דברי הימים ב׳ 20:5

תנ ך עברי מודרני

ויעמד יהושפט בקהל יהודה וירושלם בבית יהוה לפני החצר החדשה׃

משאבים נוספים

פסוקים מקושרים

  • מל״ב 19:15-19 : 15 ויתפלל חזקיהו לפני יהוה ויאמר יהוה אלהי ישראל ישב הכרבים אתה הוא האלהים לבדך לכל ממלכות הארץ אתה עשית את השמים ואת הארץ׃ 16 הטה יהוה אזנך ושמע פקח יהוה עיניך וראה ושמע את דברי סנחריב אשר שלחו לחרף אלהים חי׃ 17 אמנם יהוה החריבו מלכי אשור את הגוים ואת ארצם׃ 18 ונתנו את אלהיהם באש כי לא אלהים המה כי אם מעשה ידי אדם עץ ואבן ויאבדום׃ 19 ועתה יהוה אלהינו הושיענו נא מידו וידעו כל ממלכות הארץ כי אתה יהוה אלהים לבדך׃
  • דה״ב 6:12-13 : 12 ויעמד לפני מזבח יהוה נגד כל קהל ישראל ויפרש כפיו׃ 13 כי עשה שלמה כיור נחשת ויתנהו בתוך העזרה חמש אמות ארכו וחמש אמות רחבו ואמות שלוש קומתו ויעמד עליו ויברך על ברכיו נגד כל קהל ישראל ויפרש כפיו השמימה׃
  • דה״ב 34:31 : 31 ויעמד המלך על עמדו ויכרת את הברית לפני יהוה ללכת אחרי יהוה ולשמור את מצותיו ועדותיו וחקיו בכל לבבו ובכל נפשו לעשות את דברי הברית הכתובים על הספר הזה׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • דה״ב 20:17-20
    4 פסוקים
    77%

    17לא לכם להלחם בזאת התיצבו עמדו וראו את ישועת יהוה עמכם יהודה וירושלם אל תיראו ואל תחתו מחר צאו לפניהם ויהוה עמכם׃

    18ויקד יהושפט אפים ארצה וכל יהודה וישבי ירושלם נפלו לפני יהוה להשתחות ליהוה׃

    19ויקמו הלוים מן בני הקהתים ומן בני הקרחים להלל ליהוה אלהי ישראל בקול גדול למעלה׃

    20וישכימו בבקר ויצאו למדבר תקוע ובצאתם עמד יהושפט ויאמר שמעוני יהודה וישבי ירושלם האמינו ביהוה אלהיכם ותאמנו האמינו בנביאיו והצליחו׃

  • דה״ב 20:3-4
    2 פסוקים
    76%

    3וירא ויתן יהושפט את פניו לדרוש ליהוה ויקרא צום על כל יהודה׃

    4ויקבצו יהודה לבקש מיהוה גם מכל ערי יהודה באו לבקש את יהוה׃

  • תה׳ 135:2
    75%

    2שעמדים בבית יהוה בחצרות בית אלהינו׃

  • דה״ב 20:13-15
    3 פסוקים
    74%

    13וכל יהודה עמדים לפני יהוה גם טפם נשיהם ובניהם׃

    14ויחזיאל בן זכריהו בן בניה בן יעיאל בן מתניה הלוי מן בני אסף היתה עליו רוח יהוה בתוך הקהל׃

    15ויאמר הקשיבו כל יהודה וישבי ירושלם והמלך יהושפט כה אמר יהוה לכם אתם אל תיראו ואל תחתו מפני ההמון הרב הזה כי לא לכם המלחמה כי לאלהים׃

  • דה״ב 19:8
    74%

    8וגם בירושלם העמיד יהושפט מן הלוים והכהנים ומראשי האבות לישראל למשפט יהוה ולריב וישבו ירושלם׃

  • תה׳ 116:19
    73%

    19בחצרות בית יהוה בתוככי ירושלם הללו יה׃

  • דה״ב 17:3-6
    4 פסוקים
    73%

    3ויהי יהוה עם יהושפט כי הלך בדרכי דויד אביו הראשנים ולא דרש לבעלים׃

    4כי לאלהי אביו דרש ובמצותיו הלך ולא כמעשה ישראל׃

    5ויכן יהוה את הממלכה בידו ויתנו כל יהודה מנחה ליהושפט ויהי לו עשר וכבוד לרב׃

    6ויגבה לבו בדרכי יהוה ועוד הסיר את הבמות ואת האשרים מיהודה׃

  • דה״ב 20:6
    72%

    6ויאמר יהוה אלהי אבתינו הלא אתה הוא אלהים בשמים ואתה מושל בכל ממלכות הגוים ובידך כח וגבורה ואין עמך להתיצב׃

  • דה״ב 19:1-6
    6 פסוקים
    72%

    1¶ וישב יהושפט מלך יהודה אל ביתו בשלום לירושלם׃

    2ויצא אל פניו יהוא בן חנני החזה ויאמר אל המלך יהושפט הלרשע לעזר ולשנאי יהוה תאהב ובזאת עליך קצף מלפני יהוה׃

    3אבל דברים טובים נמצאו עמך כי בערת האשרות מן הארץ והכינות לבבך לדרש האלהים׃

    4וישב יהושפט בירושלם וישב ויצא בעם מבאר שבע עד הר אפרים וישיבם אל יהוה אלהי אבותיהם׃

    5ויעמד שפטים בארץ בכל ערי יהודה הבצרות לעיר ועיר׃

    6ויאמר אל השפטים ראו מה אתם עשים כי לא לאדם תשפטו כי ליהוה ועמכם בדבר משפט׃

  • יר׳ 7:2
    71%

    2עמד בשער בית יהוה וקראת שם את הדבר הזה ואמרת שמעו דבר יהוה כל יהודה הבאים בשערים האלה להשתחות ליהוה׃

  • מל״א 22:5
    71%

    5ויאמר יהושפט אל מלך ישראל דרש נא כיום את דבר יהוה׃

  • יר׳ 17:19-20
    2 פסוקים
    70%

    19כה אמר יהוה אלי הלך ועמדת בשער בני עם אשר יבאו בו מלכי יהודה ואשר יצאו בו ובכל שערי ירושלם׃

    20ואמרת אליהם שמעו דבר יהוה מלכי יהודה וכל יהודה וכל ישבי ירושלם הבאים בשערים האלה׃

  • יר׳ 26:10
    70%

    10וישמעו שרי יהודה את הדברים האלה ויעלו מבית המלך בית יהוה וישבו בפתח שער יהוה החדש׃

  • דה״ב 18:4
    70%

    4ויאמר יהושפט אל מלך ישראל דרש נא כיום את דבר יהוה׃

  • מל״ב 23:1-2
    2 פסוקים
    70%

    1¶ וישלח המלך ויאספו אליו כל זקני יהודה וירושלם׃

    2ויעל המלך בית יהוה וכל איש יהודה וכל ישבי ירושלם אתו והכהנים והנביאים וכל העם למקטן ועד גדול ויקרא באזניהם את כל דברי ספר הברית הנמצא בבית יהוה׃

  • דה״ב 34:30-31
    2 פסוקים
    69%

    30ויעל המלך בית יהוה וכל איש יהודה וישבי ירושלם והכהנים והלוים וכל העם מגדול ועד קטן ויקרא באזניהם את כל דברי ספר הברית הנמצא בית יהוה׃

    31ויעמד המלך על עמדו ויכרת את הברית לפני יהוה ללכת אחרי יהוה ולשמור את מצותיו ועדותיו וחקיו בכל לבבו ובכל נפשו לעשות את דברי הברית הכתובים על הספר הזה׃

  • דה״ב 17:12
    69%

    12ויהי יהושפט הלך וגדל עד למעלה ויבן ביהודה בירניות וערי מסכנות׃

  • יש׳ 3:13
    69%

    13נצב לריב יהוה ועמד לדין עמים׃

  • דה״ב 18:9
    69%

    9ומלך ישראל ויהושפט מלך יהודה יושבים איש על כסאו מלבשים בגדים וישבים בגרן פתח שער שמרון וכל הנביאים מתנבאים לפניהם׃

  • דה״ב 17:10
    69%

    10ויהי פחד יהוה על כל ממלכות הארצות אשר סביבות יהודה ולא נלחמו עם יהושפט׃

  • מל״א 8:22
    68%

    22ויעמד שלמה לפני מזבח יהוה נגד כל קהל ישראל ויפרש כפיו השמים׃

  • יר׳ 19:14
    68%

    14ויבא ירמיהו מהתפת אשר שלחו יהוה שם להנבא ויעמד בחצר בית יהוה ויאמר אל כל העם׃

  • מל״א 22:10
    68%

    10ומלך ישראל ויהושפט מלך יהודה ישבים איש על כסאו מלבשים בגדים בגרן פתח שער שמרון וכל הנביאים מתנבאים לפניהם׃

  • יר׳ 26:2
    68%

    2כה אמר יהוה עמד בחצר בית יהוה ודברת על כל ערי יהודה הבאים להשתחות בית יהוה את כל הדברים אשר צויתיך לדבר אליהם אל תגרע דבר׃

  • דה״ב 23:5
    68%

    5והשלשית בבית המלך והשלשית בשער היסוד וכל העם בחצרות בית יהוה׃

  • דה״ב 20:27-28
    2 פסוקים
    68%

    27וישבו כל איש יהודה וירושלם ויהושפט בראשם לשוב אל ירושלם בשמחה כי שמחם יהוה מאויביהם׃

    28ויבאו ירושלם בנבלים ובכנרות ובחצצרות אל בית יהוה׃

  • דה״ב 20:1
    68%

    1¶ ויהי אחריכן באו בני מואב ובני עמון ועמהם מהעמונים על יהושפט למלחמה׃

  • דה״ב 6:3
    68%

    3ויסב המלך את פניו ויברך את כל קהל ישראל וכל קהל ישראל עומד׃

  • מל״ב 21:5
    68%

    5ויבן מזבחות לכל צבא השמים בשתי חצרות בית יהוה׃

  • דה״ב 29:20
    68%

    20וישכם יחזקיהו המלך ויאסף את שרי העיר ויעל בית יהוה׃

  • דב׳ 19:17
    67%

    17ועמדו שני האנשים אשר להם הריב לפני יהוה לפני הכהנים והשפטים אשר יהיו בימים ההם׃

  • דה״ב 20:9
    67%

    9אם תבוא עלינו רעה חרב שפוט ודבר ורעב נעמדה לפני הבית הזה ולפניך כי שמך בבית הזה ונזעק אליך מצרתנו ותשמע ותושיע׃