דברי הימים א׳ 18:9

תנ ך עברי מודרני

וישמע תעו מלך חמת כי הכה דויד את כל חיל הדדעזר מלך צובה׃

משאבים נוספים

פסוקים מקושרים

  • שמ״ב 8:9 : 9 וישמע תעי מלך חמת כי הכה דוד את כל חיל הדדעזר׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • שמ״ב 8:3-13
    11 פסוקים
    92%

    3ויך דוד את הדדעזר בן רחב מלך צובה בלכתו להשיב ידו בנהר׃

    4וילכד דוד ממנו אלף ושבע מאות פרשים ועשרים אלף איש רגלי ויעקר דוד את כל הרכב ויותר ממנו מאה רכב׃

    5ותבא ארם דמשק לעזר להדדעזר מלך צובה ויך דוד בארם עשרים ושנים אלף איש׃

    6וישם דוד נצבים בארם דמשק ותהי ארם לדוד לעבדים נושאי מנחה וישע יהוה את דוד בכל אשר הלך׃

    7ויקח דוד את שלטי הזהב אשר היו אל עבדי הדדעזר ויביאם ירושלם׃

    8ומבטח ומברתי ערי הדדעזר לקח המלך דוד נחשת הרבה מאד׃

    9וישמע תעי מלך חמת כי הכה דוד את כל חיל הדדעזר׃

    10וישלח תעי את יורם בנו אל המלך דוד לשאל לו לשלום ולברכו על אשר נלחם בהדדעזר ויכהו כי איש מלחמות תעי היה הדדעזר ובידו היו כלי כסף וכלי זהב וכלי נחשת׃

    11גם אתם הקדיש המלך דוד ליהוה עם הכסף והזהב אשר הקדיש מכל הגוים אשר כבש׃

    12מארם וממואב ומבני עמון ומפלשתים ומעמלק ומשלל הדדעזר בן רחב מלך צובה׃

    13ויעש דוד שם בשבו מהכותו את ארם בגיא מלח שמונה עשר אלף׃

  • דה״א 18:10
    85%

    10וישלח את הדורם בנו אל המלך דויד לשאול לו לשלום ולברכו על אשר נלחם בהדדעזר ויכהו כי איש מלחמות תעו היה הדדעזר וכל כלי זהב וכסף ונחשת׃

  • דה״א 18:1-8
    8 פסוקים
    81%

    1¶ ויהי אחרי כן ויך דויד את פלשתים ויכניעם ויקח את גת ובנתיה מיד פלשתים׃

    2ויך את מואב ויהיו מואב עבדים לדויד נשאי מנחה׃

    3ויך דויד את הדדעזר מלך צובה חמתה בלכתו להציב ידו בנהר פרת׃

    4וילכד דויד ממנו אלף רכב ושבעת אלפים פרשים ועשרים אלף איש רגלי ויעקר דויד את כל הרכב ויותר ממנו מאה רכב׃

    5ויבא ארם דרמשק לעזור להדדעזר מלך צובה ויך דויד בארם עשרים ושנים אלף איש׃

    6וישם דויד בארם דרמשק ויהי ארם לדויד עבדים נשאי מנחה ויושע יהוה לדויד בכל אשר הלך׃

    7ויקח דויד את שלטי הזהב אשר היו על עבדי הדדעזר ויביאם ירושלם׃

    8ומטבחת ומכון ערי הדדעזר לקח דויד נחשת רבה מאד בה עשה שלמה את ים הנחשת ואת העמודים ואת כלי הנחשת׃

  • דה״א 19:16-19
    4 פסוקים
    75%

    16וירא ארם כי נגפו לפני ישראל וישלחו מלאכים ויוציאו את ארם אשר מעבר הנהר ושופך שר צבא הדדעזר לפניהם׃

    17ויגד לדויד ויאסף את כל ישראל ויעבר הירדן ויבא אלהם ויערך אלהם ויערך דויד לקראת ארם מלחמה וילחמו עמו׃

    18וינס ארם מלפני ישראל ויהרג דויד מארם שבעת אלפים רכב וארבעים אלף איש רגלי ואת שופך שר הצבא המית׃

    19ויראו עבדי הדדעזר כי נגפו לפני ישראל וישלימו עם דויד ויעבדהו ולא אבה ארם להושיע את בני עמון עוד׃

  • שמ״ב 10:16-19
    4 פסוקים
    74%

    16וישלח הדדעזר ויצא את ארם אשר מעבר הנהר ויבאו חילם ושובך שר צבא הדדעזר לפניהם׃

    17ויגד לדוד ויאסף את כל ישראל ויעבר את הירדן ויבא חלאמה ויערכו ארם לקראת דוד וילחמו עמו׃

    18וינס ארם מפני ישראל ויהרג דוד מארם שבע מאות רכב וארבעים אלף פרשים ואת שובך שר צבאו הכה וימת שם׃

    19ויראו כל המלכים עבדי הדדעזר כי נגפו לפני ישראל וישלמו את ישראל ויעבדום ויראו ארם להושיע עוד את בני עמון׃

  • דה״א 19:8
    74%

    8וישמע דויד וישלח את יואב ואת כל צבא הגבורים׃

  • דה״ב 8:3
    74%

    3וילך שלמה חמת צובה ויחזק עליה׃

  • שמ״ב 10:6-8
    3 פסוקים
    72%

    6ויראו בני עמון כי נבאשו בדוד וישלחו בני עמון וישכרו את ארם בית רחוב ואת ארם צובא עשרים אלף רגלי ואת מלך מעכה אלף איש ואיש טוב שנים עשר אלף איש׃

    7וישמע דוד וישלח את יואב ואת כל הצבא הגברים׃

    8ויצאו בני עמון ויערכו מלחמה פתח השער וארם צובא ורחוב ואיש טוב ומעכה לבדם בשדה׃

  • דה״א 19:6
    71%

    6ויראו בני עמון כי התבאשו עם דויד וישלח חנון ובני עמון אלף ככר כסף לשכר להם מן ארם נהרים ומן ארם מעכה ומצובה רכב ופרשים׃

  • שמ״ב 11:18
    70%

    18וישלח יואב ויגד לדוד את כל דברי המלחמה׃

  • שמ״ב 10:1-3
    3 פסוקים
    70%

    1¶ ויהי אחרי כן וימת מלך בני עמון וימלך חנון בנו תחתיו׃

    2ויאמר דוד אעשה חסד עם חנון בן נחש כאשר עשה אביו עמדי חסד וישלח דוד לנחמו ביד עבדיו אל אביו ויבאו עבדי דוד ארץ בני עמון׃

    3ויאמרו שרי בני עמון אל חנון אדניהם המכבד דוד את אביך בעיניך כי שלח לך מנחמים הלוא בעבור חקור את העיר ולרגלה ולהפכה שלח דוד את עבדיו אליך׃

  • שמ״ב 12:29
    69%

    29ויאסף דוד את כל העם וילך רבתה וילחם בה וילכדה׃

  • מל״א 11:23-24
    2 פסוקים
    69%

    23ויקם אלהים לו שטן את רזון בן אלידע אשר ברח מאת הדדעזר מלך צובה אדניו׃

    24ויקבץ עליו אנשים ויהי שר גדוד בהרג דוד אתם וילכו דמשק וישבו בה וימלכו בדמשק׃

  • יש׳ 37:13
    69%

    13איה מלך חמת ומלך ארפד ומלך לעיר ספרוים הנע ועוה׃

  • שמ״א 19:8
    69%

    8ותוסף המלחמה להיות ויצא דוד וילחם בפלשתים ויך בהם מכה גדולה וינסו מפניו׃

  • דה״א 19:2-3
    2 פסוקים
    69%

    2ויאמר דויד אעשה חסד עם חנון בן נחש כי עשה אביו עמי חסד וישלח דויד מלאכים לנחמו על אביו ויבאו עבדי דויד אל ארץ בני עמון אל חנון לנחמו׃

    3ויאמרו שרי בני עמון לחנון המכבד דויד את אביך בעיניך כי שלח לך מנחמים הלא בעבור לחקר ולהפך ולרגל הארץ באו עבדיו אליך׃

  • מל״א 11:21
    68%

    21והדד שמע במצרים כי שכב דוד עם אבתיו וכי מת יואב שר הצבא ויאמר הדד אל פרעה שלחני ואלך אל ארצי׃

  • מל״ב 16:9
    68%

    9וישמע אליו מלך אשור ויעל מלך אשור אל דמשק ויתפשה ויגלה קירה ואת רצין המית׃

  • מל״ב 12:17
    68%

    17אז יעלה חזאל מלך ארם וילחם על גת וילכדה וישם חזאל פניו לעלות על ירושלם׃

  • שמ״ב 18:7
    68%

    7וינגפו שם עם ישראל לפני עבדי דוד ותהי שם המגפה גדולה ביום ההוא עשרים אלף׃

  • מל״ב 19:13
    68%

    13איו מלך חמת ומלך ארפד ומלך לעיר ספרוים הנע ועוה׃