מלכים א׳ 4:31

תנ ך עברי מודרני

ויחכם מכל האדם מאיתן האזרחי והימן וכלכל ודרדע בני מחול ויהי שמו בכל הגוים סביב׃

פסוקים מקושרים

• דה״א 2:6 : 6 ובני זרח זמרי ואיתן והימן וכלכל ודרע כלם חמשה׃
• דה״א 15:19 : 19 והמשררים הימן אסף ואיתן במצלתים נחשת להשמיע׃
• מל״א 3:12 : 12 הנה עשיתי כדבריך הנה נתתי לך לב חכם ונבון אשר כמוך לא היה לפניך ואחריך לא יקום כמוך׃
• דה״א 6:33 : 33 ואלה העמדים ובניהם מבני הקהתי הימן המשורר בן יואל בן שמואל׃
• תה׳ 89:1-9 : 1 ¶ משכיל לאיתן האזרחי חסדי יהוה עולם אשירה לדר ודר אודיע אמונתך בפי׃ 2 כי אמרתי עולם חסד יבנה שמים תכן אמונתך בהם׃ 3 כרתי ברית לבחירי נשבעתי לדוד עבדי׃ 4 עד עולם אכין זרעך ובניתי לדר ודור כסאך סלה׃ 5 ויודו שמים פלאך יהוה אף אמונתך בקהל קדשים׃ 6 כי מי בשחק יערך ליהוה ידמה ליהוה בבני אלים׃ 7 אל נערץ בסוד קדשים רבה ונורא על כל סביביו׃ 8 יהוה אלהי צבאות מי כמוך חסין יה ואמונתך סביבותיך׃ 9 אתה מושל בגאות הים בשוא גליו אתה תשבחם׃ 10 אתה דכאת כחלל רהב בזרוע עזך פזרת אויביך׃ 11 לך שמים אף לך ארץ תבל ומלאה אתה יסדתם׃ 12 צפון וימין אתה בראתם תבור וחרמון בשמך ירננו׃ 13 לך זרוע עם גבורה תעז ידך תרום ימינך׃ 14 צדק ומשפט מכון כסאך חסד ואמת יקדמו פניך׃ 15 אשרי העם יודעי תרועה יהוה באור פניך יהלכון׃ 16 בשמך יגילון כל היום ובצדקתך ירומו׃ 17 כי תפארת עזמו אתה וברצנך תרים קרננו׃ 18 כי ליהוה מגננו ולקדוש ישראל מלכנו׃ 19 אז דברת בחזון לחסידיך ותאמר שויתי עזר על גבור הרימותי בחור מעם׃ 20 מצאתי דוד עבדי בשמן קדשי משחתיו׃ 21 אשר ידי תכון עמו אף זרועי תאמצנו׃ 22 לא ישא אויב בו ובן עולה לא יעננו׃ 23 וכתותי מפניו צריו ומשנאיו אגוף׃ 24 ואמונתי וחסדי עמו ובשמי תרום קרנו׃ 25 ושמתי בים ידו ובנהרות ימינו׃ 26 הוא יקראני אבי אתה אלי וצור ישועתי׃ 27 אף אני בכור אתנהו עליון למלכי ארץ׃ 28 לעולם אשמור לו חסדי ובריתי נאמנת לו׃ 29 ושמתי לעד זרעו וכסאו כימי שמים׃ 30 אם יעזבו בניו תורתי ובמשפטי לא ילכון׃ 31 אם חקתי יחללו ומצותי לא ישמרו׃ 32 ופקדתי בשבט פשעם ובנגעים עונם׃ 33 וחסדי לא אפיר מעמו ולא אשקר באמונתי׃ 34 לא אחלל בריתי ומוצא שפתי לא אשנה׃ 35 אחת נשבעתי בקדשי אם לדוד אכזב׃ 36 זרעו לעולם יהיה וכסאו כשמש נגדי׃ 37 כירח יכון עולם ועד בשחק נאמן סלה׃ 38 ואתה זנחת ותמאס התעברת עם משיחך׃ 39 נארתה ברית עבדך חללת לארץ נזרו׃ 40 פרצת כל גדרתיו שמת מבצריו מחתה׃ 41 שסהו כל עברי דרך היה חרפה לשכניו׃ 42 הרימות ימין צריו השמחת כל אויביו׃ 43 אף תשיב צור חרבו ולא הקימתו במלחמה׃ 44 השבת מטהרו וכסאו לארץ מגרתה׃ 45 הקצרת ימי עלומיו העטית עליו בושה סלה׃ 46 עד מה יהוה תסתר לנצח תבער כמו אש חמתך׃ 47 זכר אני מה חלד על מה שוא בראת כל בני אדם׃ 48 מי גבר יחיה ולא יראה מות ימלט נפשו מיד שאול סלה׃ 49 איה חסדיך הראשנים אדני נשבעת לדוד באמונתך׃ 50 זכר אדני חרפת עבדיך שאתי בחיקי כל רבים עמים׃ 51 אשר חרפו אויביך יהוה אשר חרפו עקבות משיחך׃ 52 ברוך יהוה לעולם אמן ואמן׃
• מתי 12:42 : 42 מלכת תימן תקום במשפט עם הדור הזה ותרשיענו כי באה מקצות הארץ לשמע את חכמה שלמה והנה פה גדול משלמה׃
• לוק 11:31 : 31 מלכת תימן תקום במשפט עם אנשי הדור הזה והרשיעה אותם כי באה מקצות הארץ לשמע את חכמת שלמה והנה יש פה גדול משלמה׃
• קול 2:3 : 3 אשר צפונים בו כל אצרות החכמה והדעת׃
• מתי 4:24 : 24 ויצא שמעו בכל ארץ סוריא ויביאו אליו את כל החולים המענים בכל חלים ומכאובים ואחוזי שדים ומכי ירח ונכי אברים וירפאם׃
• דה״א 15:17 : 17 ויעמידו הלוים את הימן בן יואל ומן אחיו אסף בן ברכיהו ומן בני מררי אחיהם איתן בן קושיהו׃
• דה״ב 9:23 : 23 וכל מלכי הארץ מבקשים את פני שלמה לשמע את חכמתו אשר נתן האלהים בלבו׃
• תה׳ 88:1 : 1 ¶ שיר מזמור לבני קרח למנצח על מחלת לענות משכיל להימן האזרחי יהוה אלהי ישועתי יום צעקתי בלילה נגדך׃
• מל״א 5:7 : 7 ויהי כשמע חירם את דברי שלמה וישמח מאד ויאמר ברוך יהוה היום אשר נתן לדוד בן חכם על העם הרב הזה׃
• מל״א 10:1 : 1 ¶ ומלכת שבא שמעת את שמע שלמה לשם יהוה ותבא לנסתו בחידות׃
• מל״א 10:6 : 6 ותאמר אל המלך אמת היה הדבר אשר שמעתי בארצי על דבריך ועל חכמתך׃