דברים 11:5

תנ ך עברי מודרני

ואשר עשה לכם במדבר עד באכם עד המקום הזה׃

משאבים נוספים

פסוקים מקושרים

  • תה׳ 77:20 : 20 נחית כצאן עמך ביד משה ואהרן׃
  • תה׳ 78:14-72 : 14 וינחם בענן יומם וכל הלילה באור אש׃ 15 יבקע צרים במדבר וישק כתהמות רבה׃ 16 ויוצא נוזלים מסלע ויורד כנהרות מים׃ 17 ויוסיפו עוד לחטא לו למרות עליון בציה׃ 18 וינסו אל בלבבם לשאל אכל לנפשם׃ 19 וידברו באלהים אמרו היוכל אל לערך שלחן במדבר׃ 20 הן הכה צור ויזובו מים ונחלים ישטפו הגם לחם יוכל תת אם יכין שאר לעמו׃ 21 לכן שמע יהוה ויתעבר ואש נשקה ביעקב וגם אף עלה בישראל׃ 22 כי לא האמינו באלהים ולא בטחו בישועתו׃ 23 ויצו שחקים ממעל ודלתי שמים פתח׃ 24 וימטר עליהם מן לאכל ודגן שמים נתן למו׃ 25 לחם אבירים אכל איש צידה שלח להם לשבע׃ 26 יסע קדים בשמים וינהג בעזו תימן׃ 27 וימטר עליהם כעפר שאר וכחול ימים עוף כנף׃ 28 ויפל בקרב מחנהו סביב למשכנתיו׃ 29 ויאכלו וישבעו מאד ותאותם יבא להם׃ 30 לא זרו מתאותם עוד אכלם בפיהם׃ 31 ואף אלהים עלה בהם ויהרג במשמניהם ובחורי ישראל הכריע׃ 32 בכל זאת חטאו עוד ולא האמינו בנפלאותיו׃ 33 ויכל בהבל ימיהם ושנותם בבהלה׃ 34 אם הרגם ודרשוהו ושבו ושחרו אל׃ 35 ויזכרו כי אלהים צורם ואל עליון גאלם׃ 36 ויפתוהו בפיהם ובלשונם יכזבו לו׃ 37 ולבם לא נכון עמו ולא נאמנו בבריתו׃ 38 והוא רחום יכפר עון ולא ישחית והרבה להשיב אפו ולא יעיר כל חמתו׃ 39 ויזכר כי בשר המה רוח הולך ולא ישוב׃ 40 כמה ימרוהו במדבר יעציבוהו בישימון׃ 41 וישובו וינסו אל וקדוש ישראל התוו׃ 42 לא זכרו את ידו יום אשר פדם מני צר׃ 43 אשר שם במצרים אתותיו ומופתיו בשדה צען׃ 44 ויהפך לדם יאריהם ונזליהם בל ישתיון׃ 45 ישלח בהם ערב ויאכלם וצפרדע ותשחיתם׃ 46 ויתן לחסיל יבולם ויגיעם לארבה׃ 47 יהרג בברד גפנם ושקמותם בחנמל׃ 48 ויסגר לברד בעירם ומקניהם לרשפים׃ 49 ישלח בם חרון אפו עברה וזעם וצרה משלחת מלאכי רעים׃ 50 יפלס נתיב לאפו לא חשך ממות נפשם וחיתם לדבר הסגיר׃ 51 ויך כל בכור במצרים ראשית אונים באהלי חם׃ 52 ויסע כצאן עמו וינהגם כעדר במדבר׃ 53 וינחם לבטח ולא פחדו ואת אויביהם כסה הים׃ 54 ויביאם אל גבול קדשו הר זה קנתה ימינו׃ 55 ויגרש מפניהם גוים ויפילם בחבל נחלה וישכן באהליהם שבטי ישראל׃ 56 וינסו וימרו את אלהים עליון ועדותיו לא שמרו׃ 57 ויסגו ויבגדו כאבותם נהפכו כקשת רמיה׃ 58 ויכעיסוהו בבמותם ובפסיליהם יקניאוהו׃ 59 שמע אלהים ויתעבר וימאס מאד בישראל׃ 60 ויטש משכן שלו אהל שכן באדם׃ 61 ויתן לשבי עזו ותפארתו ביד צר׃ 62 ויסגר לחרב עמו ובנחלתו התעבר׃ 63 בחוריו אכלה אש ובתולתיו לא הוללו׃ 64 כהניו בחרב נפלו ואלמנתיו לא תבכינה׃ 65 ויקץ כישן אדני כגבור מתרונן מיין׃ 66 ויך צריו אחור חרפת עולם נתן למו׃ 67 וימאס באהל יוסף ובשבט אפרים לא בחר׃ 68 ויבחר את שבט יהודה את הר ציון אשר אהב׃ 69 ויבן כמו רמים מקדשו כארץ יסדה לעולם׃ 70 ויבחר בדוד עבדו ויקחהו ממכלאת צאן׃ 71 מאחר עלות הביאו לרעות ביעקב עמו ובישראל נחלתו׃ 72 וירעם כתם לבבו ובתבונות כפיו ינחם׃
  • תה׳ 105:39-41 : 39 פרש ענן למסך ואש להאיר לילה׃ 40 שאל ויבא שלו ולחם שמים ישביעם׃ 41 פתח צור ויזובו מים הלכו בציות נהר׃
  • תה׳ 106:12-48 : 12 ויאמינו בדבריו ישירו תהלתו׃ 13 מהרו שכחו מעשיו לא חכו לעצתו׃ 14 ויתאוו תאוה במדבר וינסו אל בישימון׃ 15 ויתן להם שאלתם וישלח רזון בנפשם׃ 16 ויקנאו למשה במחנה לאהרן קדוש יהוה׃ 17 תפתח ארץ ותבלע דתן ותכס על עדת אבירם׃ 18 ותבער אש בעדתם להבה תלהט רשעים׃ 19 יעשו עגל בחרב וישתחוו למסכה׃ 20 וימירו את כבודם בתבנית שור אכל עשב׃ 21 שכחו אל מושיעם עשה גדלות במצרים׃ 22 נפלאות בארץ חם נוראות על ים סוף׃ 23 ויאמר להשמידם לולי משה בחירו עמד בפרץ לפניו להשיב חמתו מהשחית׃ 24 וימאסו בארץ חמדה לא האמינו לדברו׃ 25 וירגנו באהליהם לא שמעו בקול יהוה׃ 26 וישא ידו להם להפיל אותם במדבר׃ 27 ולהפיל זרעם בגוים ולזרותם בארצות׃ 28 ויצמדו לבעל פעור ויאכלו זבחי מתים׃ 29 ויכעיסו במעלליהם ותפרץ בם מגפה׃ 30 ויעמד פינחס ויפלל ותעצר המגפה׃ 31 ותחשב לו לצדקה לדר ודר עד עולם׃ 32 ויקציפו על מי מריבה וירע למשה בעבורם׃ 33 כי המרו את רוחו ויבטא בשפתיו׃ 34 לא השמידו את העמים אשר אמר יהוה להם׃ 35 ויתערבו בגוים וילמדו מעשיהם׃ 36 ויעבדו את עצביהם ויהיו להם למוקש׃ 37 ויזבחו את בניהם ואת בנותיהם לשדים׃ 38 וישפכו דם נקי דם בניהם ובנותיהם אשר זבחו לעצבי כנען ותחנף הארץ בדמים׃ 39 ויטמאו במעשיהם ויזנו במעלליהם׃ 40 ויחר אף יהוה בעמו ויתעב את נחלתו׃ 41 ויתנם ביד גוים וימשלו בהם שנאיהם׃ 42 וילחצום אויביהם ויכנעו תחת ידם׃ 43 פעמים רבות יצילם והמה ימרו בעצתם וימכו בעונם׃ 44 וירא בצר להם בשמעו את רנתם׃ 45 ויזכר להם בריתו וינחם כרב חסדו׃ 46 ויתן אותם לרחמים לפני כל שוביהם׃ 47 הושיענו יהוה אלהינו וקבצנו מן הגוים להדות לשם קדשך להשתבח בתהלתך׃ 48 ברוך יהוה אלהי ישראל מן העולם ועד העולם ואמר כל העם אמן הללו יה׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • דב׳ 11:3-4
    2 פסוקים
    84%

    3ואת אתתיו ואת מעשיו אשר עשה בתוך מצרים לפרעה מלך מצרים ולכל ארצו׃

    4ואשר עשה לחיל מצרים לסוסיו ולרכבו אשר הציף את מי ים סוף על פניהם ברדפם אחריכם ויאבדם יהוה עד היום הזה׃

  • דב׳ 1:31-34
    4 פסוקים
    79%

    31ובמדבר אשר ראית אשר נשאך יהוה אלהיך כאשר ישא איש את בנו בכל הדרך אשר הלכתם עד באכם עד המקום הזה׃

    32ובדבר הזה אינכם מאמינם ביהוה אלהיכם׃

    33ההלך לפניכם בדרך לתור לכם מקום לחנתכם באש לילה לראתכם בדרך אשר תלכו בה ובענן יומם׃

    34וישמע יהוה את קול דבריכם ויקצף וישבע לאמר׃

  • דב׳ 11:6-7
    2 פסוקים
    77%

    6ואשר עשה לדתן ולאבירם בני אליאב בן ראובן אשר פצתה הארץ את פיה ותבלעם ואת בתיהם ואת אהליהם ואת כל היקום אשר ברגליהם בקרב כל ישראל׃

    7כי עיניכם הראת את כל מעשה יהוה הגדל אשר עשה׃

  • יהוש׳ 2:10
    77%

    10כי שמענו את אשר הוביש יהוה את מי ים סוף מפניכם בצאתכם ממצרים ואשר עשיתם לשני מלכי האמרי אשר בעבר הירדן לסיחן ולעוג אשר החרמתם אותם׃

  • דב׳ 1:19
    76%

    19ונסע מחרב ונלך את כל המדבר הגדול והנורא ההוא אשר ראיתם דרך הר האמרי כאשר צוה יהוה אלהינו אתנו ונבא עד קדש ברנע׃

  • דב׳ 1:40
    76%

    40ואתם פנו לכם וסעו המדברה דרך ים סוף׃

  • יהוש׳ 24:5-7
    3 פסוקים
    76%

    5ואשלח את משה ואת אהרן ואגף את מצרים כאשר עשיתי בקרבו ואחר הוצאתי אתכם׃

    6ואוציא את אבותיכם ממצרים ותבאו הימה וירדפו מצרים אחרי אבותיכם ברכב ובפרשים ים סוף׃

    7ויצעקו אל יהוה וישם מאפל ביניכם ובין המצרים ויבא עליו את הים ויכסהו ותראינה עיניכם את אשר עשיתי במצרים ותשבו במדבר ימים רבים׃

  • דב׳ 8:15-16
    2 פסוקים
    75%

    15המוליכך במדבר הגדל והנורא נחש שרף ועקרב וצמאון אשר אין מים המוציא לך מים מצור החלמיש׃

    16המאכלך מן במדבר אשר לא ידעון אבתיך למען ענתך ולמען נסתך להיטבך באחריתך׃

  • דב׳ 9:7-8
    2 פסוקים
    75%

    7זכר אל תשכח את אשר הקצפת את יהוה אלהיך במדבר למן היום אשר יצאת מארץ מצרים עד באכם עד המקום הזה ממרים הייתם עם יהוה׃

    8ובחרב הקצפתם את יהוה ויתאנף יהוה בכם להשמיד אתכם׃

  • יר׳ 2:6
    75%

    6ולא אמרו איה יהוה המעלה אתנו מארץ מצרים המוליך אתנו במדבר בארץ ערבה ושוחה בארץ ציה וצלמות בארץ לא עבר בה איש ולא ישב אדם שם׃

  • דב׳ 1:27
    75%

    27ותרגנו באהליכם ותאמרו בשנאת יהוה אתנו הוציאנו מארץ מצרים לתת אתנו ביד האמרי להשמידנו׃

  • שופ׳ 11:16
    75%

    16כי בעלותם ממצרים וילך ישראל במדבר עד ים סוף ויבא קדשה׃

  • דב׳ 8:2
    74%

    2וזכרת את כל הדרך אשר הליכך יהוה אלהיך זה ארבעים שנה במדבר למען ענתך לנסתך לדעת את אשר בלבבך התשמר מצותו אם לא׃

  • דב׳ 29:5
    74%

    5ואולך אתכם ארבעים שנה במדבר לא בלו שלמתיכם מעליכם ונעלך לא בלתה מעל רגלך׃

  • עמ׳ 2:10
    74%

    10ואנכי העליתי אתכם מארץ מצרים ואולך אתכם במדבר ארבעים שנה לרשת את ארץ האמרי׃

  • שמ׳ 14:11
    74%

    11ויאמרו אל משה המבלי אין קברים במצרים לקחתנו למות במדבר מה זאת עשית לנו להוציאנו ממצרים׃

  • יהוש׳ 4:23
    74%

    23אשר הוביש יהוה אלהיכם את מי הירדן מפניכם עד עברכם כאשר עשה יהוה אלהיכם לים סוף אשר הוביש מפנינו עד עברנו׃

  • דב׳ 4:34
    74%

    34או הנסה אלהים לבוא לקחת לו גוי מקרב גוי במסת באתת ובמופתים ובמלחמה וביד חזקה ובזרוע נטויה ובמוראים גדלים ככל אשר עשה לכם יהוה אלהיכם במצרים לעיניך׃

  • עמ׳ 5:25
    74%

    25הזבחים ומנחה הגשתם לי במדבר ארבעים שנה בית ישראל׃

  • דב׳ 25:17
    73%

    17זכור את אשר עשה לך עמלק בדרך בצאתכם ממצרים׃

  • דב׳ 9:22-23
    2 פסוקים
    73%

    22ובתבערה ובמסה ובקברת התאוה מקצפים הייתם את יהוה׃

    23ובשלח יהוה אתכם מקדש ברנע לאמר עלו ורשו את הארץ אשר נתתי לכם ותמרו את פי יהוה אלהיכם ולא האמנתם לו ולא שמעתם בקלו׃

  • נח׳ 9:11
    73%

    11והים בקעת לפניהם ויעברו בתוך הים ביבשה ואת רדפיהם השלכת במצולת כמו אבן במים עזים׃

  • דב׳ 29:2
    73%

    2ויקרא משה אל כל ישראל ויאמר אלהם אתם ראיתם את כל אשר עשה יהוה לעיניכם בארץ מצרים לפרעה ולכל עבדיו ולכל ארצו׃

  • במ׳ 20:4
    73%

    4ולמה הבאתם את קהל יהוה אל המדבר הזה למות שם אנחנו ובעירנו׃

  • שמ׳ 15:12
    73%

    12נטית ימינך תבלעמו ארץ׃

  • נח׳ 9:15
    73%

    15ולחם משמים נתתה להם לרעבם ומים מסלע הוצאת להם לצמאם ותאמר להם לבוא לרשת את הארץ אשר נשאת את ידך לתת להם׃

  • דב׳ 4:20
    73%

    20ואתכם לקח יהוה ויוצא אתכם מכור הברזל ממצרים להיות לו לעם נחלה כיום הזה׃

  • שופ׳ 6:9
    73%

    9ואצל אתכם מיד מצרים ומיד כל לחציכם ואגרש אותם מפניכם ואתנה לכם את ארצם׃

  • מע״ש 7:36
    73%

    36והוא הוציאם ויעש אתות ומפתים בארץ מצרים ובים סוף ובמדבר ארבעים שנה׃

  • דב׳ 5:5
    73%

    5אנכי עמד בין יהוה וביניכם בעת ההוא להגיד לכם את דבר יהוה כי יראתם מפני האש ולא עליתם בהר לאמר׃

  • דב׳ 29:16
    73%

    16כי אתם ידעתם את אשר ישבנו בארץ מצרים ואת אשר עברנו בקרב הגוים אשר עברתם׃

  • דב׳ 2:15
    73%

    15וגם יד יהוה היתה בם להמם מקרב המחנה עד תמם׃

  • דב׳ 9:28
    72%

    28פן יאמרו הארץ אשר הוצאתנו משם מבלי יכלת יהוה להביאם אל הארץ אשר דבר להם ומשנאתו אותם הוציאם להמתם במדבר׃

  • דב׳ 26:9
    72%

    9ויבאנו אל המקום הזה ויתן לנו את הארץ הזאת ארץ זבת חלב ודבש׃

  • דב׳ 2:7
    72%

    7כי יהוה אלהיך ברכך בכל מעשה ידך ידע לכתך את המדבר הגדל הזה זה ארבעים שנה יהוה אלהיך עמך לא חסרת דבר׃

  • במ׳ 14:26
    72%

    26וידבר יהוה אל משה ואל אהרן לאמר׃

  • יהוש׳ 5:6
    72%

    6כי ארבעים שנה הלכו בני ישראל במדבר עד תם כל הגוי אנשי המלחמה היצאים ממצרים אשר לא שמעו בקול יהוה אשר נשבע יהוה להם לבלתי הראותם את הארץ אשר נשבע יהוה לאבותם לתת לנו ארץ זבת חלב ודבש׃

  • נח׳ 9:21
    72%

    21וארבעים שנה כלכלתם במדבר לא חסרו שלמתיהם לא בלו ורגליהם לא בצקו׃

  • דב׳ 29:7
    72%

    7ותבאו אל המקום הזה ויצא סיחן מלך חשבון ועוג מלך הבשן לקראתנו למלחמה ונכם׃