תהילים 56:8

תנ ך עברי מודרני

נדי ספרתה אתה שימה דמעתי בנאדך הלא בספרתך׃

משאבים נוספים

פסוקים מקושרים

  • תה׳ 39:12 : 12 שמעה תפלתי יהוה ושועתי האזינה אל דמעתי אל תחרש כי גר אנכי עמך תושב ככל אבותי׃
  • מל״ב 20:5 : 5 שוב ואמרת אל חזקיהו נגיד עמי כה אמר יהוה אלהי דוד אביך שמעתי את תפלתך ראיתי את דמעתך הנני רפא לך ביום השלישי תעלה בית יהוה׃
  • מל׳ 3:16 : 16 אז נדברו יראי יהוה איש את רעהו ויקשב יהוה וישמע ויכתב ספר זכרון לפניו ליראי יהוה ולחשבי שמו׃
  • מתי 10:30 : 30 ואתם גם שערות ראשכם נמנות כלן׃
  • תה׳ 139:16 : 16 גלמי ראו עיניך ועל ספרך כלם יכתבו ימים יצרו ולא אחד בהם׃
  • התגל׳ 7:17 : 17 כי השה אשר בתוך הכסא הוא ירעם ועל מבועי מים חיים ינהלם ומחה אליהם כל דמעה מעיניהם׃
  • עבר 11:13 : 13 כפי אמונה מתו כל אלה ולא השיגו את ההבטחות רק מרחוק ראו אותן ויבטחו וישמחו לקראתן ויודו כי גרים הם ותושבים בארץ׃
  • תה׳ 121:8 : 8 יהוה ישמר צאתך ובואך מעתה ועד עולם׃
  • תה׳ 126:5-6 : 5 הזרעים בדמעה ברנה יקצרו׃ 6 הלוך ילך ובכה נשא משך הזרע בא יבוא ברנה נשא אלמתיו׃
  • יש׳ 63:9 : 9 בכל צרתם לא צר ומלאך פניו הושיעם באהבתו ובחמלתו הוא גאלם וינטלם וינשאם כל ימי עולם׃
  • קור״ב 11:26 : 26 במסעות רבות בסכנות נהרות בסכנות שדדים בסכנות מצד בני עמי בסכנות מצד הגוים סכנות בעיר סכנות במדבר סכנות בים סכנות בתוך אחי שקר׃
  • עבר 11:8 : 8 באמונה שמע אברהם כאשר נקרא ללכת אל הארץ אשר יירשנה ויצא ולא ידע אנה יבוא׃
  • איוב 16:20 : 20 מליצי רעי אל אלוה דלפה עיני׃
  • תה׳ 105:13-14 : 13 ויתהלכו מגוי אל גוי מממלכה אל עם אחר׃ 14 לא הניח אדם לעשקם ויוכח עליהם מלכים׃
  • במ׳ 33:2-9 : 2 ויכתב משה את מוצאיהם למסעיהם על פי יהוה ואלה מסעיהם למוצאיהם׃ 3 ויסעו מרעמסס בחדש הראשון בחמשה עשר יום לחדש הראשון ממחרת הפסח יצאו בני ישראל ביד רמה לעיני כל מצרים׃ 4 ומצרים מקברים את אשר הכה יהוה בהם כל בכור ובאלהיהם עשה יהוה שפטים׃ 5 ויסעו בני ישראל מרעמסס ויחנו בסכת׃ 6 ויסעו מסכת ויחנו באתם אשר בקצה המדבר׃ 7 ויסעו מאתם וישב על פי החירת אשר על פני בעל צפון ויחנו לפני מגדל׃ 8 ויסעו מפני החירת ויעברו בתוך הים המדברה וילכו דרך שלשת ימים במדבר אתם ויחנו במרה׃ 9 ויסעו ממרה ויבאו אילמה ובאילם שתים עשרה עינת מים ושבעים תמרים ויחנו שם׃ 10 ויסעו מאילם ויחנו על ים סוף׃ 11 ויסעו מים סוף ויחנו במדבר סין׃ 12 ויסעו ממדבר סין ויחנו בדפקה׃ 13 ויסעו מדפקה ויחנו באלוש׃ 14 ויסעו מאלוש ויחנו ברפידם ולא היה שם מים לעם לשתות׃ 15 ויסעו מרפידם ויחנו במדבר סיני׃ 16 ויסעו ממדבר סיני ויחנו בקברת התאוה׃ 17 ויסעו מקברת התאוה ויחנו בחצרת׃ 18 ויסעו מחצרת ויחנו ברתמה׃ 19 ויסעו מרתמה ויחנו ברמן פרץ׃ 20 ויסעו מרמן פרץ ויחנו בלבנה׃ 21 ויסעו מלבנה ויחנו ברסה׃ 22 ויסעו מרסה ויחנו בקהלתה׃ 23 ויסעו מקהלתה ויחנו בהר שפר׃ 24 ויסעו מהר שפר ויחנו בחרדה׃ 25 ויסעו מחרדה ויחנו במקהלת׃ 26 ויסעו ממקהלת ויחנו בתחת׃ 27 ויסעו מתחת ויחנו בתרח׃ 28 ויסעו מתרח ויחנו במתקה׃ 29 ויסעו ממתקה ויחנו בחשמנה׃ 30 ויסעו מחשמנה ויחנו במסרות׃ 31 ויסעו ממסרות ויחנו בבני יעקן׃ 32 ויסעו מבני יעקן ויחנו בחר הגדגד׃ 33 ויסעו מחר הגדגד ויחנו ביטבתה׃ 34 ויסעו מיטבתה ויחנו בעברנה׃ 35 ויסעו מעברנה ויחנו בעציון גבר׃ 36 ויסעו מעציון גבר ויחנו במדבר צן הוא קדש׃ 37 ויסעו מקדש ויחנו בהר ההר בקצה ארץ אדום׃ 38 ויעל אהרן הכהן אל הר ההר על פי יהוה וימת שם בשנת הארבעים לצאת בני ישראל מארץ מצרים בחדש החמישי באחד לחדש׃ 39 ואהרן בן שלש ועשרים ומאת שנה במתו בהר ההר׃ 40 וישמע הכנעני מלך ערד והוא ישב בנגב בארץ כנען בבא בני ישראל׃ 41 ויסעו מהר ההר ויחנו בצלמנה׃ 42 ויסעו מצלמנה ויחנו בפונן׃ 43 ויסעו מפונן ויחנו באבת׃ 44 ויסעו מאבת ויחנו בעיי העברים בגבול מואב׃ 45 ויסעו מעיים ויחנו בדיבן גד׃ 46 ויסעו מדיבן גד ויחנו בעלמן דבלתימה׃ 47 ויסעו מעלמן דבלתימה ויחנו בהרי העברים לפני נבו׃ 48 ויסעו מהרי העברים ויחנו בערבת מואב על ירדן ירחו׃ 49 ויחנו על הירדן מבית הישמת עד אבל השטים בערבת מואב׃ 50 וידבר יהוה אל משה בערבת מואב על ירדן ירחו לאמר׃ 51 דבר אל בני ישראל ואמרת אלהם כי אתם עברים את הירדן אל ארץ כנען׃ 52 והורשתם את כל ישבי הארץ מפניכם ואבדתם את כל משכיתם ואת כל צלמי מסכתם תאבדו ואת כל במתם תשמידו׃ 53 והורשתם את הארץ וישבתם בה כי לכם נתתי את הארץ לרשת אתה׃ 54 והתנחלתם את הארץ בגורל למשפחתיכם לרב תרבו את נחלתו ולמעט תמעיט את נחלתו אל אשר יצא לו שמה הגורל לו יהיה למטות אבתיכם תתנחלו׃ 55 ואם לא תורישו את ישבי הארץ מפניכם והיה אשר תותירו מהם לשכים בעיניכם ולצנינם בצדיכם וצררו אתכם על הארץ אשר אתם ישבים בה׃ 56 והיה כאשר דמיתי לעשות להם אעשה לכם׃
  • שמ״א 19:18 : 18 ודוד ברח וימלט ויבא אל שמואל הרמתה ויגד לו את כל אשר עשה לו שאול וילך הוא ושמואל וישבו בנוית׃
  • שמ״א 22:1-5 : 1 ¶ וילך דוד משם וימלט אל מערת עדלם וישמעו אחיו וכל בית אביו וירדו אליו שמה׃ 2 ויתקבצו אליו כל איש מצוק וכל איש אשר לו נשא וכל איש מר נפש ויהי עליהם לשר ויהיו עמו כארבע מאות איש׃ 3 וילך דוד משם מצפה מואב ויאמר אל מלך מואב יצא נא אבי ואמי אתכם עד אשר אדע מה יעשה לי אלהים׃ 4 וינחם את פני מלך מואב וישבו עמו כל ימי היות דוד במצודה׃ 5 ויאמר גד הנביא אל דוד לא תשב במצודה לך ובאת לך ארץ יהודה וילך דוד ויבא יער חרת׃
  • שמ״א 27:1 : 1 ¶ ויאמר דוד אל לבו עתה אספה יום אחד ביד שאול אין לי טוב כי המלט אמלט אל ארץ פלשתים ונואש ממני שאול לבקשני עוד בכל גבול ישראל ונמלטתי מידו׃
  • עבר 11:38 : 38 אשר העולם לא היה כדי להם הם תעו במדבר ובהרים ובמערות ובנקיקי הארץ׃
  • התגל׳ 20:12 : 12 וארא את המתים הקטנים עם הגדלים עמדים לפני הכסא וספרים נפתחים ויפתח ספר אחר אשר הוא ספר החיים וישפטו המתים על פי הכתוב בספרים כמעשיהם׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • איוב 14:16-17
    2 פסוקים
    75%

    16כי עתה צעדי תספור לא תשמור על חטאתי׃

    17חתם בצרור פשעי ותטפל על עוני׃

  • תה׳ 56:6-7
    2 פסוקים
    74%

    6יגורו יצפינו המה עקבי ישמרו כאשר קוו נפשי׃

    7על און פלט למו באף עמים הורד אלהים׃

  • תה׳ 142:2-3
    2 פסוקים
    74%

    2אשפך לפניו שיחי צרתי לפניו אגיד׃

    3בהתעטף עלי רוחי ואתה ידעת נתיבתי בארח זו אהלך טמנו פח לי׃

  • תה׳ 42:3
    74%

    3היתה לי דמעתי לחם יומם ולילה באמר אלי כל היום איה אלהיך׃

  • תה׳ 139:1-5
    5 פסוקים
    74%

    1¶ למנצח לדוד מזמור יהוה חקרתני ותדע׃

    2אתה ידעת שבתי וקומי בנתה לרעי מרחוק׃

    3ארחי ורבעי זרית וכל דרכי הסכנתה׃

    4כי אין מלה בלשוני הן יהוה ידעת כלה׃

    5אחור וקדם צרתני ותשת עלי כפכה׃

  • תה׳ 39:12
    73%

    12שמעה תפלתי יהוה ושועתי האזינה אל דמעתי אל תחרש כי גר אנכי עמך תושב ככל אבותי׃

  • תה׳ 139:16-18
    3 פסוקים
    72%

    16גלמי ראו עיניך ועל ספרך כלם יכתבו ימים יצרו ולא אחד בהם׃

    17ולי מה יקרו רעיך אל מה עצמו ראשיהם׃

    18אספרם מחול ירבון הקיצתי ועודי עמך׃

  • תה׳ 116:8
    72%

    8כי חלצת נפשי ממות את עיני מן דמעה את רגלי מדחי׃

  • איוב 13:26-27
    2 פסוקים
    71%

    26כי תכתב עלי מררות ותורישני עונות נעורי׃

    27ותשם בסד רגלי ותשמור כל ארחותי על שרשי רגלי תתחקה׃

  • תה׳ 56:9
    71%

    9אז ישובו אויבי אחור ביום אקרא זה ידעתי כי אלהים לי׃

  • תה׳ 32:7
    71%

    7אתה סתר לי מצר תצרני רני פלט תסובבני סלה׃

  • תה׳ 77:4
    71%

    4אחזת שמרות עיני נפעמתי ולא אדבר׃

  • תה׳ 69:5
    71%

    5אלהים אתה ידעת לאולתי ואשמותי ממך לא נכחדו׃

  • תה׳ 31:7
    70%

    7אגילה ואשמחה בחסדך אשר ראית את עניי ידעת בצרות נפשי׃

  • תה׳ 80:5
    70%

    5האכלתם לחם דמעה ותשקמו בדמעות שליש׃

  • איכה 3:56
    70%

    56קולי שמעת אל תעלם אזנך לרוחתי לשועתי׃

  • איוב 31:4
    70%

    4הלא הוא יראה דרכי וכל צעדי יספור׃

  • תה׳ 38:9
    70%

    9אדני נגדך כל תאותי ואנחתי ממך לא נסתרה׃

  • תה׳ 6:6
    70%

    6יגעתי באנחתי אשחה בכל לילה מטתי בדמעתי ערשי אמסה׃

  • תה׳ 43:2
    70%

    2כי אתה אלהי מעוזי למה זנחתני למה קדר אתהלך בלחץ אויב׃

  • תה׳ 139:7-8
    2 פסוקים
    70%

    7אנה אלך מרוחך ואנה מפניך אברח׃

    8אם אסק שמים שם אתה ואציעה שאול הנך׃

  • איוב 16:20
    70%

    20מליצי רעי אל אלוה דלפה עיני׃

  • תה׳ 141:8
    70%

    8כי אליך יהוה אדני עיני בכה חסיתי אל תער נפשי׃

  • תה׳ 31:22
    70%

    22ואני אמרתי בחפזי נגרזתי מנגד עיניך אכן שמעת קול תחנוני בשועי אליך׃

  • יר׳ 12:3
    70%

    3ואתה יהוה ידעתני תראני ובחנת לבי אתך התקם כצאן לטבחה והקדשם ליום הרגה׃

  • איוב 33:11
    69%

    11ישם בסד רגלי ישמר כל ארחתי׃

  • תה׳ 31:9
    69%

    9חנני יהוה כי צר לי עששה בכעס עיני נפשי ובטני׃

  • תה׳ 42:9
    69%

    9אומרה לאל סלעי למה שכחתני למה קדר אלך בלחץ אויב׃

  • יש׳ 37:28
    69%

    28ושבתך וצאתך ובואך ידעתי ואת התרגזך אלי׃

  • תה׳ 16:1
    69%

    1¶ מכתם לדוד שמרני אל כי חסיתי בך׃

  • תה׳ 6:8
    69%

    8סורו ממני כל פעלי און כי שמע יהוה קול בכיי׃

  • תה׳ 69:3
    69%

    3יגעתי בקראי נחר גרוני כלו עיני מיחל לאלהי׃

  • תה׳ 17:8
    69%

    8שמרני כאישון בת עין בצל כנפיך תסתירני׃

  • איכה 1:21-22
    2 פסוקים
    69%

    21שמעו כי נאנחה אני אין מנחם לי כל איבי שמעו רעתי ששו כי אתה עשית הבאת יום קראת ויהיו כמוני׃

    22תבא כל רעתם לפניך ועולל למו כאשר עוללת לי על כל פשעי כי רבות אנחתי ולבי דוי׃

  • תה׳ 119:136
    69%

    136פלגי מים ירדו עיני על לא שמרו תורתך׃

  • איוב 30:20
    69%

    20אשוע אליך ולא תענני עמדתי ותתבנן בי׃

  • תה׳ 38:17
    69%

    17כי אני לצלע נכון ומכאובי נגדי תמיד׃