שמואל א׳ 20:17

תנ ך עברי מודרני

ויוסף יהונתן להשביע את דוד באהבתו אתו כי אהבת נפשו אהבו׃

משאבים נוספים

פסוקים מקושרים

  • שמ״א 18:1 : 1 ¶ ויהי ככלתו לדבר אל שאול ונפש יהונתן נקשרה בנפש דוד ויאהבו יהונתן כנפשו׃
  • שמ״א 18:3 : 3 ויכרת יהונתן ודוד ברית באהבתו אתו כנפשו׃
  • שמ״ב 1:26 : 26 צר לי עליך אחי יהונתן נעמת לי מאד נפלאתה אהבתך לי מאהבת נשים׃
  • מש׳ 18:24 : 24 איש רעים להתרעע ויש אהב דבק מאח׃
  • דב׳ 13:6 : 6 כי יסיתך אחיך בן אמך או בנך או בתך או אשת חיקך או רעך אשר כנפשך בסתר לאמר נלכה ונעבדה אלהים אחרים אשר לא ידעת אתה ואבתיך׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • שמ״א 18:1-4
    4 פסוקים
    91%

    1¶ ויהי ככלתו לדבר אל שאול ונפש יהונתן נקשרה בנפש דוד ויאהבו יהונתן כנפשו׃

    2ויקחהו שאול ביום ההוא ולא נתנו לשוב בית אביו׃

    3ויכרת יהונתן ודוד ברית באהבתו אתו כנפשו׃

    4ויתפשט יהונתן את המעיל אשר עליו ויתנהו לדוד ומדיו ועד חרבו ועד קשתו ועד חגרו׃

  • שמ״א 20:8-16
    9 פסוקים
    81%

    8ועשית חסד על עבדך כי בברית יהוה הבאת את עבדך עמך ואם יש בי עון המיתני אתה ועד אביך למה זה תביאני׃

    9ויאמר יהונתן חלילה לך כי אם ידע אדע כי כלתה הרעה מעם אבי לבוא עליך ולא אתה אגיד לך׃

    10ויאמר דוד אל יהונתן מי יגיד לי או מה יענך אביך קשה׃

    11ויאמר יהונתן אל דוד לכה ונצא השדה ויצאו שניהם השדה׃

    12ויאמר יהונתן אל דוד יהוה אלהי ישראל כי אחקר את אבי כעת מחר השלשית והנה טוב אל דוד ולא אז אשלח אליך וגליתי את אזנך׃

    13כה יעשה יהוה ליהונתן וכה יסיף כי ייטב אל אבי את הרעה עליך וגליתי את אזנך ושלחתיך והלכת לשלום ויהי יהוה עמך כאשר היה עם אבי׃

    14ולא אם עודני חי ולא תעשה עמדי חסד יהוה ולא אמות׃

    15ולא תכרת את חסדך מעם ביתי עד עולם ולא בהכרת יהוה את איבי דוד איש מעל פני האדמה׃

    16ויכרת יהונתן עם בית דוד ובקש יהוה מיד איבי דוד׃

  • שמ״א 20:1-5
    5 פסוקים
    78%

    1¶ ויברח דוד מנוית ברמה ויבא ויאמר לפני יהונתן מה עשיתי מה עוני ומה חטאתי לפני אביך כי מבקש את נפשי׃

    2ויאמר לו חלילה לא תמות הנה לו עשה אבי דבר גדול או דבר קטן ולא יגלה את אזני ומדוע יסתיר אבי ממני את הדבר הזה אין זאת׃

    3וישבע עוד דוד ויאמר ידע ידע אביך כי מצאתי חן בעיניך ויאמר אל ידע זאת יהונתן פן יעצב ואולם חי יהוה וחי נפשך כי כפשע ביני ובין המות׃

    4ויאמר יהונתן אל דוד מה תאמר נפשך ואעשה לך׃

    5ויאמר דוד אל יהונתן הנה חדש מחר ואנכי ישב אשב עם המלך לאכול ושלחתני ונסתרתי בשדה עד הערב השלשית׃

  • שמ״א 20:41-42
    2 פסוקים
    77%

    41הנער בא ודוד קם מאצל הנגב ויפל לאפיו ארצה וישתחו שלש פעמים וישקו איש את רעהו ויבכו איש את רעהו עד דוד הגדיל׃

    42ויאמר יהונתן לדוד לך לשלום אשר נשבענו שנינו אנחנו בשם יהוה לאמר יהוה יהיה ביני ובינך ובין זרעי ובין זרעך עד עולם ויקם וילך ויהונתן בא העיר׃

  • שמ״א 23:16-18
    3 פסוקים
    75%

    16ויקם יהונתן בן שאול וילך אל דוד חרשה ויחזק את ידו באלהים׃

    17ויאמר אליו אל תירא כי לא תמצאך יד שאול אבי ואתה תמלך על ישראל ואנכי אהיה לך למשנה וגם שאול אבי ידע כן׃

    18ויכרתו שניהם ברית לפני יהוה וישב דוד בחרשה ויהונתן הלך לביתו׃

  • שמ״א 19:1-7
    7 פסוקים
    75%

    1¶ וידבר שאול אל יונתן בנו ואל כל עבדיו להמית את דוד ויהונתן בן שאול חפץ בדוד מאד׃

    2ויגד יהונתן לדוד לאמר מבקש שאול אבי להמיתך ועתה השמר נא בבקר וישבת בסתר ונחבאת׃

    3ואני אצא ועמדתי ליד אבי בשדה אשר אתה שם ואני אדבר בך אל אבי וראיתי מה והגדתי לך׃

    4וידבר יהונתן בדוד טוב אל שאול אביו ויאמר אליו אל יחטא המלך בעבדו בדוד כי לוא חטא לך וכי מעשיו טוב לך מאד׃

    5וישם את נפשו בכפו ויך את הפלשתי ויעש יהוה תשועה גדולה לכל ישראל ראית ותשמח ולמה תחטא בדם נקי להמית את דוד חנם׃

    6וישמע שאול בקול יהונתן וישבע שאול חי יהוה אם יומת׃

    7ויקרא יהונתן לדוד ויגד לו יהונתן את כל הדברים האלה ויבא יהונתן את דוד אל שאול ויהי לפניו כאתמול שלשום׃

  • שמ״ב 1:25-26
    2 פסוקים
    74%

    25איך נפלו גברים בתוך המלחמה יהונתן על במותיך חלל׃

    26צר לי עליך אחי יהונתן נעמת לי מאד נפלאתה אהבתך לי מאהבת נשים׃

  • שמ״ב 1:17
    72%

    17ויקנן דוד את הקינה הזאת על שאול ועל יהונתן בנו׃

  • שמ״א 20:18
    71%

    18ויאמר לו יהונתן מחר חדש ונפקדת כי יפקד מושבך׃

  • שמ״א 20:32-35
    4 פסוקים
    71%

    32ויען יהונתן את שאול אביו ויאמר אליו למה יומת מה עשה׃

    33ויטל שאול את החנית עליו להכתו וידע יהונתן כי כלה היא מעם אביו להמית את דוד׃

    34ויקם יהונתן מעם השלחן בחרי אף ולא אכל ביום החדש השני לחם כי נעצב אל דוד כי הכלמו אביו׃

    35ויהי בבקר ויצא יהונתן השדה למועד דוד ונער קטן עמו׃

  • שמ״א 14:44-45
    2 פסוקים
    70%

    44ויאמר שאול כה יעשה אלהים וכה יוסף כי מות תמות יונתן׃

    45ויאמר העם אל שאול היונתן ימות אשר עשה הישועה הגדולה הזאת בישראל חלילה חי יהוה אם יפל משערת ראשו ארצה כי עם אלהים עשה היום הזה ויפדו העם את יונתן ולא מת׃

  • שמ״א 20:27-28
    2 פסוקים
    69%

    27ויהי ממחרת החדש השני ויפקד מקום דוד ויאמר שאול אל יהונתן בנו מדוע לא בא בן ישי גם תמול גם היום אל הלחם׃

    28ויען יהונתן את שאול נשאל נשאל דוד מעמדי עד בית לחם׃

  • שמ״א 16:21
    69%

    21ויבא דוד אל שאול ויעמד לפניו ויאהבהו מאד ויהי לו נשא כלים׃

  • שמ״ב 21:7
    69%

    7ויחמל המלך על מפיבשת בן יהונתן בן שאול על שבעת יהוה אשר בינתם בין דוד ובין יהונתן בן שאול׃

  • שמ״א 18:16
    69%

    16וכל ישראל ויהודה אהב את דוד כי הוא יוצא ובא לפניהם׃

  • שמ״א 14:39
    68%

    39כי חי יהוה המושיע את ישראל כי אם ישנו ביונתן בני כי מות ימות ואין ענהו מכל העם׃

  • שמ״א 24:22
    67%

    22וישבע דוד לשאול וילך שאול אל ביתו ודוד ואנשיו עלו על המצודה׃

  • שמ״א 20:39
    67%

    39והנער לא ידע מאומה אך יהונתן ודוד ידעו את הדבר׃

  • שמ״א 18:22
    67%

    22ויצו שאול את עבדו דברו אל דוד בלט לאמר הנה חפץ בך המלך וכל עבדיו אהבוך ועתה התחתן במלך׃

  • שמ״א 18:28
    67%

    28וירא שאול וידע כי יהוה עם דוד ומיכל בת שאול אהבתהו׃