שמואל א׳ 20:37

תנ ך עברי מודרני

ויבא הנער עד מקום החצי אשר ירה יהונתן ויקרא יהונתן אחרי הנער ויאמר הלוא החצי ממך והלאה׃

משאבים נוספים

פסוקים מקושרים

  • שמ״א 20:22 : 22 ואם כה אמר לעלם הנה החצים ממך והלאה לך כי שלחך יהוה׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • שמ״א 20:35-36
    2 פסוקים
    92%

    35ויהי בבקר ויצא יהונתן השדה למועד דוד ונער קטן עמו׃

    36ויאמר לנערו רץ מצא נא את החצים אשר אנכי מורה הנער רץ והוא ירה החצי להעברו׃

  • שמ״א 20:38-42
    5 פסוקים
    91%

    38ויקרא יהונתן אחרי הנער מהרה חושה אל תעמד וילקט נער יהונתן את החצי ויבא אל אדניו׃

    39והנער לא ידע מאומה אך יהונתן ודוד ידעו את הדבר׃

    40ויתן יהונתן את כליו אל הנער אשר לו ויאמר לו לך הביא העיר׃

    41הנער בא ודוד קם מאצל הנגב ויפל לאפיו ארצה וישתחו שלש פעמים וישקו איש את רעהו ויבכו איש את רעהו עד דוד הגדיל׃

    42ויאמר יהונתן לדוד לך לשלום אשר נשבענו שנינו אנחנו בשם יהוה לאמר יהוה יהיה ביני ובינך ובין זרעי ובין זרעך עד עולם ויקם וילך ויהונתן בא העיר׃

  • שמ״א 20:19-22
    4 פסוקים
    79%

    19ושלשת תרד מאד ובאת אל המקום אשר נסתרת שם ביום המעשה וישבת אצל האבן האזל׃

    20ואני שלשת החצים צדה אורה לשלח לי למטרה׃

    21והנה אשלח את הנער לך מצא את החצים אם אמר אמר לנער הנה החצים ממך והנה קחנו ובאה כי שלום לך ואין דבר חי יהוה׃

    22ואם כה אמר לעלם הנה החצים ממך והלאה לך כי שלחך יהוה׃

  • שמ״א 20:8-13
    6 פסוקים
    74%

    8ועשית חסד על עבדך כי בברית יהוה הבאת את עבדך עמך ואם יש בי עון המיתני אתה ועד אביך למה זה תביאני׃

    9ויאמר יהונתן חלילה לך כי אם ידע אדע כי כלתה הרעה מעם אבי לבוא עליך ולא אתה אגיד לך׃

    10ויאמר דוד אל יהונתן מי יגיד לי או מה יענך אביך קשה׃

    11ויאמר יהונתן אל דוד לכה ונצא השדה ויצאו שניהם השדה׃

    12ויאמר יהונתן אל דוד יהוה אלהי ישראל כי אחקר את אבי כעת מחר השלשית והנה טוב אל דוד ולא אז אשלח אליך וגליתי את אזנך׃

    13כה יעשה יהוה ליהונתן וכה יסיף כי ייטב אל אבי את הרעה עליך וגליתי את אזנך ושלחתיך והלכת לשלום ויהי יהוה עמך כאשר היה עם אבי׃

  • שמ״א 14:1
    74%

    1¶ ויהי היום ויאמר יונתן בן שאול אל הנער נשא כליו לכה ונעברה אל מצב פלשתים אשר מעבר הלז ולאביו לא הגיד׃

  • שמ״א 20:32-33
    2 פסוקים
    73%

    32ויען יהונתן את שאול אביו ויאמר אליו למה יומת מה עשה׃

    33ויטל שאול את החנית עליו להכתו וידע יהונתן כי כלה היא מעם אביו להמית את דוד׃

  • שמ״א 14:12-13
    2 פסוקים
    72%

    12ויענו אנשי המצבה את יונתן ואת נשא כליו ויאמרו עלו אלינו ונודיעה אתכם דבר ויאמר יונתן אל נשא כליו עלה אחרי כי נתנם יהוה ביד ישראל׃

    13ויעל יונתן על ידיו ועל רגליו ונשא כליו אחריו ויפלו לפני יונתן ונשא כליו ממותת אחריו׃

  • שמ״א 14:17
    72%

    17ויאמר שאול לעם אשר אתו פקדו נא וראו מי הלך מעמנו ויפקדו והנה אין יונתן ונשא כליו׃

  • שמ״א 19:3
    72%

    3ואני אצא ועמדתי ליד אבי בשדה אשר אתה שם ואני אדבר בך אל אבי וראיתי מה והגדתי לך׃

  • שמ״ב 1:22
    72%

    22מדם חללים מחלב גבורים קשת יהונתן לא נשוג אחור וחרב שאול לא תשוב ריקם׃

  • שמ״א 14:6-8
    3 פסוקים
    71%

    6ויאמר יהונתן אל הנער נשא כליו לכה ונעברה אל מצב הערלים האלה אולי יעשה יהוה לנו כי אין ליהוה מעצור להושיע ברב או במעט׃

    7ויאמר לו נשא כליו עשה כל אשר בלבבך נטה לך הנני עמך כלבבך׃

    8ויאמר יהונתן הנה אנחנו עברים אל האנשים ונגלינו אליהם׃

  • שמ״ב 1:17
    71%

    17ויקנן דוד את הקינה הזאת על שאול ועל יהונתן בנו׃

  • שמ״א 14:27
    70%

    27ויונתן לא שמע בהשביע אביו את העם וישלח את קצה המטה אשר בידו ויטבל אותה ביערת הדבש וישב ידו אל פיו ותראנה עיניו׃

  • שמ״א 20:1-4
    4 פסוקים
    70%

    1¶ ויברח דוד מנוית ברמה ויבא ויאמר לפני יהונתן מה עשיתי מה עוני ומה חטאתי לפני אביך כי מבקש את נפשי׃

    2ויאמר לו חלילה לא תמות הנה לו עשה אבי דבר גדול או דבר קטן ולא יגלה את אזני ומדוע יסתיר אבי ממני את הדבר הזה אין זאת׃

    3וישבע עוד דוד ויאמר ידע ידע אביך כי מצאתי חן בעיניך ויאמר אל ידע זאת יהונתן פן יעצב ואולם חי יהוה וחי נפשך כי כפשע ביני ובין המות׃

    4ויאמר יהונתן אל דוד מה תאמר נפשך ואעשה לך׃

  • שמ״א 20:28
    70%

    28ויען יהונתן את שאול נשאל נשאל דוד מעמדי עד בית לחם׃

  • שמ״ב 1:25
    70%

    25איך נפלו גברים בתוך המלחמה יהונתן על במותיך חלל׃

  • דה״א 10:2-3
    2 פסוקים
    70%

    2וידבקו פלשתים אחרי שאול ואחרי בניו ויכו פלשתים את יונתן ואת אבינדב ואת מלכי שוע בני שאול׃

    3ותכבד המלחמה על שאול וימצאהו המורים בקשת ויחל מן היורים׃

  • מל״ב 13:15
    70%

    15ויאמר לו אלישע קח קשת וחצים ויקח אליו קשת וחצים׃

  • שמ״ב 1:6
    70%

    6ויאמר הנער המגיד לו נקרא נקריתי בהר הגלבע והנה שאול נשען על חניתו והנה הרכב ובעלי הפרשים הדבקהו׃

  • שמ״א 14:39
    69%

    39כי חי יהוה המושיע את ישראל כי אם ישנו ביונתן בני כי מות ימות ואין ענהו מכל העם׃

  • שמ״א 14:42-44
    3 פסוקים
    69%

    42ויאמר שאול הפילו ביני ובין יונתן בני וילכד יונתן׃

    43ויאמר שאול אל יונתן הגידה לי מה עשיתה ויגד לו יונתן ויאמר טעם טעמתי בקצה המטה אשר בידי מעט דבש הנני אמות׃

    44ויאמר שאול כה יעשה אלהים וכה יוסף כי מות תמות יונתן׃

  • שמ״א 31:2-3
    2 פסוקים
    69%

    2וידבקו פלשתים את שאול ואת בניו ויכו פלשתים את יהונתן ואת אבינדב ואת מלכי שוע בני שאול׃

    3ותכבד המלחמה אל שאול וימצאהו המורים אנשים בקשת ויחל מאד מהמורים׃

  • שמ״א 19:6-7
    2 פסוקים
    69%

    6וישמע שאול בקול יהונתן וישבע שאול חי יהוה אם יומת׃

    7ויקרא יהונתן לדוד ויגד לו יהונתן את כל הדברים האלה ויבא יהונתן את דוד אל שאול ויהי לפניו כאתמול שלשום׃

  • שמ״ב 1:4
    69%

    4ויאמר אליו דוד מה היה הדבר הגד נא לי ויאמר אשר נס העם מן המלחמה וגם הרבה נפל מן העם וימתו וגם שאול ויהונתן בנו מתו׃

  • שמ״א 18:1
    69%

    1¶ ויהי ככלתו לדבר אל שאול ונפש יהונתן נקשרה בנפש דוד ויאהבו יהונתן כנפשו׃