דברים 21:14

תנ ך עברי מודרני

והיה אם לא חפצת בה ושלחתה לנפשה ומכר לא תמכרנה בכסף לא תתעמר בה תחת אשר עניתה׃

משאבים נוספים

פסוקים מקושרים

  • בר׳ 34:2 : 2 וירא אתה שכם בן חמור החוי נשיא הארץ ויקח אתה וישכב אתה ויענה׃
  • דב׳ 22:19 : 19 וענשו אתו מאה כסף ונתנו לאבי הנערה כי הוציא שם רע על בתולת ישראל ולו תהיה לאשה לא יוכל לשלחה כל ימיו׃
  • דב׳ 22:24 : 24 והוצאתם את שניהם אל שער העיר ההוא וסקלתם אתם באבנים ומתו את הנער על דבר אשר לא צעקה בעיר ואת האיש על דבר אשר ענה את אשת רעהו ובערת הרע מקרבך׃
  • דב׳ 22:29 : 29 ונתן האיש השכב עמה לאבי הנער חמשים כסף ולו תהיה לאשה תחת אשר ענה לא יוכל שלחה כל ימיו׃
  • שופ׳ 19:24 : 24 הנה בתי הבתולה ופילגשהו אוציאה נא אותם וענו אותם ועשו להם הטוב בעיניכם ולאיש הזה לא תעשו דבר הנבלה הזאת׃
  • שמ׳ 21:7-9 : 7 וכי ימכר איש את בתו לאמה לא תצא כצאת העבדים׃ 8 אם רעה בעיני אדניה אשר לא יעדה והפדה לעם נכרי לא ימשל למכרה בבגדו בה׃ 9 ואם לבנו ייעדנה כמשפט הבנות יעשה לה׃ 10 אם אחרת יקח לו שארה כסותה וענתה לא יגרע׃ 11 ואם שלש אלה לא יעשה לה ויצאה חנם אין כסף׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • שמ׳ 21:7-11
    5 פסוקים
    82%

    7וכי ימכר איש את בתו לאמה לא תצא כצאת העבדים׃

    8אם רעה בעיני אדניה אשר לא יעדה והפדה לעם נכרי לא ימשל למכרה בבגדו בה׃

    9ואם לבנו ייעדנה כמשפט הבנות יעשה לה׃

    10אם אחרת יקח לו שארה כסותה וענתה לא יגרע׃

    11ואם שלש אלה לא יעשה לה ויצאה חנם אין כסף׃

  • דב׳ 21:10-13
    4 פסוקים
    81%

    10כי תצא למלחמה על איביך ונתנו יהוה אלהיך בידך ושבית שביו׃

    11וראית בשביה אשת יפת תאר וחשקת בה ולקחת לך לאשה׃

    12והבאתה אל תוך ביתך וגלחה את ראשה ועשתה את צפרניה׃

    13והסירה את שמלת שביה מעליה וישבה בביתך ובכתה את אביה ואת אמה ירח ימים ואחר כן תבוא אליה ובעלתה והיתה לך לאשה׃

  • דב׳ 22:28-29
    2 פסוקים
    76%

    28כי ימצא איש נער בתולה אשר לא ארשה ותפשה ושכב עמה ונמצאו׃

    29ונתן האיש השכב עמה לאבי הנער חמשים כסף ולו תהיה לאשה תחת אשר ענה לא יוכל שלחה כל ימיו׃

  • שמ׳ 21:2-5
    4 פסוקים
    76%

    2כי תקנה עבד עברי שש שנים יעבד ובשבעת יצא לחפשי חנם׃

    3אם בגפו יבא בגפו יצא אם בעל אשה הוא ויצאה אשתו עמו׃

    4אם אדניו יתן לו אשה וילדה לו בנים או בנות האשה וילדיה תהיה לאדניה והוא יצא בגפו׃

    5ואם אמר יאמר העבד אהבתי את אדני את אשתי ואת בני לא אצא חפשי׃

  • דב׳ 15:12-13
    2 פסוקים
    76%

    12כי ימכר לך אחיך העברי או העבריה ועבדך שש שנים ובשנה השביעת תשלחנו חפשי מעמך׃

    13וכי תשלחנו חפשי מעמך לא תשלחנו ריקם׃

  • ויק׳ 19:20
    75%

    20ואיש כי ישכב את אשה שכבת זרע והוא שפחה נחרפת לאיש והפדה לא נפדתה או חפשה לא נתן לה בקרת תהיה לא יומתו כי לא חפשה׃

  • שמ׳ 22:16-17
    2 פסוקים
    74%

    16וכי יפתה איש בתולה אשר לא ארשה ושכב עמה מהר ימהרנה לו לאשה׃

    17אם מאן ימאן אביה לתתה לו כסף ישקל כמהר הבתולת׃

  • דב׳ 22:13-14
    2 פסוקים
    74%

    13כי יקח איש אשה ובא אליה ושנאה׃

    14ושם לה עלילת דברים והוציא עליה שם רע ואמר את האשה הזאת לקחתי ואקרב אליה ולא מצאתי לה בתולים׃

  • דב׳ 24:1-4
    4 פסוקים
    73%

    1¶ כי יקח איש אשה ובעלה והיה אם לא תמצא חן בעיניו כי מצא בה ערות דבר וכתב לה ספר כריתת ונתן בידה ושלחה מביתו׃

    2ויצאה מביתו והלכה והיתה לאיש אחר׃

    3ושנאה האיש האחרון וכתב לה ספר כריתת ונתן בידה ושלחה מביתו או כי ימות האיש האחרון אשר לקחה לו לאשה׃

    4לא יוכל בעלה הראשון אשר שלחה לשוב לקחתה להיות לו לאשה אחרי אשר הטמאה כי תועבה הוא לפני יהוה ולא תחטיא את הארץ אשר יהוה אלהיך נתן לך נחלה׃

  • הוש׳ 3:2-3
    2 פסוקים
    73%

    2ואכרה לי בחמשה עשר כסף וחמר שערים ולתך שערים׃

    3ואמר אליה ימים רבים תשבי לי לא תזני ולא תהיי לאיש וגם אני אליך׃

  • דב׳ 21:15
    73%

    15כי תהיין לאיש שתי נשים האחת אהובה והאחת שנואה וילדו לו בנים האהובה והשנואה והיה הבן הבכור לשניאה׃

  • דב׳ 22:19-21
    3 פסוקים
    72%

    19וענשו אתו מאה כסף ונתנו לאבי הנערה כי הוציא שם רע על בתולת ישראל ולו תהיה לאשה לא יוכל לשלחה כל ימיו׃

    20ואם אמת היה הדבר הזה לא נמצאו בתולים לנער׃

    21והוציאו את הנער אל פתח בית אביה וסקלוה אנשי עירה באבנים ומתה כי עשתה נבלה בישראל לזנות בית אביה ובערת הרע מקרבך׃

  • יר׳ 34:14
    72%

    14מקץ שבע שנים תשלחו איש את אחיו העברי אשר ימכר לך ועבדך שש שנים ושלחתו חפשי מעמך ולא שמעו אבותיכם אלי ולא הטו את אזנם׃

  • דב׳ 22:24
    72%

    24והוצאתם את שניהם אל שער העיר ההוא וסקלתם אתם באבנים ומתו את הנער על דבר אשר לא צעקה בעיר ואת האיש על דבר אשר ענה את אשת רעהו ובערת הרע מקרבך׃

  • דב׳ 15:16-18
    3 פסוקים
    72%

    16והיה כי יאמר אליך לא אצא מעמך כי אהבך ואת ביתך כי טוב לו עמך׃

    17ולקחת את המרצע ונתתה באזנו ובדלת והיה לך עבד עולם ואף לאמתך תעשה כן׃

    18לא יקשה בעינך בשלחך אתו חפשי מעמך כי משנה שכר שכיר עבדך שש שנים וברכך יהוה אלהיך בכל אשר תעשה׃

  • ויק׳ 25:39
    72%

    39וכי ימוך אחיך עמך ונמכר לך לא תעבד בו עבדת עבד׃

  • ויק׳ 25:44
    71%

    44ועבדך ואמתך אשר יהיו לך מאת הגוים אשר סביבתיכם מהם תקנו עבד ואמה׃

  • דב׳ 28:30
    71%

    30אשה תארש ואיש אחר ישגלנה בית תבנה ולא תשב בו כרם תטע ולא תחללנו׃

  • במ׳ 30:5-6
    2 פסוקים
    71%

    5ואם הניא אביה אתה ביום שמעו כל נדריה ואסריה אשר אסרה על נפשה לא יקום ויהוה יסלח לה כי הניא אביה אתה׃

    6ואם היו תהיה לאיש ונדריה עליה או מבטא שפתיה אשר אסרה על נפשה׃

  • שמ׳ 21:26
    70%

    26וכי יכה איש את עין עבדו או את עין אמתו ושחתה לחפשי ישלחנו תחת עינו׃

  • בר׳ 24:8
    70%

    8ואם לא תאבה האשה ללכת אחריך ונקית משבעתי זאת רק את בני לא תשב שמה׃

  • שמ׳ 21:21
    70%

    21אך אם יום או יומים יעמד לא יקם כי כספו הוא׃

  • ויק׳ 21:14
    70%

    14אלמנה וגרושה וחללה זנה את אלה לא יקח כי אם בתולה מעמיו יקח אשה׃

  • דב׳ 22:26
    69%

    26ולנער לא תעשה דבר אין לנער חטא מות כי כאשר יקום איש על רעהו ורצחו נפש כן הדבר הזה׃

  • במ׳ 30:8
    69%

    8ואם ביום שמע אישה יניא אותה והפר את נדרה אשר עליה ואת מבטא שפתיה אשר אסרה על נפשה ויהוה יסלח לה׃

  • במ׳ 30:11
    69%

    11ושמע אישה והחרש לה לא הניא אתה וקמו כל נדריה וכל אסר אשר אסרה על נפשה יקום׃

  • ויק׳ 25:14
    69%

    14וכי תמכרו ממכר לעמיתך או קנה מיד עמיתך אל תונו איש את אחיו׃