מלכים א׳ 6:21

תנ ך עברי מודרני

ויצף שלמה את הבית מפנימה זהב סגור ויעבר ברתיקות זהב לפני הדביר ויצפהו זהב׃

משאבים נוספים

פסוקים מקושרים

  • שמ׳ 26:29 : 29 ואת הקרשים תצפה זהב ואת טבעתיהם תעשה זהב בתים לבריחם וצפית את הבריחם זהב׃
  • שמ׳ 26:32-33 : 32 ונתתה אתה על ארבעה עמודי שטים מצפים זהב וויהם זהב על ארבעה אדני כסף׃ 33 ונתתה את הפרכת תחת הקרסים והבאת שמה מבית לפרכת את ארון העדות והבדילה הפרכת לכם בין הקדש ובין קדש הקדשים׃
  • שמ׳ 36:34 : 34 ואת הקרשים צפה זהב ואת טבעתם עשה זהב בתים לבריחם ויצף את הבריחם זהב׃
  • מל״א 6:5 : 5 ויבן על קיר הבית יצוע סביב את קירות הבית סביב להיכל ולדביר ויעש צלעות סביב׃
  • דה״ב 3:7-9 : 7 ויחף את הבית הקרות הספים וקירותיו ודלתותיו זהב ופתח כרובים על הקירות׃ 8 ויעש את בית קדש הקדשים ארכו על פני רחב הבית אמות עשרים ורחבו אמות עשרים ויחפהו זהב טוב לככרים שש מאות׃ 9 ומשקל למסמרות לשקלים חמשים זהב והעליות חפה זהב׃
  • דה״ב 3:14-16 : 14 ויעש את הפרכת תכלת וארגמן וכרמיל ובוץ ויעל עליו כרובים׃ 15 ויעש לפני הבית עמודים שנים אמות שלשים וחמש ארך והצפת אשר על ראשו אמות חמש׃ 16 ויעש שרשרות בדביר ויתן על ראש העמדים ויעש רמונים מאה ויתן בשרשרות׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מל״א 6:22-23
    2 פסוקים
    90%

    22ואת כל הבית צפה זהב עד תם כל הבית וכל המזבח אשר לדביר צפה זהב׃

    23ויעש בדביר שני כרובים עצי שמן עשר אמות קומתו׃

  • מל״א 6:19-20
    2 פסוקים
    85%

    19ודביר בתוך הבית מפנימה הכין לתתן שם את ארון ברית יהוה׃

    20ולפני הדביר עשרים אמה ארך ועשרים אמה רחב ועשרים אמה קומתו ויצפהו זהב סגור ויצף מזבח ארז׃

  • מל״א 6:28-32
    5 פסוקים
    84%

    28ויצף את הכרובים זהב׃

    29ואת כל קירות הבית מסב קלע פתוחי מקלעות כרובים ותמרת ופטורי צצים מלפנים ולחיצון׃

    30ואת קרקע הבית צפה זהב לפנימה ולחיצון׃

    31ואת פתח הדביר עשה דלתות עצי שמן האיל מזוזות חמשית׃

    32ושתי דלתות עצי שמן וקלע עליהם מקלעות כרובים ותמרות ופטורי צצים וצפה זהב וירד על הכרובים ועל התמרות את הזהב׃

  • דה״ב 3:4-10
    7 פסוקים
    81%

    4והאולם אשר על פני הארך על פני רחב הבית אמות עשרים והגבה מאה ועשרים ויצפהו מפנימה זהב טהור׃

    5ואת הבית הגדול חפה עץ ברושים ויחפהו זהב טוב ויעל עליו תמרים ושרשרות׃

    6ויצף את הבית אבן יקרה לתפארת והזהב זהב פרוים׃

    7ויחף את הבית הקרות הספים וקירותיו ודלתותיו זהב ופתח כרובים על הקירות׃

    8ויעש את בית קדש הקדשים ארכו על פני רחב הבית אמות עשרים ורחבו אמות עשרים ויחפהו זהב טוב לככרים שש מאות׃

    9ומשקל למסמרות לשקלים חמשים זהב והעליות חפה זהב׃

    10ויעש בבית קדש הקדשים כרובים שנים מעשה צעצעים ויצפו אתם זהב׃

  • שמ׳ 36:34
    78%

    34ואת הקרשים צפה זהב ואת טבעתם עשה זהב בתים לבריחם ויצף את הבריחם זהב׃

  • שמ׳ 37:2
    77%

    2ויצפהו זהב טהור מבית ומחוץ ויעש לו זר זהב סביב׃

  • שמ׳ 37:11
    76%

    11ויצף אתו זהב טהור ויעש לו זר זהב סביב׃

  • דה״ב 4:20-22
    3 פסוקים
    76%

    20ואת המנרות ונרתיהם לבערם כמשפט לפני הדביר זהב סגור׃

    21והפרח והנרות והמלקחים זהב הוא מכלות זהב׃

    22והמזמרות והמזרקות והכפות והמחתות זהב סגור ופתח הבית דלתותיו הפנימיות לקדש הקדשים ודלתי הבית להיכל זהב׃

  • מל״א 6:14-17
    4 פסוקים
    76%

    14ויבן שלמה את הבית ויכלהו׃

    15ויבן את קירות הבית מביתה בצלעות ארזים מקרקע הבית עד קירות הספן צפה עץ מבית ויצף את קרקע הבית בצלעות ברושים׃

    16ויבן את עשרים אמה מירכותי הבית בצלעות ארזים מן הקרקע עד הקירות ויבן לו מבית לדביר לקדש הקדשים׃

    17וארבעים באמה היה הבית הוא ההיכל לפני׃

  • שמ׳ 25:11
    76%

    11וצפית אתו זהב טהור מבית ומחוץ תצפנו ועשית עליו זר זהב סביב׃

  • מל״א 6:35
    76%

    35וקלע כרובים ותמרות ופטרי צצים וצפה זהב מישר על המחקה׃

  • דה״ב 3:16
    75%

    16ויעש שרשרות בדביר ויתן על ראש העמדים ויעש רמונים מאה ויתן בשרשרות׃

  • שמ׳ 37:26
    75%

    26ויצף אתו זהב טהור את גגו ואת קירתיו סביב ואת קרנתיו ויעש לו זר זהב סביב׃

  • מל״א 7:48-51
    4 פסוקים
    74%

    48ויעש שלמה את כל הכלים אשר בית יהוה את מזבח הזהב ואת השלחן אשר עליו לחם הפנים זהב׃

    49ואת המנרות חמש מימין וחמש משמאול לפני הדביר זהב סגור והפרח והנרת והמלקחים זהב׃

    50והספות והמזמרות והמזרקות והכפות והמחתות זהב סגור והפתות לדלתות הבית הפנימי לקדש הקדשים לדלתי הבית להיכל זהב׃

    51ותשלם כל המלאכה אשר עשה המלך שלמה בית יהוה ויבא שלמה את קדשי דוד אביו את הכסף ואת הזהב ואת הכלים נתן באצרות בית יהוה׃

  • מל״א 6:5-6
    2 פסוקים
    74%

    5ויבן על קיר הבית יצוע סביב את קירות הבית סביב להיכל ולדביר ויעש צלעות סביב׃

    6היצוע התחתנה חמש באמה רחבה והתיכנה שש באמה רחבה והשלישית שבע באמה רחבה כי מגרעות נתן לבית סביב חוצה לבלתי אחז בקירות הבית׃

  • שמ׳ 26:29
    74%

    29ואת הקרשים תצפה זהב ואת טבעתיהם תעשה זהב בתים לבריחם וצפית את הבריחם זהב׃

  • דה״ב 5:1
    74%

    1¶ ותשלם כל המלאכה אשר עשה שלמה לבית יהוה ויבא שלמה את קדשי דויד אביו ואת הכסף ואת הזהב ואת כל הכלים נתן באצרות בית האלהים׃

  • מל״א 10:17-18
    2 פסוקים
    74%

    17ושלש מאות מגנים זהב שחוט שלשת מנים זהב יעלה על המגן האחת ויתנם המלך בית יער הלבנון׃

    18ויעש המלך כסא שן גדול ויצפהו זהב מופז׃

  • מל״א 6:2-3
    2 פסוקים
    74%

    2והבית אשר בנה המלך שלמה ליהוה ששים אמה ארכו ועשרים רחבו ושלשים אמה קומתו׃

    3והאולם על פני היכל הבית עשרים אמה ארכו על פני רחב הבית עשר באמה רחבו על פני הבית׃

  • דה״ב 9:17
    74%

    17ויעש המלך כסא שן גדול ויצפהו זהב טהור׃

  • שמ׳ 25:24
    73%

    24וצפית אתו זהב טהור ועשית לו זר זהב סביב׃

  • מל״א 10:21
    72%

    21וכל כלי משקה המלך שלמה זהב וכל כלי בית יער הלבנון זהב סגור אין כסף לא נחשב בימי שלמה למאומה׃

  • שמ׳ 36:36
    72%

    36ויעש לה ארבעה עמודי שטים ויצפם זהב וויהם זהב ויצק להם ארבעה אדני כסף׃

  • שמ׳ 40:26
    72%

    26וישם את מזבח הזהב באהל מועד לפני הפרכת׃

  • מל״א 6:11
    72%

    11ויהי דבר יהוה אל שלמה לאמר׃

  • שמ׳ 37:24
    72%

    24ככר זהב טהור עשה אתה ואת כל כליה׃

  • יח׳ 41:17
    72%

    17על מעל הפתח ועד הבית הפנימי ולחוץ ואל כל הקיר סביב סביב בפנימי ובחיצון מדות׃