דברי הימים ב׳ 22:10

תנ ך עברי מודרני

ועתליהו אם אחזיהו ראתה כי מת בנה ותקם ותדבר את כל זרע הממלכה לבית יהודה׃

משאבים נוספים

פסוקים מקושרים

  • מל״ב 11:1-3 : 1 ¶ ועתליה אם אחזיהו וראתה כי מת בנה ותקם ותאבד את כל זרע הממלכה׃ 2 ותקח יהושבע בת המלך יורם אחות אחזיהו את יואש בן אחזיה ותגנב אתו מתוך בני המלך הממותתים אתו ואת מינקתו בחדר המטות ויסתרו אתו מפני עתליהו ולא הומת׃ 3 ויהי אתה בית יהוה מתחבא שש שנים ועתליה מלכת על הארץ׃
  • דה״ב 22:2-4 : 2 בן ארבעים ושתים שנה אחזיהו במלכו ושנה אחת מלך בירושלם ושם אמו עתליהו בת עמרי׃ 3 גם הוא הלך בדרכי בית אחאב כי אמו היתה יועצתו להרשיע׃ 4 ויעש הרע בעיני יהוה כבית אחאב כי המה היו לו יועצים אחרי מות אביו למשחית לו׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • מל״ב 11:1-4
    4 פסוקים
    96%

    1¶ ועתליה אם אחזיהו וראתה כי מת בנה ותקם ותאבד את כל זרע הממלכה׃

    2ותקח יהושבע בת המלך יורם אחות אחזיהו את יואש בן אחזיה ותגנב אתו מתוך בני המלך הממותתים אתו ואת מינקתו בחדר המטות ויסתרו אתו מפני עתליהו ולא הומת׃

    3ויהי אתה בית יהוה מתחבא שש שנים ועתליה מלכת על הארץ׃

    4ובשנה השביעית שלח יהוידע ויקח את שרי המאיות לכרי ולרצים ויבא אתם אליו בית יהוה ויכרת להם ברית וישבע אתם בבית יהוה וירא אתם את בן המלך׃

  • דה״ב 22:11-12
    2 פסוקים
    81%

    11ותקח יהושבעת בת המלך את יואש בן אחזיהו ותגנב אתו מתוך בני המלך המומתים ותתן אתו ואת מינקתו בחדר המטות ותסתירהו יהושבעת בת המלך יהורם אשת יהוידע הכהן כי היא היתה אחות אחזיהו מפני עתליהו ולא המיתתהו׃

    12ויהי אתם בבית האלהים מתחבא שש שנים ועתליה מלכת על הארץ׃

  • מל״ב 11:19-21
    3 פסוקים
    79%

    19ויקח את שרי המאות ואת הכרי ואת הרצים ואת כל עם הארץ וירידו את המלך מבית יהוה ויבואו דרך שער הרצים בית המלך וישב על כסא המלכים׃

    20וישמח כל עם הארץ והעיר שקטה ואת עתליהו המיתו בחרב בית מלך׃

    21בן שבע שנים יהואש במלכו׃

  • מל״ב 11:13-16
    4 פסוקים
    79%

    13ותשמע עתליה את קול הרצין העם ותבא אל העם בית יהוה׃

    14ותרא והנה המלך עמד על העמוד כמשפט והשרים והחצצרות אל המלך וכל עם הארץ שמח ותקע בחצצרות ותקרע עתליה את בגדיה ותקרא קשר קשר׃

    15ויצו יהוידע הכהן את שרי המאיות פקדי החיל ויאמר אליהם הוציאו אתה אל מבית לשדרת והבא אחריה המת בחרב כי אמר הכהן אל תומת בית יהוה׃

    16וישמו לה ידים ותבוא דרך מבוא הסוסים בית המלך ותומת שם׃

  • דה״ב 22:1-3
    3 פסוקים
    79%

    1¶ וימליכו יושבי ירושלם את אחזיהו בנו הקטן תחתיו כי כל הראשנים הרג הגדוד הבא בערבים למחנה וימלך אחזיהו בן יהורם מלך יהודה׃

    2בן ארבעים ושתים שנה אחזיהו במלכו ושנה אחת מלך בירושלם ושם אמו עתליהו בת עמרי׃

    3גם הוא הלך בדרכי בית אחאב כי אמו היתה יועצתו להרשיע׃

  • דה״ב 22:7-9
    3 פסוקים
    77%

    7ומאלהים היתה תבוסת אחזיהו לבוא אל יורם ובבאו יצא עם יהורם אל יהוא בן נמשי אשר משחו יהוה להכרית את בית אחאב׃

    8ויהי כהשפט יהוא עם בית אחאב וימצא את שרי יהודה ובני אחי אחזיהו משרתים לאחזיהו ויהרגם׃

    9ויבקש את אחזיהו וילכדהו והוא מתחבא בשמרון ויבאהו אל יהוא וימתהו ויקברהו כי אמרו בן יהושפט הוא אשר דרש את יהוה בכל לבבו ואין לבית אחזיהו לעצר כח לממלכה׃

  • דה״ב 23:12-15
    4 פסוקים
    77%

    12ותשמע עתליהו את קול העם הרצים והמהללים את המלך ותבוא אל העם בית יהוה׃

    13ותרא והנה המלך עומד על עמודו במבוא והשרים והחצצרות על המלך וכל עם הארץ שמח ותוקע בחצצרות והמשוררים בכלי השיר ומודיעים להלל ותקרע עתליהו את בגדיה ותאמר קשר קשר׃

    14ויוצא יהוידע הכהן את שרי המאות פקודי החיל ויאמר אלהם הוציאוה אל מבית השדרות והבא אחריה יומת בחרב כי אמר הכהן לא תמיתוה בית יהוה׃

    15וישימו לה ידים ותבוא אל מבוא שער הסוסים בית המלך וימיתוה שם׃

  • מל״ב 8:24-26
    3 פסוקים
    77%

    24וישכב יורם עם אבתיו ויקבר עם אבתיו בעיר דוד וימלך אחזיהו בנו תחתיו׃

    25בשנת שתים עשרה שנה ליורם בן אחאב מלך ישראל מלך אחזיהו בן יהורם מלך יהודה׃

    26בן עשרים ושתים שנה אחזיהו במלכו ושנה אחת מלך בירושלם ושם אמו עתליהו בת עמרי מלך ישראל׃

  • דה״ב 23:20-21
    2 פסוקים
    75%

    20ויקח את שרי המאות ואת האדירים ואת המושלים בעם ואת כל עם הארץ ויורד את המלך מבית יהוה ויבאו בתוך שער העליון בית המלך ויושיבו את המלך על כסא הממלכה׃

    21וישמחו כל עם הארץ והעיר שקטה ואת עתליהו המיתו בחרב׃

  • דה״ב 24:7
    74%

    7כי עתליהו המרשעת בניה פרצו את בית האלהים וגם כל קדשי בית יהוה עשו לבעלים׃

  • מל״ב 10:11
    73%

    11ויך יהוא את כל הנשארים לבית אחאב ביזרעאל וכל גדליו ומידעיו וכהניו עד בלתי השאיר לו שריד׃

  • מל״ב 9:27
    73%

    27ואחזיה מלך יהודה ראה וינס דרך בית הגן וירדף אחריו יהוא ויאמר גם אתו הכהו אל המרכבה במעלה גור אשר את יבלעם וינס מגדו וימת שם׃

  • דה״ב 24:22-23
    2 פסוקים
    72%

    22ולא זכר יואש המלך החסד אשר עשה יהוידע אביו עמו ויהרג את בנו וכמותו אמר ירא יהוה וידרש׃

    23ויהי לתקופת השנה עלה עליו חיל ארם ויבאו אל יהודה וירושלם וישחיתו את כל שרי העם מעם וכל שללם שלחו למלך דרמשק׃

  • דה״ב 21:17
    72%

    17ויעלו ביהודה ויבקעוה וישבו את כל הרכוש הנמצא לבית המלך וגם בניו ונשיו ולא נשאר לו בן כי אם יהואחז קטן בניו׃

  • מל״ב 10:17
    72%

    17ויבא שמרון ויך את כל הנשארים לאחאב בשמרון עד השמידו כדבר יהוה אשר דבר אל אליהו׃

  • מל״ב 9:29
    71%

    29ובשנת אחת עשרה שנה ליורם בן אחאב מלך אחזיה על יהודה׃

  • דה״ב 21:4
    70%

    4ויקם יהורם על ממלכת אביו ויתחזק ויהרג את כל אחיו בחרב וגם משרי ישראל׃

  • מל״א 22:40
    70%

    40וישכב אחאב עם אבתיו וימלך אחזיהו בנו תחתיו׃

  • שמ״א 22:16
    70%

    16ויאמר המלך מות תמות אחימלך אתה וכל בית אביך׃

  • מל״ב 10:25
    69%

    25ויהי ככלתו לעשות העלה ויאמר יהוא לרצים ולשלשים באו הכום איש אל יצא ויכום לפי חרב וישלכו הרצים והשלשים וילכו עד עיר בית הבעל׃

  • מל״ב 1:17-18
    2 פסוקים
    69%

    17וימת כדבר יהוה אשר דבר אליהו וימלך יהורם תחתיו בשנת שתים ליהורם בן יהושפט מלך יהודה כי לא היה לו בן׃

    18ויתר דברי אחזיהו אשר עשה הלוא המה כתובים על ספר דברי הימים למלכי ישראל׃

  • שמ״ב 14:7
    69%

    7והנה קמה כל המשפחה על שפחתך ויאמרו תני את מכה אחיו ונמתהו בנפש אחיו אשר הרג ונשמידה גם את היורש וכבו את גחלתי אשר נשארה לבלתי שום לאישי שם ושארית על פני האדמה׃

  • מל״ב 12:20-21
    2 פסוקים
    69%

    20ויקמו עבדיו ויקשרו קשר ויכו את יואש בית מלא היורד סלא׃

    21ויוזבד בן שמעת ויהוזבד בן שמר עבדיו הכהו וימת ויקברו אתו עם אבתיו בעיר דוד וימלך אמציה בנו תחתיו׃

  • מל״א 22:51
    69%

    51אחזיהו בן אחאב מלך על ישראל בשמרון בשנת שבע עשרה ליהושפט מלך יהודה וימלך על ישראל שנתים׃

  • דה״א 3:11
    69%

    11יורם בנו אחזיהו בנו יואש בנו׃

  • מל״ב 14:5
    69%

    5ויהי כאשר חזקה הממלכה בידו ויך את עבדיו המכים את המלך אביו׃

  • מל״ב 10:13
    68%

    13ויהוא מצא את אחי אחזיהו מלך יהודה ויאמר מי אתם ויאמרו אחי אחזיהו אנחנו ונרד לשלום בני המלך ובני הגבירה׃

  • יח׳ 23:10
    68%

    10המה גלו ערותה בניה ובנותיה לקחו ואותה בחרב הרגו ותהי שם לנשים ושפוטים עשו בה׃