דברים 15:2

תנ ך עברי מודרני

וזה דבר השמטה שמוט כל בעל משה ידו אשר ישה ברעהו לא יגש את רעהו ואת אחיו כי קרא שמטה ליהוה׃

משאבים נוספים

פסוקים מקושרים

  • נח׳ 5:7-9 : 7 וימלך לבי עלי ואריבה את החרים ואת הסגנים ואמרה להם משא איש באחיו אתם נשאים ואתן עליהם קהלה גדולה׃ 8 ואמרה להם אנחנו קנינו את אחינו היהודים הנמכרים לגוים כדי בנו וגם אתם תמכרו את אחיכם ונמכרו לנו ויחרישו ולא מצאו דבר׃ 9 ויאמר לא טוב הדבר אשר אתם עשים הלוא ביראת אלהינו תלכו מחרפת הגוים אויבינו׃ 10 וגם אני אחי ונערי נשים בהם כסף ודגן נעזבה נא את המשא הזה׃ 11 השיבו נא להם כהיום שדתיהם כרמיהם זיתיהם ובתיהם ומאת הכסף והדגן התירוש והיצהר אשר אתם נשים בהם׃
  • יש׳ 58:3 : 3 למה צמנו ולא ראית ענינו נפשנו ולא תדע הן ביום צמכם תמצאו חפץ וכל עצביכם תנגשו׃
  • עמ׳ 8:4-6 : 4 שמעו זאת השאפים אביון ולשבית ענוי ארץ׃ 5 לאמר מתי יעבר החדש ונשבירה שבר והשבת ונפתחה בר להקטין איפה ולהגדיל שקל ולעות מאזני מרמה׃ 6 לקנות בכסף דלים ואביון בעבור נעלים ומפל בר נשביר׃
  • מתי 6:12 : 12 וסלח לנו את חבותינו כאשר סלחנו גם אנחנו לחיבינו׃
  • מתי 6:14-15 : 14 כי אם תסלחו לבני אדם את חטאתם אביכם שבשמים יסלח גם לכם׃ 15 ואם לא תסלחו לבני אדם גם אביכם לא יסלח לכם את חטאתיכם׃
  • מתי 18:25-35 : 25 ולא היה לו לשלם ויצו אדניו למכר אותו ואת אשתו ואת בניו ואת כל אשר לו וכן ישלם׃ 26 ויפל העבד וישתחו לו לאמר אדני הארך לי אפך ואת כל אשלמה לך׃ 27 ויהמו רחמי אדוני העבד ההוא ויפטרהו וישמט לו את החוב׃ 28 ויצא העבד ההוא מלפניו וימצא אחד מחבריו העבדים והוא חיב לו מאה דינרים ויחזק בו ויחנקהו לאמר שלם את אשר אתה חיב לי׃ 29 ויפל חברו לפני רגליו ויבקש ממנו לאמר הארך לי אפך ואשלמה לך הכל׃ 30 והוא מאן וילך וישליכהו במשמר עד כי ישלם לו את חובו׃ 31 וחבריו העבדים ראו את הנעשה ויעצבו מאד ויבאו ויגידו לאדניהם את כל אשר נעשה׃ 32 ויקרא אליו אדניו ויאמר לו אתה העבד הרע את כל החוב ההוא השמטתי לך יען אשר בקשת ממני׃ 33 הלא היה לך גם אתה לרחם על העבד חברך כאשר רחמתי אני עליך׃ 34 ויקצף אדניו ויסגר אותו למיסרים עד כי ישלם את כל חובו׃ 35 ככה יעשה לכם גם אבי שבשמים אם לא תסלחו איש איש לאחיו בכל לבבכם את חטאתם׃
  • לוק 6:34-38 : 34 ואם תלוו את האנשים אשר תקוו לקבל מהם מה הוא חסדכם גם החטאים מלוים את החטאים למען יושב להם בשוה׃ 35 אבל אהבו את איביכם והיטיבו והלוו מבלי תוחלת ויהי שכרכם רב והייתם בני עליון כי טוב הוא גם לשכחי טובה ולרעים׃ 36 לכן היו רחמנים כאשר גם אביכם רחום הוא׃ 37 ואל תשפטו ולא תשפטו אל תחיבו ולא תחיבו נקו ותנקו׃ 38 תנו ותנתן לכם מדה טובה דחוקה וגדושה ומשפעה יתנו אל חיקכם כי במדה אשר אתם מודדים בה ימד לכם׃
  • לוק 7:42 : 42 ויהי באשר לא השיגה ידם לשלם וישמט את שניהם ועתה אמר נא מי משניהם ירבה לאהבה אתו׃
  • יעק׳ 2:13 : 13 כי אין חסד בדין לאשר לא עשה חסד והחסד יתגאה על הדין׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • דב׳ 15:1
    91%

    1¶ מקץ שבע שנים תעשה שמטה׃

  • דב׳ 15:3
    88%

    3את הנכרי תגש ואשר יהיה לך את אחיך תשמט ידך׃

  • דב׳ 15:7-15
    9 פסוקים
    78%

    7כי יהיה בך אביון מאחד אחיך באחד שעריך בארצך אשר יהוה אלהיך נתן לך לא תאמץ את לבבך ולא תקפץ את ידך מאחיך האביון׃

    8כי פתח תפתח את ידך לו והעבט תעביטנו די מחסרו אשר יחסר לו׃

    9השמר לך פן יהיה דבר עם לבבך בליעל לאמר קרבה שנת השבע שנת השמטה ורעה עינך באחיך האביון ולא תתן לו וקרא עליך אל יהוה והיה בך חטא׃

    10נתון תתן לו ולא ירע לבבך בתתך לו כי בגלל הדבר הזה יברכך יהוה אלהיך בכל מעשך ובכל משלח ידך׃

    11כי לא יחדל אביון מקרב הארץ על כן אנכי מצוך לאמר פתח תפתח את ידך לאחיך לעניך ולאבינך בארצך׃

    12כי ימכר לך אחיך העברי או העבריה ועבדך שש שנים ובשנה השביעת תשלחנו חפשי מעמך׃

    13וכי תשלחנו חפשי מעמך לא תשלחנו ריקם׃

    14העניק תעניק לו מצאנך ומגרנך ומיקבך אשר ברכך יהוה אלהיך תתן לו׃

    15וזכרת כי עבד היית בארץ מצרים ויפדך יהוה אלהיך על כן אנכי מצוך את הדבר הזה היום׃

  • יר׳ 34:14-15
    2 פסוקים
    78%

    14מקץ שבע שנים תשלחו איש את אחיו העברי אשר ימכר לך ועבדך שש שנים ושלחתו חפשי מעמך ולא שמעו אבותיכם אלי ולא הטו את אזנם׃

    15ותשבו אתם היום ותעשו את הישר בעיני לקרא דרור איש לרעהו ותכרתו ברית לפני בבית אשר נקרא שמי עליו׃

  • שמ׳ 22:25-26
    2 פסוקים
    75%

    25אם כסף תלוה את עמי את העני עמך לא תהיה לו כנשה לא תשימון עליו נשך׃

    26אם חבל תחבל שלמת רעך עד בא השמש תשיבנו לו׃

  • ויק׳ 25:39-40
    2 פסוקים
    74%

    39וכי ימוך אחיך עמך ונמכר לך לא תעבד בו עבדת עבד׃

    40כשכיר כתושב יהיה עמך עד שנת היבל יעבד עמך׃

  • יר׳ 34:9
    74%

    9לשלח איש את עבדו ואיש את שפחתו העברי והעבריה חפשים לבלתי עבד בם ביהודי אחיהו איש׃

  • ויק׳ 25:13-15
    3 פסוקים
    74%

    13בשנת היובל הזאת תשבו איש אל אחזתו׃

    14וכי תמכרו ממכר לעמיתך או קנה מיד עמיתך אל תונו איש את אחיו׃

    15במספר שנים אחר היובל תקנה מאת עמיתך במספר שני תבואת ימכר לך׃

  • דב׳ 24:10-15
    6 פסוקים
    73%

    10כי תשה ברעך משאת מאומה לא תבא אל ביתו לעבט עבטו׃

    11בחוץ תעמד והאיש אשר אתה נשה בו יוציא אליך את העבוט החוצה׃

    12ואם איש עני הוא לא תשכב בעבטו׃

    13השב תשיב לו את העבוט כבא השמש ושכב בשלמתו וברכך ולך תהיה צדקה לפני יהוה אלהיך׃

    14לא תעשק שכיר עני ואביון מאחיך או מגרך אשר בארצך בשעריך׃

    15ביומו תתן שכרו ולא תבוא עליו השמש כי עני הוא ואליו הוא נשא את נפשו ולא יקרא עליך אל יהוה והיה בך חטא׃

  • ויק׳ 25:10
    73%

    10וקדשתם את שנת החמשים שנה וקראתם דרור בארץ לכל ישביה יובל הוא תהיה לכם ושבתם איש אל אחזתו ואיש אל משפחתו תשבו׃

  • ויק׳ 25:24-28
    5 פסוקים
    73%

    24ובכל ארץ אחזתכם גאלה תתנו לארץ׃

    25כי ימוך אחיך ומכר מאחזתו ובא גאלו הקרב אליו וגאל את ממכר אחיו׃

    26ואיש כי לא יהיה לו גאל והשיגה ידו ומצא כדי גאלתו׃

    27וחשב את שני ממכרו והשיב את העדף לאיש אשר מכר לו ושב לאחזתו׃

    28ואם לא מצאה ידו די השיב לו והיה ממכרו ביד הקנה אתו עד שנת היובל ויצא ביבל ושב לאחזתו׃

  • דב׳ 23:19-20
    2 פסוקים
    73%

    19לא תשיך לאחיך נשך כסף נשך אכל נשך כל דבר אשר ישך׃

    20לנכרי תשיך ולאחיך לא תשיך למען יברכך יהוה אלהיך בכל משלח ידך על הארץ אשר אתה בא שמה לרשתה׃

  • ויק׳ 25:35-37
    3 פסוקים
    73%

    35וכי ימוך אחיך ומטה ידו עמך והחזקת בו גר ותושב וחי עמך׃

    36אל תקח מאתו נשך ותרבית ויראת מאלהיך וחי אחיך עמך׃

    37את כספך לא תתן לו בנשך ובמרבית לא תתן אכלך׃

  • שמ׳ 21:2
    72%

    2כי תקנה עבד עברי שש שנים יעבד ובשבעת יצא לחפשי חנם׃

  • נח׳ 5:10
    72%

    10וגם אני אחי ונערי נשים בהם כסף ודגן נעזבה נא את המשא הזה׃

  • ויק׳ 25:52
    71%

    52ואם מעט נשאר בשנים עד שנת היבל וחשב לו כפי שניו ישיב את גאלתו׃

  • ויק׳ 25:54
    71%

    54ואם לא יגאל באלה ויצא בשנת היבל הוא ובניו עמו׃

  • דב׳ 31:10
    71%

    10ויצו משה אותם לאמר מקץ שבע שנים במעד שנת השמטה בחג הסכות׃

  • דב׳ 15:18
    71%

    18לא יקשה בעינך בשלחך אתו חפשי מעמך כי משנה שכר שכיר עבדך שש שנים וברכך יהוה אלהיך בכל אשר תעשה׃

  • שמ׳ 23:11
    71%

    11והשביעת תשמטנה ונטשתה ואכלו אביני עמך ויתרם תאכל חית השדה כן תעשה לכרמך לזיתך׃

  • מתי 18:27
    71%

    27ויהמו רחמי אדוני העבד ההוא ויפטרהו וישמט לו את החוב׃

  • ויק׳ 25:4-5
    2 פסוקים
    70%

    4ובשנה השביעת שבת שבתון יהיה לארץ שבת ליהוה שדך לא תזרע וכרמך לא תזמר׃

    5את ספיח קצירך לא תקצור ואת ענבי נזירך לא תבצר שנת שבתון יהיה לארץ׃

  • נח׳ 10:31
    70%

    31ועמי הארץ המביאים את המקחות וכל שבר ביום השבת למכור לא נקח מהם בשבת וביום קדש ונטש את השנה השביעית ומשא כל יד׃

  • ויק׳ 25:31
    70%

    31ובתי החצרים אשר אין להם חמה סביב על שדה הארץ יחשב גאלה תהיה לו וביבל יצא׃