מלכים א׳ 1:8

תנ ך עברי מודרני

וצדוק הכהן ובניהו בן יהוידע ונתן הנביא ושמעי ורעי והגבורים אשר לדוד לא היו עם אדניהו׃

משאבים נוספים

פסוקים מקושרים

  • מל״א 4:18 : 18 שמעי בן אלא בבנימן׃
  • שמ״ב 20:25 : 25 ושיא ספר וצדוק ואביתר כהנים׃
  • שמ״ב 23:8-9 : 8 אלה שמות הגברים אשר לדוד ישב בשבת תחכמני ראש השלשי הוא עדינו העצנו על שמנה מאות חלל בפעם אחד׃ 9 ואחרו אלעזר בן דדי בן אחחי בשלשה גברים עם דוד בחרפם בפלשתים נאספו שם למלחמה ויעלו איש ישראל׃ 10 הוא קם ויך בפלשתים עד כי יגעה ידו ותדבק ידו אל החרב ויעש יהוה תשועה גדולה ביום ההוא והעם ישבו אחריו אך לפשט׃ 11 ואחריו שמא בן אגא הררי ויאספו פלשתים לחיה ותהי שם חלקת השדה מלאה עדשים והעם נס מפני פלשתים׃ 12 ויתיצב בתוך החלקה ויצילה ויך את פלשתים ויעש יהוה תשועה גדולה׃ 13 וירדו שלשים מהשלשים ראש ויבאו אל קציר אל דוד אל מערת עדלם וחית פלשתים חנה בעמק רפאים׃ 14 ודוד אז במצודה ומצב פלשתים אז בית לחם׃ 15 ויתאוה דוד ויאמר מי ישקני מים מבאר בית לחם אשר בשער׃ 16 ויבקעו שלשת הגברים במחנה פלשתים וישאבו מים מבאר בית לחם אשר בשער וישאו ויבאו אל דוד ולא אבה לשתותם ויסך אתם ליהוה׃ 17 ויאמר חלילה לי יהוה מעשתי זאת הדם האנשים ההלכים בנפשותם ולא אבה לשתותם אלה עשו שלשת הגברים׃ 18 ואבישי אחי יואב בן צרויה הוא ראש השלשי והוא עורר את חניתו על שלש מאות חלל ולו שם בשלשה׃ 19 מן השלשה הכי נכבד ויהי להם לשר ועד השלשה לא בא׃ 20 ובניהו בן יהוידע בן איש חי רב פעלים מקבצאל הוא הכה את שני אראל מואב והוא ירד והכה את האריה בתוך הבאר ביום השלג׃ 21 והוא הכה את איש מצרי אשר מראה וביד המצרי חנית וירד אליו בשבט ויגזל את החנית מיד המצרי ויהרגהו בחניתו׃ 22 אלה עשה בניהו בן יהוידע ולו שם בשלשה הגברים׃ 23 מן השלשים נכבד ואל השלשה לא בא וישמהו דוד אל משמעתו׃ 24 עשה אל אחי יואב בשלשים אלחנן בן דדו בית לחם׃ 25 שמה החרדי אליקא החרדי׃ 26 חלץ הפלטי עירא בן עקש התקועי׃ 27 אביעזר הענתתי מבני החשתי׃ 28 צלמון האחחי מהרי הנטפתי׃ 29 חלב בן בענה הנטפתי אתי בן ריבי מגבעת בני בנימן׃ 30 בניהו פרעתני הדי מנחלי געש׃ 31 אבי עלבון הערבתי עזמות הברחמי׃ 32 אליחבא השעלבני בני ישן יהונתן׃ 33 שמה ההררי אחיאם בן שרר האררי׃ 34 אליפלט בן אחסבי בן המעכתי אליעם בן אחיתפל הגלני׃ 35 חצרו הכרמלי פערי הארבי׃ 36 יגאל בן נתן מצבה בני הגדי׃ 37 צלק העמני נחרי הבארתי נשאי כלי יואב בן צריה׃ 38 עירא היתרי גרב היתרי׃ 39 אוריה החתי כל שלשים ושבעה׃
  • מל״א 2:35 : 35 ויתן המלך את בניהו בן יהוידע תחתיו על הצבא ואת צדוק הכהן נתן המלך תחת אביתר׃
  • שמ״ב 7:2-4 : 2 ויאמר המלך אל נתן הנביא ראה נא אנכי יושב בבית ארזים וארון האלהים ישב בתוך היריעה׃ 3 ויאמר נתן אל המלך כל אשר בלבבך לך עשה כי יהוה עמך׃ 4 ויהי בלילה ההוא ויהי דבר יהוה אל נתן לאמר׃
  • שמ״ב 8:17-18 : 17 וצדוק בן אחיטוב ואחימלך בן אביתר כהנים ושריה סופר׃ 18 ובניהו בן יהוידע והכרתי והפלתי ובני דוד כהנים היו׃
  • שמ״ב 12:1-9 : 1 ¶ וישלח יהוה את נתן אל דוד ויבא אליו ויאמר לו שני אנשים היו בעיר אחת אחד עשיר ואחד ראש׃ 2 לעשיר היה צאן ובקר הרבה מאד׃ 3 ולרש אין כל כי אם כבשה אחת קטנה אשר קנה ויחיה ותגדל עמו ועם בניו יחדו מפתו תאכל ומכסו תשתה ובחיקו תשכב ותהי לו כבת׃ 4 ויבא הלך לאיש העשיר ויחמל לקחת מצאנו ומבקרו לעשות לארח הבא לו ויקח את כבשת האיש הראש ויעשה לאיש הבא אליו׃ 5 ויחר אף דוד באיש מאד ויאמר אל נתן חי יהוה כי בן מות האיש העשה זאת׃ 6 ואת הכבשה ישלם ארבעתים עקב אשר עשה את הדבר הזה ועל אשר לא חמל׃ 7 ויאמר נתן אל דוד אתה האיש כה אמר יהוה אלהי ישראל אנכי משחתיך למלך על ישראל ואנכי הצלתיך מיד שאול׃ 8 ואתנה לך את בית אדניך ואת נשי אדניך בחיקך ואתנה לך את בית ישראל ויהודה ואם מעט ואספה לך כהנה וכהנה׃ 9 מדוע בזית את דבר יהוה לעשות הרע בעינו את אוריה החתי הכית בחרב ואת אשתו לקחת לך לאשה ואתו הרגת בחרב בני עמון׃ 10 ועתה לא תסור חרב מביתך עד עולם עקב כי בזתני ותקח את אשת אוריה החתי להיות לך לאשה׃ 11 כה אמר יהוה הנני מקים עליך רעה מביתך ולקחתי את נשיך לעיניך ונתתי לרעיך ושכב עם נשיך לעיני השמש הזאת׃ 12 כי אתה עשית בסתר ואני אעשה את הדבר הזה נגד כל ישראל ונגד השמש׃ 13 ויאמר דוד אל נתן חטאתי ליהוה ויאמר נתן אל דוד גם יהוה העביר חטאתך לא תמות׃ 14 אפס כי נאץ נאצת את איבי יהוה בדבר הזה גם הבן הילוד לך מות ימות׃ 15 וילך נתן אל ביתו ויגף יהוה את הילד אשר ילדה אשת אוריה לדוד ויאנש׃
  • דה״א 11:10-47 : 10 ואלה ראשי הגבורים אשר לדויד המתחזקים עמו במלכותו עם כל ישראל להמליכו כדבר יהוה על ישראל׃ 11 ואלה מספר הגברים אשר לדויד ישבעם בן חכמוני ראש השלושים הוא עורר את חניתו על שלש מאות חלל בפעם אחת׃ 12 ואחריו אלעזר בן דודו האחוחי הוא בשלושה הגברים׃ 13 הוא היה עם דויד בפס דמים והפלשתים נאספו שם למלחמה ותהי חלקת השדה מלאה שעורים והעם נסו מפני פלשתים׃ 14 ויתיצבו בתוך החלקה ויצילוה ויכו את פלשתים ויושע יהוה תשועה גדולה׃ 15 וירדו שלושה מן השלושים ראש על הצר אל דויד אל מערת עדלם ומחנה פלשתים חנה בעמק רפאים׃ 16 ודויד אז במצודה ונציב פלשתים אז בבית לחם׃ 17 ויתאו דויד ויאמר מי ישקני מים מבור בית לחם אשר בשער׃ 18 ויבקעו השלשה במחנה פלשתים וישאבו מים מבור בית לחם אשר בשער וישאו ויבאו אל דויד ולא אבה דויד לשתותם וינסך אתם ליהוה׃ 19 ויאמר חלילה לי מאלהי מעשות זאת הדם האנשים האלה אשתה בנפשותם כי בנפשותם הביאום ולא אבה לשתותם אלה עשו שלשת הגבורים׃ 20 ואבשי אחי יואב הוא היה ראש השלושה והוא עורר את חניתו על שלש מאות חלל ולא שם בשלושה׃ 21 מן השלושה בשנים נכבד ויהי להם לשר ועד השלושה לא בא׃ 22 בניה בן יהוידע בן איש חיל רב פעלים מן קבצאל הוא הכה את שני אריאל מואב והוא ירד והכה את הארי בתוך הבור ביום השלג׃ 23 והוא הכה את האיש המצרי איש מדה חמש באמה וביד המצרי חנית כמנור ארגים וירד אליו בשבט ויגזל את החנית מיד המצרי ויהרגהו בחניתו׃ 24 אלה עשה בניהו בן יהוידע ולו שם בשלושה הגברים׃ 25 מן השלושים הנו נכבד הוא ואל השלושה לא בא וישימהו דויד על משמעתו׃ 26 וגבורי החילים עשה אל אחי יואב אלחנן בן דודו מבית לחם׃ 27 שמות ההרורי חלץ הפלוני׃ 28 עירא בן עקש התקועי אביעזר הענתותי׃ 29 סבכי החשתי עילי האחוחי׃ 30 מהרי הנטפתי חלד בן בענה הנטופתי׃ 31 איתי בן ריבי מגבעת בני בנימן בניה הפרעתני׃ 32 חורי מנחלי געש אביאל הערבתי׃ 33 עזמות הבחרומי אליחבא השעלבני׃ 34 בני השם הגזוני יונתן בן שגה ההררי׃ 35 אחיאם בן שכר ההררי אליפל בן אור׃ 36 חפר המכרתי אחיה הפלני׃ 37 חצרו הכרמלי נערי בן אזבי׃ 38 יואל אחי נתן מבחר בן הגרי׃ 39 צלק העמוני נחרי הברתי נשא כלי יואב בן צרויה׃ 40 עירא היתרי גרב היתרי׃ 41 אוריה החתי זבד בן אחלי׃ 42 עדינא בן שיזא הראובני ראש לראובני ועליו שלושים׃ 43 חנן בן מעכה ויושפט המתני׃ 44 עזיא העשתרתי שמע ויעואל בני חותם הערערי׃ 45 ידיעאל בן שמרי ויחא אחיו התיצי׃ 46 אליאל המחוים ויריבי ויושויה בני אלנעם ויתמה המואבי׃ 47 אליאל ועובד ויעשיאל המצביה׃
  • דה״א 27:5-6 : 5 שר הצבא השלישי לחדש השלישי בניהו בן יהוידע הכהן ראש ועל מחלקתו עשרים וארבעה אלף׃ 6 הוא בניהו גבור השלשים ועל השלשים ומחלקתו עמיזבד בנו׃
  • יח׳ 44:15 : 15 והכהנים הלוים בני צדוק אשר שמרו את משמרת מקדשי בתעות בני ישראל מעלי המה יקרבו אלי לשרתני ועמדו לפני להקריב לי חלב ודם נאם אדני יהוה׃
  • זכ׳ 12:13 : 13 משפחת בית לוי לבד ונשיהם לבד משפחת השמעי לבד ונשיהם לבד׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מל״א 1:5-7
    3 פסוקים
    83%

    5ואדניה בן חגית מתנשא לאמר אני אמלך ויעש לו רכב ופרשים וחמשים איש רצים לפניו׃

    6ולא עצבו אביו מימיו לאמר מדוע ככה עשית וגם הוא טוב תאר מאד ואתו ילדה אחרי אבשלום׃

    7ויהיו דבריו עם יואב בן צרויה ועם אביתר הכהן ויעזרו אחרי אדניה׃

  • מל״א 1:24-27
    4 פסוקים
    82%

    24ויאמר נתן אדני המלך אתה אמרת אדניהו ימלך אחרי והוא ישב על כסאי׃

    25כי ירד היום ויזבח שור ומריא וצאן לרב ויקרא לכל בני המלך ולשרי הצבא ולאביתר הכהן והנם אכלים ושתים לפניו ויאמרו יחי המלך אדניהו׃

    26ולי אני עבדך ולצדק הכהן ולבניהו בן יהוידע ולשלמה עבדך לא קרא׃

    27אם מאת אדני המלך נהיה הדבר הזה ולא הודעת את עבדיך מי ישב על כסא אדני המלך אחריו׃

  • מל״א 1:9-11
    3 פסוקים
    81%

    9ויזבח אדניהו צאן ובקר ומריא עם אבן הזחלת אשר אצל עין רגל ויקרא את כל אחיו בני המלך ולכל אנשי יהודה עבדי המלך׃

    10ואת נתן הנביא ובניהו ואת הגבורים ואת שלמה אחיו לא קרא׃

    11ויאמר נתן אל בת שבע אם שלמה לאמר הלוא שמעת כי מלך אדניהו בן חגית ואדנינו דוד לא ידע׃

  • מל״א 1:41-45
    5 פסוקים
    78%

    41וישמע אדניהו וכל הקראים אשר אתו והם כלו לאכל וישמע יואב את קול השופר ויאמר מדוע קול הקריה הומה׃

    42עודנו מדבר והנה יונתן בן אביתר הכהן בא ויאמר אדניהו בא כי איש חיל אתה וטוב תבשר׃

    43ויען יונתן ויאמר לאדניהו אבל אדנינו המלך דוד המליך את שלמה׃

    44וישלח אתו המלך את צדוק הכהן ואת נתן הנביא ובניהו בן יהוידע והכרתי והפלתי וירכבו אתו על פרדת המלך׃

    45וימשחו אתו צדוק הכהן ונתן הנביא למלך בגחון ויעלו משם שמחים ותהם הקריה הוא הקול אשר שמעתם׃

  • מל״א 1:32
    77%

    32ויאמר המלך דוד קראו לי לצדוק הכהן ולנתן הנביא ולבניהו בן יהוידע ויבאו לפני המלך׃

  • מל״א 1:18-19
    2 פסוקים
    75%

    18ועתה הנה אדניה מלך ועתה אדני המלך לא ידעת׃

    19ויזבח שור ומריא וצאן לרב ויקרא לכל בני המלך ולאביתר הכהן וליאב שר הצבא ולשלמה עבדך לא קרא׃

  • שמ״ב 8:17-18
    2 פסוקים
    74%

    17וצדוק בן אחיטוב ואחימלך בן אביתר כהנים ושריה סופר׃

    18ובניהו בן יהוידע והכרתי והפלתי ובני דוד כהנים היו׃

  • דה״א 18:16-17
    2 פסוקים
    74%

    16וצדוק בן אחיטוב ואבימלך בן אביתר כהנים ושושא סופר׃

    17ובניהו בן יהוידע על הכרתי והפלתי ובני דויד הראשנים ליד המלך׃

  • מל״א 4:4-6
    3 פסוקים
    74%

    4ובניהו בן יהוידע על הצבא וצדוק ואביתר כהנים׃

    5ועזריהו בן נתן על הנצבים וזבוד בן נתן כהן רעה המלך׃

    6ואחישר על הבית ואדנירם בן עבדא על המס׃

  • מל״א 1:13
    74%

    13לכי ובאי אל המלך דוד ואמרת אליו הלא אתה אדני המלך נשבעת לאמתך לאמר כי שלמה בנך ימלך אחרי והוא ישב על כסאי ומדוע מלך אדניהו׃

  • מל״א 2:35
    72%

    35ויתן המלך את בניהו בן יהוידע תחתיו על הצבא ואת צדוק הכהן נתן המלך תחת אביתר׃

  • נח׳ 10:16
    72%

    16אדניה בגוי עדין׃

  • מל״א 1:37-38
    2 פסוקים
    72%

    37כאשר היה יהוה עם אדני המלך כן יהי עם שלמה ויגדל את כסאו מכסא אדני המלך דוד׃

    38וירד צדוק הכהן ונתן הנביא ובניהו בן יהוידע והכרתי והפלתי וירכבו את שלמה על פרדת המלך דוד וילכו אתו על גחון׃

  • דה״א 15:11
    72%

    11ויקרא דויד לצדוק ולאביתר הכהנים וללוים לאוריאל עשיה ויואל שמעיה ואליאל ועמינדב׃

  • שמ״ב 20:25
    72%

    25ושיא ספר וצדוק ואביתר כהנים׃

  • מל״א 4:2
    71%

    2ואלה השרים אשר לו עזריהו בן צדוק הכהן׃

  • שמ״ב 15:27
    70%

    27ויאמר המלך אל צדוק הכהן הרואה אתה שבה העיר בשלום ואחימעץ בנך ויהונתן בן אביתר שני בניכם אתכם׃

  • שמ״ב 15:35
    70%

    35והלוא עמך שם צדוק ואביתר הכהנים והיה כל הדבר אשר תשמע מבית המלך תגיד לצדוק ולאביתר הכהנים׃

  • מל״א 2:22
    70%

    22ויען המלך שלמה ויאמר לאמו ולמה את שאלת את אבישג השנמית לאדניהו ושאלי לו את המלוכה כי הוא אחי הגדול ממני ולו ולאביתר הכהן וליואב בן צרויה׃

  • שמ״א 22:17
    70%

    17ויאמר המלך לרצים הנצבים עליו סבו והמיתו כהני יהוה כי גם ידם עם דוד וכי ידעו כי ברח הוא ולא גלו את אזנו ולא אבו עבדי המלך לשלח את ידם לפגע בכהני יהוה׃

  • מל״א 1:49
    69%

    49ויחרדו ויקמו כל הקראים אשר לאדניהו וילכו איש לדרכו׃

  • דה״א 11:10
    69%

    10ואלה ראשי הגבורים אשר לדויד המתחזקים עמו במלכותו עם כל ישראל להמליכו כדבר יהוה על ישראל׃

  • שמ״ב 3:4
    69%

    4והרביעי אדניה בן חגית והחמישי שפטיה בן אביטל׃

  • דה״א 27:34
    69%

    34ואחרי אחיתפל יהוידע בן בניהו ואביתר ושר צבא למלך יואב׃

  • מל״א 2:24-25
    2 פסוקים
    68%

    24ועתה חי יהוה אשר הכינני ויושיביני על כסא דוד אבי ואשר עשה לי בית כאשר דבר כי היום יומת אדניהו׃

    25וישלח המלך שלמה ביד בניהו בן יהוידע ויפגע בו וימת׃

  • שמ״א 21:1
    68%

    1¶ ויבא דוד נבה אל אחימלך הכהן ויחרד אחימלך לקראת דוד ויאמר לו מדוע אתה לבדך ואיש אין אתך׃

  • עז׳ 10:39
    68%

    39ושלמיה ונתן ועדיה׃

  • מל״א 1:21-22
    2 פסוקים
    68%

    21והיה כשכב אדני המלך עם אבתיו והייתי אני ובני שלמה חטאים׃

    22והנה עודנה מדברת עם המלך ונתן הנביא בא׃

  • דה״א 12:28
    68%

    28וצדוק נער גבור חיל ובית אביו שרים עשרים ושנים׃

  • שמ״א 22:11
    68%

    11וישלח המלך לקרא את אחימלך בן אחיטוב הכהן ואת כל בית אביו הכהנים אשר בנב ויבאו כלם אל המלך׃

  • דה״א 11:41
    67%

    41אוריה החתי זבד בן אחלי׃