה אחד מלך עדלם אחד׃ 16 מלך מקדה אחד מלך בית אל אחד׃ 17 מלך תפוח אחד מלך חפר אחד׃ 18 מלך אפק אחד מלך לשרון אחד׃ 19 מלך מדון אחד מלך חצור אחד׃ 20 מלך שמרון מראון אחד מלך אכשף אחד׃ 21 מלך תענך אחד מלך מגדו אחד׃ 22 מלך קדש אחד מלך יקנעם לכרמל אחד׃ 23 מלך דור לנפת דור אחד מלך גוים לגלגל אחד׃ 24 מלך תרצה אחד כל מלכים שלשים ואחד׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • תה׳ 136:18-26
    9 פסוקים
    93%

    18ויהרג מלכים אדירים כי לעולם חסדו׃

    19לסיחון מלך האמרי כי לעולם חסדו׃

    20ולעוג מלך הבשן כי לעולם חסדו׃

    21ונתן ארצם לנחלה כי לעולם חסדו׃

    22נחלה לישראל עבדו כי לעולם חסדו׃

    23שבשפלנו זכר לנו כי לעולם חסדו׃

    24ויפרקנו מצרינו כי לעולם חסדו׃

    25נתן לחם לכל בשר כי לעולם חסדו׃

    26הודו לאל השמים כי לעולם חסדו׃

  • תה׳ 136:1-16
    16 פסוקים
    88%

    1¶ הודו ליהוה כי טוב כי לעולם חסדו׃

    2הודו לאלהי האלהים כי לעולם חסדו׃

    3הודו לאדני האדנים כי לעולם חסדו׃

    4לעשה נפלאות גדלות לבדו כי לעולם חסדו׃

    5לעשה השמים בתבונה כי לעולם חסדו׃

    6לרקע הארץ על המים כי לעולם חסדו׃

    7לעשה אורים גדלים כי לעולם חסדו׃

    8את השמש לממשלת ביום כי לעולם חסדו׃

    9את הירח וכוכבים לממשלות בלילה כי לעולם חסדו׃

    10למכה מצרים בבכוריהם כי לעולם חסדו׃

    11ויוצא ישראל מתוכם כי לעולם חסדו׃

    12ביד חזקה ובזרוע נטויה כי לעולם חסדו׃

    13לגזר ים סוף לגזרים כי לעולם חסדו׃

    14והעביר ישראל בתוכו כי לעולם חסדו׃

    15ונער פרעה וחילו בים סוף כי לעולם חסדו׃

    16למוליך עמו במדבר כי לעולם חסדו׃

  • תה׳ 118:1-4
    4 פסוקים
    78%

    1¶ הודו ליהוה כי טוב כי לעולם חסדו׃

    2יאמר נא ישראל כי לעולם חסדו׃

    3יאמרו נא בית אהרן כי לעולם חסדו׃

    4יאמרו נא יראי יהוה כי לעולם חסדו׃

  • תה׳ 118:29
    78%

    29הודו ליהוה כי טוב כי לעולם חסדו׃

  • תה׳ 107:1
    78%

    1¶ הדו ליהוה כי טוב כי לעולם חסדו׃

  • תה׳ 106:1
    78%

    1¶ הללויה הודו ליהוה כי טוב כי לעולם חסדו׃

  • תה׳ 135:10
    78%

    10שהכה גוים רבים והרג מלכים עצומים׃

  • דה״א 16:34
    78%

    34הודו ליהוה כי טוב כי לעולם חסדו׃

  • תה׳ 117:2
    77%

    2כי גבר עלינו חסדו ואמת יהוה לעולם הללו יה׃

  • תה׳ 18:50
    75%

    50מגדל ישועות מלכו ועשה חסד למשיחו לדוד ולזרעו עד עולם׃

  • דה״א 16:41
    74%

    41ועמהם הימן וידותון ושאר הברורים אשר נקבו בשמות להדות ליהוה כי לעולם חסדו׃

  • שמ״ב 22:51
    73%

    51מגדיל ישועות מלכו ועשה חסד למשיחו לדוד ולזרעו עד עולם׃

  • תה׳ 103:17
    72%

    17וחסד יהוה מעולם ועד עולם על יראיו וצדקתו לבני בנים׃

  • תה׳ 100:5
    72%

    5כי טוב יהוה לעולם חסדו ועד דר ודר אמונתו׃

  • תה׳ 111:3-4
    2 פסוקים
    71%

    3הוד והדר פעלו וצדקתו עמדת לעד׃

    4זכר עשה לנפלאתיו חנון ורחום יהוה׃

  • תה׳ 144:10
    71%

    10הנותן תשועה למלכים הפוצה את דוד עבדו מחרב רעה׃

  • יש׳ 63:7
    71%

    7חסדי יהוה אזכיר תהלת יהוה כעל כל אשר גמלנו יהוה ורב טוב לבית ישראל אשר גמלם כרחמיו וכרב חסדיו׃

  • תה׳ 61:7
    70%

    7ישב עולם לפני אלהים חסד ואמת מן ינצרהו׃

  • תה׳ 135:13
    70%

    13יהוה שמך לעולם יהוה זכרך לדר ודר׃

  • תה׳ 89:1
    70%

    1¶ משכיל לאיתן האזרחי חסדי יהוה עולם אשירה לדר ודר אודיע אמונתך בפי׃

  • תה׳ 10:16
    70%

    16יהוה מלך עולם ועד אבדו גוים מארצו׃

  • תה׳ 25:6
    70%

    6זכר רחמיך יהוה וחסדיך כי מעולם המה׃

  • מיכ׳ 7:18
    70%

    18מי אל כמוך נשא עון ועבר על פשע לשארית נחלתו לא החזיק לעד אפו כי חפץ חסד הוא׃