שמואל א׳ 25:44

תנ ך עברי מודרני

ושאול נתן את מיכל בתו אשת דוד לפלטי בן ליש אשר מגלים׃

משאבים נוספים

פסוקים מקושרים

  • שמ״א 18:27 : 27 ויקם דוד וילך הוא ואנשיו ויך בפלשתים מאתים איש ויבא דוד את ערלתיהם וימלאום למלך להתחתן במלך ויתן לו שאול את מיכל בתו לאשה׃
  • שמ״ב 3:14 : 14 וישלח דוד מלאכים אל איש בשת בן שאול לאמר תנה את אשתי את מיכל אשר ארשתי לי במאה ערלות פלשתים׃
  • יש׳ 10:30 : 30 צהלי קולך בת גלים הקשיבי לישה עניה ענתות׃
  • שמ״א 18:20 : 20 ותאהב מיכל בת שאול את דוד ויגדו לשאול וישר הדבר בעיניו׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • שמ״ב 3:13-15
    3 פסוקים
    77%

    13ויאמר טוב אני אכרת אתך ברית אך דבר אחד אנכי שאל מאתך לאמר לא תראה את פני כי אם לפני הביאך את מיכל בת שאול בבאך לראות את פני׃

    14וישלח דוד מלאכים אל איש בשת בן שאול לאמר תנה את אשתי את מיכל אשר ארשתי לי במאה ערלות פלשתים׃

    15וישלח איש בשת ויקחה מעם איש מעם פלטיאל בן לוש׃

  • שמ״א 18:24-29
    6 פסוקים
    76%

    24ויגדו עבדי שאול לו לאמר כדברים האלה דבר דוד׃

    25ויאמר שאול כה תאמרו לדוד אין חפץ למלך במהר כי במאה ערלות פלשתים להנקם באיבי המלך ושאול חשב להפיל את דוד ביד פלשתים׃

    26ויגדו עבדיו לדוד את הדברים האלה וישר הדבר בעיני דוד להתחתן במלך ולא מלאו הימים׃

    27ויקם דוד וילך הוא ואנשיו ויך בפלשתים מאתים איש ויבא דוד את ערלתיהם וימלאום למלך להתחתן במלך ויתן לו שאול את מיכל בתו לאשה׃

    28וירא שאול וידע כי יהוה עם דוד ומיכל בת שאול אהבתהו׃

    29ויאסף שאול לרא מפני דוד עוד ויהי שאול איב את דוד כל הימים׃

  • שמ״א 18:17-22
    6 פסוקים
    76%

    17ויאמר שאול אל דוד הנה בתי הגדולה מרב אתה אתן לך לאשה אך היה לי לבן חיל והלחם מלחמות יהוה ושאול אמר אל תהי ידי בו ותהי בו יד פלשתים׃

    18ויאמר דוד אל שאול מי אנכי ומי חיי משפחת אבי בישראל כי אהיה חתן למלך׃

    19ויהי בעת תת את מרב בת שאול לדוד והיא נתנה לעדריאל המחלתי לאשה׃

    20ותאהב מיכל בת שאול את דוד ויגדו לשאול וישר הדבר בעיניו׃

    21ויאמר שאול אתננה לו ותהי לו למוקש ותהי בו יד פלשתים ויאמר שאול אל דוד בשתים תתחתן בי היום׃

    22ויצו שאול את עבדו דברו אל דוד בלט לאמר הנה חפץ בך המלך וכל עבדיו אהבוך ועתה התחתן במלך׃

  • שמ״א 25:42-43
    2 פסוקים
    75%

    42ותמהר ותקם אביגיל ותרכב על החמור וחמש נערתיה ההלכות לרגלה ותלך אחרי מלאכי דוד ותהי לו לאשה׃

    43ואת אחינעם לקח דוד מיזרעאל ותהיין גם שתיהן לו לנשים׃

  • שמ״א 19:11-14
    4 פסוקים
    71%

    11וישלח שאול מלאכים אל בית דוד לשמרו ולהמיתו בבקר ותגד לדוד מיכל אשתו לאמר אם אינך ממלט את נפשך הלילה מחר אתה מומת׃

    12ותרד מיכל את דוד בעד החלון וילך ויברח וימלט׃

    13ותקח מיכל את התרפים ותשם אל המטה ואת כביר העזים שמה מראשתיו ותכס בבגד׃

    14וישלח שאול מלאכים לקחת את דוד ותאמר חלה הוא׃

  • שמ״א 14:49-50
    2 פסוקים
    69%

    49ויהיו בני שאול יונתן וישוי ומלכי שוע ושם שתי בנתיו שם הבכירה מרב ושם הקטנה מיכל׃

    50ושם אשת שאול אחינעם בת אחימעץ ושם שר צבאו אבינר בן נר דוד שאול׃

  • שמ״ב 6:23
    69%

    23ולמיכל בת שאול לא היה לה ילד עד יום מותה׃

  • שמ״א 19:17
    69%

    17ויאמר שאול אל מיכל למה ככה רמיתני ותשלחי את איבי וימלט ותאמר מיכל אל שאול הוא אמר אלי שלחני למה אמיתך׃

  • שמ״ב 6:20-21
    2 פסוקים
    69%

    20וישב דוד לברך את ביתו ותצא מיכל בת שאול לקראת דוד ותאמר מה נכבד היום מלך ישראל אשר נגלה היום לעיני אמהות עבדיו כהגלות נגלות אחד הרקים׃

    21ויאמר דוד אל מיכל לפני יהוה אשר בחר בי מאביך ומכל ביתו לצות אתי נגיד על עם יהוה על ישראל ושחקתי לפני יהוה׃

  • שמ״א 27:2-4
    3 פסוקים
    68%

    2ויקם דוד ויעבר הוא ושש מאות איש אשר עמו אל אכיש בן מעוך מלך גת׃

    3וישב דוד עם אכיש בגת הוא ואנשיו איש וביתו דוד ושתי נשיו אחינעם היזרעאלית ואביגיל אשת נבל הכרמלית׃

    4ויגד לשאול כי ברח דוד גת ולא יוסף עוד לבקשו׃

  • שמ״ב 21:8
    67%

    8ויקח המלך את שני בני רצפה בת איה אשר ילדה לשאול את ארמני ואת מפבשת ואת חמשת בני מיכל בת שאול אשר ילדה לעדריאל בן ברזלי המחלתי׃

  • שמ״א 25:40
    67%

    40ויבאו עבדי דוד אל אביגיל הכרמלה וידברו אליה לאמר דוד שלחנו אליך לקחתך לו לאשה׃

  • שמ״א 17:25
    66%

    25ויאמר איש ישראל הראיתם האיש העלה הזה כי לחרף את ישראל עלה והיה האיש אשר יכנו יעשרנו המלך עשר גדול ואת בתו יתן לו ואת בית אביו יעשה חפשי בישראל׃

  • שמ״א 30:5
    66%

    5ושתי נשי דוד נשבו אחינעם היזרעלית ואביגיל אשת נבל הכרמלי׃

  • דה״א 15:29
    66%

    29ויהי ארון ברית יהוה בא עד עיר דויד ומיכל בת שאול נשקפה בעד החלון ותרא את המלך דויד מרקד ומשחק ותבז לו בלבה׃

  • שמ״ב 11:27
    66%

    27ויעבר האבל וישלח דוד ויאספה אל ביתו ותהי לו לאשה ותלד לו בן וירע הדבר אשר עשה דוד בעיני יהוה׃

  • שמ״ב 6:16
    66%

    16והיה ארון יהוה בא עיר דוד ומיכל בת שאול נשקפה בעד החלון ותרא את המלך דוד מפזז ומכרכר לפני יהוה ותבז לו בלבה׃

  • שמ״א 27:11
    65%

    11ואיש ואשה לא יחיה דוד להביא גת לאמר פן יגדו עלינו לאמר כה עשה דוד וכה משפטו כל הימים אשר ישב בשדה פלשתים׃

  • דה״א 14:3
    65%

    3ויקח דויד עוד נשים בירושלם ויולד דויד עוד בנים ובנות׃

  • שמ״א 22:14
    65%

    14ויען אחימלך את המלך ויאמר ומי בכל עבדיך כדוד נאמן וחתן המלך וסר אל משמעתך ונכבד בביתך׃

  • שמ״א 24:22
    65%

    22וישבע דוד לשאול וילך שאול אל ביתו ודוד ואנשיו עלו על המצודה׃

  • דה״א 18:1
    65%

    1¶ ויהי אחרי כן ויך דויד את פלשתים ויכניעם ויקח את גת ובנתיה מיד פלשתים׃

  • שמ״א 23:28
    65%

    28וישב שאול מרדף אחרי דוד וילך לקראת פלשתים על כן קראו למקום ההוא סלע המחלקות׃

  • שמ״א 25:21
    65%

    21ודוד אמר אך לשקר שמרתי את כל אשר לזה במדבר ולא נפקד מכל אשר לו מאומה וישב לי רעה תחת טובה׃

  • שמ״ב 5:13
    64%

    13ויקח דוד עוד פלגשים ונשים מירושלם אחרי באו מחברון ויולדו עוד לדוד בנים ובנות׃

  • שמ״א 21:10
    64%

    10ויקם דוד ויברח ביום ההוא מפני שאול ויבא אל אכיש מלך גת׃

  • דה״ב 8:11
    64%

    11ואת בת פרעה העלה שלמה מעיר דויד לבית אשר בנה לה כי אמר לא תשב אשה לי בבית דויד מלך ישראל כי קדש המה אשר באה אליהם ארון יהוה׃

  • שמ״א 25:35
    63%

    35ויקח דוד מידה את אשר הביאה לו ולה אמר עלי לשלום לביתך ראי שמעתי בקולך ואשא פניך׃

  • שמ״א 13:23
    63%

    23ויצא מצב פלשתים אל מעבר מכמש׃