שמואל א׳ 18:28

תנ ך עברי מודרני

וירא שאול וידע כי יהוה עם דוד ומיכל בת שאול אהבתהו׃

משאבים נוספים

פסוקים מקושרים

  • בר׳ 30:27 : 27 ויאמר אליו לבן אם נא מצאתי חן בעיניך נחשתי ויברכני יהוה בגללך׃
  • בר׳ 37:8-9 : 8 ויאמרו לו אחיו המלך תמלך עלינו אם משול תמשל בנו ויוספו עוד שנא אתו על חלמתיו ועל דבריו׃ 9 ויחלם עוד חלום אחר ויספר אתו לאחיו ויאמר הנה חלמתי חלום עוד והנה השמש והירח ואחד עשר כוכבים משתחוים לי׃ 10 ויספר אל אביו ואל אחיו ויגער בו אביו ויאמר לו מה החלום הזה אשר חלמת הבוא נבוא אני ואמך ואחיך להשתחות לך ארצה׃ 11 ויקנאו בו אחיו ואביו שמר את הדבר׃
  • בר׳ 39:3 : 3 וירא אדניו כי יהוה אתו וכל אשר הוא עשה יהוה מצליח בידו׃
  • שמ״א 24:20 : 20 ועתה הנה ידעתי כי מלך תמלוך וקמה בידך ממלכת ישראל׃
  • שמ״א 26:25 : 25 ויאמר שאול אל דוד ברוך אתה בני דוד גם עשה תעשה וגם יכל תוכל וילך דוד לדרכו ושאול שב למקומו׃
  • התגל׳ 3:9 : 9 הנני נתן אנשים מכנסית השטן האמרים יהודים אנחנו ואינם כי כזבים המה הנני עשה אשר יבאו להשתחות לפני רגליך וידעו כי אני אהבתיך׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • שמ״א 18:12-27
    16 פסוקים
    89%

    12וירא שאול מלפני דוד כי היה יהוה עמו ומעם שאול סר׃

    13ויסרהו שאול מעמו וישמהו לו שר אלף ויצא ויבא לפני העם׃

    14ויהי דוד לכל דרכו משכיל ויהוה עמו׃

    15וירא שאול אשר הוא משכיל מאד ויגר מפניו׃

    16וכל ישראל ויהודה אהב את דוד כי הוא יוצא ובא לפניהם׃

    17ויאמר שאול אל דוד הנה בתי הגדולה מרב אתה אתן לך לאשה אך היה לי לבן חיל והלחם מלחמות יהוה ושאול אמר אל תהי ידי בו ותהי בו יד פלשתים׃

    18ויאמר דוד אל שאול מי אנכי ומי חיי משפחת אבי בישראל כי אהיה חתן למלך׃

    19ויהי בעת תת את מרב בת שאול לדוד והיא נתנה לעדריאל המחלתי לאשה׃

    20ותאהב מיכל בת שאול את דוד ויגדו לשאול וישר הדבר בעיניו׃

    21ויאמר שאול אתננה לו ותהי לו למוקש ותהי בו יד פלשתים ויאמר שאול אל דוד בשתים תתחתן בי היום׃

    22ויצו שאול את עבדו דברו אל דוד בלט לאמר הנה חפץ בך המלך וכל עבדיו אהבוך ועתה התחתן במלך׃

    23וידברו עבדי שאול באזני דוד את הדברים האלה ויאמר דוד הנקלה בעיניכם התחתן במלך ואנכי איש רש ונקלה׃

    24ויגדו עבדי שאול לו לאמר כדברים האלה דבר דוד׃

    25ויאמר שאול כה תאמרו לדוד אין חפץ למלך במהר כי במאה ערלות פלשתים להנקם באיבי המלך ושאול חשב להפיל את דוד ביד פלשתים׃

    26ויגדו עבדיו לדוד את הדברים האלה וישר הדבר בעיני דוד להתחתן במלך ולא מלאו הימים׃

    27ויקם דוד וילך הוא ואנשיו ויך בפלשתים מאתים איש ויבא דוד את ערלתיהם וימלאום למלך להתחתן במלך ויתן לו שאול את מיכל בתו לאשה׃

  • שמ״א 18:29-30
    2 פסוקים
    77%

    29ויאסף שאול לרא מפני דוד עוד ויהי שאול איב את דוד כל הימים׃

    30ויצאו שרי פלשתים ויהי מדי צאתם שכל דוד מכל עבדי שאול וייקר שמו מאד׃

  • שמ״ב 6:16
    74%

    16והיה ארון יהוה בא עיר דוד ומיכל בת שאול נשקפה בעד החלון ותרא את המלך דוד מפזז ומכרכר לפני יהוה ותבז לו בלבה׃

  • שמ״א 16:21-22
    2 פסוקים
    74%

    21ויבא דוד אל שאול ויעמד לפניו ויאהבהו מאד ויהי לו נשא כלים׃

    22וישלח שאול אל ישי לאמר יעמד נא דוד לפני כי מצא חן בעיני׃

  • שמ״א 19:11-12
    2 פסוקים
    74%

    11וישלח שאול מלאכים אל בית דוד לשמרו ולהמיתו בבקר ותגד לדוד מיכל אשתו לאמר אם אינך ממלט את נפשך הלילה מחר אתה מומת׃

    12ותרד מיכל את דוד בעד החלון וילך ויברח וימלט׃

  • שמ״א 25:44
    74%

    44ושאול נתן את מיכל בתו אשת דוד לפלטי בן ליש אשר מגלים׃

  • דה״א 15:29
    74%

    29ויהי ארון ברית יהוה בא עד עיר דויד ומיכל בת שאול נשקפה בעד החלון ותרא את המלך דויד מרקד ומשחק ותבז לו בלבה׃

  • שמ״א 18:9
    73%

    9ויהי שאול עון את דוד מהיום ההוא והלאה׃

  • שמ״ב 3:13-14
    2 פסוקים
    73%

    13ויאמר טוב אני אכרת אתך ברית אך דבר אחד אנכי שאל מאתך לאמר לא תראה את פני כי אם לפני הביאך את מיכל בת שאול בבאך לראות את פני׃

    14וישלח דוד מלאכים אל איש בשת בן שאול לאמר תנה את אשתי את מיכל אשר ארשתי לי במאה ערלות פלשתים׃

  • שמ״א 18:5
    73%

    5ויצא דוד בכל אשר ישלחנו שאול ישכיל וישמהו שאול על אנשי המלחמה וייטב בעיני כל העם וגם בעיני עבדי שאול׃

  • שמ״א 19:17-18
    2 פסוקים
    72%

    17ויאמר שאול אל מיכל למה ככה רמיתני ותשלחי את איבי וימלט ותאמר מיכל אל שאול הוא אמר אלי שלחני למה אמיתך׃

    18ודוד ברח וימלט ויבא אל שמואל הרמתה ויגד לו את כל אשר עשה לו שאול וילך הוא ושמואל וישבו בנוית׃

  • שמ״א 26:17
    72%

    17ויכר שאול את קול דוד ויאמר הקולך זה בני דוד ויאמר דוד קולי אדני המלך׃

  • שמ״ב 6:20-21
    2 פסוקים
    72%

    20וישב דוד לברך את ביתו ותצא מיכל בת שאול לקראת דוד ותאמר מה נכבד היום מלך ישראל אשר נגלה היום לעיני אמהות עבדיו כהגלות נגלות אחד הרקים׃

    21ויאמר דוד אל מיכל לפני יהוה אשר בחר בי מאביך ומכל ביתו לצות אתי נגיד על עם יהוה על ישראל ושחקתי לפני יהוה׃

  • שמ״א 18:1-3
    3 פסוקים
    72%

    1¶ ויהי ככלתו לדבר אל שאול ונפש יהונתן נקשרה בנפש דוד ויאהבו יהונתן כנפשו׃

    2ויקחהו שאול ביום ההוא ולא נתנו לשוב בית אביו׃

    3ויכרת יהונתן ודוד ברית באהבתו אתו כנפשו׃

  • שמ״א 19:14
    71%

    14וישלח שאול מלאכים לקחת את דוד ותאמר חלה הוא׃

  • שמ״א 17:31
    71%

    31וישמעו הדברים אשר דבר דוד ויגדו לפני שאול ויקחהו׃

  • שמ״א 19:7
    70%

    7ויקרא יהונתן לדוד ויגד לו יהונתן את כל הדברים האלה ויבא יהונתן את דוד אל שאול ויהי לפניו כאתמול שלשום׃

  • שמ״א 26:25
    70%

    25ויאמר שאול אל דוד ברוך אתה בני דוד גם עשה תעשה וגם יכל תוכל וילך דוד לדרכו ושאול שב למקומו׃

  • שמ״א 19:1
    70%

    1¶ וידבר שאול אל יונתן בנו ואל כל עבדיו להמית את דוד ויהונתן בן שאול חפץ בדוד מאד׃

  • שמ״ב 5:12
    70%

    12וידע דוד כי הכינו יהוה למלך על ישראל וכי נשא ממלכתו בעבור עמו ישראל׃

  • שמ״א 28:21
    70%

    21ותבוא האשה אל שאול ותרא כי נבהל מאד ותאמר אליו הנה שמעה שפחתך בקולך ואשים נפשי בכפי ואשמע את דבריך אשר דברת אלי׃

  • שמ״א 17:37
    70%

    37ויאמר דוד יהוה אשר הצלני מיד הארי ומיד הדב הוא יצילני מיד הפלשתי הזה ויאמר שאול אל דוד לך ויהוה יהיה עמך׃

  • שמ״א 24:16
    70%

    16ויהי ככלות דוד לדבר את הדברים האלה אל שאול ויאמר שאול הקלך זה בני דוד וישא שאול קלו ויבך׃

  • שמ״א 14:49
    69%

    49ויהיו בני שאול יונתן וישוי ומלכי שוע ושם שתי בנתיו שם הבכירה מרב ושם הקטנה מיכל׃

  • שמ״ב 6:23
    69%

    23ולמיכל בת שאול לא היה לה ילד עד יום מותה׃

  • שמ״א 16:18
    69%

    18ויען אחד מהנערים ויאמר הנה ראיתי בן לישי בית הלחמי ידע נגן וגבור חיל ואיש מלחמה ונבון דבר ואיש תאר ויהוה עמו׃

  • שמ״א 17:25
    69%

    25ויאמר איש ישראל הראיתם האיש העלה הזה כי לחרף את ישראל עלה והיה האיש אשר יכנו יעשרנו המלך עשר גדול ואת בתו יתן לו ואת בית אביו יעשה חפשי בישראל׃