במדבר 30:5

תנ ך עברי מודרני

ואם הניא אביה אתה ביום שמעו כל נדריה ואסריה אשר אסרה על נפשה לא יקום ויהוה יסלח לה כי הניא אביה אתה׃

משאבים נוספים

פסוקים מקושרים

  • הוש׳ 6:6 : 6 כי חסד חפצתי ולא זבח ודעת אלהים מעלות׃
  • מתי 15:4-6 : 4 כי אלהים צוה לאמר כבד את אביך ואת אמך ומקלל אביו ואמו מות יומת׃ 5 ואתם אמרים האמר לאביו ולאמו קרבן כל מה שאתה נהנה לי אין עליו לכבד את אביו ואת אמו׃ 6 ותפרו את דבר האלהים בעבור קבלתכם׃
  • מרק 7:10-13 : 10 כי משה אמר כבד את אביך ואת אמך ומקלל אביו ואמו מות יומת׃ 11 ואתם אמרים איש כי יאמר לאביו ולאמו קרבן פרושו מתנה לאלהים כל מה שאתה נהנה לי׃ 12 ולא תניחו לו לעשות עוד מאומה לאביו ולאמו׃ 13 ותפרו את דבר האלהים על ידי קבלתכם אשר קבלתם והרבה כאלה אתם עשים׃
  • אפס 6:1 : 1 ¶ שמעו בנים אל הוריכם באדנינו כי ארח ישר הוא׃

פסוקים דומים (AI)

פסוקים אלה נמצאו באמצעות דמיון סמנטי מבוסס AI לפי משמעות והקשר. לעיתים עשויות להופיע זיקות בלתי צפויות.

  • במ׳ 30:2-4
    3 פסוקים
    89%

    2איש כי ידר נדר ליהוה או השבע שבעה לאסר אסר על נפשו לא יחל דברו ככל היצא מפיו יעשה׃

    3ואשה כי תדר נדר ליהוה ואסרה אסר בבית אביה בנעריה׃

    4ושמע אביה את נדרה ואסרה אשר אסרה על נפשה והחריש לה אביה וקמו כל נדריה וכל אסר אשר אסרה על נפשה יקום׃

  • במ׳ 30:6-16
    11 פסוקים
    88%

    6ואם היו תהיה לאיש ונדריה עליה או מבטא שפתיה אשר אסרה על נפשה׃

    7ושמע אישה ביום שמעו והחריש לה וקמו נדריה ואסרה אשר אסרה על נפשה יקמו׃

    8ואם ביום שמע אישה יניא אותה והפר את נדרה אשר עליה ואת מבטא שפתיה אשר אסרה על נפשה ויהוה יסלח לה׃

    9ונדר אלמנה וגרושה כל אשר אסרה על נפשה יקום עליה׃

    10ואם בית אישה נדרה או אסרה אסר על נפשה בשבעה׃

    11ושמע אישה והחרש לה לא הניא אתה וקמו כל נדריה וכל אסר אשר אסרה על נפשה יקום׃

    12ואם הפר יפר אתם אישה ביום שמעו כל מוצא שפתיה לנדריה ולאסר נפשה לא יקום אישה הפרם ויהוה יסלח לה׃

    13כל נדר וכל שבעת אסר לענת נפש אישה יקימנו ואישה יפרנו׃

    14ואם החרש יחריש לה אישה מיום אל יום והקים את כל נדריה או את כל אסריה אשר עליה הקים אתם כי החרש לה ביום שמעו׃

    15ואם הפר יפר אתם אחרי שמעו ונשא את עונה׃

    16אלה החקים אשר צוה יהוה את משה בין איש לאשתו בין אב לבתו בנעריה בית אביה׃

  • שמ׳ 22:17
    76%

    17אם מאן ימאן אביה לתתה לו כסף ישקל כמהר הבתולת׃

  • דב׳ 22:19-21
    3 פסוקים
    72%

    19וענשו אתו מאה כסף ונתנו לאבי הנערה כי הוציא שם רע על בתולת ישראל ולו תהיה לאשה לא יוכל לשלחה כל ימיו׃

    20ואם אמת היה הדבר הזה לא נמצאו בתולים לנער׃

    21והוציאו את הנער אל פתח בית אביה וסקלוה אנשי עירה באבנים ומתה כי עשתה נבלה בישראל לזנות בית אביה ובערת הרע מקרבך׃

  • שמ׳ 21:7-11
    5 פסוקים
    71%

    7וכי ימכר איש את בתו לאמה לא תצא כצאת העבדים׃

    8אם רעה בעיני אדניה אשר לא יעדה והפדה לעם נכרי לא ימשל למכרה בבגדו בה׃

    9ואם לבנו ייעדנה כמשפט הבנות יעשה לה׃

    10אם אחרת יקח לו שארה כסותה וענתה לא יגרע׃

    11ואם שלש אלה לא יעשה לה ויצאה חנם אין כסף׃

  • דב׳ 21:13-14
    2 פסוקים
    70%

    13והסירה את שמלת שביה מעליה וישבה בביתך ובכתה את אביה ואת אמה ירח ימים ואחר כן תבוא אליה ובעלתה והיתה לך לאשה׃

    14והיה אם לא חפצת בה ושלחתה לנפשה ומכר לא תמכרנה בכסף לא תתעמר בה תחת אשר עניתה׃

  • דב׳ 23:22
    69%

    22וכי תחדל לנדר לא יהיה בך חטא׃

  • דב׳ 22:29-30
    2 פסוקים
    69%

    29ונתן האיש השכב עמה לאבי הנער חמשים כסף ולו תהיה לאשה תחת אשר ענה לא יוכל שלחה כל ימיו׃

    30לא יקח איש את אשת אביו ולא יגלה כנף אביו׃

  • דב׳ 22:14-17
    4 פסוקים
    69%

    14ושם לה עלילת דברים והוציא עליה שם רע ואמר את האשה הזאת לקחתי ואקרב אליה ולא מצאתי לה בתולים׃

    15ולקח אבי הנער ואמה והוציאו את בתולי הנער אל זקני העיר השערה׃

    16ואמר אבי הנער אל הזקנים את בתי נתתי לאיש הזה לאשה וישנאה׃

    17והנה הוא שם עלילת דברים לאמר לא מצאתי לבתך בתולים ואלה בתולי בתי ופרשו השמלה לפני זקני העיר׃

  • שופ׳ 11:35-37
    3 פסוקים
    68%

    35ויהי כראותו אותה ויקרע את בגדיו ויאמר אהה בתי הכרע הכרעתני ואת היית בעכרי ואנכי פציתי פי אל יהוה ולא אוכל לשוב׃

    36ותאמר אליו אבי פציתה את פיך אל יהוה עשה לי כאשר יצא מפיך אחרי אשר עשה לך יהוה נקמות מאיביך מבני עמון׃

    37ותאמר אל אביה יעשה לי הדבר הזה הרפה ממני שנים חדשים ואלכה וירדתי על ההרים ואבכה על בתולי אנכי ורעיתי׃

  • במ׳ 5:27-28
    2 פסוקים
    68%

    27והשקה את המים והיתה אם נטמאה ותמעל מעל באישה ובאו בה המים המאררים למרים וצבתה בטנה ונפלה ירכה והיתה האשה לאלה בקרב עמה׃

    28ואם לא נטמאה האשה וטהרה הוא ונקתה ונזרעה זרע׃

  • בר׳ 24:8
    67%

    8ואם לא תאבה האשה ללכת אחריך ונקית משבעתי זאת רק את בני לא תשב שמה׃

  • במ׳ 5:31
    67%

    31ונקה האיש מעון והאשה ההוא תשא את עונה׃

  • ויק׳ 22:12-13
    2 פסוקים
    67%

    12ובת כהן כי תהיה לאיש זר הוא בתרומת הקדשים לא תאכל׃

    13ובת כהן כי תהיה אלמנה וגרושה וזרע אין לה ושבה אל בית אביה כנעוריה מלחם אביה תאכל וכל זר לא יאכל בו׃

  • קור״א 7:36-37
    2 פסוקים
    67%

    36וכי יחשב איש למעשה שלא כהגן לבתולתו אם תעבר פרקה ודבר חובה הוא אז יעשה כאשר עם לבבו איננו חוטא ישיאנה׃

    37ומי שהוא נכון בלבו ואיננו מכרח ויוכל לעשות כרצונו ויגמר זאת בלבו לשמר את בתולתו טוב עשה׃

  • תה׳ 45:10
    67%

    10שמעי בת וראי והטי אזנך ושכחי עמך ובית אביך׃

  • דב׳ 25:8
    67%

    8וקראו לו זקני עירו ודברו אליו ועמד ואמר לא חפצתי לקחתה׃

  • במ׳ 5:19-20
    2 פסוקים
    66%

    19והשביע אתה הכהן ואמר אל האשה אם לא שכב איש אתך ואם לא שטית טמאה תחת אישך הנקי ממי המרים המאררים האלה׃

    20ואת כי שטית תחת אישך וכי נטמאת ויתן איש בך את שכבתו מבלעדי אישך׃

  • שופ׳ 11:39
    66%

    39ויהי מקץ שנים חדשים ותשב אל אביה ויעש לה את נדרו אשר נדר והיא לא ידעה איש ותהי חק בישראל׃

  • קה׳ 5:5
    66%

    5טוב אשר לא תדר משתדור ולא תשלם׃

  • מש׳ 2:17
    66%

    17העזבת אלוף נעוריה ואת ברית אלהיה שכחה׃