שמואל ב׳ 18:26

תנ ך עברי מודרני

וירא הצפה איש אחר רץ ויקרא הצפה אל השער ויאמר הנה איש רץ לבדו ויאמר המלך גם זה מבשר׃

משאבים נוספים

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • שמ״ב 18:19-25
    7 פסוקים
    91%

    19ואחימעץ בן צדוק אמר ארוצה נא ואבשרה את המלך כי שפטו יהוה מיד איביו׃

    20ויאמר לו יואב לא איש בשרה אתה היום הזה ובשרת ביום אחר והיום הזה לא תבשר כי על בן המלך מת׃

    21ויאמר יואב לכושי לך הגד למלך אשר ראיתה וישתחו כושי ליואב וירץ׃

    22ויסף עוד אחימעץ בן צדוק ויאמר אל יואב ויהי מה ארצה נא גם אני אחרי הכושי ויאמר יואב למה זה אתה רץ בני ולכה אין בשורה מצאת׃

    23ויהי מה ארוץ ויאמר לו רוץ וירץ אחימעץ דרך הככר ויעבר את הכושי׃

    24ודוד יושב בין שני השערים וילך הצפה אל גג השער אל החומה וישא את עיניו וירא והנה איש רץ לבדו׃

    25ויקרא הצפה ויגד למלך ויאמר המלך אם לבדו בשורה בפיו וילך הלוך וקרב׃

  • שמ״ב 18:27-30
    4 פסוקים
    90%

    27ויאמר הצפה אני ראה את מרוצת הראשון כמרצת אחימעץ בן צדוק ויאמר המלך איש טוב זה ואל בשורה טובה יבוא׃

    28ויקרא אחימעץ ויאמר אל המלך שלום וישתחו למלך לאפיו ארצה ויאמר ברוך יהוה אלהיך אשר סגר את האנשים אשר נשאו את ידם באדני המלך׃

    29ויאמר המלך שלום לנער לאבשלום ויאמר אחימעץ ראיתי ההמון הגדול לשלח את עבד המלך יואב ואת עבדך ולא ידעתי מה׃

    30ויאמר המלך סב התיצב כה ויסב ויעמד׃

  • יש׳ 21:6-8
    3 פסוקים
    73%

    6כי כה אמר אלי אדני לך העמד המצפה אשר יראה יגיד׃

    7וראה רכב צמד פרשים רכב חמור רכב גמל והקשיב קשב רב קשב׃

    8ויקרא אריה על מצפה אדני אנכי עמד תמיד יומם ועל משמרתי אנכי נצב כל הלילות׃

  • שמ״ב 13:34-35
    2 פסוקים
    72%

    34ויברח אבשלום וישא הנער הצפה את עינו וירא והנה עם רב הלכים מדרך אחריו מצד ההר׃

    35ויאמר יונדב אל המלך הנה בני המלך באו כדבר עבדך כן היה׃

  • מל״ב 9:17-18
    2 פסוקים
    72%

    17והצפה עמד על המגדל ביזרעאל וירא את שפעת יהוא בבאו ויאמר שפעת אני ראה ויאמר יהורם קח רכב ושלח לקראתם ויאמר השלום׃

    18וילך רכב הסוס לקראתו ויאמר כה אמר המלך השלום ויאמר יהוא מה לך ולשלום סב אל אחרי ויגד הצפה לאמר בא המלאך עד הם ולא שב׃

  • מל״ב 7:10-11
    2 פסוקים
    72%

    10ויבאו ויקראו אל שער העיר ויגידו להם לאמר באנו אל מחנה ארם והנה אין שם איש וקול אדם כי אם הסוס אסור והחמור אסור ואהלים כאשר המה׃

    11ויקרא השערים ויגידו בית המלך פנימה׃

  • מל״ב 9:20
    71%

    20ויגד הצפה לאמר בא עד אליהם ולא שב והמנהג כמנהג יהוא בן נמשי כי בשגעון ינהג׃

  • שמ״ב 17:17-18
    2 פסוקים
    71%

    17ויהונתן ואחימעץ עמדים בעין רגל והלכה השפחה והגידה להם והם ילכו והגידו למלך דוד כי לא יוכלו להראות לבוא העירה׃

    18וירא אתם נער ויגד לאבשלם וילכו שניהם מהרה ויבאו אל בית איש בבחורים ולו באר בחצרו וירדו שם׃

  • מל״א 20:39-40
    2 פסוקים
    71%

    39ויהי המלך עבר והוא צעק אל המלך ויאמר עבדך יצא בקרב המלחמה והנה איש סר ויבא אלי איש ויאמר שמר את האיש הזה אם הפקד יפקד והיתה נפשך תחת נפשו או ככר כסף תשקול׃

    40ויהי עבדך עשה הנה והנה והוא איננו ויאמר אליו מלך ישראל כן משפטך אתה חרצת׃

  • שמ״ב 11:18-19
    2 פסוקים
    69%

    18וישלח יואב ויגד לדוד את כל דברי המלחמה׃

    19ויצו את המלאך לאמר ככלותך את כל דברי המלחמה לדבר אל המלך׃

  • שמ״ב 19:8
    69%

    8ויקם המלך וישב בשער ולכל העם הגידו לאמר הנה המלך יושב בשער ויבא כל העם לפני המלך וישראל נס איש לאהליו׃

  • מל״א 1:42
    68%

    42עודנו מדבר והנה יונתן בן אביתר הכהן בא ויאמר אדניהו בא כי איש חיל אתה וטוב תבשר׃

  • יש׳ 21:11-12
    2 פסוקים
    68%

    11משא דומה אלי קרא משעיר שמר מה מלילה שמר מה מליל׃

    12אמר שמר אתה בקר וגם לילה אם תבעיון בעיו שבו אתיו׃

  • יר׳ 51:31
    68%

    31רץ לקראת רץ ירוץ ומגיד לקראת מגיד להגיד למלך בבל כי נלכדה עירו מקצה׃

  • מל״ב 6:32
    68%

    32ואלישע ישב בביתו והזקנים ישבים אתו וישלח איש מלפניו בטרם יבא המלאך אליו והוא אמר אל הזקנים הראיתם כי שלח בן המרצח הזה להסיר את ראשי ראו כבא המלאך סגרו הדלת ולחצתם אתו בדלת הלוא קול רגלי אדניו אחריו׃

  • שמ״ב 15:27-28
    2 פסוקים
    68%

    27ויאמר המלך אל צדוק הכהן הרואה אתה שבה העיר בשלום ואחימעץ בנך ויהונתן בן אביתר שני בניכם אתכם׃

    28ראו אנכי מתמהמה בעברות המדבר עד בוא דבר מעמכם להגיד לי׃

  • שמ״ב 11:22-23
    2 פסוקים
    67%

    22וילך המלאך ויבא ויגד לדוד את כל אשר שלחו יואב׃

    23ויאמר המלאך אל דוד כי גברו עלינו האנשים ויצאו אלינו השדה ונהיה עליהם עד פתח השער׃

  • שמ״ב 15:36
    67%

    36הנה שם עמם שני בניהם אחימעץ לצדוק ויהונתן לאביתר ושלחתם בידם אלי כל דבר אשר תשמעו׃

  • יש׳ 41:27
    67%

    27ראשון לציון הנה הנם ולירושלם מבשר אתן׃

  • מל״ב 4:26
    67%

    26עתה רוץ נא לקראתה ואמר לה השלום לך השלום לאישך השלום לילד ותאמר שלום׃

  • שמ״ב 1:6
    67%

    6ויאמר הנער המגיד לו נקרא נקריתי בהר הגלבע והנה שאול נשען על חניתו והנה הרכב ובעלי הפרשים הדבקהו׃

  • שמ״ב 15:18
    66%

    18וכל עבדיו עברים על ידו וכל הכרתי וכל הפלתי וכל הגתים שש מאות איש אשר באו ברגלו מגת עברים על פני המלך׃

  • מל״ב 6:12
    66%

    12ויאמר אחד מעבדיו לוא אדני המלך כי אלישע הנביא אשר בישראל יגיד למלך ישראל את הדברים אשר תדבר בחדר משכבך׃

  • מל״ב 22:18
    66%

    18ואל מלך יהודה השלח אתכם לדרש את יהוה כה תאמרו אליו כה אמר יהוה אלהי ישראל הדברים אשר שמעת׃

  • מל״א 18:11
    66%

    11ועתה אתה אמר לך אמר לאדניך הנה אליהו׃

  • זכ׳ 2:3
    66%

    3והנה המלאך הדבר בי יצא ומלאך אחר יצא לקראתו׃

  • שמ״ב 17:20
    66%

    20ויבאו עבדי אבשלום אל האשה הביתה ויאמרו איה אחימעץ ויהונתן ותאמר להם האשה עברו מיכל המים ויבקשו ולא מצאו וישבו ירושלם׃

  • מל״ב 5:21
    66%

    21וירדף גיחזי אחרי נעמן ויראה נעמן רץ אחריו ויפל מעל המרכבה לקראתו ויאמר השלום׃

  • בר׳ 24:28
    66%

    28ותרץ הנער ותגד לבית אמה כדברים האלה׃

  • יר׳ 22:2
    66%

    2ואמרת שמע דבר יהוה מלך יהודה הישב על כסא דוד אתה ועבדיך ועמך הבאים בשערים האלה׃