אל הרומים 7:14

תנ ך עברי מודרני

כי ידעים אנחנו שהתורה היא רוחנית ואני של בשר ונמכר תחת יד החטא׃

משאבים נוספים

פסוקים מקושרים

  • מל״א 21:20 : 20 ויאמר אחאב אל אליהו המצאתני איבי ויאמר מצאתי יען התמכרך לעשות הרע בעיני יהוה׃
  • מל״א 21:25 : 25 רק לא היה כאחאב אשר התמכר לעשות הרע בעיני יהוה אשר הסתה אתו איזבל אשתו׃
  • מל״ב 17:17 : 17 ויעבירו את בניהם ואת בנותיהם באש ויקסמו קסמים וינחשו ויתמכרו לעשות הרע בעיני יהוה להכעיסו׃
  • יש׳ 50:1 : 1 ¶ כה אמר יהוה אי זה ספר כריתות אמכם אשר שלחתיה או מי מנושי אשר מכרתי אתכם לו הן בעונתיכם נמכרתם ובפשעיכם שלחה אמכם׃
  • יש׳ 52:3 : 3 כי כה אמר יהוה חנם נמכרתם ולא בכסף תגאלו׃
  • יש׳ 64:5-6 : 5 פגעת את שש ועשה צדק בדרכיך יזכרוך הן אתה קצפת ונחטא בהם עולם ונושע׃ 6 ונהי כטמא כלנו וכבגד עדים כל צדקתינו ונבל כעלה כלנו ועוננו כרוח ישאנו׃
  • עמ׳ 2:6 : 6 כה אמר יהוה על שלשה פשעי ישראל ועל ארבעה לא אשיבנו על מכרם בכסף צדיק ואביון בעבור נעלים׃
  • מתי 5:22 : 22 אבל אני אמר לכם כל אשר יקצף על אחיו חנם מחיב הוא לבית דין ואשר יאמר אל אחיו רקא מחיב הוא לסנהדרין ואשר יאמר אתה הנבל מחיב לאש גיהנם׃
  • מתי 5:28 : 28 אבל אני אמר לכם כל אשר יביט באשה לחמד אותה נאף נאפה בלבו׃
  • מתי 16:23 : 23 ויפן ויאמר לפטרוס סור מעלי השטן למכשול אתה לי כי אין לבך לדברי אלהים כי אם לדברי בני אדם׃
  • מתי 18:25 : 25 ולא היה לו לשלם ויצו אדניו למכר אותו ואת אשתו ואת בניו ואת כל אשר לו וכן ישלם׃
  • מתי 22:37-40 : 37 ויאמר ישוע אליו ואהבת את יהוה אלהיך בכל לבבך ובכל נפשך ובכל מדעך׃ 38 זאת היא המצוה הגדולה והראשונה׃ 39 והשנית דומה לה ואהבת לרעך כמוך׃ 40 בשתי המצות האלה כל התורה תלויה וגם הנביאים׃
  • לוק 5:8 : 8 ויהי כראות שמעון פטרוס את זאת ויפל לברכי ישוע ויאמר אדני צא נא מעמי כי איש חוטא אנכי׃
  • לוק 7:6 : 6 וילך אתם ישוע ויהי כאשר קרב אל הבית וישלח אליו שר המאה על ידי רעיו לאמר לו בי אדני אל נא תטריח את עצמך כי אינני כדי שתבוא בצל קורתי׃
  • לוק 18:11-14 : 11 ויתיצב הפרוש לבדו ויתפלל לאמר אלהים אודך כי אינני כאשר האדם הגזלים והעשקים והנאפים או גם כמכס הזה׃ 12 אני צם פעמים בשבוע אני מעשר את כל קניני׃ 13 והמוכס היה עמד מרחוק ולא אבה אף לשאת את עיניו לשמים כי אם תופף על לבו לאמר אלהים סלח לי החוטא׃ 14 אני אמר לכם כי ירד זה לביתו נצדק מזה כי כל המרים את נפשו ישפל ואשר ישפילה ירומם׃
  • רומ 7:18 : 18 כי ידעתי אשר בי בבשרי לא ישב טוב הן הרצון יש עמדי אבל עשות הטוב לא מצאתי׃
  • רומ 7:22-24 : 22 כי לפי האדם הפנימי חפצתי בתורת אלהים׃ 23 אך ראה אני באברי חק אחר הלחם לחק שכלי ויוליכני שבי לתורת החטא אשר באברי׃ 24 אוי לי האדם העני מי יצילני מגוף המות הזה׃
  • קור״א 3:1-3 : 1 ¶ ואני לא יכלתי לדבר עמכם אחי כעם רוחניים כי עודכם של הבשר וכמו עוללים במשיח׃ 2 חלב השקיתי אתכם ולא מאכל כי אז לא יכלתם וגם עתה לא תוכלו יען היתכם עוד של הבשר׃ 3 כי באשר קנאה ומריבה ומחלקים ביניכם הלא של הבשר אתם ומתהלכים לפי דרך בני אדם׃
  • אפס 3:8 : 8 לי צעיר הצעירים שבכל הקדשים נתן החסד הזה לבשר בגוים את עשר המשיח אשר לא יחקר׃
  • איוב 42:6 : 6 על כן אמאס ונחמתי על עפר ואפר׃
  • תה׳ 51:6 : 6 הן אמת חפצת בטחות ובסתם חכמה תודיעני׃
  • תה׳ 119:25 : 25 דבקה לעפר נפשי חיני כדברך׃
  • מש׳ 30:2 : 2 כי בער אנכי מאיש ולא בינת אדם לי׃
  • מש׳ 30:5 : 5 כל אמרת אלוה צרופה מגן הוא לחסים בו׃
  • יש׳ 6:5 : 5 ואמר אוי לי כי נדמיתי כי איש טמא שפתים אנכי ובתוך עם טמא שפתים אנכי יושב כי את המלך יהוה צבאות ראו עיני׃
  • בר׳ 37:27 : 27 לכו ונמכרנו לישמעאלים וידנו אל תהי בו כי אחינו בשרנו הוא וישמעו אחיו׃
  • בר׳ 37:36 : 36 והמדנים מכרו אתו אל מצרים לפוטיפר סריס פרעה שר הטבחים׃
  • בר׳ 40:15 : 15 כי גנב גנבתי מארץ העברים וגם פה לא עשיתי מאומה כי שמו אתי בבור׃
  • שמ׳ 21:2-6 : 2 כי תקנה עבד עברי שש שנים יעבד ובשבעת יצא לחפשי חנם׃ 3 אם בגפו יבא בגפו יצא אם בעל אשה הוא ויצאה אשתו עמו׃ 4 אם אדניו יתן לו אשה וילדה לו בנים או בנות האשה וילדיה תהיה לאדניה והוא יצא בגפו׃ 5 ואם אמר יאמר העבד אהבתי את אדני את אשתי ואת בני לא אצא חפשי׃ 6 והגישו אדניו אל האלהים והגישו אל הדלת או אל המזוזה ורצע אדניו את אזנו במרצע ועבדו לעלם׃
  • שמ׳ 22:3 : 3 אם זרחה השמש עליו דמים לו שלם ישלם אם אין לו ונמכר בגנבתו׃
  • ויק׳ 19:18 : 18 לא תקם ולא תטר את בני עמך ואהבת לרעך כמוך אני יהוה׃
  • דב׳ 6:5 : 5 ואהבת את יהוה אלהיך בכל לבבך ובכל נפשך ובכל מאדך׃
  • עבר 4:12 : 12 כי דבר האלהים חי הוא ופעל גבורות וחד מחרב פיפיות ונכנס עד להבדיל בין נפש לרוח ובין הדבקים למוח ובחן מחשבות לבב ומזמותיו׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • רומ 7:15-25
    11 פסוקים
    82%

    15כי את אשר אני פעל לא ידעתי כי אינני עשה את אשר אני רצה בו כי אם אשר שנאתי אתו אני עשה׃

    16ובעשותי את אשר לא רציתי בו הנני מודה בזאת כי התורה טובה היא׃

    17ועתה לא אנכי עוד הפעל אתו כי אם החטא הישב בי׃

    18כי ידעתי אשר בי בבשרי לא ישב טוב הן הרצון יש עמדי אבל עשות הטוב לא מצאתי׃

    19כי אינני עשה הטוב אשר אני רצה בו כי אם הרע אשר אינני רצה בו אותו אני עשה׃

    20ואם את אשר לא רציתי בו אני עשה לא עוד אנכי הפעל כי החטא הישב בקרבי׃

    21ובכן מצא אני בי זה החק אנכי רצה לעשות הטוב ודבק בי הרע׃

    22כי לפי האדם הפנימי חפצתי בתורת אלהים׃

    23אך ראה אני באברי חק אחר הלחם לחק שכלי ויוליכני שבי לתורת החטא אשר באברי׃

    24אוי לי האדם העני מי יצילני מגוף המות הזה׃

    25אודה לאלהים בישוע המשיח אדנינו׃ [

  • רומ 7:4-13
    10 פסוקים
    82%

    4לכן אחי הומתם גם אתם לתורה בגוית המשיח להיותכם לאחר לאשר נעור מן המתים למען נעשה פרי לאלהים׃

    5כי בעת היותנו בבשר תשוקות החטא אשר התעוררו על ידי התורה היו פעלות באברינו לעשות פרי למות׃

    6אבל עתה נפטרנו מן התורה כי מתנו לאשר היינו אסורים בו למען נעבד מעתה לפי התחדשות הרוח ולא לפי ישן הכתב׃

    7אם כן מה נאמר הכי התורה חטא היא חלילה אלא לא ידעתי את החטא בלתי על ידי התורה כי לא הייתי יודע החמוד לולי אמרה התורה לא תחמד׃

    8וימצא החטא סבה לו במצוה לעורר בקרבי כל חמוד כי מבלעדי התורה החטא מת הוא׃

    9ואני חייתי מלפנים בלא תורה וכאשר באה המצוה ויחי החטא׃

    10ואני מתי והמצוה אשר נתנה לחיים היא נמצאה לי למות׃

    11כי מצא החטא סבה במצוה להתעות אתי ויהרגני על ידה׃

    12ובכן התורה היא קדושה והמצוה קדושה וישרה וטובה׃

    13הכי הטובה היתה לי למות חלילה אלא החטא למען יראה כי חטא הוא הביא לי על ידי הטובה את המות למען אשר יהיה החטא לחטאה יתרה על ידי המצוה׃

  • רומ 8:1-8
    8 פסוקים
    79%

    1¶ על כן אין אשמה באלה אשר הם במשיח ישוע המתהלכים בלא כבשר כי אם לפי הרוח׃

    2כי תורת רוח החיים במשיח ישוע שחררה אתי מתורת החטא והמות׃

    3כי מה שלא יכלה התורה לעשות הנחלשה על יד הבשר עשה האלהים בשלחו את בנו בתואר בשר החטא ובעד החטא וירשיע את החטא בבשר׃

    4למען תמלא חקת התורה בנו המתהלכים בלא כבשר כי אם לפי הרוח׃

    5כי אשר המה לבשר בעניני הבשר יחשבו ואשר לרוח בעניני הרוח יחשבו׃

    6כי מחשבת הבשר היא המות ומחשבת הרוח היא החיים והשלום׃

    7יען מחשבת הבשר רק שנאת אלהים היא באשר לא תשתעבד לתורת האלהים ואף איננה יכולה׃

    8ואשר המה בבשר לא יוכלו להיות רצוים לאלהים׃

  • רומ 6:14-16
    3 פסוקים
    75%

    14]31-21[׃

    15ועתה מה הנחטא יען איננו תחת יד התורה כי אם תחת יד החסד חלילה׃

    16הלא ידעתם כי לאשר תתנו את נפשכם להיות עבדיו לסור למשמעתו הן עבדים אתם לאשר תשמעו לו אם לחטא אלי מות אם למשמעת אלי צדקה׃

  • גל 2:19
    75%

    19כי מתי אני לתורה על ידי התורה למען אחיה לאלהים׃

  • גל 5:16-18
    3 פסוקים
    74%

    16והנני אמר התהלכו ברוח ולא תמלאו את תאות הבשר׃

    17כי הבשר מתאוה הפך מן הרוח והרוח הפך מן הבשר ושניהם מתקוממים זה לזה עד שלא תוכלו לעשות את אשר תחפצו׃

    18ואם תנהגו על ידי הרוח אז אינכם תחת התורה׃

  • רומ 7:1
    73%

    1¶ או הלא ידעתם אחי ולידעי התורה אנכי מדבר כי התורה תשלט על האדם כל ימי חייו׃

  • רומ 3:20
    73%

    20יען אשר ממעשי התורה לא יצדק לפניו כל בשר כי על ידי התורה דעת החטא׃

  • רומ 3:9
    72%

    9ועתה מה הוא היש לנו מעלה יתרה לא במאומה כבר הוכחנו כי גם היהודים גם היונים כלם הם תחת החטא׃

  • רומ 2:14
    72%

    14כי הגוים אשר אין להם תורה בעשותם כדברי התורה מאליהם גם באין תורה הם תורה לנפשם׃

  • טימ״א 1:8-9
    2 פסוקים
    72%

    8אבל ידענו כי התורה טובה היא אם יתנהג בה האדם כתורה׃

    9בדעתו זאת כי חק לא הושם בעבור הצדיק אלא בעבור הסוררים והמרדים הרשעים והחטאים עשי זמה ונבלה מכי אב ומכי אם ומרצחים׃

  • רומ 6:6-7
    2 פסוקים
    72%

    6באשר ידעים אנחנו כי נצלב אתו האדם הישן אשר בנו למען תבטל גוית החטא לבלתי היותנו עוד עבדים לחטא׃

    7כי אשר מת הוא נקה מן החטא׃

  • רומ 8:12-13
    2 פסוקים
    71%

    12לכן אחי חיבים אנחנו לא לבשר לחיות לפי הבשר׃

    13כי אם תחיו לפי הבשר מות תמתון ואם על ידי הרוח תמותתו את מעללי הבשר חיה תחיו׃

  • קור״א 6:12
    71%

    12הכל הוא ברשותי אך לא כל דבר יועיל הכל הוא ברשותי אך לא ישעבדני דבר׃

  • יוח״א 3:4
    71%

    4כל העשה חטא גם פשע בתורה הוא והחטא הוא פשע בתורה׃

  • רומ 4:15
    70%

    15כי התורה מביאה קצף כי באשר אין תורה גם אין שם עברה׃

  • גל 2:17
    70%

    17ואם בבקשנו להצדק במשיח נמצא גם אנחנו חטאים הנה המשיח משרת החטא חלילה׃